OLAC Record
oai:paradisec.org.au:KK1-1663

Metadata
Title:Jaugawng hte baren kasha a lam (The hunter and the dragon child)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), D. Htu Bu (speaker), 2017; Jaugawng hte baren kasha a lam (The hunter and the dragon child), X-WAV/MPEG, 2020-02-11. DOI: 10.4225/72/598c854e523c0
Contributor (compiler):Keita Kurabe
Contributor (depositor):Keita Kurabe
Contributor (speaker):D. Htu Bu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-09
Date Created (W3CDTF):2017-03-09
Description:Moi kalang mi hta da ndai nam maling kata langai kaw she ndai jaugawng wa gaw hkawm ai da. Shi nam hkawm hkawm re shaloi she ndai shi a makau grup yin kaw she nsen na ai da. Ngai hpe hkye la rit loh, ngai hpe hkye la rit loh, ngai hpe hkye la marit loh ngu grai marawn ai da. Grai marawn ai hpe na re na she jaugawng wa gaw gara maga re i ngu na shi gaw yu ai da. Oh ra maga i nang maga i ngu yu re shaloi she oh ntsa de she re taw ai da. Oh lamu gan hkau de she marawn taw na she shi gaw yu dat re shaloi she ndai lapu kasha ndai baren kasha ngu na dai hpe she n dai u hka wa she magra lang taw ai da. Dai yang she shi gaw jaugawng wa mung dai ram je la rit loh nga gaw ngai je la ra sai ngu na shi gaw shi na dai a she gap dat ai da. Gap dat re shloi she kalang ta hkrat yu wa na she ndai lapu kasha wa hpe gaw dai wa gaw lu hkye la ai da. Lu hkye la lu re yang she baren kasha ngu na dai wa gaw e nang hpe ngai grai chyeju dum ai. Nang nye wa kaw wa rit. Nye wa kaw wa ga, nye wa kaw wa na ngai nang hpe chyeju dum ai hpa ma ngai jaw na. Nye wa hpe ngai wa tsun dan na, ndai lam mahkra yawng wa tsun dan na ngu tsun ai da. Dai shaloi she oh ra jaugawng la wa gaw ngai nkam wa ai law ngu tsun ai da. Re yang she wa ga law, wa ga law ngu tsun ai da. Nang kaw e lama ma akyu rawng ai lam gaw ngai jaw na re. Nang ndai ja sut gan ni nra ai retim mung ngai nang hpe akyu lama ma rawng ai gaw jaw na ngu tsun ai da. Dai shaloi shi gaw hkan nang ai da. Hkan nang re shaloi she ndai shi kawa kaw du re shaloi she dai kasha gaw tsun, kawa e dai jaugawng wa shi hpe hkye ai lam ni tsun dan re shaloi she ndai shi kawa mung grai chyeju dum ai da, re yang she shi hpe kadai hpa tsun tim pyi naw shi chye shi shawng chye na kau ai baw re hku nga shi hpe kachyi nang du kaw gali ai kachyi dai jaw dat ai da. Jaw dat re shaloi she ndai jaugawng wa gaw dai hpe lang na shi wa ai shaloi she lam kaw jan du mat re shaloi she ndai u ni wa she grai shaga ai da. Kei anhte ni shara htawt ra sai, ya hpawt ni kaw na gaw mare kahtawng oh ra kaw ga ni gyi mat na nga na tsun ai. Mare kahtawng oh ra gaw ga gyi na hka ni kaba wa na nga na tsun ai ngu tsun ai da. Dai shaloi she ndai jaugawng wa gaw shi na la ai da. Myi shi hpe oh ra baren kasha na kawa ma tsun dat ai da. Nang gaw masha hpe n mai tsun dan ai, nang chye ai lam hpe masha hpe tsun dan jang gaw nang gaw si na nang nlung kaba tai na ra ai ngu tsun dat ai da. Retim wa she shi gaw dai u ni wa she shanhte a mare kahtawng wa i ga gyi wa na lam, hka kaba wa na lam hpe wa u kasha ni tsun taw ai da. Tsun taw re jang shi gaw kalang ta shi na na she mare masha ni yawng madat la mu. Nanhte dai na jang ndai mare kaw na yawng hprawng mu. Ndai kaw ga gyi wa na re da. Yawng ni hprawng ga anhte ni yawng hprawng mu ngu tsun dan ai. Dai shaloi she mare masha ni gaw yawng hprawng ai da. Yawng hprawng re shaloi she shi gaw ndai ngai ndai hku tsun dat ai marang e ngai si hkrum na nga re wa. Retim mung ngai langai si hkrum ai a marang e wa masha law law i nye a mare masha ni si hkrum ai gaw grau n kaja ai ngu shi myit na grau dai ni hpe she tsun ai da. Hprawng mu hprawng mu ngu tsun dan ai shaloi she dai mare masha ni mung yawng hprawng ai da. Yawng hprawng na she shi gaw kalang ta shi gaw n lung kaba tai mat wa ai da. Nlung kaba tai mat wa na she ndai mare masha ni gaw yawng lu hprawng lawt mat na she dai nlung kaba dai hpe she shanhte mare masha ni gaw dai jaugawng la wa re ai lam hpe chye ai majaw shanhte gaw grai chyeju dum na she dai n lung kaba hpe galoi ma shanhte ni chyeju dum ai lam hpe sa tsun tsun re ai da shi hpe. . Language as given: Jinghpaw
Format:Digitised: no Media: Audio
Identifier:KK1-1663
Identifier (URI):http://catalog.paradisec.org.au/repository/KK1/1663
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1663/KK1-1663-A.wav
http://catalog.paradisec.org.au/repository/KK1/1663/KK1-1663-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1663
DateStamp:  2018-12-22
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); D. Htu Bu (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1663
Up-to-date as of: Tue Feb 11 15:38:45 EST 2020