OLAC Record
oai:paradisec.org.au:KK1-1662

Metadata
Title:Ja gawng ri ri ai lam (The son of a hunter who spins gold)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), D. Htu Bu (speaker), 2017; Ja gawng ri ri ai lam (The son of a hunter who spins gold), X-WAV/MPEG, 2020-02-11. DOI: 10.4225/72/598c8549e33b5
Contributor (compiler):Keita Kurabe
Contributor (depositor):Keita Kurabe
Contributor (speaker):D. Htu Bu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-09
Date Created (W3CDTF):2017-03-09
Description:Moi kalang mi hta da ndai shan wa nga ai da. Shan wa nga re shaloi she ndai hkawhkam wa kaw gaw dai mungdan kaw gawan hkawm ai da. Gawan hkawm re shaloi she ndai numsha shan wa na nta shawng kaw she hka yam bu ma tawn da ai da. Dai makau kaw she dai hkawhkam wa kaw wa hkring na she hka wa gawt lu ai da. Dagawt lu re shaloi she ndai shi gaw dai kaw grai ba na hkring taw re shaloi she dai dingla dai gaw dai hkawhkam wa hpe she mu ai da. E nang gara kaw na rai ngu tsun she, ngai oh ra mungdan kaw na hkawhkam wa re ngu tsun ai da. Dai shaloi she kalang ta hkawhkam wa re ngu na dat ai shaloi she ndai dai dingla wa gaw shi kasha langai lu ai lam tsun dan ai da. Tsun dan re shaloi she shi kasha gaw ja dai gawng ri ri shagu ja gawng ri grai chye ri ai ngu tsun ai da. Dai shaloi dai hkawhkam wa gaw kalang ta grai myit shang sha mat ai da. E dai hku nga yang gaw na kasha hpe ngai kaw dat dat rit le. Ngai hkawhkam wang kaw ngai kaw da da rit. Ngai hkawhkam jan shatai la na nye madu jan shatai la na ngu tsun ai da. Dai shaloi she dai dingla wa gaw nye kasha nang gaw ra ya na re i, ngu da ra ai ngai ra ai ngu da. Hkawhkam wa gaw kalang ta shi gaw ja gumhpraw grai lawhpa ai myit rawng na she shi gaw ndai hku ngu kalang ta dai num jan ja gunri chye ri ai nga hte shi gaw ra mayu ai da. Ra mayu na she dai hku nga yang gaw ngai la na ngu na tsun ai da. Dai dingla wa gaw shi kasha hpe she e ma e ya hpawt de nang hpe dai hkawhkam wa shi na nta de woi mat wa na re da. Hkawhkam wang kaw du jang woi mat na re da. Wa nang ja gawngri chye ri ai ngu na wa tsun dan da ai ngu tsun ai da. Dai shaloi she shi kasha gaw grai myit htum sai da. Wa nang gaw dai hku me tsun ai gaw. Ngai lama na dai ngai ja gawng ri pyi nchye ri ai wa ngai nchye ri ai lam shi chye mat yang gaw ngai hpe sat kau na re nga le ngai gara hku di na ngai nlu hkan ai ngu tsun ai da. Wa shi hpang nang hpe jaw dat na matu ma ga sadi ma la da sai. Dai majaw nang hkan nang ra ai shi kaw hkan nang u ngu tsun ai da. Dai shaloi she hpang jahpawt re yang gaw dai hkawhkam wa gaw dai numsha hpe she woi mat wa sai da. Woi mat wa re na she shi gaw hkawhkam wang kaw she woi du shang wa ai shaloi she gawk langai kaw she ndai yu hku sumpum grai sumpum da ai da. Dai yi hku sumhpum kaw she shi hpe bang da ai da. Bang da na she gai nang ndai yi hku sumpum ndai hpe nang ja byin hkra dai hku galaw da yaw ngu na gawk kaw rawng kau da ai da. Rawng kau da re shaloi she shi gaw hkrap taw ai da. Ngai hpa pyi nchye galaw ai wa ngai hpe wa ndai ja byin hkra galaw u nga gaw nye wa ndai gaw ngai hpe sat ai she re sai, ngu na she shi gaw grai dai hku rai myit kaji na she hkrap taw ai da. Hkrap taw re shaloi she ndai tsun ga nga yang gaw nat ga re nga. Dai wa she sa wa ai da. Sa wa re na shi hpe nang hpa baw re na hkrap taw ai rai ngu na tsun ai da. Tsun ai shaloi she ngai hpe ndai hkawhkam wa gaw ndai ja lu hkra galaw u nga na tsun ai. Ngai hpa ma nchye galaw ai. Dai majaw ngai nau myit ru na ngai hkrap taw ai re nga na tsun dan ai da. Dai shaloi she dai wa gaw shi hpe garum ai wa gaw hpa hkum tsang ngai ndai lam mahkra ngai byin hkra ngai galaw ya na ngu na tsun ai da. Nang ngai hpe lama mi sha jaw u ngu tsun ai shaloi dai numsha gaw shi hpe ta chyawp nga kun langai jaw ai da. Ta chyawp langai jaw dat ai da. Dai shaloi she dai wa gaw kalang ta shi hpe ja byin hkra re na she galaw ya ai da. Galaw ya re shaloi she hpang shani 3 ya nga yang dai hkawhkam wa gaw dai gawk chyinghka sa hpaw dat ai da, sa hpaw dat ai shaloi she kaja nan yi hku sumpum wa she ja byin taw na she dai hkawhkam wa gaw grai kabu taw ai da. Grai kabu na she hpang kalang gaw grau kaba ai yi hku sumpum gawk kaw she bai wa sharawng da sai da. Grai kaba ai yi hku bum kaw she wa sharawng da jang shi gaw dai shaloi gaw grau myit ru sai da. Yi ngai ya ndai gaw ja byin hkra ngai gara hku chye galaw na ngai ja byin hkra mung ngai nchye galaw ai. Ya ngai ndai kalang gaw ngai nmai byin sai ngu na agying hkrap ai da. Hkrap re shaloi she mi yet shi e garum ai dai nat dai bai sa wa ai da. Bai sa wa re shaloi she nang hpa baw re na hkap ai rai ngu tsun ai da. Ngai hpe ndai yi hku sumpum grau kaba ai ndai hpe ja byin hkra ngai hpe gawngri ri na di shangun ma ai ngu tsun dan ai da. Dai shaloi dai la wa gaw dai nat wa gaw shi hpe hpa hkum tsang nang ngai hpe lama mi sha jaw u ngu ngai bai galaw ya na ngu. Dai shaloi she shi gaw ndai ta hkawn nga kun langai bai jaw dat ai da. Bai jaw dat re shaloi she shi hpe yi hku sumpum kaw kalang ta ja byin hkra galaw da ya sai da. Galaw da re shaloi she shi gaw grai kabu ai da, nga taw re shaloi dai hkawhkam wa gaw chyinghka bai sa hpaw dat re shaloi she kalang ta dai yi hku sumpum kaba wa ja sumpum byin taw na kei grai kabu ai da. Grai kabu jang she shi gaw hpang kalang mung 3 lang ngu na lang gaw dai hta na grau kaba dik ai galaw shangun ai da. Galaw shangun ai da, dai lang mung shi gaw hkrap taw ai shaloi she dai mi yet shi e garum ai dat nat wa bai sa ai da. Bai sa re jang she ya lang gaw nang ngai hpe lama mi sha jaw u ngu tsun ai da. Re yang she ngai nang hpe jaw na hpa nnga sai. Hpa ma nlu sai, ngai lu ai hte sha ngai nang hpe jaw kau sai ngu tsun ai da. Re yang gaw nang ngai hpe ga sadi langai jaw na i ngu tsun ai da. Dai shaloi she e jaw na ngu da. Nang dinghku de wa na kashu kasha lu ai shani nang na kasha dai ngai hpe jaw na i ngu na tsun ai da. Dai shaloi dai numsha gaw jaw na ngu tsun kau ai da. Jaw na ngu ga sadi jaw kau jang she dai wa gaw galaw da ya sai da. Dai ja bum byin hkra dai yi hku sumpum kaba dik ai dai hpe she galaw da ya re shaloi she, shi gaw dai shani kaw na she dai nat wa mung nsa mat wa ai da. Nsa mat wa re shaloi she dai numsha hpe she dai hkawhkam wa mung sa hpaw dat ai shaloi she ja bum grai kaba ai byin taw jang she nang hpe gaw ngai grai chyeju dum ai, dai majaw nang hpe ngai la kau sa na ngu na she dai shani shi hpe dai hku ngu na tsun na she dai hkawhkam wa gaw hkungran la ai da. Hkungran re shaloi she e, dai numsha gaw dai hkawhkam wa hpe tsun ai da. Nang hpang ga sadi langai mi hpyi mayu ai ngu tsun ai da. Hpa baw ga sadi ngu, nang ngai hpe ya kaw na ndai ja gawng riri ai galoi ngalaw shangun sai ngu ai ga sadi ngai hpe jaw rit ngu tsun ai da. Dai shaloi dai hkawhkam wa mung e ndai ja ndai ram ram law sai she re maw , hpang e gaw nra sai, n galaw shangun sai ngu ga sadi jaw ai da. Ga sadi jaw re na she hkungran la re na she shan 2 gaw kasha langai lu ai da, kasha langai lu re jang she shi kasha kaba wa sai da. 3 ning ram re shaloi she ndai mi shi hpe ga sadi jaw da ai dai nat wa gaw du yu wa ai da. Du yu wa re na she gai ya nang ngai hpe ga sadi jaw da ai hte maren ya ngai nang na kasha hpe ngai woi la na ngu na ngai du sa sai. Dai majaw ndai ma hpe ngai hpe jaw dat u ngu tsun ai da. Dai shaloi she ndai hkawhkam wa gaw nang ngai na ja sut gan ni kade nga ai dai ni nang ra ai hte yawng la mat u ngai ndai nye a kasha hpe gaw ngai n lu jaw ai ngu dai hkawhkam wa gaw dai hku tsun ai da. Dai she jaw ra ai. Ndai numsha wa hpe ngai ja gawngri ri ya ai shaloi shi ngai hpe ga sadi jaw da ai, dai lam an 2 sha chye ai, dai majaw ndai ma hpe gaw ngai woi mat na ngu tsun ai da. Dai jang dai hkawhkam wa gaw shi kasha hpe shi grai tsawra ai re majaw njaw ai ngu tsun ai da. Re yang dai nat dai wa gaw e dai hku nga yang gaw ngai na mying hte nang chye tsun dan ai re yang gaw ngai n woi mat wa ai 7 ya aten jaw na ngu tsun ai da. Re yang she shi gaw koi shana tup tup myit sai da. Mying nga ai nga ma nga dai ngu yang mai na i, ohra ngu yang mai na i ngu shi gaw myit ai da. Myit myit retim nlu myit hkraw ai da, nlu myit hkraw re yang she 7 ya n du shi ai kaw she 1 sa ai da. Re yang she dai ngu na tsun tim mung n jaw ai ngu da. Mying nga ma nga yawng mying ni tsun ai da, njaw ai n jaw ai hkrai hkrai ngu da. Kei 7 ya ngu na shani gaw du sai da lu, du yang she ya hkying 12 nmai lai ai ngu da. Hkying 12 lai jang gaw woi mat sa na na kasha hpe ngu na shi gaw dai hkawhkam wa kaw a pyet myi da, myit ai shaloi she shi na mying hpe she shi gara hku kun nga ai law, mying lu tsun dan dat ai da. Myen hku she re law, shi na mying hpe lu tsun dan dat re na she dai nat wa gaw kalang ta shi ga kata de shang mat wa na shi galoi ma n pru mat wa ai da. Shi gaya di na dai kaw na shan nu wa ni ngwi ngwi pyaw pyaw nga mat wa ai da. . Language as given: Jinghpaw
Format:Digitised: no Media: Audio
Identifier:KK1-1662
Identifier (URI):http://catalog.paradisec.org.au/repository/KK1/1662
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1662/KK1-1662-A.wav
http://catalog.paradisec.org.au/repository/KK1/1662/KK1-1662-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1662
DateStamp:  2018-12-22
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); D. Htu Bu (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1662
Up-to-date as of: Tue Feb 11 15:38:44 EST 2020