OLAC Record
oai:paradisec.org.au:KK1-1842

Metadata
Title:Nhpye shap ai shu la a lam (The frog that borrowed a bag)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017; Nhpye shap ai shu la a lam (The frog that borrowed a bag), MPEG/X-WAV, 2020-02-11. DOI: 10.4225/72/598c885a85087
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-11
Date Created (W3CDTF):2017-03-11
Description:Moi shawng de da mare langai kaw she dai mare shinggan ngu na kaw hkanawng kaba langai mi nga ai da. Hkanawng kaba dai kaw gaw shu la 3 nga ai da. Shu la 3 nga na she shu 1 langai mi gaw tsun ai da. Dai shu la gaw dai nawng makau kaw gaw wa shat grai tu ai da, dai kaw na grai tsawm ai mahkawn 1 mi gaw dai nawng kaw wa shat sa di di re da. Wa shat sa di di re shaloi shu la 3 gaw mu ai da, mu re shaloi she dai shu la 1 mi gaw tsun ai da, e shinggyim masha ni na zawn zawn i a la tai na ngai num ohra hpe ra ai ngu tsun ai da. Dai shaloi she dai shu wa gaw tsun ai da, dai shu manang 2 gaw nang wa me shinggyim masha ni na zawn zawn tai na me shu ndai num hpe lu la ngu gaw kei hkum myit dam hkum myit dam ngu tsun ai da. Shi manang 2 dai hku tsun she, e kaja nan nang dai hku ngai hpe nlu, dai num hpe i ngai nlu ra na shadu ai i, lu pyi lu la ai ngu dai hku tsun ai da. Dai shaloi she e rai yang nang lu la ai nga yang galaw dat yu deng ngu tsun ai da, dai shaloi she dai shu la dai gaw masha zawn dai hku byin na she dai kawng ntsa de lung wa ai da. Dai lung wa loi she lana mi na aten hta dai num grai tsawm ai ni na mare kaw gaw poi nga na hku nga. Poi nga re yang she dai shana gaw ka ai ni dai hku nga ai shaloi she sa yu ai da. Wa yu shaloi she dai num wa ma sa ai da, dai num wa ma sa re shaloi she shi gaw shu la dai gaw masha hku tai na sa re shaloi she dai num wa na makau kaw sa tsap ai da, shi sa tsap na she nang hpe grai tsawra ai yaw ngu tsun dat ai hte la wa dai hku tsun, num ni gaw i tinang hpe ra ai nga jang gaw loi mi gaw (yinkone) na loi mi gaw ra na hku nga dai shaloi she dai hku na shan 2 gaw dai hku na ra hkat mat ai da. Ra hkat mat, dai shana kaw na ra hkat mat ai da, shata 2, 3 re sai da, ra hkat na dai shinggyim masha ni i poi gara hku galaw ai, manau gara hku nau ai ngu ni yang sharin la sa yu ai da. Sa yu re shaloi she dai hku manau ngu na bai du wa shaloi she dai shu la wa gaw tsun ai da, e shi manang yen 2 hpe manau ngu gaw grai hkrak ai yaw, nan 2 n sa yu na i ngu wa tsun ai da. Nsa yu ai nang sa su ngu tsun da, nang myit malai lu na yaw nan2 dai hku tsun ngu grai tsun jang she dai shu la 2 mung sa yu mayu wa na hku nga sa yu ga ngu tsun na sa sai da. Dai shinggyim masha ni manau nau ai de sa yu sai da, sa yu re shaloi she grai tsawm ai da, grai hkrak ai da, shan 3 mung myit sai da, bawngban sai da, e anhte shu ni wa manau ai ngu mung nnga ga ai wa i ngu da, dai majaw anhte shu mungdan ma dai ning gaw manau nau ga ngu tsun ai da. Dai la wa gaw tsun sai da, hka manau nau yang anhte nhpye mung n lu ai wa me, nhpye gara kaw na la na, nhpye sa chyoi la na dai majaw dai hku ngu tsun shaloi she shi manang yen gaw nang na sumtsaw wa kaw na nhpye shap u le dai hku ngu tsun ai da. Dai she e nan 2 jaw ai nhpye sha shap yang gaw ngai hpe nhpye sha hpyi nlu mari ai wa nga na ngai hpe i yu kaji kau na rai nga le, nra ai. Dai nhpye sha shap ai bai sa jaw na ngu sa tsun su, ngu dai hku tsun ai da, dai hku tsun she, e dan nga sa shap na yaw manau hpang shana du ai shaloi she shanhte na shu ni manau na gaw hpawt na re majaw dai na kaw na sa shap ai da. Dai num wa kaw sa sai da, e ngai hpe i ngai grai ngai manau poi sa na matu nhpye naw gan shap ya rit ngu tsun ai da. Dai shaloi she ngai i 2 ya sha re bai wa jaw na ngu tsun shaloi she ngai ma hkan na le ngu tsun da, dai num mahkawn wa she e anhte la ni hkrai sa ra ai dai majaw nang num re majaw nang hpe n gwi woi sa ai ngu tsun ai da, ya hpang kalang na bai manau nau jang gaw num ni hpe ma shalawm na dai shaloi gaw nang hpe woi sa na yaw ngu tsun ai da. Dai shaloi num wa mung e mai ai ngu na nhpye sha shap dat ya ai da. Shap dat ya ai she 3 ya ngu na jahpawt shu wa nhpye mung nsa jaw mat ai da. 2 ya ngu na tim nhpye nsa jaw mat re she 3 ya ngu na shaloi wa she dai num wa wa shat bai di sa ai da. Dai nawng hka nawng makau kaw wa shat bai sa di sa re she hka nawng kaang kaw wa she dai shi shap dat ya ai nhpye re wa mi she waw taw nga ai da. Hka ntsa kaw waw taw nga shaloi she shi na myit hta e oh ra nhpye gaw ngai na sumtsaw wa e shap dat ya ai nye na nhpye zawn zawn re wa naw sa mala yu na re ngu she sa mala mahkai la yang shi nhpye wa rai taw ai da. Dai shi nhpye kaw she shi na mying ma chyoi shakap da ai da, dai she shi na mying ma kap re yang she e ndai nye nhpye nan rai nga, la ndai gaw dai na naw sa wa yu ga, sa wa shaloi gaw nang nye nan roi ai ngu na naw hkap tsun na re, naw hkap pawt na re ngu myit ai da. Shana du re sa sai da, dai num wa tsun sai, ga pyi atsawm nshaga hkra tsun she hpa baw pawt ai rai ngu tsun da, nang na nhpye shap na pawt ai i, ya na wa jaw na yaw ngu tsun she hpa hkum shaga, nang ngai na nhpye shap na i dai hkanawg kaw kabai tawn da ya ai nga tsun ai shaloi ei ngai dai yahte manau poi sa ai shaloi masha nkaja ai ni nye hkan shachyut na hprawng ai shaloi nhpye dai hkrat mat ai rai nga ai ngu tsun ai da. Dai shaloi she e dan nga jang nanhte nta wa yu ga ngu tsun ai da, num wa gaw wa yu ga ngu tsun da, e ngai nang hpe nmai woi wa ai ngu tsun da. Nmai woi wa ai gaw nhpa rai na nang ngai e nra na re ngu tsun shaloi she nre ai, shi myit sai da ngai shu re lam tsun dan kau yang kaja na i, n kaja na i ngu myit ai da, dai shaloi she e hpa mi nga nga i shi ngai e kaja nan ra ai rai yang gaw ngai shu ngu tsun dan tim ra na re ngu tsun sai da. E ngai gaw shu she re nang hpe grai ra ai majaw ngai shinggyim masha tai na sa wa she re ngu tsun ai she dai num wa gaw dai shana gaya na she shaga ma nshaga mat ai da. Dai kaw na gaya, tsun ga nga gaya machyi mat ai le i, shu hte ra hkat ai nga na gaya machyi na dai hku jung na si mat ai da. . Language as given: Jinghpaw
Format:Digitised: no Media: Audio
Identifier:KK1-1842
Identifier (URI):http://catalog.paradisec.org.au/repository/KK1/1842
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1842/KK1-1842-A.mp3
http://catalog.paradisec.org.au/repository/KK1/1842/KK1-1842-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1842
DateStamp:  2017-11-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1842
Up-to-date as of: Tue Feb 11 15:39:22 EST 2020