OLAC Record
oai:paradisec.org.au:KK1-1825

Metadata
Title:Jaugawng hte nat shayi a lam (The hunter and the spirit girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Ying Wang (speaker), 2017; Jaugawng hte nat shayi a lam (The hunter and the spirit girl), X-WAV/MPEG, 2020-02-11. DOI: 10.4225/72/598c8810587db
Contributor (compiler):Keita Kurabe
Contributor (depositor):Keita Kurabe
Contributor (speaker):L. Ying Wang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-11
Date Created (W3CDTF):2017-03-11
Description:Moi shawng de da la langai mi gaw da jaugawng gawng sha ai da. Ndai la ni gaw ndai jaugawng gawng sha na matu ndai shara langai mi san da ai da. Dai shara kaw she shanhte gaw ndai jum ni ma bang, jit ni ma bang di na shapuk da na she e ndai ga kaw ndai n hkun htu na she dai kaw sa bang da da di ai da. Oh hpun de hpun pin ra ra di na dai kaw sa hkap hkap di ai da. Dai kaw sa hkap hkap di na she shanhte gaw sa hkap yang she da ndai shagawng shana re sai da ndai shan ma sa ai da. Ndai nat shayi ni marai 7 ma sa ai da. Ni sa re yang she ndai shan nga langai mi hka sa lu nga ai da. Shan nga langai mi hka sa lu nga yang she ndai jaugawng wa gaw dai shan nga hpe gap dat ai da. Gap dat yang she ndai nat shayi gaw kajawng na she hprawng ai da. Hprawng yang she ndai mahkam kaw wa dau ai da. Nat shayi langai mi gaw mahkam kaw wa dau na she shi gaw ndai pinra kaw na yu na she pinra kaw na yu na she shi mung sa ai da. Nat shayi ni kaw sa yang she dai mahkam sa raw ya ai da. Dai mahkam sa raw ya yang she ndai ga shaga ai da. E da nanhte nat shayi ni gaw da ndai nawng kaw hpabaw ngu na sa ai ngu tsun ai da. Hpa baw ngu na sa ia nga yang anhte ni gaw da ndai shagawng re jang gaw ndai anhte grai pyaw ai grai lu pyaw ai shana re. Dai majaw ndai kaw hka sa shin nga ai re ngu tsun. Nat shayi mung bai san ai da, re jang gaw nang mung da ndai jaugawng gawng ai gaw da hpa majaw ndai shagawng shana kaw sa gawng ai rai ngu san ai da. She anhte jaugawng la ni mung da ndai shana ndai hkying 8 kaw na ndai hkying 12 nga jang she anhte na ndai shan nga n dai masha bat mung n manam ai shaloi she sa wa ai da. Dai hku ngu tsun ai da. She dai hku ngu tsun na she shanhte gaw re jang gaw anhte naw wa sa na yaw ngu tsun ai da. Naw wa sa na yaw ngu tsun she dai nat shayi ni mung shanhte na shanhte shara kaw wa mat sai da. Wa mat na she jaugawng la wa mung shi nta de bai wa mat sai da, shi nta de bai wa mat na hpang na shata ndai shagawng shana bai sa ai da. Shagawng shana bai sa she bai sa hkap taw sai da, dai shaloi gaw da ndai jahkyi bai, jahkyi langai bai sa ai da. Jahkyi sa re yang she jahkyi mung sa ai da, nat shayi ni mung bai sa ai da, dai shaloi bai sa yang she ndai jahkyi kasha hpe mung gap dat yang gaw da shanhte mung gap dat yang gaw shanhte mung ndai nat ni hpe hka sa shin nga ai shaloi shanhte mung gap dat yang hkra ai da. Hkra na she nat shayi ni mung sa yu ai da. Sa yu yang she e da anhte ndai nanhte ni gaw da ndai hpa majaw ndai shan nga ni hpe dusat ni hpe gap sha ai rai ngu yang shingngu san ai da. Anhte gaw ndai jaugawng wa hpe san ai da, anhte gaw da ndai shat sihtu shatai na matu tam ai re da. Kaga gat kaw na n mari sha na matu anhte tam ai re ngu da. Dai hku ngu tsun re yang she shanhte gaw shanhte ndai jaugawn hte nat shayi ni gaw ndai hku ga shaga dai hku mai shaga hkat nga ai da. Shaga hkat nga re yang she ndai shanhte mung bai wa mat grai pyaw na hka shin la na she wa mat. Wa mat re she jaugawng la mung dai shan nga sha hpai na she nta kaw wa hpya sha ai da. Wa hpya sha re yang she moi gaw ndai dut ai mung shan nga ndai nam kaw na rai ni ngu gaw nchye ai da, dai she shanhte gaw yawng hpe shadu na gaw garan jaw. Langai gaw lagaw la mat wa, langai gaw n mai la mat wa, langai gaw baw la mat wa langai gaw pu la mat wa dai hku la mat wa ai da. La mat wa ndai ngam ai ni hpe gaw shanhte yawng tawk shadu na she sha ma ai da. Garan ma garan jaw ma ai da. Re na moi gaw ndai tsa ni ma grai chye lu, moi gaw ndai jaugawng la nga jang gaw kadai mung tsa ni lu chyai re na dai hku shanhte grai pyaw ai da. Grai pyaw hkra nga re yang she hpang e bai sa, bai sa ai da. Bai sa re yang she shanhte gaw nang hku ngu ai da, jaugawng la mung bai sa da. Shan bai sa gap nga da, dai shaloi she gaw ndai jaugawng wa hpe myi le le ya na hku re nga. Myi le le yang she ndai shan ngu gap ai wa she ndai shayi langai hpe wa hkra ai da. Nat shayi langai e wa hkra yang she dai she wa hkra ai da, wa hkra yang she shanhte gaw ndai jaugawng la re jang gaw matsan ndai hkra ai mu dat na she shi gaw dai shi na pinra kaw na yu re yang she gaw ga a nanhte ngai nye na myi gara hku re mat ai kun ngai shan she gap ai um nanhte hpe hkra ai majaw ngai grai nan agam sai, gara hku n chye di ai grai tawngban ai ngu tsun ai da. Tawngban ai ngu tsun she re yang she dai jaugawng la wa nam kaw nga ai re nga jang gaw nam kaw na namlap ni she mayut na chya ya, chya ya re yang she dai hku mai mat ai da. Mai mat re yang she shanhte wa mat sai, shanhte mung wa mat yang she shanhte wa mat shante mung nang hku ngu. Re jang gaw anhte nat shayi hpe she ndai jaugawng wa gaw anhte nta wa ga i ngu tsun ai da. Chye nanhte shinggyin masha ni hte anhte nat ni gaw rau nmai nga ai gaw ngu tsun ai da. Rau nmai nga ai gaw ngut tsun yang she e re jang gaw nang grai kam wa ga nga jang gaw wa ga le ngu tsun ai da. Wa ga le ngu shan hte nta kaw wa ai da. Wa re yang she ndai shinggyin masha ni gaw nat woi wa ai nmu ai da. Mu gaw nmu lu ai da, nmu lu re yang she ga wa shaga jang she jaugawng wa hpe manya shadu ai da. Manya shadu yang she dai ni kaw na gaw ndai jaugawng wa ndai wa gaw manya bu nga sai shi hkrai mi ga shaga nga ai gaw ngu tsun ai da. Dai hku ngu tsun yang she, dai hku ga shaga hkat na dai shat sha ga ngu tsun ai da. Shat sha ga ngu she masha ni yu yang gaw nmu, shi gaw jaugawng wa gaw shi gaw mu nga shi gaw mu nga shat gawt ya ai da. Shi hkrai sha nga shi hkrai mani taw ai da. Kaga masha ni gaw shi hte mani she mani, um ma ndai gaw yahte jaugawng gawng ai ndai nat she kawa sam sai, lama ma gaw mawng la sam sai, ndai hku ngu htang ai da, dai hku nga yang she lani mi na nhtoi hta jaugawng wa mung jaugawng bai sa gawng ai da. Re shaloi shi na shan sin ai shara kaw sa sin taw nga yang she bai sa sin ai da. Bai sa sin re yang she dai hku sa sin taw re yang she um ndai shi gaw jaugawng ntsa kaw na shi myit taw ai da. Um ngai num ndai hpe gaw la na i n la na i gara hku myit sumru taw nga ai da, gara hku n chye di. Nla sa na re ngu dai hku ngu tsun ai da. Dai hku ngu tsun yang she ndai hku myit daw dan ai da. Re yang she ndai nat shayi re jang gaw moi gaw shi hpe grai yu ra ai, ngai lu la hkra la na re ngu shi gaw dai hku ngu myit ai da. Dai hku na myit yang she shan 2 dai hku shaga hkat nga re yang she oh dai jaugawg wa gaw yi mung hkyen ai da. Yi mung hkyen re yang she yi hkyen na she yi galaw ai da. Dai nat shayi gaw sa na shat ni sa shadu jaw, dai hku di ai da. Dai hku di yang she dai ndai nat jaugawng wa na kanu kawa ni gaw yi hkyen ngut yi nat ngut na mam, mam yi hkyen ngut sai da, ngut na she kanu yen kawa gaw yi nat ngut tim hpa nchye she. Ndai shanam hte majap sa hkai ai da. Dai kaw na majap sa hkai re yang she shi gaw um grai kahtet ai, grai manam ai ngu na shi gaw hpa baw manam ai i, gra manam ai ngu tsun, majap hkai ai majaw ngai nang hte dai ni hka ra sai, nang hte n shaga hkat sa ka. Grai manam ai grai kahtet ai ngu tsun ai da, dai majaw dai kaw na da n dai shinggyin masha hte nat gaw dai kaw na hka mat ai da. Ndai nat ni gaw ndai majap ni shi na myit hpe grai hkrit ai, grai manam ai majaw shi gaw dai kaw na nat shayi dai jaugawg dingla kaw n sa mat sai da. Dai kaw na gaw ndai nat ni hte n dai shinggyin masha ni hpe lu gunjang ai daram gunjang na ndai amyu myu hku na gunjang na ngu myit ai da i, dai majaw myi hte n mu lu ai nat ni mung nga ai da, mu lu ai nat mung nga ai da. Dai majaw ndai dai kaw na da agung alau ngu ai dai shani kaw na nga ai da. Ndai jaugawng wa hte ndai nat shayi kaw na a gung alau ngu hkan tik tik ya du hkra hkan ai da maumwi gaw ndai kaw ngut sai. . Language as given: Jinghpaw
Format:Digitised: no Media: Audio
Identifier:KK1-1825
Identifier (URI):http://catalog.paradisec.org.au/repository/KK1/1825
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1825/KK1-1825-A.wav
http://catalog.paradisec.org.au/repository/KK1/1825/KK1-1825-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1825
DateStamp:  2018-12-21
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Ying Wang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1825
Up-to-date as of: Tue Feb 11 15:39:19 EST 2020