OLAC Record
oai:paradisec.org.au:KK1-1745

Metadata
Title:Dawk ngawt a lam (The old man who got a child)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Awng (speaker), 2017; Dawk ngawt a lam (The old man who got a child), X-WAV/MPEG, 2020-02-11. DOI: 10.4225/72/598c86b77fa9d
Contributor (compiler):Keita Kurabe
Contributor (depositor):Keita Kurabe
Contributor (speaker):M. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-10
Date Created (W3CDTF):2017-03-10
Description:Moi dinggai langai mi gaida dinggai langai mi gaw la kasha langai mi lu ai da. La kasha dai gaw loi mi ra mat ai mana maga de kachyi mi gale mat ai ma re da. Hpa mung n chye galaw hpa mung n chye galaw re majaw kanu gaw tsun ai da. E ma e nang gaw bungli mung n chye galaw re gaw oh nam de sa na nhkaw sumri sa hkam, hkam lu hkam sha hkwi lu hkwi sha rai u. Shan nga jahkyi ni gap u gap nga hkwi sha di u, loi dik ai gaw nhkaw hkam ai wa loi dik re sai, dai majaw nang oh nam de nhkaw sa hkam tawn da nhkaw hkam jang gaw shani shanang gawan ra ai lu ngu na matsun da nu ai da. Dai majaw dai ma kasha mung kaja wa hpa n chye galaw ai re nga yang nam de sa na nhkaw sa hkam tawn da ai da. Hpang shani shi sa yu yang gaw uri langai mi lu nga la ai da. Dai hpe shi gaw grai kabu ai myit hte sa mu nna gaw uri dai hpe raw sai da. Re na shi gaw uri hpe raw la na hto nta de nnu kaw pyen wa su yaw, nu hpe tsun nang hpe sat nna uhpa hpa tawn da re na dai na de ngai jan du jang she wa na re ngu na wa tsun dan su yaw ngu na htet dat ai da. Uri gaw nta kanang wa na hprawng mat sai gaw nam de, shana de dai dawk ngawt ma nta de bai du wa ai shaloi gaw grai kawsi na wa yang kanu hpe nu re yang uri hpa n shadu da ai i deng ngu na wa tsun ai da. Dai shaloi kanu gaw taw kanang na uri ta? nang pyi ya she pru wa nga na me, kaning re uri hpa hpe tsun ai, ngu jang ngai mahkam hkam tawn da ai kaw uri langai mi lu ai. Dai hpe e ngai raw la na n nu kaw wa su, nu e tsun u, u hpa hpa da ngu na htet dat sai le ngu na tsun ai da. Dai shaloi kanu gaw e dawk ngawt ma mana nang e dan re u gaw nta de hkum chye wa, oh nam de hprawng mat sai gaw dan re lu jang gaw n htu shaw la nna naw kadoi sat nna she gun wa ai baw re gaw, n mai dat kau dat ai gaw ngu na tsun ai da. Nhtu hte naw kahtam zat ra ai ngu tsun ai da. Hpang shani bai dawk ngawt ma gaw nam de bai a ngawk mat wa sai da, shi a mahkam yu na matu bai sa mat wa re shaloi gaw sha ai mati ahkra kaba wa mi tu hpraw jawng nga ai da. Dan re jang kanu htet dat ai hte maren sha ai baw hpe gaw nhtu hte shawng kahtam ra ai, nga ai htet dat ai re nga mati ni hpe majoi ga hte gayau gaya di na kahtam hkrai kahtam, kahtam hkrai kahtam, hpun hkyep ni ga hte gayau gaya di na kahtam na langa hpaw hte makai wa ai da. Makai na kanu e wa jaw ai. Dai shaloi gaw kanu gaw e ma e ndan re mati gaw n chye pyen ai gaw, n chye hkawm ai gaw. Ndan re hpe gaw atsawm sha baw la na langa lahpaw ni hte gayawp nna she n hten hkra rai gun wa ai baw re gaw ngu na tsun ai da. Hpang shani bai shi nam de bai sa dai shaloi gaw kagat gat hpung wa mi hpun kaw e noi nga ai da. Ndai lagat mung sha ai baw re gaw ngu nu tsun ai teng na re, lahpaw htat la na makai gun wa na re ngu na she shi lahpaw mung lang rai lagat magra dat ai hte maren lagat gaw mawng pru wa na shi hpe hkum ting gawa, myi man hkan ne ta hkan ne mung gawa, hkum ting bum na nta wa ai da. Kanu gaw ma e hpa rai wa dai ram bum lapau na wa ai mi ngu na san ai shaloi gaw nu nang she sha ai baw mu jang gaw lahpaw kaw makai gun wa ai baw re nga na ngai lagat hpe lahpaw kaw makai gun wa na ngu na lahpaw di lang na sa masawp ai ngu yang lagat mawng wa na gawa ai re ngu na tsun ai da. E ma mana nang e dai hku gaw nmai ai gaw. Lagat hpe gaw wan hte shawng nat galip kau na she kata kaw rawng ai ntsun ni lagat sha ni dan re gun wa ai baw she re gaw wan shawng nat kau ra ai gaw ngu na bai sharin ya sai da. Hpang shani bai sa ai shi, kanu tsun ai hte maren sa ai shaloi gaw gara kaw na dingla lam hkawm pu ba na wa yup nga dung nga ai mi re nchye hkindu kaw yup nga dung nga ai wa, shi yu yang gaw shawng shani na shi mu ai lagat zawn zawn re bunghkraw wa achyang re jang she ndai mung mani na zawn re lagat re sam ai, nu tsun ai wan shawng nat ra ai gaw nga na she shi gaw shanan shachyi la na she dingla wa a bunghkraw wa sa nat ya. Sa nat ya jang dingla wa mung kajawng ai hte re na n htu shaw la na ma dai hpe a gying gamai kau ai da. Shana de re sa i nga jang ma dai gaw grai bum grai machyi htawt rawt na wa ai da. Ma re yang dai na de gaw kaning hku wa byin wa sa ta? ngu tsun ai shaloi nu nang she lagat hpe gaw wan shawng nat kau na lata kaw na ntsin lagat sha ni la wa ai baw re nga. Dai ni ngai sa yu yang gaw dingla wa a bunghkraw hpe wa ngai lagat shadu nna wan shingnan hte sa nat dat nna dingla wa kajawng nna ngai hpe gamai dat ai re ngu na tsun ai da. E ma e ma mana e dan gaw nmai di ai gaw dan re asak kaba sai ni hpe e e a ji e a ji du e myitsu e e galaw kanang kaw na wa du wa ai ni e ngu na a tsawm nga na she shaga ai baw re ngu bai tsun dat sai da. Hpang shani bai shani shanang sa, sa ai shaloi gaw sharaw langai mi rawng ba langai mi bai yup nga dung nga sai da. Dai yup nga dung nga re jang she shi gaw ya nu tsun dat ai hte maren sharaw e she e myitsu wa e, du wa e salang wa e gara de nna wa du sa nni e ngu na sa masawp dat jang sharaw gaw kajawng nna gawp nna nam de hprawng mat wa ai da. Dai majaw ya du hkra a naw a nam sa yang sharaw hte hkrum sa i nga jang lamu ga madu e du wa e nang gaw lamu ga madu re ndai lo nang mung tam lu tam sha ai, ngai mung tam lu tam sha ai re, kadai mung kadai tam lu tam sha nna hkawm sa wa ga law nga na tsun ai gaw dai shani kaw nna tsun hpang wa ai re da. . Language as given: Jinghpaw
Format:Digitised: no Media: Audio
Identifier:KK1-1745
Identifier (URI):http://catalog.paradisec.org.au/repository/KK1/1745
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1745/KK1-1745-A.wav
http://catalog.paradisec.org.au/repository/KK1/1745/KK1-1745-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1745
DateStamp:  2019-02-17
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1745
Up-to-date as of: Tue Feb 11 15:39:00 EST 2020