OLAC Record
oai:paradisec.org.au:KK1-1704

Metadata
Title:Sharaw hte brangtai (The tiger and the rabbit)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), N. Seng Nu Mai (speaker), 2017. Sharaw hte brangtai (The tiger and the rabbit). MPEG/X-WAV. KK1-1704 at catalog.paradisec.org.au. https://dx.doi.org/10.4225/72/598c86026c2b2
Contributor (compiler):Keita Kurabe
Contributor (depositor):Keita Kurabe
Contributor (speaker):N. Seng Nu Mai
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-09
Date Created (W3CDTF):2017-03-09
Description:Moi shawng e da sharaw hte brangtai nga ai da, sharaw hte brangtai nga ai da. Sharaw gaw grai anya dai she brangtai wa gaw da shi hpe tsun ai da i. Sharaw gaw da i, ya an 2 i ndai kashung taw kaw gaw i shara shagu hkan ne ganaw yup na naw lum ai, retim ya kahtet ta du yang marang ni htu, re yang dai majaw dan re marang ni htu ai hpe hkam lu na matu n ta galaw ga, kade na n ta grau lum, kade n ta grau tsawm hkra ngu dai hku tsun ai da. Dai hku tsun ai shaloi da mai ai nga na she shi gaw sharaw wa gaw galaw sai da. Nta ni ngu grai tsawm hkra galaw sai da, nta ni mung hkyik hkyik di na grai tsawm hkra maling re na galaw da ai da. Hto brangtai wa bai re yang gaw nta mung n galaw ai sha majoi dai hku nga taw da, dai she shi gaw wa sai da, hkau brangtai nang nta galaw ngut sai i ngu san ai she. Dai she galaw ngut sai ngai mi nang pyi n galaw shi ai kaw na ngai galaw ngut sai gaw ngu dai hku tsun she, nang gaw yang ngu she ngai mung galaw ngut sai ngu tsun she ngai mung galaw ngut sai ngu tsun da. Ngai mung galaw ngut sai ngu tsun she e nga di na she wa yu ga ngu shaloi she sharaw na nta kaw shawng wa yu she aga nang na nta gaw galaw ngut sai nga na she hpa mung n nga ai wa i ngu tsun, ngai na nta gaw i nang na zawn n galaw ai da, pat hte she galaw da ai, pat hte she galaw da ai dai ram n hkam ai shana re yang yup yang shata shagan ni hpe mung mu lu ai ngu tsun ai da. Mu lu ai ngu dai hku tsun she hto grai hkrak nga ai le nang na nta chyawm me marang mung n lu hkra ai rai, shata shagan hpe mung lu mu na pyaw pyaw rai lu yup na re ngu she, nta gale ga ngu tsun tim nmai galai ai, nang na nta hte ngai n mai galai ai ngai i ndai nta kaw sha nga mayu ai. Shana shagu na shata shagan ni hpe ngai yu mayu ai ngu she she galai ga lo ngu tsun ai she e deng nang tsun ai majaw ngai galai ai re ngu dai hku tsun ai da. Dai hku tsun di na she shan 2 yen nta gale kau sai da, nta galai kau na dai shana gaw i marang n htu shi na she shi gaw grai pyaw nga, brangtai ndai na nta chyawm me shana yup yang mung n-ga hku yup yang shata ni shagan ni hpe mung mu lu ai ngu tsun ai da. Dai hku tsun na pyaw she brangtai gaw ndai wa gaw ngai na bawnu kaw kadawng bang sai nga na shi gaw mani na she dai sharaw na nta kaw lum lum re na wa nga ai da. Hpang shana bai re yang marang bai htu wa sai da, marang bai htu re she dai sharaw gaw i pat hte galaw da ai nga, marang gaw ngai kaw grai hkra nga ai le ngu na shi gaw dai hku ngu yu dat ai shaloi she ndai brangtai gaw a kyang grai n kaja ai ngu dai hku tsun she brangtai wa hpe sa yu ai da. Brangtai wa hpe sa yu ai shaloi brangtai wa gaw a pyaw re na yup taw nga ai hpe mu na shi gaw brangtai wa hpe tsun ai da. Brangtai gaw chyinghka mung la da ai majaw shi gaw kaning hku nlu shang na she brangtai nang pru wa yu nang ngai hpe hpana masu da ai i. Nang ngai hpe masu da na ning ngai marang hkrai madit sha la na grai kashung taw nga sai ngu tsun ai, brangtai wa gaw tsun ai da. Nang she ngai na bawnu kaw kadawng bang ai mi, ndai kaw nga taw ngu, brangtai gaw hkrit sai da. I ngai dai hpawt jahpawt du yang gaw ngai shat gaw kaw si wa na re, shat gaw tam sha ra na re, ndai sharaw gaw ngai hpe bai rim sha kau na re, ngai gaw hkrit sai, shi gaw grai hkrit na dai hku nga she, e sharaw da i, rai hkum rai shi da i, nang dai kaw nang n pu nang pru wa ai shara shi gaw hpang chyinghka lam hku pru na shi gaw hprawng kau tawn da ai da. Ngai rai sai ngu yang she shang u yaw ngu na shi dai kata kaw she hto wan nat wan bang kau da she, grai tsan ai shara de she laga hpun kaba langai kaw du re shaloi she hpun kaba dai kaw wa hkring na shi gaw dai ntsa kaw dung taw nga she dai ntsa kaw she lagat tsip nga ai, lagat tsip noi taw na shi gaw um dan re lagat tsip noi taw maga shi dung taw re shaloi she shingna langai mung hta lang na dung taw nga she dai kaw na shi gaw marawn ai da. Re sai shang sa nu ngu tsun ai she sharaw gaw dai kata kaw shang na she dai kata kaw shang sai da, shang re she wan hkru la na shi gaw wan hkru na shi grai pawt mayu na hka de bai lawan wan shang na brangtai wa hpe bai hkan shachyut, bai hkan shachyut na bum ntsa kaw du ai da. Hpun dai ntsa kaw bai du re she brangtai gaw tsun ai da. Brangtai gaw e hkau nang gara de sa ai ngu she nang nye ga hkum shaga taw, nang ngai e wan nat kau da na ya grai ntsawm sha mayu taw sai, hkum sha lo nye jiwoi jiwa ni jaw da ai bau dum di na nga taw she, gara ma ngu she lagap tsip hpe mu na hku nga, mu yang she shi gaw lagat tsip rau she dai bau gaw nang hpa na dum taw ai, ngai hpe mung jaw rit, nye jidwi ni dum lai wa ai bau re majaw ngai nang hpe n mau jaw dum ai, e yang nang hpe n sha sai da. Nang mi yet ngai hpe mara galaw da ai dai majaw ndai jaw dum u ngai nang hpe nsha sai ngu, re sai ngu yang she dum yaw ngu, hpa na ma ngu she, nang ngai hpe sha na hkrit ai da, sharaw mung kam na she e nga na she brangtai wa gaw hprawng hprawng, na nga hkyi bum kaw she bai ju ni dai kaw jun da na dai kaw dung la taw sai da, dai kaw bai wa dung la taw re shaloi she dai kaw wa dung la taw na she, e sai ngu tsun dat ai she oh sharaw gaw dai ntsa de lung na she dai lagat tsip hpe wa dum dat ai she lagat ni pru wa na shi hpe jawm da na shi gaw brangtai ndai ngai hpe nau masu ai. Nang zawn re brangtai gaw ngu na she shi gaw pawt mayu na she dai kaw na bai hkawm hkawm na she lagat ni yawng shi hpe n kap sai i nga jang brangtai nga ai kaw tam na she brangtai gaw dai nga hkyi bum makau kaw dung taw mu na she shi gaw sa sai da. Brangtai wa mung ya ngai sha sa na nang hpe gaw ngu na shi hpe dai hku tsun ai da. Shi hpe dai hku bai tsun shaloi she brangtai gaw hkum sha da i ngai pyi naw ndai kaw ngai dung taw nga ai grai pyaw taw sai nye jiwoi jiwa ni jaw da ai tunghkum kaw sha pyi n gwi dung di na ning makau kaw sha dung taw nga ai. Dai kaw sha dung yang mai na i, n dung yang mai na i ngu na ngai myit taw nga ai ngu tsun she nang nye hpa ni tsun taw, nre ndai kaw dung yang mai na i, dai hku myit taw nga ai da i, nye jiwoi jiwa ni na re majaw ngai pyi n gwi dung taw ai re yang dai ngai hpe jaw dung u ngu tsun she. Ngai hpe jaw dung u ngu tsun she n jaw dung ai law nye jiwoi jiwa ni jaw ai she re me ngai pyi ngwi dung nga ngu yang she, ngai hpe jaw dung u n jaw dung yang nang hpe ngai sha kau na ngu tsun ai da. Jaw dung rang gaw rang, jaw dung yang nang hpe ngai n sha sai ngu dai hku tsun ai da, jaw dung yang nang hpe ngai nsha sai ngu tsun na she shi gaw mai ai ngu na shi gaw retim hkum dung ngu shi gaw ngai dung u ngu yang she dung yaw ngu dai hku tsun she, brangtai wa gaw kagat na brangtai shanhte na brangtai hku kata kaw she dai mahka kaw wa nga taw re she shi gaw shanhte na brangtai hku kachyi sha law i dai mahka kaw shi wa tsap taw na she re sai ngu dai hku tsun ai shaloi she sharaw gaw dai kaw wa dung dat ai hte ju ni ju sha na shi gaw pawt mayu na brangtai gaw kagat sa wa she dai brangtai gaw brangtai hku makau kaw wa nga taw she brangtai nang hpe gaw dai ni sha nan sha ra sai ngu, nang she ngai tsun ai ga shagu kam ai gaw lusha yang sha u ga le ngu brangtai gaw brangtai hku kata de gat shang mat ai she sharaw wa mung nang sha mi dai de gat shang ai gaw ngu na sharaw mung dai shi na baw shawng ninghku shawn bang dat ai hte brangtai hku kaw chyat na si mat ai da. . Language as given: Jinghpaw
Format:Digitised: no Media: Audio
Identifier:KK1-1704
Identifier (URI):http://catalog.paradisec.org.au/repository/KK1/1704
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1704/KK1-1704-A.wav
http://catalog.paradisec.org.au/repository/KK1/1704/KK1-1704-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1704
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); N. Seng Nu Mai (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1704
Up-to-date as of: Sat Nov 14 14:26:52 EST 2020