OLAC Record
oai:paradisec.org.au:KK1-1829

Metadata
Title:Grai tsawm ai num kasha (The beautiful girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017. Grai tsawm ai num kasha (The beautiful girl). X-WAV/MPEG. KK1-1829 at catalog.paradisec.org.au. https://dx.doi.org/10.4225/72/598c8821f049f
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-11
Date Created (W3CDTF):2017-03-11
Description:Moi shawng de da mungdan langai kaw hkawhkam shayi sha grai tsawm ai langai mi nga ai da. Dai shaloi gaw shi gaw hkawm sai nga yang myi man dagap kau ai da yaw. Myi man makoi kau na she dai hku i tsun ga nga yang gaw hkam kaja lam hte ma seng ai le i. Dai hku na shi gaw wam hkawm dai hku sa ai shaloi she ndai hku myiman dagup kau na myi kaw sha hpaw na hku dai hku re na sumpan dagup kau myi kaw sha hpaw na shi gaw hkawm re she grai matsan ai la langai gaw shi gaw oh ra hpan lu ai da. Shi na tsun ga nga yang nat wan kawk gaw re na nat wan kawk, nat dai kaw nat rawng ai le. Shi tsun dat yang shi hpa hpyi yang hpa lu jaw ai ndai nat wan kawk ngu na hku nga. Gara hku ngu na ta, dai nga ai da, shi hpa hpyi dat yang hpa lu jaw ai dai wan kawk nga ai da. Shaloi she dai shaloi hkawhkam shayi sha hpe shi sa mu ai da. Shan nu ni gaw dai wan kawk dai kaw na she nat rawng ai wan kawk kaw na n ta kaja ra ai ngu tsun yang nta kaja shachyaw ya ai da shanhte hpe. Ja gumhpraw ra ai ngu yang ja gumhpraw, dai hku na shan nu gaw grai nga pyaw ai hku nga, hkawhkam shayi sha hpe shi wa lagu yu ai da. Wa lagu yu re shaloi she grai tsawm ai da dai shaloi she kanu hpe tsun ai da, e a nu e ngai hpe dai hkawhkam shayi sha hpe wa hpyi ya u ngu tsun ai da. Dai shaloi hkawhkam shayi sha hpe wa hpyi ya na matu kanu sa sai da hkawhkam wang de sa, dai hkawhkam wang kaw sa hpyi ya ai shaloi she mai ai, dai hku ngu tsun dat ai da. Tim nang ngai hpe ja joi 300 lu jaw yang she jaw na ngu tsun ai da, dai shaloi she lu jaw ai ngu tsun na she ja joi 300 jaw kau da ai da. Ja joi 300 dai hku shagun dat ya ai da, dai hku jaw dat re she hkawhkam wa mung ja lu ai re nga i, dai ja hpe myit marin na kasha hpe jaw sha kau na hku bawng ban ai da. Bawngban she dai shi bawngban shaloi dai shi na hpaji shi hpaji hpyi hpyi re la, hpaji lu ai la ngu ga le dai la wa gaw dai wa hte shi kasha hpe jaw sha na hku myit hkrum da ai hpe gaw malap kau ai da. Hkawhkam wa dai hpe dai la wa tsun ai da nang nye kasha hpe jaw sha na nga na me hpa rai na me kaga la hte jaw sha na hku hkyen ai rai ngu da, e ngai ma i dai ja lu ai majaw ngai myit marin mat ai re nga ai, dai majaw dai matsan ai la wa hpe n jaw sha na hku gara hku hpaji jaw na rai ngu tsun ai shaloi e dai hku nga yang gaw 3 ya ngu na shana i shan 2 rai n hkungran shi ai shaloi shata 3 ngu yang hkungran na re shan 2 rai n hkungran shi ai shaloi an 2 hkungran kau ga ngu tsun ai hpe she dai matsan ai la wa gaw na mat na hku nga. Na mat na she hkawhkam wa kaw kanu wa hpe sa shangun ai da,kanu bai sa i e nye kasha hpe she dai hku jaw sha na nga me hpa rai na me i shata 3 rai ndu shi yang kaga la hpe jaw sha hkyen ai rai ngu da. Dai she dai hku ngu tsun she e jaw sha na i, shata 3 du ai hte hkungran jaw na hku dai hku bai tsun ai shaloi kanu bai wa sai dai shaloi dai matsan ai ma wa gaw dai shi na atsam rawng ai nat hka kawk le nat wan kawk hpe tsun ai da, e ngai hpe i dai na hkawhkam wang kaw hpa baw jahta na ngu hpe wa lagu madat ya rit yaw ngu tsun ai da. Dai de la langai mi sa mat wa ai da. Dai nat wan kawk kaw na pru na la dai sa madat ai da. E dai ni tsun ai gaw nang hpe i sat kau na matu gyam ai da. Hpawt ni hkungran na re da, nang hpe sat kau na i hpang shani hkungran na re nga dai tsun ai ngu da. Dai hku nga yang ngai gara hku di na rai ngu (achannyuan) bai hpyi ai da. Bai tsun ai da, dai shaloi she dai nat wan kawk kaw na pru wa ai la wa gaw nang kaja nan hpawt ni hkugnran na kaw i dai la ngu na wa shaga la na sadek kaw rawng kau u ngu tsun ai da. Dai i ngai nang hpe dai la nan hpe kumhpa ngu na kumhpa nampan langai mi jaw dat na dai nampan hpe shi ninghku manam dat ai hte dai la wa malap mat na ra ai dai shaloi gawk kaw rawng kau u yaw ngu tsun ai. Hkawhkam dai hkawhkam shayi sha wa hpe jaw dat ai da, dai nampan dai hpe hkawhkam shayi sha wa mung maw nang hpe jaw ai re ngu tsun na dai la wa hpe dai la wa malap mat ai da. Malap mat re shaloi she shanhte gaw i nmu na hku lagu sa ai le dai hkungran na la wa hpe oh sadek kaw sharawng kau ai. Sharawng kau re shaloi hpang jahpawt du shaloi hkungran sa na hku nga. La nna wa mat mat sai ngu da, la nna wa mat mat sai ngu tsun na she gaya hkrum sa na le i. Hkawhkam wa tim hkungran shayi sha ting hkungran yang la nnan wa mat mat ai ngu gaw i, dai hpe n kam hkam la ai, dai sa hpyi da ai matsan gaw matsan tim dai hku n gun a tsam nga ai re nga dai hpe hkungran jaw kau ai da, hkungran jaw kau re she dai hku nga mat sai da. Shan 2 gaw hkawhkam wang kaw dai hku dai shi na nat rawng ai wan kawk kaw hpyi ai da. Shan 2 hpaw hkawhkam hkaw gap ya grai pyaw hkra nga she kasha ma 2 lu sai. Dai shaloi she dai hpe she oh ra nat sara i grai n kaja ai nat sara langai mi gaw dai nat rawng ai wan kawk dai hpe shi ra ai le. Dai nmu mat ai she dai shani wa she dai kaw nga ai re shi chye mat na she lani mi na ten hta nat wan kawk ra na shi wa she wan kawk dingsa hte wan kawk nnan galai na ngu hkawhkam wang shawng kaw she ningwan marawn hkawm nga ai da. Shaloi she dai hkawhkam shayi sha gaw dai kawk kaw dai hku i ra ai hpyi ai lu ai re shi n chye na she ndai dingsa re hpa di na nnan she jaw na nga mo galai kau na ngu na she e sa wa rit galai ga ngu tsun na galai kau ai da. Galai kau she dai nat sara wa ngu na wa gaw dai shi dai kawk lu mat sai re nga dai kawk kaw tsun ai da, ndai la wa hpe i dai shi madu la wa hpe gaw dai shi madu wa hkawhkam shayi sha madu wa gaw dai shaloi gaw shan gap hkawm ai le i, nam hkawm hkawm myit mi shapyaw nam hkawm hkawm ai ten re da, dai shaloi she ndai hkan nu ni hpe gaw oh kaga mungdan de sa kau na ngu tsun na she dai hku ngu tsun na she dai kawk kaw na nat la langai mu na she dai hkan nu hpe gawut dat ai hte she hto kaga mungdan de du mat ai da. Dai hkawhkam hkaw ma n nga mat ai da, dai shaloi she dai hkawhkam wa mahtang na mat sai da. Hkawhkam wa na mat na she e dai la nye kahkri wa dai matsan ai wa hpe sa rim wa u ngu tsun ai da. Sa rim wa ngu tsun she, e dan nga yang gaw sa rim wa sai, sa rim wa she dai hkawhkam wa tsun ai da. Nang nye kasha hpe ma i nang nye kasha hpe nang gara kaw sa kau ai, 7 ya laman nang nye kasha hpe n mu jang nang hpe si ari jaw na ngu tsun ai. Dai she e hkawhkam wa e i ngai gaw gara ngai ma nchye ai i, ngai ma nam hkawm she hkawm taw ai, gara de re mat ai mung n chye ai ngu, grai yawn na nga taw ai da. Grai yawn na nga taw she dai shaloi she shi shi kasha shi madu jan ni gara de re mat ai chye na matu shi nat wan kawk, nat wan kawk tam, nat wan kawk nnga mat ai she, e hpa mi nga nga i ndai nat wan kawk gaw shi hpe grai n ju ai nat sara na lata kaw re mat sai hpe chye na she retim shi kaw dai nat wan kawk kaw na lu ai masha langai hkan ai da, shi shaga lang ai, shaloi she dai nat wan kawk na pru ai masha hpe tsun ai da, nang i ndai nat sara wa gara kaw nga ai ngu hpe nang sagawn wa ya rit ngu tsun ai da. Dai shaloi she 1 ya ngu na hkawhkam wa 7 ya sha ahkang jaw ai re majaw 1 ya ngu na shani gaw dai shi nat wan kawk kaw na pru wa ai masha hpe sagawn shangun she dai nat sara wa she hkawhkam wang kaw naw nga ai ngu tsun ai da. Shaloi she dan nga jang gaw hkawhkam wang kaw na i dai nat sara wa na kawk gara hku lu la na ngu hpe nyan ga an 2 bawnu shapraw ga ngu tsun ai she dai nat sara wa hpa baw ra ai ngu hpe nang chye tsun dan na i ngu she, Dai nat sara wa gaw hkying kade kaw yup ai i dai ni hpe sagawn la ai da. Shan 2 ma dai kawk kaga galai la da. Galaw la na sa sai da, hkawhkam wang de sa, hkawhkam wa e nang hpe i ndai gaw ja kawk re, ndai nang hpe kumhpa jaw mayu ai ngu tsun na she hkawhkam wa mung mai ai, ja kawk she nga yang gaw ngu na she la tawn da she dai kawk gaw dai shi shaga wa ai la wa rawng taw ai hku nga. Dai la wa rawng na hkawhkam wang kaw du mat sai da. Du mat re she dai la wa dai nat sara wa gara kaw nga ai gara gawk kaw yup ai ngu hpe sagawn ai da, sagawn she lana mi na ten hta hkawhkam ni i zuphpawng, dai nat sara hpe ma shaga dai nat sara wa na dai kawk lagu la kau ai da. Lagu la na she dai hkawhkam shayi sha ni nga ai gara nga ai ngu dai hpe san la da, san la re shaloi she dai shaloi she na na maedu jan ni gaw i kaga mungdan de nga taw ai. Dai hpe nang shaga wa ya rit ngu na dai kawk kaw na masha hpe gawut dat ai shaloi she shi madu jan ni hte bai pru wa ai da. Dai shaloi hkawhkam wang ma ra ai ngu na bai hpyi la. Hkawhkam wa hpe tsun sai da, e ngai 7 ya shani dai ni 7 ya re sai i, hkawhkam shayi sha hpe ma woi wa sai ngu tsun ai da. Dai she ndai gaw marai langai ngai i galaw ai majaw ndai hku byin ai re ngu na tsun she hkawhkam wa tsun ai da. Kadai galaw ai rai ngu tsun she, hkawhkam wa nang grai i nang grai hpaji la grai n gun lu dum ai dai nang na makau kaw nga taw ai dingla dai re ngu tsun ai da, dai she nang n kam yang dingla dai hpe rim dat yu u ngu tsun ai da. Rim dat ai da, nat sara wa gaw e i ngai gaw ndai kaw na nga yang sa manam ai she re ngai hkawhkam hpe hpaji jaw ai wa she re. Ngai nat sara nre ngu tsun ai da. Dai shaloi she dan nga yang gaw i ndai ngai lu ai ndai wan kawk kaw na masha hpe shaga dat ra na i ngu tsun ai da. Dai shaloi she masha hpe shaga dat na i ngu tsun yang grai hkrit na she hkam la ai da. N re ai i, ngai kaja nan teng tsun na ngai nat sara re. Ngai dai hku galaw dat na hkawhkam shayi sha hpe kaga mungdan de htawt kau shangun ai re ngu tsun she hkawhkam wa grai pawt na dai wa hpe sat kau shangun ai da. Dan na dai shi kahkri ngu na hpe shi hpyi nem ai le i. Ngai shut ai re i dai majaw ngai hpe mara raw dat ya rit ngu na dai shani kaw na grai ngwi pyaw simsa di nga mat ai da. . Language as given: Jinghpaw
Format:Digitised: no Media: Audio
Identifier:KK1-1829
Identifier (URI):http://catalog.paradisec.org.au/repository/KK1/1829
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1829/KK1-1829-A.wav
http://catalog.paradisec.org.au/repository/KK1/1829/KK1-1829-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1829
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1829
Up-to-date as of: Sat Nov 14 14:27:09 EST 2020