OLAC Record
oai:paradisec.org.au:KK1-1827

Metadata
Title:Grai gwi ai la kasha (The brave child)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017. Grai gwi ai la kasha (The brave child). MPEG/X-WAV. KK1-1827 at catalog.paradisec.org.au. https://dx.doi.org/10.4225/72/598c88191bb22
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-11
Date Created (W3CDTF):2017-03-11
Description:Moi shawng de da mare kahtawng 2 nga ai da. Oh ra mare hte ndai mare 2 nga ai dai mare ni gaw grai myit hkrum ma ai da. Grai myithkrum na dai hku shaning 20 ning dai hku pawng nga sai da. Shanhte gaw garum shingtau hkat na nga re she dai shaning 20 ning lai mat ai hpang wa she nga ni dumsu ni dai hku grai lu wa sai da. Bainam ni grai lu wa yang she shani shagu wa she oh ra mare na dumsu mat, dai maga de na dumsu ni mat, u ni mat re dai hku re da. Dai she ndai mare mung nga ni dumsu ni bainam ni mat re shaloi she 2 maga mare 2 maga wa she n tsen hkat wa ai da. Ndai mare na ni mung ohra mare na ni anhte na dumsu wa ni sa yang sat sha kau lagu sat sha kau ya re re ngu na dai hku yin la sai da. Ndai mare na ni mung shanhte na dumsu nga ni mat ai, oh ra mare ni sha kau ya ai re nga, lagu sat sha kau ya ai re nga na dai hku na shanhte wa n ju hkat wa ai da. Dai hku grai n ju hkat grai dai hku na n shaga mat ai da, shanhte gaw galaw hkat re na mare 2 galaw hkat na dai hku n shaga mat na shanhte na mare lam ngu na lai lai re kaw wa she nam ni grai galu mat ai da. Ndai 10 ning ram dai hku shaga hkat ai lam nnga mat sai dai mare 2 wa dai hku re mat re she, lani mi na ten hta dingla langai mi she nga rem sa ai da. Nga rem sa wa shi na nga sumpum mi hte nga 10 jan hpe rem sa yang wa she lapu kaba langai mi hpe mu ai da. Pu noi kaba law nta ram pyi kaba ai wa she hpum taw nga ai hpe mu ai da. Shi dai hpe sa mu na she e ndai hpa mi nga nga ndai lapu hpe sat na matu mare masha ni e wa shaga na re ngu na shi gaw dai nga u hpung hpe tawn kau da na shi gaw mare de kagat wa ai da. Mare de kagat wa re shaloi she mare kaw du re yang she mare la ngu na ni gaw bungli sa mat, num ni hkrai nga re she e dai ni gaw i num ni hkrai nga sai, hpawt ni she dai na zuphpawng hpawng da na hpawt ni she ndai lapu hpe sa sat na hku she dai hku di na re dai ni gaw nye nga naw sa rem la na ya sa rem la na naw wa na re ngu na shi gaw bai sa wa re yang shi na nga langai mung nnga mat ai da. Langai mung nnga mat re she tam ai da shi shani ting tam ai da, shani ting tam re she nga langai mung n nga mat ai da, shi myit la sai, aw hpa mi nga nga ngai na nga n dai ram ting ndai kaw sha tawn da ai mat mat ai gaw kaning nga tim ngai dai hpawt mu ai lapu kaba dai wa sha kau ai re sai. Dai majaw anhte ngai mare masha ni hpe wa tsun dan sa na re ngu di dai hku ngu wa tsun she dai mare masha ni e wa tsun dan ai da. Dai dingla wa na mare na ni gaw chye na sai da. Hpa mi nga nga i ndai lapu wa sha kau ya ai majaw anhte na dusat dumyeng ni yawng shi sha kau ya ai majaw ma wa ai re. Oh ra maga na dusat dumyeng ni mung dai lapu wa sha kau na anhte hpe shadu ai re ngu dai hku ngu myit la na she dai mare hpe sa tsun dan na ngu sa ai da. Dai shaloi she dai mare ni gaw hpa mi nga nga bai ga-law saw sai re nga na kadai e mung n shaga mat ai da. Lani mi na aten hta dai grai rai dum ai grai n shaga ai dai ni na mare kaw na num langai gaw wa shat di sa ai da numsha dai. Numsha dai wa shat di sa re she dai numsha hpe lapu mayu kau na hku nga. Lapu mayu kau na shata hku re tim n pru wa ai da. Npru wa re she la langai mi shawng sa ai da, dai num wa hpe sa hkye na ngu sa, dai la wa hpe ma mayu kau ai da. Dai shaloi she ndai ya sa ai dingla wa na mare kaw na wa gaw la kasha shabrang langai e jidwi e ngai nan sa hkye wa na. Dai i dai num dai hpe ngai nan sa hkye wa na ngu dai hku ngu tsun ai da. Dai she har nang kachyi sha law mi dai ya hte sa hkye ai wa pyi galu kaba salang she rai sai, nang ya dai te sha law nang te sha law ai wa lu hkye na wa shadu ai i ngu tsun ai da. E lu hkye n lu hkye gaw dai num wa hpe lu woi wa hkra, lu woi wa na ngu tsun ai da, e dai yang sa yu ngu tsun da. Shi gaw ndan ma gun na sa ai da. Ndan ma nhkyi kasha langai ma gun na sa mat wa she shana nsin, shani ting tam tim n mu ai da. Shana nsin sin wa re shaloi she lapu kaba hpum taw ai hpe shi gaw nlung hku, n lung kaba ngu shadu na dai kaw sha tsap nga she shi tsap nga ai ngu she nyen nyen nga da yaw. Dai shi tsap ai makau hku nyen nyen nga jang she shi myit dum ai da, e ndai gaw hpa mi nga nga lapu na naw she re sam sai ngu myit ai dai shaloi she dai hku ngu nga ai lapran lapu wa shi e mayu kau ai da. Dai hku ngu mau tsap nga ai shaloi wa lapu wa shi hpe mawng taw ai re da. Mawng na she mayu kau sai da dai la wa hpe mayu kau, dai la wa lapu kan kata du mat wa ai shaloi she a num langai wa she ngoi she ngoi madai she madai taw ai mu ai da. Dai she i ya ngai mung hpa mi nga nga lapu na n gup de shang mat ai re sam sai ngu dai hku ngu myit nga ai shaloi she dai num wa she hkye la rit lo hkye la rit ngu tsun taw ai da. Dai lapu na kan kaw she sha mayu kau ai re nga n gawa sha ai re nga dai hku asak hkrung kata kaw rawng taw dai shaloi she shi dum sai da. E hpa mi nga nga i ndai lapu mayu kau ai nga num wa re na sai dai majaw shi ma nsi shi ai nga ngai ma atsam dat ra sai ngu na she shi gun ai ndan hpe ma shaw la na she n hkyi kasha hpe ma shaw la na she hpa hkum tsang yaw ngu da, shi na myit hta sha gaw hpawt de n htoi n htoi shi yang an 2 lu pru hkra di na re ngu na shi dai hku myit na dai numsha hpe n dai n hkyi ndai lang da yaw. Shi ndai hpe nang na baw ntsa (tete) hku i ding ding hku na kadoi, anyaw na kadoi kadoi di u yaw. Ngai gaw ndai ndan hte gap na ngu tsun she dai hku na she shi gaw ndan hpe shaw shamyen la na gap ai da. Gap re she dai num wa ma dai la wa tsun ai hte maren kan hpe kadoi kadoi she hkyi ni kadoi baw mat sai re nga shan 2 na myi man ting hkyi kap mat she shan 2 wa myi hpaw yu yang she asin re da, asin re she i lamu nyip mat sai, an 2 gaw kaning re jan n nga ai mungdan de du mat wa sai re ngu dai hku tsun ai da. Shaloi dai wa e hkum rai yu, atsawm naw kadoi yu ga ngu tsun ai da, shaloi she bai kadoi yang she hpyi du mat sai da, hpyi du mat wa she dai lapu wa bai myit la ai re gaw hpa mi nga nga i ngai nga ni dumsu ni grai mayu bang da sai re nga shanhte shamu na re na re ngu na dai hku sha myit la ai da, dai lapu wa bai shamu wa ai mi she e lapu nsi shi ai i. An 2 ndai shara kaw na lu pru hkra pru ra ai ngu tsun na kadoi she kadoi shana ting kadoi hkrai kadoi she jahpawt ngu na maga she a hku kachyi mi hku ai da. Dai lapu na kan kaw kadoi, oh ra la wa mung a nyaw re hku kachyi mi hku she dai hku hku na yu dat yang she n htoi htoi taw ai mu ai da. E an 2 i shinggan de du na hkyen sai, a tsam lawan wan dat sa ka n htoi htoi na lapu i dum mat ai hte gaw i an 2 hpe hpa mi nga nga manat a grawp na i rin kau sa na re nga ai ngu tsun she shan 2 dai hku jahkrup na n htoi htoi ai hte lapu mung si mat ai da yaw. Dai shan 2 kadoi sat kau ai majaw lapu gaw dumsu ni nga ni mayu ai re nga nga shamu ai shadu na dai hku zim re na nga taw ai shaloi shan2 dai hku shana agying kadoi na dai lapu si mat ai da. Si mat she shan 2 dai kaw na pru wa. Pru wa she dai mi na grai n shaga mat ai mare de du mat ai da, dai de woi wa she grai kabu ai da. Dai she, dai shaloi she dai mare salang ngu na ni zuphpaw la e dai ni kaw na gaw i anhte mare 2 myit n hkrum nra byin mat ai ndai lapu kaba a majaw she re nga ai. Dai majaw anhte mare masha ni grai myit hkrum ai hte bai nga sa ka i ngu na dai la yen 2 dai num hte la hpe ma shanhte ni hkungran jaw kau ai da. Dai nye kasha hpe asak hkye ai i, grai chye dum ai ngu na dai numsha wa na kawa ma shan 2 hpe hkungran jaw kau ai da. . Language as given: Jinghpaw
Format:Digitised: no Media: Audio
Identifier:KK1-1827
Identifier (URI):http://catalog.paradisec.org.au/repository/KK1/1827
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1827/KK1-1827-A.mp3
http://catalog.paradisec.org.au/repository/KK1/1827/KK1-1827-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1827
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1827
Up-to-date as of: Sat Nov 14 14:27:08 EST 2020