OLAC Record
oai:paradisec.org.au:KK1-1695

Metadata
Title:Hpyi lu ai la a lam (The man possessed by a spirit)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017. Hpyi lu ai la a lam (The man possessed by a spirit). MPEG/X-WAV. KK1-1695 at catalog.paradisec.org.au. https://dx.doi.org/10.4225/72/598c85dab6f95
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-09
Date Created (W3CDTF):2017-03-09
Description:Moi shawng de da mare langai kaw hpyi lu ai la langai nga ai da. Dai la gaw grai tsawm ai da yaw. Grai tsawm re she retim dai mare na mahkawn ni kadai ma n ra ai da, shi hpyi lu ai majaw hkrit na she mare na kanu kawa ni gaw kadai ma n kam jaw sha ai da. Dai la wa num kade sa hpyi tim n kam jaw sha ai da, dai hpe she shi gaw lani mi na ten hta dai shanhte na mare oh ra kaga mare ngu na dai hka lai ra ai dai mare de sa ai da. Sa ai shaloi she grai tsawm ai numsha langai mi mu na she sa hpyi ai da. Sa hpyi re shaloi she dai numsha na kanu kawa ni jaw sha kau myit hkrum kau na she la u ngu tsun ai da, dai shaloi she na kasha hpe nsan yu ra ai i ngu dai hku ngu tsun ai she kawa gaw nsan ra ai an kanu yen kawa myit hkrum jang re sai ngu na dai hku jaw sha kau ai da. Dai she kawa na ndai num wa na kanu yen kawa re yang gaw n re sha yang jahtam nye kasha e jahtam gawa sat kau ya na nga na an 2 e mung gawa sat kau na dai majaw jaw sha kau ai hku ngu myit, dai hku myit na jaw sha kau ai da. Dai she hkungran ngut na wa sai da, wa re she dai la wa na mare de wa mat re she 3 ya ngu na shaloi she dai num wa gaw shi gaw dai hpyi lu ai la wa hpe sat na matu myit ai da, galoi ma shi nra ai re majaw hpyi lu na sat mayu na she e nye nu yen nye wa kaw wa yu ga ngu tsun ai da. Dai shani gaw 3 ya ngu na shani hka lai ra ai dai hka kaw hpawng hte lai ra ai da, hpawng hte lai ra she e wa yu ga le ngu tsun ai da. Dai shaloi wa sai da, wa shaloi she dai la wa hpe shawng nang shawng jawn u ngai hpawng i ndai hpe ngai sumri di na ngai ma hkan jawn na ngu na tsun na she dai hpawng hpe she oh hka sung ai de kanawng na she ngai sumri naw wa di na yaw ngu na she n htang wa na she dai shi gun ai nhkyi hte kahtam di kau na she dai la wa gaw hprawng mat wa ai da. Dai hpyi lu ai la wa gaw yawng mat wa re shaloi she dai hpyi lu ai la wa tsun ai da nang ngai hpe hpa na ndai hku di ai rai ngu tsun she nang zawn re ai i, hpyi lu ai la hpe ngai gara hku ma nlu ra ai. E dai majaw ngai nang hpe i dai hku di kau ai re ngu tsun ai shaloi she dai la wa shi na myit hta sha gaw ngai lani mi nang hpe wa sat na ngu na myit da ai da. Dai hpyi lu ai la wa gaw dai ngai lu ai, lama na ngai pru wa ai shani gaw nang hpe sat na ngu myit da ai da. Dai hku myit na she dai la wa gaw yang mat wa sai da, yawng mat wa re shaloi she panglai kaba de du mat wa ai da. panglai kaba de du mat wa re shaloi she shi mung shat nau kawsi na she nau nya grai na mat 20 ning ram pyi na wa sai da. Dai shaloi she nga hkwi sa ai ala 3 wa she garu ai na ai da shi gaw myi ma nlu hpaw mat sai da. Nya mat na dai hpaung kaw sha galeng nga ai shaloi she oh gaw la langai mi i, hpawng kaw galeng nga ai zawn zawn re mu ai ngu tsun na she dai la langai mi gaw e sa sa yu ga ngu e ndai wa myi ma n hpaw sai i, si hkyen sai she re dai majaw anhte n woi wa saka, anhte woi wa yang anhte nta na gumhpraw sha ma na, shi hpe makoi na gumhpraw sha ma ai dai majaw ndai hka kaw nan jang jahkrat bang kau ga ngu na she dai la 3 dai hku ngu myit ai shaloi she shi na myit hta gaw i ngai hpe hkye la mi, hkum jahkrat bang kau ngu tsun tim manang ni n na ya ai re nga hka kaw kabai bang kau ai da. Dai hku ngu na dai la wa hpe hpawng kaw na hka kaw kabai bang kau re shaloi she dai la wa dai hku kabai bang kau ai hpang baren wa dai la wa hpe grai matsan dum ai da. Matsan dum na baren la wa hkye da ai da shi hpe hkye da na she dai hku re she 20 ning ram dai baren wa kaw nga sai da. Hpyi lu ai la wa gaw 20 ning ram nga mat re she lani mi na ten hta shi gaw maren wa hpe tsun ai da. E baren wa e hkawhkam wa e ngai dinghta i tsun ga nga yang i kawng de moi nye madu jan nga ai mare de ngai wa mayu ai ngu tsun ai nang hpa baw di na rai ngu tsun ai da. Ngai nye madu jan e wa sat na ngu tsun ai da, dai shaloi she hpa na wa sat na shi i ngai hpe dai hku hka kaw sharawng kau ai majaw ngai ndai hku jamjau hkrum ai re. Dai majaw ngai shi e wa sat na ngu tsun ai da, e nang e wa gaw wa shangun na retim mung nang masha na madu jan hpe gaw hkum wa sat yaw ngu da. Shi gaw i nang na majaw kade mi yak hkak na nga ai mi re shi mung yak hkrak ai hkum na re majaw hkum wa sa ngu tsun ai da. Dai she 40 ning na mat sai da yaw, dai shaloi she shi hka kaw hkawm ai hka kaw dai hku hpawng ntsa kaw dai hku malap hkawm mat ai wa pyi 20 ning dai baren wa kaw bai shi hkan nga ai nga 40 ning na mat wa sai da. 40 ning na mat re she dai shaloi baren wa dai hku ngu tsun mai ai, ngai masha nsat ai ngu na nang hpe ga sadi jaw ai ngu dai hku ngu tsun e dan nga yang ngai hpe i mi ngai hpe hpawng kaw na sharawng kau dat ai shara kaw du hkra wa sa u ngu tsun ai da. Dai shaloi she hpun pawt dai shan 2hpawng shayawng kau ai kaw na hpun pawt wa she dinggai wa kawa pyi oh lahkap du hkra garawt ai dinggai baw hpraw ai dinggai wa she tsap nga ai da. Ninghku tsap nga re she i ohra gaw i ngai nau na mat na n matsing mat sai, ndai dinggai ndai hpe san yu na re ngu shi gaw hpyi lu ai re nga gaw kade ning na mat tim n dingla mat ai da shi gaw shabrang zawn zawn sha re da. Dai she dinggai oh ra hpe san yu na re ngu na she dinggai dai e shaga dat she e dwi ngu shaga dat ai she gayin yu wa yang she shi madu jan re taw ai da, shi madu jan re taw na she shi dai num wa mung gayin yu dat shi madu wa moi shi shayawng kau dat ai shi madu wa re taw she dai shaloi she kajawng na she i nang i ngai grai shut sai dai hku ngu tsun. Dai she dai la wa gaw e hpa rai na i ndai kaw ya du hkra baw she hpraw hkra ndai kaw nga taw rai ngu tsun ai da. Moi i ngai nang hpe shut shayawng kau ai shaloi da ngai nta de du wa ai da, ngai nta de wa ai shaloi nye nu nye wa ni ma ngai hpe hpyi lu ai la hte nga sai re majaw nang ma hpyi lu sa na re dai majaw ngai hpe hkrit ai nga na mare nta kaw na gawt shale hta sha n ga mare ting ngai hpe gawt shale kau na ngai ma i ndai hpun pawt kaw ndai 40 ning du hkra ndai hpun pawt kaw nga ai re ngu tsun ai da. Dai shaloi dai la wa mi gaw sat na ngu myit da ai wa she grai matsan dum mat na she shan 2 dai kaw dai baren wa jaw dat ai ja gumhpraw ni hte dai hpun kaba kaw sha shan 2 dai kaw nta gap na grai pyaw hkra nga mat ai da. . Language as given: Jinghpaw
Format:Digitised: no Media: Audio
Identifier:KK1-1695
Identifier (URI):http://catalog.paradisec.org.au/repository/KK1/1695
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):text_and_corpus_linguistics
language_documentation
Table Of Contents (URI):http://catalog.paradisec.org.au/repository/KK1/1695/KK1-1695-A.mp3
http://catalog.paradisec.org.au/repository/KK1/1695/KK1-1695-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1695
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1695
Up-to-date as of: Sat Nov 14 14:26:51 EST 2020