OLAC Record
oai:paradisec.org.au:KK1-1807

Metadata
Title:Anya dik ai Bau Tau (The fool Bau Tau)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Naw Hkawng (speaker), 2017. Anya dik ai Bau Tau (The fool Bau Tau). MPEG/X-WAV. KK1-1807 at catalog.paradisec.org.au. https://dx.doi.org/10.4225/72/598c87c2486a1
Contributor (compiler):Keita Kurabe
Contributor (depositor):Keita Kurabe
Contributor (speaker):L. Naw Hkawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-11
Date Created (W3CDTF):2017-03-11
Description:Moi shang de da ndai mungkan ga hta e grai a anya dik ai shadang sha bautau ngu ai langai mi nga ai da. La dai gaw anya ngu a nya dik a ngawk ngu a ngawk dik, hpyang ngu hpyang dik ai, tsun ai sha chye galaw ai la langai mi re na hku re nga. Re jang she kaning re i nga yang lani mi na ten gaw shi gaw num lu wa ai da. Dinghku de re wa she shi madu jan shi hpe e n nu e n wa e manang ni a madu wa gaw shayu nga shan ni grai chye hkwi jaw ai. Nang gaw yu nga shan hkri jaw mung nchye. Sha pyi u hkam sha pyi hkam jaw yu, singgau sha pyi gau jaw ngu mai ai ngu. Shi gaw singgau gau na hku nga shana tup singgau ri rit ai da. Rit na hpang jahpawt e grai jau hkra re na singgau gau na matu ndai nta kaw na pru mat wa ai da. Pru mat wa madu jan e dai ni gaw nye madu wa wa na me shat kawsi jan du jang kawsi wa na ra ai ngu na madu jan gaw grai tsang let shat shadu taw da. Shi gaw gara de hkam sa mat wa ai i nga yang she nta shingdu hku yin re na she nta n gaw de oh shangu n gawng de lung na hku nga. Lung re shangu n gawng kaw na shangu ning nga kaw na i dai kaw na ndai nta kaw rawng ai pilan u tsa ni pyen pyen re dai kaw she sa hkam na hku nga. Sa hkam rai lahput kahkap hpe gaw ndai u hkam rai shatai na she sa shachya da she jan du wa yang she shi wa mi madu jan gaw nam de sa hkam hkawm sam kun ngu grai kabu nga she jan du wa yang she koi kanoi lu ngu koi kanoi lu ai lu ngu da e. Madu jan gaw shi gaw nam de hkam hkawm nga ai ngu na la taw nga she kei kanoi noi lu ai ngu na yu dat yu yang dai nta n gaw kaw sha nga taw. E bautau e nang gaw u hkam sa ai nga mi grai tsan ai de sam ai kun ngu ya dai kaw sha wa na u hkam gaw gara hku re nga ta ngu tsun she, Bai shayu la. Shayu la na hpang e gaw shi gaw kaja nan hkam sai da nam de. Dai shaloi madu jan nan sa hkam woi ai da. Sa hkam woi re yang she dai shaloi gaw kaning re i nga yang ndai hkawhkam mungdaw hte loi ni ai shara dai kaw mi re yang shi u hkam hkam sa ai shara. Re yang she dai kaw shi sa hkam re yang hpang shani u hkam bai sa gawan re yang jahkyi nam na jahkyi langia lu ai da. Re jang she shi gaw dai jahkyi lu jang shi gaw e ndai gaw oh ra daw de na mungdan daw na hkawhkam wang kaw na dumsu kasha she re nga ai. Ndai hka hkrum wa ai baw re. Ngu na she raw dat ai da. Raw na re yang sa magang lak magang rai bai shi gaw nam rai re nga bai lak bai rai, shi gaw nchye ai re nga rawt dat, madu jan e wa tsun dan ai da. E dai hpawt gaw nang nga le dai kaw hkam ga hkrai nga na hkam nna ngai sa wa yu yang hto ra mare kaw na dumsu kasha she lu taw nga ai. Nga kasha she lu taw ngai raw kau dat sai, grai lak ai ngu tsun, madu jan gaw maw bautau e nang ram ram a nya ai gaw ngu na tsun ai hku nga. Nang ram ram a nya la ai gaw ngai gaw jahkyi ngu shan rai re, ya na lang dan re a hkyen re lu jang gaw a dup wa u yaw adup hpai wa u ngu bai tsun dat. Hpang e bai sa jang gaw ndai hpungki du na hku nga. Hpungki langai mi bai lu re yang hpungki gaw dai shi na (tingan) dai hkyeng ai rai re yang madu jan gaw a hkyeng re lu jang a dup wa u nga sai re nga she hpungki re nchye na a dup hkrai a dup ndai a hkyeng nga jang re sai ngu a dup hkrai adup hpai wa na sai hku nga. I bautau e nang ram ram a nya ai gaw aw ndai gaw hpungki she re lo ndai hpe gaw naw nna kadaw nna naw di na dat dat ai baw re ndai gaw shan nre naw na dat dat ai baw re ngu tsun dat jang she kaja wa hpang na lang bai sa yu yang she dai shaloi gaw shan nga bai lu sai da. Shan nga bai lu yang madu jan tsun ai hku bai n dai naw dat ai baw re sam ai ngu na bai naw sai da, naw magang shan nga gaw lak magang, naw magang shan nga gaw lak magang, re jang she oh lak di nga, madu jan e sa tsun dan re yang she madu jan gaw dan re gaw lak ai dan re lak wa jang gaw dai gaw sat sha ai baw re ngu tsun jang kaja wa nan shan lu na shaloi gaw dai shan mung la wa lu ai lu la wa re ndai shan hpe e anhte shinggyin masha gaw ndai mayu dama hpe bai garan jaw ai i. Dan re ni nga ai hku re nga. Dai hpe shan kadoi di na she maw ntsa ba e ndai wa jaw sha yaw ndai shan gaw mana dai jinghku mare na manaw manang jinghku ni e ma htingbu htingbyen ni hpe ma wa garan jaw yawng ka kaw gun shangun na she hto madu wa e shi mayu kahtawng de sa dat na hku re nga. Re shaloi me e ndai bautau a nya wa gaw madu jan mahtang gaw ning ngu htet na hku nga. Hpyi ai hpyi mahpyi nang nang nambat 1 lu hkam ai shan re majaw gaw hpyi mahpyi hpe e garan jaw u yaw ngu tsun dat ai re nga. Shi gaw gun wa sai da, ka hte gun wa re yang she oh ka hte re nga nam hku gale lai ai re nga, oh nam hte loi mi mahkai jang hkan hpyi ai shadu na aw nang ra ai i, kabai ya, kabai jaw kau da da, bai gun mat wa. Re yang she madu jan gaw htet dat ai shaloi ndai hku ngu da, oh mare kaw na nta wa nhka mun galu law re mare baw kaw nga ai ngu. Gun lung wa re yang she, oh hka rum langai mi nga ai hku re nga. Dai kaw shu ni she nang makret ngai makret ngu ngoi na hku nga. Re jang she bautau wa um ndai hpyi ai rai re nga ngu, madu jan htet dat ai hku hpyi mahpyi e jaw u yaw nga jang nang makret ngai makret ndai hpyi ai re nga nga na langai bai shaw na rum de kabai dat jang wa dai shi shan hkrat jang gaw shu gaw zim bai nga mat. Ya gaw re sam sai ngu na shi gaw bai sharawt gun na ka bai sharawt gun ai hte kalang bai ngoi wa. Dai jahkrat bang ai zim mat sai re nga kalang bai ngoi wa nang makret ngai makret e ya mung n law ai i ngu bai kabai bang dat jang bai zim nga mat. Ya gaw hkru sam sai ngu bai sharawt gun la nang makret ngai makret nga ngoi wa kanoi pyi ma wa hkra shaw bang kau na hku nga dai hka rum kaw. E ndai gaw nye katsa ba e wa jaw ra ai ngu na she gun lung wa sai da, ngam ai hte gun lung mat wa re yang she hto kaw mare baw kaw du yang she grak ngan re bainam bainam la wa she nga taw nga na hku nga, n hka mun galu law bainam n hka mun galu law nga taw nga she. E ya nye katsa e nhka mun galu law she nga ai gaw ndai re sam ai ngu na she bainam e she shan jaw na hku sa wa sai da. Katsa shadu na sa mat wa, katsa e nmu ga ai she nre nga dawng dai bautau dai gaw dan re sa mat wa re yang she shan jaw na ngu sa kei hkring gaw katsa wa mung hprawng sai da, dai bainam gaw katsa nre re nga shan hpai na sa wa magang oh ra wa gaw hprawng magang rai tsam mari mara hkan shachyut nrung bai hkan mahkai noi kau dat yang shi gaw madu jan e wa tsun dan. Ga n nu e dai ni na katsa ba wa gaw ngai tsun magang shi gaw hprawng magang re tsam mari jaw kau da sai ngu madu jan gaw n hkan mu ai re nga rai sai rai sai. Nambat langai lu sha ai gaw ntsa ni e jaw sha ai nang na matu akyu rawng dik ai re sai wunli lu na re ngu na she tsun. Nwa e dai ning gaw an nu wa ni yi hkyen yu ga. Ma mung nlu re she re wa yi sha hpyi lu yang yi sha hkyen la yu ga an la 2 sha na yi sha maw ta lahpan mi ram pa ai re jang gaw re sai goi. Ngu na me e ndai madu jan gaw kawa e dai hku ngu tsun na hku nga shi madu wa e dai hku tsun e yang madu jan gaw tsawm ra mi zen ai num re na hku nga. Ndai ga shadawn e tsun dan ga ta lahpan ram pa re jang gaw re sai goi ngu tsun dat ai wa she kei nang madu wa gaw shani tup yi sa ai wa yi sa hkyen ai she madu jan ta lahpan ram sha pa ai ngu dai wa matsing la na shi wa yi kaw she nang nam kaw ta lahpan sha hkra di na sa a hpre kau da ai da. Ya dai ni yi yu sai i n wa ngu yu gaw yu sha gaw hkum tsun sa, hkyen pyi hkyen kau da sai. Ya bai ya bai bautau nang grai a nya ai re lu kaning di na wa hkyen kau da nga ni. E nang she lahpa mi ram sha pa ai nga ngai mung ngai tsawm ra kaba hkra hkyen kau da sai ngu da. Hpang shani yi sa yu re yang hka rang na yi ngu oh kaw oh kaw hkrai ngu da nam maling kata kaw oh kaw chyu ngu kaja wa yi wa shi a ta lahpan sa a hpre kau da ai bai rai. Yi wa galaw tim dai hku yi wa galaw an la hkrai galaw na re mi n wa e jahkan kawp ram re yang re sai ngu tsun. Dai shaloi gaw shi shi gaw shani tup hka kau de jahkan tam jaji di na me shi gaw jahkan hpe sha jahkan lu rim la ai dai hpe dai jahkan kawp sha gawng la na hpun du kaw ra. hpun du kaw ra di da na she madu jan e yi wa mung ngut sai ngu. Ya bai kaning bai di ai kun, bautau nang mi gaw ngu hka ya gara kaw rai. Oh ra kaw law ngu, a gwi mung rem na hku nga. A gwi wa mi shawng de hkrau hkrau rai hkawm jang she gwi nang law nye yi wa sa kau ya na law, gwi nang law nye yi wa sha kau ya na law ngu da. E bautau e gwi sha sha lu ai yi wa gaw kaning san re oh kaw law oh kaw law ngu sa yu yang jahkan kawp sa bai rai. Deng madu jan gaw grai pawt mayu na hku nga. Lani mi na ten gaw e bautau e nang gaw dai ram ram a nya ai gaw manang ni gaw manang ni a kun dinghku tsip tsip re an la mung dinghku tsip tsip yu ga. Dinghku tsip woi tsip yu, madu jan tsun mayu ai gaw sut hpaga lam woi galaw u ngu tsun ai ga e shi gaw bautau gaw nau anya ai re nga dinghku tsip tsip yu ngu yang she madu jan yi sa mat wa ai shaloi she shani gaw shi gaw nta sin ang na hku nga. Madu jan dan ngu da ai re nga, nhku ting nam hkra htep dan bang tawn da na la nga na hku nga. Madu jan ba ai hte re na wa yu yu yang she deng ya bautau re yang ndai nhku kata na nam gaw hpa di da ga ai rai. E nang she dinghku tsip tsip ga nga na ngai dinghku tsip tsip na matu dan bang da ai re ngu tsun na hku nga. De hpang gaw ma lu sai da. Ma langai lu re, mayet maya ma langai lu, a nya tim ma sha gaw mai lu ai hku nga shi ma langai lu re na hku nga, ma woi ang na hku nga. Madu jan gaw nang gaw yi sa mung n chye re nang gaw ma woi ngai yi sa na ngu na she shi e ma woi shangun na ma gaw chyu kut nna hkrap. Shi bai masawp hkrup ai gaw mu ai gaw ndai bumwam kahpaw ndai wa she bumwam wa she mu di na she ga ma ndai gaw ndai ram ram hkrap ai gaw n hpa rai hkrap ai kun ndai shakroi wa she bawng machyi na hkrap nga hka kanu ndai gaw ma kanu nga tim ma nyu ngu na she ma a bumwam wa she anyaw baw kau hkra da. Ma gaw si di rawk. Shi gaw yup pyaw nga ai ngu hku bai myit la. Madu jan wa yu yang ma hkrap ai mung nna re na she nwa ya ma gaw hkrap ai, hkrap ai nna re gaw kaning re re ngu tsun yang she oh manang ma kanu re nga ma mung atsawm n yu ma wa mi gaw oh she yup taw nga sai. Shakroi machyi taw nga hka nye shakroi baw dat yang bai yup nga sai. Ngu na me tsun jang kaja wa sa yu yang ma gaw shi a chyaw sat kau. A chyaw sat kau re yang she dai kaw e shana de gaw hpun bai hta shangun sai da, aw mam bai gun htu shangu na hku nga. Mam bai gun htu shangun re yang bautau e dai na de gaw jan oh ra hpun ndung ram re hpe gun htu u yaw ngu da. Mam gun htu yaw ngu re yang she bautau wa a nya ai re nga jan hpun n dung ram re e she htum mung gun, mam mung gun re na lung wa na hpun ntsa kaw na di hkrat na shi asak e shi a labau hpe dai kaw jahtum kau mat ai da. . Language as given: Jinghpaw
Format:Digitised: no Media: Audio
Identifier:KK1-1807
Identifier (URI):http://catalog.paradisec.org.au/repository/KK1/1807
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1807/KK1-1807-A.mp3
http://catalog.paradisec.org.au/repository/KK1/1807/KK1-1807-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1807
DateStamp:  2018-12-21
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Naw Hkawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1807
Up-to-date as of: Thu Sep 3 17:41:35 EDT 2020