OLAC Record oai:paradisec.org.au:KK1-2160

Metadata
Title:		Shabrang jahkrai kasha (Young orphan)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Lahpai Htu Ra (speaker), 2017. Shabrang jahkrai kasha (Young orphan). X-WAV/MPEG/XML. KK1-2160 at catalog.paradisec.org.au. https://dx.doi.org/10.26278/5fa175c482e32
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Lahpai Htu Ra
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-04-13
Date Created (W3CDTF):		2017-04-13
Description:		Transcription (Htu Bu) E, ya ngai hkai na maumwi gaw Jahkrai, kanu kawa mung n lu ai, Jahkrai ma shabrang la sha langai a lam re. Moi shawng de kalang mi hta e, kanu kawa n lu ai, Jahkrai ma shingtai langai mi nga ai. Masha ni kadai woi nga tim kadai mung n ra. Kadai woi nga tim kadai mung n ra rai na e, shi gaw yihku wa hkan e nga rai nna e, nam na ashu ashan ni tam sha ai, gyam sha ai, rai na nga ai da. Ndai Jahkrai ma gaw tsawm ma grai tsawm ai da. Ya na prat madang hku nga yang gaw Minta zawn grai tsawm ai raitim mung, shi hpe kadai mung, mahkawn ni gaw ra ai, kanu kawa ni n ra lawm ai. Dai majaw mahkawn ni gaw grai ra, shi le yihku hkan anaw anam hkan yup tim mahkawn ni gaw htaw tsan tsan kaw na shi hpe grai gara hku yup ai, gara hku sha ai, hpa baw sha ai ngu na, grai sa yu ai. Grai, shi hpe grai sa yu nna e, grai jaw sha mayu raitim mung n mai jaw sha ai, n lu jaw sha ai. Bai nhtang mat wa wa re. Dai sa yu ai ni hpe mare masha ni gaw, "Matsan masha dai hpe e kadai ma n la lu na." ngu nna mare masha ni mung dai la Jahkrai kasha dai gaw tsawm ai, re majaw gaw, oh ra wa lu la kau yang mung (lamyaw) dum ndai wa lu la kau yang mung (Myen) dum rai na, yawng hkra gaw kadai n la lu na, ngu na chyu sha amying jahkrat tawn da ai, tara jahkrat tawn kau ai, kata kaw e, la dai gaw dai hku chyu nga nna nga taw ai da. Lani mi na n'htoi hta shi gaw hpaga la langai mi hte e hkrum rai yang gaw dai hpaga la dai gaw lam n chye ai da. Lam, nam de na hpaga la gaw rai nna dam pru wa ai, arung arai hte rai na dam pru wa ai, dai wa she, "E, hkau e nang gara kahtawng kaw na?" ngu na tsun yang, "Ngai ndai kahtawng kaw na ngu nna mung n tsun lu ai law. Ngai gaw kanu kawa n lu ai, Jahkrai shingtai re. Nam kaw sha nga hkawm ai." ngu tsun ai shaloi shi hpe e, kanu kawa n lu ai ngu tsun rai yang gaw, "Nang mare e mung n nga rai jang gaw, ndai lam n chye ai i?" ngu na tsun yang she, "Lam gaw chye ai." ngu na tsun rai jang she, "Ngai hpe lam madun rit. Nang hpe lam madun jahpu ngai jaw na." ngu tsun ai. "Mai ai." ngu na tsun na. Rai jang she, "Byin mai yang gaw nang ngai hte rau hkawm, rau hkawm ga le, ngai woi hkawm na. Ngai karum la na." ngu tsun yang she, dai shabrang la sha mung grai na ra ai hte she "Mai ai law.. nang hpe e kanu kawa zawn she nawn mat ni ai. Nang kam u yaw." ngu na tsun rai she, "Mai ai." ngu na lauban wa hte hkrum rai na wa nna mare, ashe, dai shabrang wa a mare, shi n yup tim shi mare ngu ga, dai mare dai kaw e, du shang wa sai da. Dai "Mare ndai kaw daina ngai yup ra ai." ngu na tsun rai yang she, "Mungga ma hkaw na re." ngu na tsun rai yang she, Ndai la wa gaw dai kaw yup yang she, "Nang gaw, lauban wa e, hpa majaw ndai anhte mare kaw pyi n jashawn ai, matsan kasha ndan re hpe wa me, saw woi nna wa me. Nang saw woi mayu yang nang mare kata kaw na masha hpe saw woi na mung n'nga mi. Ndan san re masha hpe wa mi saw woi na nang gaw, aw hpa baw re ai ka i." ngu yang "Ngai lam n chye ai majaw shi hte lam e hkrum nna lam madun shangun nna ya na zawn rau hkawm ang ai re. Nang mare kaw woi yup ai re." nga "Shi gaw mare e n yup ga ai i?" nga "N yup ai." "N yup ai. Shi hpe anhte le nam de gau kau ai. Gau tawn kau ai re. Shi gaw kanu kawa n lu sai." ngu na tsun ai da. Shaloi gaw ndai la wa gaw, "Aww...kanu kawa n lu ai hpe grau tsawra matsan dum ai baw she rai yang me, gau kau ai nga gaw. Nanhte gau kau tim ngai gaw tsawra ai. Dai majaw ngai, ngai hte e prat tup, num ma la ya na." ngu na she, "Num ma la ya na. Ngai hte rau nga na re. Nanhte n tsang ra ai yaw." ngu na she, la dai hpe e, shabrang dai hpe e woi mat wa rai yang she, nta du rai na hku nga. Nta du re yang, shi kaw gaw ndai makyin jinghku kasha grai tsawm ai, num sha ni nga ai da. Dai she, num sha ni nga rai yang she, la sha dai hpe she, shi hpa galaw tim shi hte rau rau rau woi galaw na she, hpa mung chye gying chye mai ai ma hkra hpe shi hpe sharin sharin sharin sharin di nna Grai kam ram, hpa mung lang shangun yu, hpa mung lang shangun yu, lagu ai, n lagu ai, myit san seng ai, hpraw tsawm nga ai, n hpraw tsawm nga ai, ma hkra ni, ma hkra ni shi hpe e, chyam yu yang she, chyam dat yu yang she, shi grai kam ram ai ma she rai nga ai, ngu na, "Nang hkum garen sa yaw. Na nu na wa ni gara ten si mat ai, nang n chye i?" nga "N chye ai." Nye nu nye wa ni mung nam kaw woi nga na hku rai nga ai." da. Dai majaw ngai, 5, 6 ning kaw na nam kaw rawng ai." da "Namsi namsaw ni sha di sha rai na hpun ndung kaw yup rai nna e sha nngai. No. 1 ngai sha ai gaw Maihpang si law sha nngai." da. "Dai gaw hkru gaw hkru ai." da. "Dai gaw hkru ai. Dan na, dan re, Nat ni mung ganoi noi sha kau ai, raitim ngai n mu hkra, nu yan wa mung si mat tim makawp maga sam ai." da. Dai majaw hpun ndung ntsa kaw yup na chyu sha lai mat wa na ya na zawn shabrang tai wa ai ten du hkra re. Dai majaw mare masha ni ma, ngai dai kahtawng kaw na re, raitim, shanhte n ra ma ai. Pru wa jang pawt wa ma ai. Shanhte kasha ni hpe la na hkrit ma ai. ngu tsun yang she, dai dingla wa, dai lauban wa gaw grai na matsan dum na she, Nlung mawdaw langai mi mari ya na she, gara de mung gawt shangun, gara de mung gawt shangun, gawt shangun rai yang, "Nang ndai nlung mawdaw ndai hpe gawt sa i nga jang gaw, ndai hku na gayet, nang hku na gayet di na e, gawt u. Gawt sa i nga jang e, nang gam rawng yang nang lama ma nang mu, mu chye tam wa na ndai. Shaloi, hpa n mu chye tam tim, ngai nang hpe e ndai nye a jinghku kasha nye shayi sha hte hkung-ran ya na. ngu na "Nye na arung arai mung, ya ngai n si tim, nang hpe ap ai. Nang hpe mung garan ya na." ngu na tsun rai jang she, dai lani mi na n'htoi hta dai lauban wa a nlung mawdaw dai gawt shangun rai yang she, ma ndai gaw hka lu na ngu na rai yang she, hka kaw wa she, lungseng kasha langai mi mu hta ai da. Dai lungseng kasha dai gaw grai tsit tsawm rai taw di she, hta wa na she lauban wa hpe madun yang she, Grai manu dan ai lungseng kaja rai taw jang she, "Nang," lauban wa hpe wa madun jang she, "Ndai gaw, kaning di na? Nang gaw grai gam kaja, na nu yan na wa, nang hpe jaw ai rai sai. Rai yang nang, ndai lungseng ndai hpe e, hpa di, kaning di mayu ai myit jasat rawng ai i?" ngu tsun yang she, "Ngai zawn zawn matsan mayen rai nna, ya ngai hpe n ra bu ai n ju n dawng bu ai kahtawng masha ni hpe nan ngai kasi madun mayu ai. Ngai hpe e, dusat hku shadu ma ai. Dai majaw shanhte hpe e, lama ma yu chyai ai baw mari ya mayu ai.'" nga jang, "Mai sa." ngu na she, Dai mare dai kaw she Nawku jawng langai mi gap ya di na kade mying mung n shakap ai, ndai kaw mying n shakap ai. Mying kade na mying mung n shakap ai." ngu na she, galaw tawn da ya sai da. Ndai gaw ndai ma shakut na lu ai re. ngu na she lauban wa hte shanhkawng gaw yu mat wa rai di she, Dai galaw ngut yang she shi a shayi sha hpe jaw sha rai na she, grai pyaw ai hkung-ran poi, mungkan ga ntsa na sha gaw hkyik dik htum ai hku lauban wa dai hku galaw ya na she, shi a dum nta, a wang, lamu ga ma, chyen mi ma garan ya di na nga lu nga sha ngwi pyaw sim sa shangun na shan lahkawng hpe e dai hku nga kau shangun ai da. Dai majaw lauban wa mung grai ngwi pyaw ai mayat maya nna, Shi a amyu anoi, arut arat, darat daroi mung grai hpring grai tsawm rai na she dai la dai wa gaw kade daram yak ai, mungdaw mungdan ashuk ashak re, kaning ngan re mung daw dan hparan lu ai lauban re da. Kaning ngan re mung shi du jang e daw dan kau dat lu. N pyaw ai ma hkra hpe shapyaw kau ya. N pyaw ai ashuk ashak nga, kadai pyi gasat hkat na zawn nga ai tara masa ma hkra hpe mung gun kabai kau ya lu. Ma hkra hpe shangwi shapyaw, lam yan yan yan nga tsun rai jang she, Dai mungdaw mungdan sha n ga, kaga mungdan kaw na ni kaw du hkra ndai bauban wa hpe gaw grai mau ai hte, ndai ma ndai wa hpe mung chyeju dai hpe e ginlen ya, sharin ya rai nna, chyeju chye dum hkat ai ni tai nga ga. nga nna tsun ai da. Maumwi gaw nang ngut sai. . Language as given: Jinghpaw
Format:		Digitised: no Media: Audio
Identifier:		KK1-2160
Identifier (URI):		http://catalog.paradisec.org.au/repository/KK1/2160
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2160/KK1-2160-A.wav
		http://catalog.paradisec.org.au/repository/KK1/2160/KK1-2160-A.mp3
		http://catalog.paradisec.org.au/repository/KK1/2160/KK1-2160-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2160
DateStamp:		2021-02-01
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Lahpai Htu Ra (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia