OLAC Record
oai:paradisec.org.au:KK1-1835

Metadata
Title:Hpaji grai ram ai hkawhkam kasha (The wise king child)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017. Hpaji grai ram ai hkawhkam kasha (The wise king child). X-WAV/MPEG. KK1-1835 at catalog.paradisec.org.au. https://dx.doi.org/10.4225/72/598c883b64719
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-11
Date Created (W3CDTF):2017-03-11
Description:Moi shawng de da mare langai mungdan langai mi kaw grai hkawhkam kaba langai nga ai, grai lusu ai. Dai hkawhkam wa gaw num 100 lu ai da. Dai hkawhkam wa gaw num 100 lu na she dai shaning gaw num, dai hkawhkam jan ni ma shangai ai she ma 100 ting shangai ai da. Hkawhkam jan ni 100 nga ai kaw na ma yawng 100 shangai ai kaw na kaji dik htum dai la wa kaba wa sai da. Dai kaji dik htum ai dai wa gaw dingla wa gaw kaji ngu na wa gaw kaba wa she dai kanau kaji dik ngu na wa gaw hka dai hku i hpaji ni grai chye da, hkum hkra chye ai da. Hkum hkra chye she, shi na myit hta sha gaw i nye hpu ni gaw shawng kaba ai re majaw shanhte gaw hkawhkam tai na re. Dai majaw hkawhkam tai mat wa na re majaw ngai shawng she hkawhkam tai hkra gara hku galaw na ngu na she lata maka yu ai la wa kaw sa mat wa ai da. Dai hkawhkam kasha wa sa wa she shanhte nta na myihtoi wa kaw shawng san ai da, myihtoi wa she tsun ai da, e nang 7 ya hkrun lam hkawm ra na re ngu tsun ai da. 7 ya hkrun lam hkawm ai shaloi nang hpe grai gunglau ai jinat tsa dan dan re ni pru na re, dai shaloi nang dai ni hpe lu koi yen na kaga mungdan de ngu na i hkawhkam wa kaw sa u. Dai hkawhkam wa e chyinghka lam kaw nang sa du ai shani, nang 7 ya ngu ai shani nang hkawhkam tai na re ngu tsun ai da, dai she. Dai hku ngu tsun she dai hkawhkam kasha wa gaw mai ai ngai madat na, ngai 7 ya hkrun lam hkawm na ngu tsun na shi na saksin ngu na mrai 5hpe shaga na shi pru mat wa sai da. Hkawhkam wang kaw na pru mat wa she hpang shani ngu na shani shi sa mat wa sai da, sa mat wa she hkrunlam hkawm nga she grai pyaw ai da yaw. Dai shalawa num ni i grai tsawm hkra shanhte gaw dai kaw du sa ai la ni hpe hkalem la na she sat sha kau kau re ai, shalawa num ni nga na hku nga. dai num ni gaw poi galaw ai da, grai pyaw hkra grai tsawm hkra shakra na she dai hku nta kaba i poi kaba zawn zawn galaw na da num hkrai hkrai nga taw ai da. Dai hku nga taw ai shaloi she dai hkawhkam kasha wa gaw grai zen ai da. Ndai ni gaw hpa mi nga nga i mi shi hpe tsun ai le n kaja i nat ni gunglau na nga hpe shi dum na she dai hku a katsi ngu na lai mat wa hkyen ai shaloi she dai kaw na la langai wa gaw grai yu ra mat ai da. Dai kaw na sha lawa num langai hpe grai ra mat na she e hkawhkam kasha e ngai n hkan sai ngu da i. Ngai grai ba ai majaw ngai lana mi sha pyi ndai kaw hkring la na ngu dai hku tsun. E hkum hkring sa ngu, ya nan rai mat wa ga ngu, n kam ai naw hkring la na ngu tsun, gara hku tsun tim nlu mat sai majaw dai shi na ra na 1 hpe tawn kau da ai da. Tawn kau da re she, bai hkawm mat wa sai da. Dai 2 ya ngu na jahpawt ngu na shi na ra na hpe hpya sha kau ma ai da, dai sha la wa num ni hpe hpya sha kau she hpang jahpawt ngu na bai hkawm mat wa sai da, lani mi bai du ai shaloi she dai kaw ma balu, dai kaw ma sha lawa num ni le i dai kaw bai shalawa num ni grai tsawm hkra nta kaw she da da ai zawn zawn dai hku ni grai pyaw ai zawn hka yam bu ni i grai lagyi mu na zawn re shadun da ai da. Dai shaloi she dai la langai bai mu sai da, e hkawhkam kasha e ngai hka sha pyi naw lu la na ngu tsun ai shaloi she dai hkawhkam kasha wa mung shi na myit hta sha gaw n kaja ai re ngu tsun na hka ma hkum lu i. Kaja hka re yang ngai jaw lu na ngu, n kam ai ngu da oh ra yambu kaw oh ra nta kaw nga ai hka yambu she grai lagyi mu na zawn zawn re dai sa lu na ngu tsun she, sa lu la na dai na sha gaw ngai oh ra kaw wa manam na ngu tsun nmai na re hkan nu ngu tsun ai da, nkam ai ngu da, dai la mung dai hku ngu tsun na tawn kau da sai da. Dai la hpe ma dai hka yambu kaw na hka lu na malap mat na she dai shalawa num ni hpya sha kau ai da. Dai she shi na rana ngu na 3 sha ngam mat sai da 2 hpe hpya sha kau shaloi 3 ngu na mung dai hku sha hkawm she dai 3 hpe ma sha kau ai da. Shi hkrai sha re mat sai da, dai she balu num langai wa she dai shalawa langai wa she shi na myit hta ndai wa gaw hpaji grai ram ai. Dai majaw shi na shan sha yang grai mu na re, dai majaw ngai shi hpe lu hkra sha na matu shi hpang hkan nang na re ngu na hkan nang sai da. Dai hku tung tung hkan nang re she 7 ya ngu na shani hkawhkam wang de du mat wa da, kaga mungdan na hkawhkam wang chyinghka lam kaw du she, hkawhkam wa gaw dai laga mungdan na hkawhkam wa gaw hkawhkam shayi sha langai lu ai da yaw. Dai langai lu re she retim mung hkawhkam shayi sha na kanu ngu na wa gaw shi hpe shangai ai shaloi si mat ai da. Si mat re she hkawhkam wa gaw kaga num n la shi ai le i, nla na nga she dai num dai gaw masha hku, masha galaw da ai re nga dai shalawa num grai tsawm ai da. Grai tsawm re chyinghka lam kaw tsap she dai e hkawhkam wa oh shi na hkaw ntsa kaw na yu ai shaloi she num grai tsawm ai mu ai da. Dai shaloi she shi na rana ni hpe san shangun ai da. E hkawhkam kasha e dai nang kaw hkan nang ai gaw i nang na madu jan i, nre yang nang n shangun ma i ngu san ai da, dai she hkawhkam kasha wa gaw nre, ngai na shangun ma ma nre, lam kaw na ngai kaw hkan nang wa ai she re ngu tsun dai shaloi shalawa num bai re yang gaw nre ngai shi madu jan re ngu bai tsun ai da. Dai shaloi she e dai hku nga yang gaw oh hkawhkam kasha hpe laksan shaga la u ngu tsun ai da, hkawhkam kasha hpe laksan shaga la ai shaloi she e i ngai hkawhkam kasha e shaga la na she shi ngai kaw lam kaw ngai kaw hkan nang ai re shi gaw shalawa num she re ngu tsun ai. Dai hkawhkam wa e wa tsun dan, shalawa num she re da shi gaw shi kaw hkan nang ai re da ngu hkawhkam wa n kam ai da, nkam na shalawa num nga gaw ndai ram tsawm ai gaw n re na re i, shi na madu jan nre yang gaw ngai hkungran la na re ngu na hkawhkam jan shatai na re ngu na hkungran la kau ai da. Dai hkawhkam wa hkungran la kau she dai hkawhkam num wa she dai shalawa num re nga 1 ni mi masha langai langai sat sha ai da. Shi gaw sha kau she mungdan ting masha yawng sha kau sai da. Sha kau she dai hkawhkam kaja hpe shi ra ai re nga n gwi sha ai da. Dai hkawhkam kaba wa hpe ma sha kau sai da. Dai she hkawhkam wa e ma sha kau she hkawhkam wa kaw kasha 1 lu ai re dai shalawa num wa n chye ai da. Hkawhkam wa dai hku grai sha kau ai wa n tsen wa ai le i, n tsen wa ai majaw shi kasha hpe yambu langai kaw bang kau ai da yaw. Dai hkawhkam wa ymabu kata kaw bang kau shaloi she yambu ni grai nga ai kaw na langai kaw bang kau ai da. Nang hpe sa hkye la ai i langai ngai nga yang she ndai yambu kaw na pru wa yaw ngu tsun ai da dai shaloi she dai yambu kaw bang kau she yawng sha kau sai da. Dai mare ting yawng sha kau re shaloi she dai hkawhkam kasha hte dai shalawa num sha nga mat ai da, dai she sha lawa num wa tsun ai da. Shan 2 gaw gawk kaw shaga nga ai da, dai yambu grai nga ai kaw hkawhkam shayi sha nga ai yambu nga ai kaw she shan 2 shaga ai dai shalawa num wa ya gaw nang hte ngai sha nga sai. Nang ngai hpe nra jang gaw nang hpe sha kau na sha re ngu dai hku ngu tsun ai da, dai she dai hkawhkam kasha wa mung dai hku ngu tsun nga ai hpe she yambu kata kaw na hkawhkam shayi sha wa na ai da, hkawhkam kawa gaw shi hpe sak sin na n hkyi kasha langai jaw da ai da. Dai hte e yambu kata kaw na she oh ntsa kaw na she kachyi mi lagu yu taw ai da. Lagu yu taw she ndai gaw i hpa mi nga nga sha lawa num wa re na re dai majaw ngu na a katsi re lagu pru wa ai da. Lagu pru wa shaloi she dai hku ngu tsun ai da, nang ngai hpe i nra yang nang hpe ngai sha kau na, ra jang gaw an 2 i ndai mungdan kaw pyaw pyaw re sha hkawhkam zawn nga ga ngu tsun, dai hku ngu shalawa num wa tsun taw na shaga nga ai shaloi she dai hkawhkam shayi sha gaw shi hpe hpang hku na i galun sat kau ai da. Dai shalawa num hpe galun sat kau na dai shani kaw na dai hkawhkam kasha hte shan 2 gaw dai hku mungdan kaw i grai kaja hkra up sha mat ai da. . Language as given: Jinghpaw
Format:Digitised: no Media: Audio
Identifier:KK1-1835
Identifier (URI):http://catalog.paradisec.org.au/repository/KK1/1835
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1835/KK1-1835-A.wav
http://catalog.paradisec.org.au/repository/KK1/1835/KK1-1835-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1835
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1835
Up-to-date as of: Sat Nov 14 14:27:09 EST 2020