OLAC Record
oai:paradisec.org.au:KK1-1742

Metadata
Title:Nhkum ni a labau (History of the Nhkum people)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Hka Mary (speaker), 2017. Nhkum ni a labau (History of the Nhkum people). MPEG/X-WAV/XML. KK1-1742 at catalog.paradisec.org.au. https://dx.doi.org/10.4225/72/598c86aa57e66
Contributor (compiler):Keita Kurabe
Contributor (depositor):Keita Kurabe
Contributor (speaker):M. Hka Mary
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-10
Date Created (W3CDTF):2017-03-10
Description:Ya ngai tsun na maumwi gaw nhkum ni a nhkum ni tsi tai ai ngu ai maumwi re. Hpa majaw tsi tai wa ai kun nga le i re yang she nhkum dagawng wa ngu ai langai nga ai da. Dai nhkum dagawng wa gaw jaugawng gawng ai hku rai nga. Jaugawng gawng ai gaw shan gap ai. Yang gaw wa n du langai mi lu ai da. Namwa du langai mi lu re she, dai hpe she gara hku di ai i nga yang she shi gaw lagaw daw la, lagaw daw la na dai gun rai na she ningwawt wawt ai da. Moi gaw anhte jinghpaw ni gaw ningwawt wawt ai nga, nat jaw ai le moi gaw dai she ningwawt wawt ai wa hpe chyam yu mayu mat sai shi gaw. Dai majaw dai wa lagaw hpe gaw gun tawn da re n htawm me e ngai wa gap da sai. Dai lu sha na i n lu sha na i, ningwawt wawt ya rit ngu ai da, re yang gaw n lung hpe ning ning di na hku nga. Nlung hpe goiwat re yang she har n lu sha na ngu da. Hpa rai n lu sha na ma nang wa lagaw nang ngai wa lagaw ngai gun wa sai, dai ningwawt wa gaw grai gaya mat ai. Grai gaya na she dai n lung hpe adup ga kau ai da. Adup ga na kamang mat ai. Gamang mat yang gaw sara shaba lap chyoi na kun, shaba lap kaw ma hkra ai da. Bai nna kahtan kaw ma hkra ai da. Dan re nga she ya hpang e gaw shaba lap hte bai wawt. Kahtan hpe jum nna kabaw nna wawt ai mung kamawng mat nat jaw na re n jaw na re nga n chye sai le i. E dai hku re wa ai re nga hpe mu ai. Dai kaw na shi gaw dai wa lu la wa wa gaw nlu la sa. Wa lagaw gaw lu la sai rai, shi gaw wa tawn da ai de bai sa wa sai da. Bai sa wa yu re yang she wa wa nnga mat sai, hkrung mat sai le. Lagaw mung ntu ai wa hkrung mat shi daw la sai, dai wa hkrung mat mau na yu yang gaw shi dan nyep ai namlap she shi e magap ai magap gaw tsi rai taw nga ai. Aw ndai tsi she re nga ngu na she shi gaw dai hpe hpai wa sai da. Hpai wa na sumpra ni ngu nga ma ai da. Sumpra ni ngu ai dinggaw ni nga ai. Dai kaw she sumpra mung grai htet ai da, nam mung grai htat ai kaw na nam hku a shep na lai na sumpra ni nta du. Sumpra ni nta du re yang she gaw ba sai da, dan na dung nga re she oh ra htingbu kahtawng kaw gaw manau dum shara ai htawng, sheng, chying, bau ngoi na manau dum shara ai da. Dan re manau dum ai re yang she oh ra sumpra lu yen sumpra kaw ngu ai shan nau gaw mam htu nga ma ai da. Mam htu ai she mam htu shoi wa wa ai da. Shan nau gaw gu n hkum wa gawng e ohra ya manau nau ai chyingbau shazim ya nna anhte nu a kachyi gaili lu la ya yang gaw nang kaw an nau 2 wa na ga ai ngu ai da. Dai ngu nna shi gaw dai ni gaw hpa rai na manau dum ai i nga yang dai sumpra ndai rau dai kaw na du ni gaw hpa ni re kun dai gaw n chyoi ai, dai ni wa gasat na hku nga. Majan byin re jang she sumpra jan hpe sat na she sumpra jan a kachyi ndai baw kachyi la kau ya. La kau ya she dai kachyi hpe kabu ai hku na padang manau nau ai re na hku nga. Shanhte gaw re yang she dang manau nau ai hpe shanhte gaw myit n pyaw taw nga she nhkum wa dagawng du jang she nhkum wa dagawng gaw kaja wa sa wa sai da. Dai poi de manau poi de sa wa sa wa yang she ndai ( myawsin) zawn re grai galu ai le, hpa baw ngu na i, rap galaw ai i, hto ashe de tsa bu ni shadun da ai de. Ntsa de le dai kaw she hpumlum wa ngu ai tsa yawng hte jaw, gara de hpajau hpala wa gaw kachyi dai mung sumpra ni kachyi gali, re na she ndai ntsa de lung wa. Lung wa she dai hpe she nhkum wa gaw dagawng gaw gara hku di i nga she kachyi mung raw la kau, raw la kau she dai wa hpe gaw dai tsa n-gaw grai tsaw ai re gaw, dai kaw kanawng bang kau. Kanawng kadawng bang kau jang she dai kaw lup si mat sa. Rai re na grai re na nhkum wa dagawng gaw dai kachyi hpe ma lu wa re na bai sumpra nta bai nhtang wa ai da. Bai n htang wa re yang she ba nna dai lahkum hta dai hku shanat taw dai sumpra kaw gaw hkakawk lang nna hka jaw. Nna gaw sumpra lu bai hkakawk la na hka jaw. Nla hkraw shanhte kachyi gaw lu la wa ya sa. Hka gaw nlu hkra, hpa baw re i ngu grai tawngban lu ya myit law n lu hkraw. Re jang she kawa hpe tsun ai. Wa gu nhkum dagawng wa gaw an nau hka langai mi jaw yu tim nlu nlu re an nau 2 yen e jaw yu sai n lu ai law ngu da. Re jang kawa gaw kaning nga a ta nga she nan nau ga shaga shut sam sai lu. N gu n hkum dagawng wa hpe nan shut sam sai lu. Nan shut ai myityu mu tawngban mu ngu da. Dai she shan nau gaw kaga gaw hpa n shut ai lo wa e. Hto ra manau htawng sheng hto ra chyingbau shazim ya nna nu a kachyi gaili kashun la ya yang gaw an nau 2 nang kaw wa na ga ai ngu na gaw tsun kau sai ngu da kawa hpe deng ngu. Dai ngu tsun jang she e kawa gaw dai re jang gaw nan nau 2 gaw gawm hpe nan nau 2 jum nna jaw mu. Nanhte n gu nhkum wa hpe wa, kaja wa sha ta shan nau 2 lata 4 hte jaw jang she la lu ya ai da. La lu ya re she kaja wa shan nau 2 hpe la na dai kaw nga sa. Rai she dai kaw nga na yi galaw ai da. Anhte jinghpaw ni gaw yi galaw sha ai re gaw yi galaw re yang she mam ting ai ten bai du wa sai da. Mam ting ai ten bai du wa re yang gaw kanau jan hpe mung tsa shadu shangun, kana jan mung mam ting yang na tsa shadu ai 2 yen dai she shadu re she dai shani gaw mare ting masha law law hpe saw ga ai re gaw galoi mung dan re saw na she mam ting re yang nan nau yaw dai ni ngai hpe gaya hkum jahkum mu u lu masha man e lu ngu da ai da。 Nhkum wa gaw re yang gaw shan nau gaw au lo gaw nga re wa she kana wa mahtang kanau hpe manawn ai da. Kanau hpe manawn jang she gara hku di i nga jang anhte jinghpaw ni maka rawng ai labu dai matu wa she dai loi mi kadoi bang na she kanau a tsa yam n bang kaw bang tawn da ya ai da. Shani tup masha ni hpe daw sai, shani daw ai kaw chyawm gaw dai labu kaw n lawm ai re rai. Retim shana de ngut na re wa jang shi gaw dai tsa yam dai bang da ya jang she gai ya gaw ngut sai nga na tsa yam ni kadawng kashin kau re jang she kanau jan kaw tsa yam kaw wa she dai labu matu wa rawng taw re jang she e nan nau zawn re gaw ngu pawt nhkum wa dagawng gaw grai pawt sai da. . Grai pawt nna shi wa shakram kau ai da. Wa shakram kau she nhkum wa dagawng gaw bai wa sai. Shi nta de wa shi nta de wa mat dai yen hpe tawn kau da na shi nta de wa mat re da, re yang she shi nta de wa mat na da, re yang she shi nta kaw wa mat na dai tsi hpun hpe dum sai da. Dai hkai na myit dum sai. Dai tsi hpe she oh sun wang kaw hkai da nga wuloi ni sha kau ya. Ya bai hkai dumsu bai sha kau. Ya bai hkai yang mung wa bai kanaw kau ya da. Ya hpang e bai hkai re yang gaw u bai ahpre kau da. Sun de nmai hkai sai, sun de n mai hkai sai majaw e kaning di sana anhte jinghpaw ni wan dap nga ai. Wan kra wan dap nga, dai nhku kaw dai dap jut kaw ningre dap jut kaw hkai da ai, hkai da she hto shakum hku hku na she shingkang ahtoi re na she grai ngan re htoi sa wa she dai tsi pawt hpe gaw baw di na she shakum hku de la wa na hku nga. Tawm re na hkyen jang she n hkum wa dagawng she nye tsi wa ngu ning di lap langai sha lu ai da. Lap langai sha lu ai hpe shi n gup de maw di sha kau dat ai da. Dai majaw shanhte gaw ya nhkum ni tsit hkum ni, n hkum ni amyu myu nga ai le i. Tsit hkum nga ni dai manat yang mai ai gaw dai majaw re da. Lama machyi sai nga jang machyi ai kaw manat ya yang gaw mai wa ai dai re da. Bai nna nat jaw ni re majaw anhte jinghpaw ni dai nga mung tsi sha kau ai majaw shaba bai wawt yu nga e sha kau sai majaw nga hpe hka wa ai (dabaw) baw gun na nat hpe jaw kau sai, nga ju sha ai nga na nga sat na nat hpe jaw. Dai dumsu ya na lang gaw dumsu jaw ra sai nga i, dumsu mung dai tsi hpe sha sai le, dai nga yang gaw dumsa ni dai hku matsun ai re nga, ya na lang gaw wa e sha kau sai law, wa e htu kau sai law nga yang wa hpe bai lawt ai, yahkring gaw kade ju ra ai hku nga na nat jaw mat wa ai da. Dai shaloi gaw dumsa ni gaw gara hku dumsa ai i nga jang she nga hpe dumsa yang ma dumsu hpe dumsa tim nang dai tsi sha kau n dai. Dai tsi ahtu kau ndai dai tsi ahpre shama kau ndai ngu dumsa ai da. Nga hpe dumsa yang dai hku ngu, dumsa hpe dumsa timmung shingngu wa hpe u hpe mung shingngu na dai matsun nna dai majaw nang gaw dai a majaw si ra ndai ngu da. Dai ngu na bai dai kaw na she hpa baw re wa sai i malap kau sai. . Language as given: Jinghpaw
Format:Digitised: no Media: Audio
Identifier:KK1-1742
Identifier (URI):http://catalog.paradisec.org.au/repository/KK1/1742
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1742/KK1-1742-A.mp3
http://catalog.paradisec.org.au/repository/KK1/1742/KK1-1742-A.wav
http://catalog.paradisec.org.au/repository/KK1/1742/KK1-1742-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1742
DateStamp:  2019-02-17
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Hka Mary (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1742
Up-to-date as of: Sat Nov 14 14:26:57 EST 2020