OLAC Record
oai:paradisec.org.au:KK1-1715

Metadata
Title:Masu nhte wa (The liar)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), K. Ja Ngai (speaker), 2017. Masu nhte wa (The liar). MPEG/X-WAV/XML. KK1-1715 at catalog.paradisec.org.au. https://dx.doi.org/10.4225/72/598c8632aeb8f
Contributor (compiler):Keita Kurabe
Contributor (depositor):Keita Kurabe
Contributor (speaker):K. Ja Ngai
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-10
Date Created (W3CDTF):2017-03-10
Description:Ya ngai hkai na maumwi gabaw gaw masu nhte wa nga re. Moi shawng e grai masu ai la langai nga ai. Hpek hpek nga na chye masu ai la langai nga ai da. Dai la wa gaw da lani mi ten hta da sharaw hpe sa gap na matu saw ai da. Dai sharaw hte masu n hte wa gaw da nam de sa mat sai da. Dai shaloi da, dai masu n hte wa gaw da wa n du langai mi gap da ai da. Dai wa n du gap da ngut ai hpang shi gaw sharaw hpe masu sha na matu nbu ju hpun langai mi dan di na da dai wa n du hpe gyit hpai la na matu dai shi masu n hte wa dai la wa shi hpai na maga de gaw da ju hpe kyit kau ai da. Dai ju hpun dai hpe gaw da sharaw hpai na maga de gaw ju hpe tawn da ai da. Dai shaloi shan 2 gaw da dai wa n du hpe nta kaw hpai wa na matu hkau sharaw e gai lo wa n du hpe hpai sa ka loh ngu nta de hpai wa sa ga ngu tsun ai da. Dai shaloi dai masu nhte wa gaw da hkau e da ndai wa n du shan hpe hpai ai shaloi da akali nga na hkum tsun yaw da. Shan hka mat na ngu na masu nhte wa gaw sharaw hpe dai hku tsun ai da. Dai hpang sharaw gaw da akalo ngu na tsun ai da. Akali ngu tsun ngut ai hpang akalo ngu bai tsun ai da. Hkau sharaw e da akaloh nga na hkum tsun da, shan hkri mat na ngu na dai hku tsun ai da. Dai masu nhte wa gaw retim sharaw wa gaw da kalang bai shi gaw ju ju sha ai majaw da masin pawt ai i, nsen hte akale ngu bai jahtau tsun ai da. Dai shaloi dai masu nhte wa gaw da hkau e dai hku hkum tsun law da. An 2 na shan hka mat na ngu na dai hku sharaw hpe gaw masu nhte gaw dai hku tsun ai da. Shan 2 gaw dai hku sha sharaw wa mung shi tsun ai hte bai hpai di na shan 2 gaw dai wa n du hpe hpai di na n ta kaw du wa sai da. Nta kaw du wa ai shaloi hkau sharaw e da ya na 2 n dai wa n du hpe hpyen sha na matu hka n rawng ai i. Hka n htum hte nang i hka de hka wa ja sanu, hka singgat de wa ja sanu ngu na dai hku tsun ai da. Dai masu n hte wa gaw dai hka n htum hpe i htum pa de galun waw da di na sharaw hpe dai hku hka wa ja shangun ai da. Sharaw mung dai hka wa ja ai shaloi hka mung n hpring hkraw ai majaw i htum pa de yu yang waw taw ai majaw hka n hpring hkra ai majaw hka grai na hkra ningsin sin wa tim hka ja taw ai da. Retim dai masu n hte wa gaw dai wa n du shan hpe i shi gaw grau mu ai masin salum ni wa n du na dai ni yawng shi sha shadu sha kau ai da. Shan ni mung yawng shi sha shadu sha kau ai da. Sharaw gaw da hka ja ja re hka n hpring hkraw ai majaw ja chyu ja taw ai da. Sha nsin sin tim dai kaw yup di na ja taw ai da. Hpang jahpawt n htoi htoi ai shaloi da sharaw gaw ndai hka mung n hpring hkraw nga le ngu na grai myit htum let ja taw ai da. Shaloi dai hka n htum kata kaw na yu lagat le wa ai da. Dai yu lagat le wa ai shaloi shi gaw grai mau mat ai da. Hka nhtum gaw waw mat ai she re nga ai ngu na shi gaw matsut di na ja bang wa ai da. Matsut di na ja bang wa nta du wa ai hte dai masu nhte wa gaw shi gaw shan ni yawng sha ngut di na dai sharaw hpe jaw sha na matu gaw da i shi na dai ru hka ru hte da sani si hpe chyen chyen di na i dai ru hka ru hpun hpe ma daw di na dai hku shadu da jaw ai da. Dai shaloi sharaw hpe gaw masu n hte wa gaw e hkau e da ndai shan sha u le ngu tsun ai da. Sharaw mung grai ba ai hte kawsi ai hte dai shan hpe sha ai shaloi e hkau e grai hkri nga ai le ngu tsun ai da. Sharaw sha hkrup ai gaw sani si chyen re nga ai da. Sani si chyen re majaw da hkau e grai hkri ai lo ngu tsun. E nang ndai shan hpai ai shaloi akale ngu na nang hpe hkum tsun ngu tsun sai le ngu tsun ai da. Hpang kalang bai sharaw gaw shan tawng re sai nga na kalang bai shaw sha ai shaloi dai ruhka ru gaw da grai hka ai sha hkrup ai da. Hkau masu nhte wa e ndai gaw grai hka nga ai le ngu tsun ai da. Dai shaloi akalo nga na hkum tsun le, shan hka ai gaw ngu na dai hku masu sha ai da, retim sharaw gaw dai hku sha sha di na kan mung hkru mat sai da. Bai lani mi na ahkying aten hta da shan 2 gaw masu nhte gaw sharaw hpe sat na matu maw taw ai da. E hkau e dai ni gaw lamu marang grai n kaja ai lo marang htu hkyen ai, nbung laru ru hkyen ai majaw an 2 rau she hprawng sa ga loh ngu na dai hku tsun ai da. Masu n hte wa gaw dai hku tsun ai shaloi sharaw wa gaw da e hkau e gara kaw makoi na kun nchye ai e ngu na tsun, saw saw lau she hprawng sa ga ngu na yi de sa mat ai da. Yi hku kata kaw makoi ga le ngu na dai hku tsun ai da. Masu nhte wa dai shaloi shan 2 dai kaw makoi re shaloi masu nhte wa gaw da lagu le wa ai da. Shinggan de lagu le wa na sharaw wa gaw dai yi hku kata kaw makoi taw ai shaloi myit magaw rawng na masu n hte wa gaw da wan nat dat ai da. Sharaw hpe wan nat dat ai, sharaw mung nau kahtet di na yi hku hpe malawng dat na lagat le wa ai da. Dai shaloi sharaw wa gaw hkau masu n hte wa e da nye na hkum yawng hkat mat sai le da ngai gara hku di na kun grai machyi grai kaprep ai le ngu na masu n hte wa hpe sharaw gaw dai hku tsun ai da. Dai shaloi e hkau sharaw e da dai re yang gaw majap katsing htu di na chya kau u le ngu tsun ai da. Dai shaloi sharaw wa mung grai machyi shi gaw hpa n myit lu di na da majap katsing htu di na chya ai da. Sharaw na hkum, hkyen ai hte chyang ai gaw dai ni du hkra i dai hku masu n hte wa na majaw re nga ai da. . Language as given: Jinghpaw
Format:Digitised: no Media: Audio
Identifier:KK1-1715
Identifier (URI):http://catalog.paradisec.org.au/repository/KK1/1715
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1715/KK1-1715-A.mp3
http://catalog.paradisec.org.au/repository/KK1/1715/KK1-1715-A.wav
http://catalog.paradisec.org.au/repository/KK1/1715/KK1-1715-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1715
DateStamp:  2018-12-22
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); K. Ja Ngai (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1715
Up-to-date as of: Sat Nov 14 14:26:54 EST 2020