OLAC Record
oai:paradisec.org.au:KK1-1771

Metadata
Title:Jahkrai ma a lam (The orphan)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), N. Zau Awn (speaker), 2017. Jahkrai ma a lam (The orphan). MPEG/X-WAV/XML. KK1-1771 at catalog.paradisec.org.au. https://dx.doi.org/10.4225/72/598c872a0fc9a
Contributor (compiler):Keita Kurabe
Contributor (depositor):Keita Kurabe
Contributor (speaker):N. Zau Awn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-10
Date Created (W3CDTF):2017-03-10
Description:Mying tsun ra na i? chyeju kaba sai, ya ngai kaw na maumwi kadun mi tsun dan na lam gaw jahkrai ma a lam re. Moi shawng de mare buga kahtawng langai mi kaw jahkrai ma hte shi a kawoi dwi langai mi nga ai da. Shi gaw kanu yen kawa nnga mat sai, gawoi dwi hte nga kaba wa ai da. Re yang gaw dai gawoi dwi jan shan shu hpe mung mare buga kaw lam hkyen na matu dai mare dai mungdan na hkawhkam hpe shi a lalaw ma luksuk ni gaw nsa nmai ngu na jahkrai ma mung nmai yawng sa ra ai ngu na tsun ai majaw shi mung lam hkyen sa ai kaw lawm ai da. Re yang gaw shi lam hkyen lam galaw let e hpa baw mu ta nga yang gaw grai manu dan ai (padamyar) lungseng langai mi mu hta ai da. Dai shaloi shi gaw dai hpe mu ai shaloi htoi hkyeng tsawm ai majaw shi gaw ndai kan kaw bang tawn da ai da. Kan ntsa kaw labu makai tawn da na gaw shi gaw masha ni e san ai da. E jahkrai ma nang hpa baw nam gaw n hkyen lam gaw n htu hpa baw galaw taw nga ta? rawt u ngu, e ngai nmai rawt sai, nang kan machyi di dai majaw nye adwi hpe wa tsun ya, hkintau ma gan gun nawn re na dai hkintau kaw hka ma la sa ya, ngai kan machyi ai dai tsi jaw sha na matu nye gawoi dwi hpe wa tsun ya marit ngu na tsun ai da. Re yang gaw dai lalaw ma ni gaw ma dai na gawoi dwi hpe wa tsun ya ai. E na n shu wa hto lam galaw ai kaw kan machyi nna gum dagup taw sai da. Dai hka hkintau kaw hka bang la nna sa, lawan sa wa na da ngu na tsun ai da. shaloi gawoi dwi ngu na wa gaw e kaja wa shadu nna hka hkintau kaw hka ni bang la re na sa wa, re yang kashu gaw dai kaw hpum nga, masha ni gaw le shawng de lai yawng mat sai. Kashu kaw du yang gaw e gara hku byin ai hpa baw machyi ai ta ma e ngu tsun na gawoi dwi hpe a dwi e zim nga u, na hkintau hpe lawan hpai wa rit, ngu nna dai padamyar lungseng wa kachyi sha re manu dan ai dai hpe hka hkintau kaw bang di na hka hkintau hpe matsut nna wa mat ai da. Re yang gaw shan woi dwi gaw grai manu dan ai ndai padamyar lungseng kasha langai mi lu nna dai hpe dut sha na matu hpaga ga sa na matu myit ai hku re da. Shaloi dai hpaga ga sa na matu gaw hka lam hku sa ra ai da. Mare kahtawng kaba de hka lam sa ra ai, re yang gaw le hka wawn htaw nna sa ai shaloi wawn kaw ka wa dumlawng kaba kaw dai hkintau lup di nna gun sa wa ai da. Re yang gaw gadwi lungseng padamyar dut sa ai kadai n shadu ai. Shi gaw dai hka dumlawng gun sa ai sha mu ai. Dai mare du re yang gaw hka hkingau kaw dung nga tsap nga ai hku re da. Hka hkingau du yang gaw masha ni gaw e hpa baw re na dai kaw dung nga a ta? ngu nna tsun ai da. E ngai gaw ndai mare kaw sa chyai mayu ai rai nga ai. Kade nta kaw sa chyai na mung n chye ai. Dai ni sut su ai ja gumhpraw lu ai nta kaw ngai sa chyai mayu ai ngu hku nga. E deng gaw mai sa, deng gaw sawk sa sa ga, ngu nna dai masha ni shi e woi wa ai da. Re yang gaw ndai mi na kawa dumlawng n dum kaba hpe gaw tawn da na dai yamtau, dai padamyar rawng ai yamtau hpe sha hpai sa wa di na dai nta de wa lu manam re shaloi, shi hpe she a tsawm hkap hkalum la hku re nga. Deng gaw dai kaw du yang gaw nta madu ni gaw ya nang wa hpa baw re na du nta ngu tsun ai da. Ya ngai rai lama mi lu ai ngu ai, re yang gaw hpa baw rai ta ngu? ndai manu dan ai baw rai mari ai masha gaw nga ai kun ngu ai da. Re yang gaw na ndum dai gaw hpa baw n dum ta? ngu hku re nga. E ndai gaw ngai na tsi n dum re, e jahkring mi sha hpaw yu u ngu ai da. Deng gaw nta madu ni tsun ai majaw shi mung dai matsut hpaw yu yang gaw dai matsut hku na htoi a la wan zawn zawn tu wa ai da. Ndai lungseng padamyar gaw grai dan ai majaw, dai majaw ding re manu grai dan ai wa dai yamtau kaw bang nna magap hpaw dat jang gaw htoi hkrung wa ai majaw dai pik ai shaloi gaw bai zim rai ai da. Re yang gaw nta madu ni gaw e ndai gaw manu dan ai arung arai re ngu, ndai gaw sut du ni hkawhkam ni hpe madun ra ai ngu hku na sut du ni hpe madun jang gumhpraw kade ram hte dut na ngu tsun ai da, shi gaw manu mung n chyoi ai hku re nga. Kara gaw tsip tsip re ai hku re da. Dai majaw shi gaw manu n chye tsun nna baw sha mahkyit mahkyit re hku re nga. Re yang gaw aw ndai wa hpe gaw chye sai,shi na kara ram law hkra hpyi sai re ngu na she dai lauban ni sut du ni gaw kara yan law hkra nang dang ai daram la u ngu gumhpraw jaw dat ai da. E dai gun nna wa ai hku re nga, dai gun wa na wa ai shaloi da shi na buga de du wa ai hku re nga. Du wa yang gaw gumhpraw grai lu ai hpe mu ai shaloi ya nang gaw kaning re na gumhpraw dai ram ram lu wa a ta? ngu san ai hku re nga. E ngai gaw tsa yambu ndai moi gaw nam de kawa dumlawng kaw tsa yambu bang ai i, tsapa ni bang ai, e ndai tsa pa sa dut ai re nga ai oh ra mare de ngu hku re nga . Re yang gaw dai lalaw ma ngu ai hkawhkam ni a luksuk ni gaw shanhte mung tsa yambu tau ni e mare de sa dut ai hku re nga, jahkrai ma wa tsun ai majaw kadai mi n la ya ai da. Dai majaw e nang gaw anhte hpe masu ai re ngu majaw shi hpe mara la na hku galaw wa ai da. Mara la na hku galaw yang gaw sat na ngu hku re nga. E sat gaw hkum sat mi ngu da. Nanhte sat na madaw gaw dai hkali makau kaw na hpun dawng taw nga ai shara kaw ka koi bang nna gyit da mi ngu hku da, re yang gaw kaja wa lalaw ma ni gaw nsat ai nna ka wa nna shi hpa dai kaw noi da ai da. Hpun lakying kaw noi da deng gaw lalaw ma ni wa mat ai da. Reng gaw dai kaw lam kaw lai ai ni atsawm sha n hkam kaja ai, dumsu yam nga grai rem ai la langai mi du da. Oh shi hpe dai kaw hka hkingau kaw ka hte noi taw nga ai hpe mu nna e manang wa e nang gaw hpa baw galaw nta? hpa baw re ta? ngu, e ngai gaw hkam n kaja ai, myi ni mung a tsawm n kaja ai, hkum mung a tsawm nzeng re majaw nang ndai kaw hka hpungtsin hte a wut nna ndai kaw ngai myi tsi tsi taw nga ai ngu tsun ai da. Har deng gaw hkau e ngai mung myi nau n hkam kaja ai reng gaw nang ngai hpe mung naw gan tsi, mai ai mai ai nang ngai hpe shawng shahkrat la u ngu da. Dai dumsu nga rem ai wa gaw re yang gaw shi hpe jahkrat la re na she nang tsi mayu ai i ngu, tsi mayu ai ngu da. Deng gaw dai hpe mung dai kaw shi zawn zawn re gyit noi da na she gai nang ya gaw nang tsi tsi nu yaw ngu tsun dat nna masu nna shi gaw dai sumri hpe kahtam di kau nna hka hta jahkrat kau dat ai da. Oh ra dumsa nga rem ai wa gaw si mat sai hku re nga. Dai majaw shi gaw dai dumsu nga mi na si mat ai madu wa a dumsa nga gawt nna mare de wa sai hku re nga. Mare de wa yang gaw kei ya nang gara kaw na dumsu nga ni lu la ai ta ngu yang lalaw ma ni san ai hku nga, hkawhkam wa na luksuk ni gaw san ai. E nanhte hka la-ing kaba kaw grau nna noi da yang jahtam gaw le sit noi da yang jahtam gaw gai hto de de gaw grai manu mana sut gan e du sat yam nga du hkra lu la mai ai ngu ai da. Moi na prat gaw hpaji n chye a ngawk a ngak re sam ai, e oh ra ni gaw e madu hkawhkam e dai hku re da lo, dai jahkrai ma dai wa gaw ding re dusat dumyeng ni grai gawt la ai dai hta grau sung ai de gyit noi da nna she re jang gaw grai lu la na hku re da lo nga yawng, e dai re yang hkawhkam wa gaw re sa ngai hte rau anhte nkau mi sa noi ga ngu hku re nga. Re yang gaw da hkawhkam wa hte hpawn, dai shi a lalaw ma ni luksuk ni gaw yawng dai kaw sa noi na shi wa sa ai hku re nga. Yawng tinang tinang ka de noi nna dai hpun lakying kaw gyit noi ai re nga, re yang gaw jahkrai ma wa gaw e nanhte yawng ngut jang tsun mu yaw ngu da. E yawng ngut sa i ngu, re jang she dai ma arawng kaba kaba ni gaw loi mi salang tai ai ni gaw dai kaw yawng gyit noi, hkawhkam wa hte hpawn, yawng nanhte jin sai i? jin sai ngu jang n htu n hkyi langai hpra hpra gun lang ra ai ngu da. Dai majaw nhtu langai hpra hpra lang, jahkrai ma gaw ngai 1, 2, 3 nga yang nanhte hpe noi ai sumri dan di yaw, dan di na hto laing de hkrat bang yang dusat grai nga ai dai kaw gawn la hkrai rai sai ngu ai da. Re yang gaw yawng noi ngut re shaloi gaw gai jin sai i? jin sai ga i ngu, gai deng gaw 1, 2 ,3 ngu tsun ai hte nanhte yawng nanhte sumri dan di mu ngu da. Re yang gaw jahkrai ma wa gaw 1, 2, 3 ngu dat jang she shanhte yawng tinang tinang gyit noi da ai sumri dan di mat yang hkawhkam wa hte hpawn shi a lalaw ma ni gaw yawng hka de marit si mat wa ai da. Hkawhkam mung nnga sai, shi sut gan ni grai lu ai, ja gumhpraw lu ai, dusat dumyeng ni lu ai, re majaw dai mungdan hta a nyik angawk re ai ni, hkawhkam tai nna mungdan n galu kaba ai. Shi gaw machye machyang rawng nna dai mungkaw shi ningbaw ningla galaw nna mung mare mung galu kaba wa ai nga ai hpe anhte ndai maumwi ndai jahkrai ma, jahkrai ma retim mung hpa n chyoi n chye retim mung hpan wa karai kasang e shaman da sai re yang gaw jahkrai ma prat kaw n na le hkawhkam de du hkra a rawng tsang du wa lu ai ngu ai ndai jahkrai ma maumwi ngu ai hpe ndai loi mi hkai dan lu ai hku re, chyeju kaba sa. . Language as given: Jinghpaw
Format:Digitised: no Media: Audio
Identifier:KK1-1771
Identifier (URI):http://catalog.paradisec.org.au/repository/KK1/1771
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1771/KK1-1771-A.mp3
http://catalog.paradisec.org.au/repository/KK1/1771/KK1-1771-A.wav
http://catalog.paradisec.org.au/repository/KK1/1771/KK1-1771-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1771
DateStamp:  2019-02-17
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); N. Zau Awn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1771
Up-to-date as of: Sat Nov 14 14:27:01 EST 2020