OLAC Record
oai:paradisec.org.au:KK1-1768

Metadata
Title:Dumsi a lam (The porcupine)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), N. Gum Ja (speaker), 2017. Dumsi a lam (The porcupine). MPEG/X-WAV. KK1-1768 at catalog.paradisec.org.au. https://dx.doi.org/10.4225/72/598c871d13d40
Contributor (compiler):Keita Kurabe
Contributor (depositor):Keita Kurabe
Contributor (speaker):N. Gum Ja
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-10
Date Created (W3CDTF):2017-03-10
Description:Ndai gaw dumsi a maumwi re. Karai kashang gaw shinggyin masha ni hpe sha nre dusat dumyeng hkum sumhpa hte mungkan ga kaw nga ma nga pra mapra yawng hpe hpan tawn da ai madu re. Dai zawn shi hpan tawn da mada mahkra hpe yu reng madu tai na ahkang hte jaw n jaw sawn ginhka myityu chye na matu mung anhte shinggyin masha ni hpe wenyi hte rau laklai ai hku na hpan da hkrum ai ni re saga ai. Dai majaw myit yu sawn yu ai lam nnga ai masha hpe nang gaw dusat she re, gwi she re sam ndai, ngu nna masha hta madang shagrit shayawm ai hku anhte tsun chye ga ai re. Raitim shinggyin masha hta madang she grit tim dusat shagu hpe karai kasang gaw laklai ai a tsam jaw da ai hpe mu lu ai. Ga shadawn dumsi a lam hpe anhte myit yu ai shaloi, dumsi ngu hpan 2 ngu mai tsun ai. Kaba ai hpan hpe dumsi ngu nna kaji ai hpan hpe gaw du ngu ai re. Dai dumsi hte du ni gaw grai tara lang ai dusat hpan mi re ma ai. Manang kaga ni shagrin da ai lam hte hkrup mara kadai n lai n hkawm sa ai sha tinang lai na lam hpe tinang nan atsam marai dat let baw la nna tinang a lam hta tinang hkawm sa chye ai dusat re. Dai majaw she du a lam gaw du, dumsi a lam gaw dumsi ngu ai jinghpaw ga malai nga wa ai re. Dai sha n ga, shanhte rawng na n hkun hpe mung tinang nan htu tsawm la nna uhpung hte uhpung san san rai rawng nga ai hpe mu lu ai. Dumsi hpe nanhte ma ni myi chyaw mu lu ai gaw nau pyi nnga na nhten sumla hkrung hta she nanhte mu na re. Dumsi a hkumting hta brung ngu ai ja ai hte 2 maga masen ai mun kaba hkrai hkumting hpe kawp gayawp da ai tu nga malu ai. Shanhte a dai dumsi brung ngu ai ju gaw tinang a hkum makawp maga na hte hpyen wa hpe gasat na matu pala mung rai nga malu ai. Kaga dusat ni shanhte hpe rim sha hkyen jang shanhte a hkum hpe loi gum shangun n htawm n gun dat nna hkum hpe makun dat jang shanhte a dumsi brung pala ni gaw majoi she marawng wa ai hte hpyen wa hpe sanat mawdaw zawn mung mai gap lu ai da law. Moi kalang mi hta jidwi shan gap na matu nam hku wam hkawm ai shaloi tsawm ra tsaw ai langu hpun ningdung na ngajaw si kaw dumsi brung jung nga ai hpe mu ga nngai. Kadai wa lung jun da ai kun? nanhte she lama mu hkrup yang mau na re. Dai hpe nanhte hpa mau na lam nnga ai, karai kasang gaw dumsi hpe mung shanhte a dumsi brung pala hte ngajaw si sha mayu yang gap jahkrat sha lu na atsam hte a hkaw ahkang jaw da sai majaw ngajaw si gap jahkrat sha na matu dumsi ni gap jun da ai she re. Bai nna du hte dumsi ni gaw tsi sara mung re ma ai. Du dumsi ni gawa makret sha hkang ai hpun shagu gaw tsi ru, tsi hpun hkrai rai sai, dai majaw she dumsi lu ai shaloi shat kan hpe wan jahkraw la nna hkum hte lagaw lata myiman bum ai ana htungtsi kaba shatai ai hte anhte wunpawng myu sha ni dai ni du hkra akyu jashawn tsi shatai nga ga ai re. Dumsi a lam hpe ntsa lam chye ai hkrai retim, masha law malawng chye ai laklai ai lam lamami hpe nanhte ma chye da na matu jidwi lagu tsun dan na madat mu. Dumsi gaw masha a mahkam hte lu hkrup ai shaloi mahkam sumri hpe a mai sha gawa di lu na retim sumri hpe n gawa ai sha shi a lagaw hta lu shingkyet nga ai sumri a lahta kaw shi a lagaw hpe mahtang she machyi hkam nna lagaw hpe n di di hkra gawa shakut ai gaw mau hpa kumla langai mi re. De a maumwi hpe nanhte chye hkra jidwi a tsawm matut tsun dan na, moi shawng de gumgai langai mi nga ai da, dai gumgai hkai da ai yi na nai kadung hpe du dumsi ni shana shagu sa sha sha ya mu ai majaw gumgai gaw mahkam hkam na matu sumri tam tim n mu nna shi hkyit ai shingkyit sumri hte dumsi lai lai re ai kaw mahkam shachyen da nu ai da. Dai shana mi she n myit mada ai sha dumsi salang wa mahkam hta lu hkrup ai shaloi dumsi salang wa a myit hta aw ngai salang wa langai mi ting nye a atsam hte ngai ntam sha ai sha matsan mayan re ai gumgai n ngut n jin let hkai da ai hpe ngai sa lagu sha ai majaw re sai. Dai majaw lai sai ten hta ngai lagu sha ai mara pyi nau she hpyau sai. Matut nna shi a shingkyit sha gaw ngai n jahten kau na. Nye a lagaw di nna ngai si tim ngai nye a mara hte ngai si ai re majaw ngai si hkam na. Shing nga mara yin la let shi a lagaw hpe n di yang di hkra gawa shakut nu ai da. Kade nna yang shi a lagaw di mat ai hte tsi tam yu wu yang makau kaw nan tsi kaja hpe mu nna dai tsi hpun hkyep hpe tsawm ra mi gawa makret sha la n htawm shanhte a n hkun de n du du hkra labye let tsam mari du wa sai da. Shi du wa ai hte manang ni gaw tsi tam ai ni tam, lusha tam ai ni tam rai ma ai da. Dai shana tam jaw ai sha n ga, shi machyi ai laman tup lusha hkum sumhpa hpe langai hpang langai sha she n ma hkra shana shagu tam la wa jaw jaw di mu ai da. Laban bat mi ram na ai hte tsi kaja ai majaw shi lam a tsawm lu hkawm nu ai. Lagaw mai sai majaw shi mung shat tam sha hkawm hkyen ai shaloi shi a kasha ni kashu ni tsun ai gaw jidwi dingla e nang gaw asak mung kaba sai hta n ga lagaw mung n kaja sai re majaw kanang de hkum hkawm sa nu. Anhte a shara hpe sha a lum a la sin nna nga nga sa nu. Nang hpe anhte hkru hkru kat kat mu mu mai mai sha lu hkra yawng jawm tam jaw na re. Ndai zawn ngu yawng jawm tsun ma ai majaw n hkrun sin ai dawlawan tai mat nu ai da. Dai aten kaw nna du dumsi ni gaw lagaw lata daw hten ai jahten labye ni hpe shanhte a n hkun kaw sha sharawng nga shangun n htawm ngam ai ni rau jawm bau ga ai lai masa hpe dai ni du hkra galaw ma ai re. Ma ni e maumwi gaw ndai kaw htum sai. Re yang wenyi n rawng ai dusat ni pyi dai zawn chye myit chye mang ai rai yang wenyi hte hpan da sai anhte shingyin masha nanhte kashu kasha ni asak kaba nna n byen n chyawn sai tinang a kaji gawoi kanu kawa ni hte ru yak jam jau jam hkau hkrum nga ai ni hpe tsawra matsan dum nna yu gawn lajang bai maka na gaw rawng nga myit dai kun? Nanhte a hkum hpe nanhte madu nan myit yu na matu ndai maumwi gaw nanhte hpe hpaji jaw shadum sharin nga sai re. Dai majaw tsawra ai ma ni e wenyi n rawng ai dusat gwi hte gaw nanhte n mai shabung ai lu yaw grai chyeju kaba sai. . Language as given: Jinghpaw
Format:Digitised: no Media: Audio
Identifier:KK1-1768
Identifier (URI):http://catalog.paradisec.org.au/repository/KK1/1768
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1768/KK1-1768-A.mp3
http://catalog.paradisec.org.au/repository/KK1/1768/KK1-1768-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1768
DateStamp:  2019-02-17
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); N. Gum Ja (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1768
Up-to-date as of: Thu Sep 3 17:41:30 EDT 2020