OLAC Record
oai:paradisec.org.au:KK1-1696

Metadata
Title:Jak chywi sha ai la kasha tsaw ra myit (The old man who are good at sewing)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017. Jak chywi sha ai la kasha tsaw ra myit (The old man who are good at sewing). MPEG/X-WAV. KK1-1696 at catalog.paradisec.org.au. https://dx.doi.org/10.4225/72/598c85df3a61c
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-09
Date Created (W3CDTF):2017-03-09
Description:Moi shawng e da mare langai mi kaw jak grai chye chwi sha ai dingla langai mi nga ai da. Dai dingla gaw mungkan ntsa ngai ram jak chywi ai i ngai na lata hpaji hta dep ai kadai n nga na sai ngu na grai gawng ai da. Dai jak chywi sha ai dingla dai kaw she grai tsawm ai num kasha langai lu ai da. Dai hku grai gawng ai da shi gaw shi hpe dep ai ndai anhte mungdan kaw gaw n nga sai ngu grai gawng ai da. Dai hku nga re she lani mi na ten hta she dai shanhte mare kaw na ni gaw i dai num kasha hpe grai ra ai da. Grai ra timmung prat tup bau na matu nre hku nga, tsawm na ra ai re hku nga. Dai hku shala dai hku tsun tsun na she mare shinggan de du mat wa ai da, shinggan kaw she shanhte mare na kaga mare ngu na kaw gaw jak grai chye chywi sha ai lasha langai dai wa na mat ai da. Na mat na she hpa mi nga nga ndai gaw grai jak grai chye chywi ai dingla hpe ma mu lu ai, ndai shi kasha grai tsawm ai hpe ma mu mayu ai dai majaw ngai gara hku di na i ngu na shi gaw sumru nga sai da. Sumru nga she lani mi na ten hta shi sumru ai da chye sai da, sumru lu sai da, dai na she shi gaw dai sumpan grai hpu ai manu grai dan ai dai sumoan tam ai da, dai sumpan tam na she dai shanhte na mare kaw nnga ai da. Nnga na she shi dai sumpan tam hkawm she shata mi ram du ai shaloi she dai sumpan ni dut sha ai la dingla langai mi lai wa ai kaw shi myit hkrup ai da. Grai tsawm ai sumpan langai mi la na she shi dai hpe she palawng 3 chyoi ai da. Palawng grai tsawm ai 3 chyoi na she re sai ya gaw ngai myit lu da ai hte maren ndai jak grai chye chywi sha ai dingla wa hte dai shi kasha grai tsawm ai hpe sa sagawn na re ngu na sa mat wa ai she mu sai da. Dai mu ai shaloi she dai jak chyoi sha ai dai mare dai gaw grai kahtet ai da. Dai shata grai kahtet na she dingla wa gaw jak n lu chywi na she dai tumhkum kaw dung na she numsha hpe gaw layit yit shangun ai da, dai shanhte nta shawng kaw she grai tsawm ai bu hpun palawng lu na, grai tsawm ai buhpun palawng lu na ngu dai hku wa marawn taw ai da. Dai hku i grai tsawm ai dai hku marawn taw she dingla wa gaw aga jan pyi kahtet si nga yang dai ram ram na maza ai marawn hkrai marawn dai hku ngu tsun ai da, dai she 3 ,4 lang marawn jang she shi kasha hpe she sa yu su kadai wa marawn nga kun? kade ram ram tsawm ai wa dut sha nga ai kun ngu she ngai mungkan ntsa ngai ram jak chye chywi ai la wa shawng me kaga grau tsawm ai bu hpun palawng chyoi dut ai nga gaw sa yu su ngu kasha hpe tsun ai da kasha gaw sa sai da. Dai shaloi she e tsa e nang na palawng yu yu ga kade ram tsawm ai ta ngu dai hku ngu tsun, yu yu ai shaloi seh grai tsawm ai da. Dai shi chywi da ai i dai grai tsawm ai majaw kawa hpe la wa sai da. Kawa hpe la wa shaloi kawa bai yu kawa mung grai myit shang sha mat na she dai la hpe sa shaga wa yu ngu tsun ai da. Dai shaloi she shi kasha dai la wa hpe sa shaga na she sa shaga ai shaloi nang da ngai ndai mare ndai mungkan kaw sha gaw ngai chywi ai lata hpaji hpe kadai ndep sai ngu nang na nang chywi ai lata hpaji gaw tsawm ai majaw nang ngai kaw bungli galaw na i ngu dai hku ngu tsun ai shaloi she dai la kasha mung hpa mi nga nga shi kasha dai ram ram tsawm ai hte she ngai shani shagu mu na re yang gaw lu chywi ai ngu dai hku ngu tsun she mai ai dai hku nga hpawt de kaw na nang ngai kaw bungli shang yaw ngu tsun ai da. Dai shaloi she dai dingla wa kaw bungli galaw sai da, bungli galaw she dai dingla wa mung myit grai shang sha mat ai da, ndai la wa hpe kahkri daw la na matu, shi kasha yen 2 hpe dai hku shat ni rau sha, bungli rau galaw ngut dai hku shan 2 yen ra hkat na matu kawa gaw galaw ai le. Galaw ya she shata 6 ram na wa ai shaloi she dai jak grai chye chywi ai dingla wa na kasha grai tsawm ai lam wa she hkawhkam wa na mat ai da. Hkawhkam wa na mat na she hkawhkam wa tsun ai da, dai jak grai chye chywi ai dai dingla wa kaw kasha grai tsawm ai nga ai sa yu su dai kasha wa shi sumtsaw lu ai kun n lu ai kun ngu sa yu sa sagawn shangun ai da. Dai shaloi she sa sagawn sai da, sa sagawn re she n lu ai ngu na hkawhkam wa hpe sa tsun ai da, dai shaloi hkawhkam wa gaw sa sai da,hkawhkam wa hpe i hkawhkam wa hpe shi kasha hpe hkungran la na matu sa galaw she hkawhkam wa re nga shan wa mung n lu ningdang na she kasha hpe jaw sha kau dat ai da. Hkawhkam wa hpe jaw sha kau dat she hkungran na re shaloi she hkawhkam wa gaw tsun ai da. Nye na hkawhkam jan hpun na palawn ni grai tsawm hkra di chye chywi ai dai wa hpe ngai kumhpa jaw na ngu dai hku ngu tsun ai da. Dai shaloi she dai shi la jak chywi sha ai la dai wa na na she ngai chywi ya na ngu tsun ai da, dai shaloi she shi chywi ya na hku dai sumpan la wa sai da. Sa la na she ngai grai tsawra ai num wa gaw i nang na matu she nga yang ngai grai tsawm hkra chywi ya na re ngu na shi dai sumpan htet la na dai jak chywi ai gawk de shang mat wa ai da. Jak chywi gawk shang mat na seh dai shi sumpan dai hpe yu na hkrap ai da. Hkrap na she chyinghka ma la kau ai da, dai ngut na shi gaw dai palawng sha n chywi ngut dingsang gaw shinggan na n pru ai shinggan de na ni gaw nchye na ya ai le i. Dai hku yawn na re na re ngu na chyinghka ma nsa hpaw hpa ma nshaga ai da. Jak chywi ai nsen hpe she madat nna oh ra ni gaw dai hku nga re she shata mi du wa na shani 2 ya ram sha na ai hte du na 2 ya ram na du na 2 ya hta chywi ai nsen zim mat sai da. Shanhte gaw shinggan kaw htek lek ai sha madat na hku nga, htek lek nga dai jakchywi ai nsen zim mat wa re shaloi she chywi ngut si ya gaw ngut na sai ngu chyinghka hpaw dat re yang dai la wa si mat ai da. Jakchywi ai i palawng grai tsawm hkra chywi ya ai ngu dai la wa si mat re shaloi she kawa wa gaw dai palang ni hpe la na she hkam jan dai hkawhkam wa e sa tsun ai da. Kasha hte hkawhkam wa hpe sa tsun dan she kawa dai shani kaw na myit malai lu ai da, ngai wa i hkawhkam dai hku nta masha yawng hpe up ai ngai masha kaba she re wa, masha 2 tsawra hkat ai yen na dai tsawra myit hpe jahka ya ai hpe ngai grai myit n pyaw myit malai lu na dai hkawhkam wang hpe she dai num wa hpe ap kau da na shi gaw dai hku tara shadik hkawm mat wa ai le i, ja rai yawng tawn kau da na shi nam de pru hkawm mat wa ai da. . Language as given: Jinghpaw
Format:Digitised: no Media: Audio
Identifier:KK1-1696
Identifier (URI):http://catalog.paradisec.org.au/repository/KK1/1696
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):text_and_corpus_linguistics
language_documentation
Table Of Contents (URI):http://catalog.paradisec.org.au/repository/KK1/1696/KK1-1696-A.mp3
http://catalog.paradisec.org.au/repository/KK1/1696/KK1-1696-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1696
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1696
Up-to-date as of: Sat Nov 14 14:26:51 EST 2020