OLAC Record
oai:paradisec.org.au:KK1-1763

Metadata
Title:N kaja ai madu jan (The bad wife)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Seng Ja (speaker), 2017; N kaja ai madu jan (The bad wife), MPEG/X-WAV, 2020-02-11. DOI: 10.4225/72/598c8707484f8
Contributor (compiler):Keita Kurabe
Contributor (depositor):Keita Kurabe
Contributor (speaker):M. Seng Ja
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-10
Date Created (W3CDTF):2017-03-10
Description:Moi shawng de da mare langai mi kaw jahkrai ma langai nga ai da. Jahkrai kasha dai gaw kanu kawa n lu jang gaw shi hpe bau ai sha na kadai mung nnga ai le i. Re jang gaw retim pyi moi kaw na anhte jinghpaw ni gaw jahkrai ma rai rai, hpa ma rai rai, nam kaw na yi hpun kawa ni i la na tinang nga na nta sha gaw tinang lu gap rawng ai le. Re jang gaw shi gaw nta dai zawn re kaw gap rawng di htingbu kaw gaw ndai ma kanu kawa hkum hkum ra ra re nga ai manang langai nga ai da. Shi gaw grai zet ai da. Kanu kawa rau nga jang gaw yi sun hkauna mung lu re na zet ai da. Jahkrai ma gaw chye ai hte maren le laika mung laika chye ai hte maren, laika jahtam gaw anhte gaw moi gaw laika mung n chye, sharin shaga na mung nnga i, kahti galai tsun dan na mung n nga re jang gaw shi gaw a nyuk anyak re nga. Re jang gaw yi mung hkyen sha na mung ladat mung n chyoi, re jang gaw shi gaw hto nam de sa di na she namsi namsaw nampu nampan oh htu sha re dai sha tam sha htu sha di nga ai da. Jaugawng mung n chye gawng da, shi gaw jaugawng gawng na mung n chyoi gara ku jaugawng gawng ai ngu hpaji re gaw i, dai hku re yang gaw dai hku chyu sha di oh hpun kawa hkan ne dai hku noi hkawm nam hkan ne dai hku sha nga hkawm, rai na shana re yang gaw ginsum kaw wa yup re hku re nga. Re jang she oh ra shi htingbu manang wa gaw nang gaw dai zawn re dusat zawn zawn nam grau grau di chyu ngu i, dusat wa re ndai nang gaw shinggyin masha nre, dusat ladaw re ngu na shi hpe ding chyu ngu tsun ai da. Tim jahkrai ma gaw hpa n tsun ai da. Dai hku nga lani mi she jahkrai ma wa she maihpang hpun kaba law nga ai da. Maihpang hpun ngu gaw maihpang si gaw hpun kaw grai kaba ai, hpun pawt ning re kaw maihpang si grai noi ai dai kaw labra grai pa ai le i. Dai maihpang hpun na kumla gaw dai hkum, shi gaw maihpang hpun n tsa lung, labra kaw she dung re na maihpang si sha re na she hkru di na maihpang si hkru hkru sha di na hpun ntsa kaw lapra ntsa kaw labra ntsa kaw she kei ga nga na pyaw di na nga taw na hku nga. Re yang she dai grupyin kaw na hkawhkam wa she jaugawng gawng hkawm ai le. Jaugawng gawng hkawm let nau ba di na she dai maihpang hpun pawt kaw she wa dung sa la na maihpang si mung taw re yang shi gaw sa la na she shi gaw dai kaw ba let yup mat wa na hku re nga. Yup pyaw mat wa re yang kei yu dat yang jahkrai ma wa shi mung bran re na ning ngu yu dat yang wa hkawhkam wa she du wa ai she, shanhte na hkawhkam du wa re nga anhte hku na nga yang gaw ya gaw hkawhkam nga tim moi gaw du re nga. Kei du wa wa she hpun hpawt kaw wa yup taw nga shi wa ntsa de nga taw re, ya gaw ngai hpe gaw htau sat kau na ram pawt mayu na re sai ngu na she grai hkrit di na she zim ngu nga na hku nga. Retim shi wa sha hkru lu hkru na shi gaw hpyet bu mayu wa ai hku nga. Kaning n dang sharang re gaw ndang sharang re na hpyet bu dat ai wa she shi gaw namsi namsaw sha sha jang she shi hpyet nsa wa grai mana pyaw ai hku nga. Dan she hkawhkam wa ning nga yup, ga ndai ram manam pyaw ai gaw gara kaw na wa re ta? hpa baw nampan wa re ta nga ning ngu yu dat na hpa baw manam pyaw wa si nga ta? gara kaw na manam wa nga ta? ngu tsun jang wa she i jahkrai kasha wa gaw grai hkrit mat ai da. Shi mara, i ndai gaw mara she re lau yinla yang she mai na sai, e e du wa e shut ni ai loh, ngai wa nang garai n du shi kaw na hpun pawt ndai ntsa kaw i nga taw nga ai wa nang wa hkring sa ai nga ngai hkrit di na ngai n yu wa gwi ai re dai kaw she ngai mung n bung tat di ai loh oh mara raw ya rit loh ngu jang she, ga na n bung wa dai ram manam pyaw ai re hka i. Hto nye hkaw de she hkan nang u ngu tsun ai da. Hkaw de hkan nang na shani shagu ndai n bung anhte yawng e ndai ram manam pyaw ai n bung she jaw u ngu tsun jang shi gaw shani shagu hkawhkam hkaw kaw nga di na shi hpe wa gumhpraw jaw ai da. Kumhpaw kumhpa jaw dat jang shi gaw buhpun palawng sumli sumra ni rau tsawm htap wa ai le. Tsawm htap wa jang htingbu kasha gaw mu ai da. Ndai nam grau grau ai jahkrai kasha ndai wa gaw kaning re na me e tsawm htap ai buhpun palawng, du ni gam ni she hpun ai i buhpun palawng ni wa she lui hpun bang wa nga ai le. I nu e ngai mung ra ai lo ngu tsun jang she e dai gaw du ni magam ni hpun ai baw bu hpun palawng she re ndai gara kaw na lagu ai kun ngu na nang lagu la ia nre i ngu tsun jang, e ngai nla gu la ai lo ngai hpe du wa jaw ai re, shagrau ai re ngu jang. Nang e wa hpa shagrau na lam nga ai ma ngu da. E taw ngai dai hku dai hku re ngai gaw dai hku i nye na hpyet nsa wa nau manam pyaw di du wa wa ngai hpe kumhpa jaw ai re ngu tsun jang she, kei ngai mung dai kumhpa palawng dai du lawnghpau palawng ni i dai lu la na matu ngai mung naw she shakut yu ga ngu na kanu hpe she shan sihtu ni shat mai ni i agying shadu shangun na shi gaw i hkru hkru tit tit sha la na she du nta de sa na hku nga. Ngai mung nang hpe grai manam pyaw ai mu hpa sau hpa nsa lawm ai i, n bung shale ya na ngai hpe ma nang dai kumhpa jaw u ngu jang mai ai goi, ngu tsun na she grai shale dat yu u, shale dat yu ai wa shan sha ai nga yang gaw agying nga wa shale dat ai majaw da du wa nang gaw hkaw de sa di na ngai hpe roi ai nang zawn re gaw ngu na she dangbau kaw re ri hte e 50 lang abyen di wa kau shangun ai da. Dai re majaw da shinggyin masha hta e manawn masham ngu ai mung n mai ai da. Masha hpe manawn masham ai nmai di na ya na zawn zawn namlap namlaw sha yang gaw hkam kaja lam hte ma htap htuk ai ngu ai hpaji jaw ai maumwi re ngu. . Language as given: Jinghpaw
Format:Digitised: no Media: Audio
Identifier:KK1-1763
Identifier (URI):http://catalog.paradisec.org.au/repository/KK1/1763
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1763/KK1-1763-A.mp3
http://catalog.paradisec.org.au/repository/KK1/1763/KK1-1763-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1763
DateStamp:  2019-02-17
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Seng Ja (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1763
Up-to-date as of: Tue Feb 11 15:39:03 EST 2020