OLAC Record
oai:paradisec.org.au:KK1-1655

Metadata
Title:Myit masin n bung ai num sha shan nau a lam (The sisters who do not cooperate)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), S. Hkawn Shawng (speaker), 2017. Myit masin n bung ai num sha shan nau a lam (The sisters who do not cooperate). MPEG/X-WAV/XML. KK1-1655 at catalog.paradisec.org.au. https://dx.doi.org/10.4225/72/598c852b4a1ea
Contributor (compiler):Keita Kurabe
Contributor (depositor):Keita Kurabe
Contributor (speaker):S. Hkawn Shawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-08
Date Created (W3CDTF):2017-03-08
Description:Moi da ndai mali nmai zup makau kaw e nam kahtawng langai mi nga ai da. Dai kaw e hkawnan ngu ai hte lumai ngu ai shannau hte e shan nu wa ni nga ai da. Rai yang lani mi na aten hta gaw ndai kawa gaw si mat wa ai da. Kawa si mat wa ai shaloi e ndai kanu gaw shi madu wa si mat ai majaw grai yawn nna she hkrap chyu hkrap, hkrap chyu hkrap da. Aten na na wa dai hku yawn hkrap chyu hkrap rai majaw she, shi gaw nau hkrap na she shi a myi machyi mat ai da. Myi pri si nau pru na myi machyi mat na re jang she myi machyi na she grai shani shana gawk kaw sha machyi rawng mat re jang gaw shan nau gaw atsi grai tam tsi sai da, kade tam tsi tim kanu na myi gaw nmai hkraw ai da. Nmai hkraw re jang she shan nau gaw myit htum na she aw mare kahtawng shagu de e ndau shana hkawm mat wa ai da, shannau gaw an nau na kanu hpe e an nau a kanu a myi hpe e tsi ya, tsi shamai ya ai wa kaw gaw an nau num wa mat na ga ai law ngu na ndau sai da. Ndau re yang gaw lani mi hta gaw ndai atsi htingpa gun ai la kasha langai mi gaw pru wa ai da. Pru wa na she e kanam yen e nan nau tsun ai, nan nau a kanu a myit tsi shamai ya jang gaw nan nau ah gu kaw wa na da aw, teng sha wa na i ngu na san ai shaloi she ndai kana hkawn nan gaw e law an nau nu a myi sha shamai ya lu ai wa kaw gaw an nau numwa na ga ai, teng sha wa na ga ai ngu na ga sadi jaw sai da. Re yang gaw kaja wa dai la sha gaw kanu a myi hpe e tsi shamai ya sai da. Reng gaw dai kana hkawn nan gaw ndai tsi tsi ya ai lasha wa hpe shi gaw grai yu ra si wa sai da. Dai majaw shi gaw kanau hpe la kau na tsang na she shi gaw tsun sai da, ah gu e anhte na htung hku nga yang gaw kana she shawng numwa ai baw re dai majaw ah gu nang hpe shat shadu jaw na gaw ngai ang ai re ngu na dai hku tsun re jang, e le nang sha kam yang mi gaw nan nau kadai retim mai ai goi ngu na she dai hku na tsun sai da. Dai shaloi she dai lasha wa gaw retim mung ya ngai gara kaw na pru wa ai, ngai gara kaw na kaning re masha re ngu hpe nan nau hpe naw tsun dan na ngu na tsun ai da. Dai she ngai gaw masha nre gaw, ngai gaw oh mali hka mazup kaw na mali hka kata na baren, du baren hkawhkam kasha re gaw ngu na tsun dan jang she dai hkawn nan wa gaw bai hkrit wa sai da. Oh dai baren re ngu jang grai hkrit wa sai da, dai majaw shi gaw bai myit hten wa na she kanau lumai hpe tsun ai da, e kanau e ngai gaw kaba sai, myitsu sai re majaw nta kaw e nu hpe e yu gawn lajang na nga na, nang ndai agu kaw gaw nang mahtang wa u ngu na kanau hpe tsun ai da. Re yang gaw kanau gaw kanu hpe e myi tsi shamai ya sai hpe e chyeju dum ai myit hte she kam ai nkam ai mung n tsun ai da, akatsi sha nga na dai tsi tsi ya ai la wa hpang de hkan mat wa sai da. Hkan mat wa yang gaw ndai mali hka kau gaw e du ai shaloi gaw ndai lasha wa gaw tsun ai da, lumai hpe e kanam lu mai e nang myi 7 lang gyip dat u ngu jang she kaja wa 7 lang grip dat yang gaw grai hkyik hkam ai hkawhkam htingnu kaw e tsap taw nga la ai da. Re na shan 2 gaw dai kaw e dinghku ni de sha re na grai pyaw na nga ai da. Ma mung langai mi lu hkra re na nga ai da, re yang she ndai lumai gaw dan re nga na wa ai shaloi gaw kanu hte kana hpe e marit ai, hkrum mayu ai myit ni rawng wa ai da. Dai majaw shi gaw mau mau re na lama ni ra ai zawn chyu rai taw ai da, dai shaloi madu wa gaw san ai da, e kanu e nang ndai ram anhte a nta kaw e ndai ram hpa mung ra nrawng pyaw pyaw re na nga ai wa nang hpe yu yang lama mi ra ai zawn chyu re nga ai le, nang ndai nta na dinghku kanu tai ai n gwi wa ai re i, ngu na dai hku ni san yang she nre law, ngai ndai nta na dinghku kanu tai ai n gwi ai nre ai, ngai hto nta na nye nu yen ashawng hpe e hkrum mayu ai majaw ngai na myit hta galoi mung n pyaw ai re law ngu jang she, madu wa gaw e dai hku nga yang gaw wa jahkrum mu ngu na she ahkang jaw dat ai da. Re jang gaw dai lumai gaw ja shingoi sha gun kasha hpe sha ba lang re na she e kanu yen kana kaw wa sai da. Wa yang she kanu yen kana gaw grai hkap kabu ai da, kana na myit gaw e kanau gaw baren jan she tai mat ai re majaw gaw shinggyin masha gaw ntai nga na sai ngu na kana myit hta gaw dai hku myit da ai da. Retim kanau gaw ma mung ma mung shinggyin masha raw rai, shinggyin masha ma ba re na she, ja shingnoi she gun hkra bai wa re jang she e grai hkap mau mat ai da. Kabu mung grai kabu ai da, re yang kanau gaw shi hpe e ndai baren hkawhkam htingnu kaw nga yang shi kade ram nga pyaw ai lam ni hpe e kana hpe e asan sha atsawm sha tsun dan jang she, Kana gaw bai myit magaw wa sai da, dai de shi she bai nga mayu sai da, dan re na she shi gaw myit bai magaw wa na kanau hpe e nam de e namsi sa di sha ga ngu na woi sa mat ai da. Woi sa mat yang she hpun, kaja wa namsi grai si ai hpun langai mi kaw e sa du sai da, dai shaloi e kanau hpe she kana gaw hto ra hpun ndung kaw na namsi wa di la su ngu na tsun jang kanau gaw shi kasha hpe gaw namsi hpun pawt n hpang kaw yu shadun kau da re na she namsi grai grai tsawm ai myin ai ni kana hpe di jahkrat ya ya re da. Retim mung n myin ai law, ntsawm ai law sha a nga nga she, kana gaw bai tsun sai da, hto hpung n dung kaji dik ai kaw na dai wa di la u, dai wa jaw rit ngu na tsun jang kaja wa kanau mung hkrat si she ntsang re na hpun kaji dik ai ningdung kaw na hpun namsi dai hpe e wa di dat ai hte she kana gaw le hpun pawt kaw na kanau a kasha hpe she mahti jahkrap dat na she e sharaw loh, sharaw loh, ngu na she marawn dat ai hte she kanau gaw e nye kasha hpe sharaw hta hpai mat wa sam sai nga na she kajawng na she dai hpun kaw na di hkrat mat wa na she di hkrat si mat ai da. Dai shaloi she kana gaw kanau a kasha sha hta ba re na she kanau na ja shingnoi sha gun re na ndai baren nta de wa sai da. Wa yang gaw shan nau gaw grai bung ai re da. Ndai myi man hkum hkrang yawng bung ai re da, gara kanau re mi re gara gaw kana re mi re nchye yu hkra bung ai da. Dai majaw kana wa she ma ba na bai wa ai retim mung madu wa ohra baren lawa gaw madu jan re shadu na she dai hku sha pyaw pyaw re na bai nga sai da. Dai hku nga re she dai shanhte nta kaw gaw ndai ma woi ya ai dinggai langai mi nga ai da. Dai dinggai gaw ma ba nna she dai shanhte a nta shinggan kaw na nampan sun kaw e ma hpe sa woi chyai chyai re da, re yang she dai nampan sun makau kaw tu ai ndai hpun kaw she hpun lakung kaw e ngai sha e, ngai sha e nga na u langai mi gaw sa shaga ga re da. Sa shaga jang she dinggai dai gaw e ya kadai wa sa shaga ai kun ngu na yu yu yang gaw masha gaw nmu, dai hpun kaw she u langai mi dung ai gaw bai mu re yang gaw bai mau sai da. U nang gaw hpa na mi ndai ngai woi ai kasha gaw ndai hkawhkam htingnu na baren kasha she re mi na kasha nga gaw ngu na she, jahpawt shagu ngai sha e , ngai sha e nga na hkap shaga ga re jang she dinggai dai gaw mau re na san sai da, u dai hpe san re she u e nang gaw hpa na ndai ngai woi ai ma gaw ndai baren hkawhkam htingnu na hkawhkam kasha she re me, na kasha nga na shaga ga re gaw ngu yang she dai u dai wa gaw tsun dan sai da. Ndai gaw nye kasha she re, ngai dai hku dai hku re na nye kana ngai hpe dai hku re na ngai gaw u tai mat ai re ngu na tsun ai da. Re yang gaw nang dai lam ndai na madu wa hpe hpa na ntsun dan ai rai ngu yang she, lumai gaw shi gaw grai myit kaja ai wa re nga she e a dwi e re sanu ga, ya ndai lam ni nang ndai baren htingnu na ni hpe e kadai hpe ma hkum tsun dan, nye shawng shi pyaw pyaw re na nga lu jang re sai, re sanu ga nang ndai nye kasha hpe ndai nampan sun kaw e woi sa sa re kaw e ngai nye kasha hte lu hkrum la la re jang re sai ngu na she dai hku tsun ai da. Re yang gaw dai u dai gaw jahpawt shagu shanhte na nta makau kaw e jahpawt nta masha ni pyi yup n rawt yang ma shaga ga re da. Re jang she kana hkawn nan gaw madu wa baren la wa hpe she e nang ya an 2 dinghku de sha ai 3 ning re sai wa nang ngai hpe kaja wa gaw tsawra ai i ngu na san yang she kaja wa tsawra ai law, prat tup tsawra ai law ngu na tsun jang she, dai hkawn nan gaw nyan na she dai hku re yang gaw nang ngai hpe tsawra ai teng yang gaw ngai tsun ai lama mi galaw ya rit ngu yang she, baren la wa mung e lama mi sha nre ai, nang tsun ai hpa mung ngai galaw ya na ngu jang she e dai hku re yang gaw ya ohra jahpawt e jau jau nta makau na hpun kaw e shaga ga re u ndai hpe e sat kau ya u ngu ai da, naw gyam sat kau u ngu ai da, dai hkawn nna gaw u dai gaw kanau re hpe e shi gaw chye ai da. Hpa majaw nga yang dai u dai shaga ai nsen wa kana madat magang kanau lumai na nsen re taw nga ai da, dai majaw kana gaw aw ndai nye kanau gaw nam u tai nna she hkan nang nga ai ngu hpe shi chye ai majaw she madu wa hpe ndai u ndai hpe gyam sat kau shangun ai da. Gyam sat na matu ndai baren la wa gaw shi na kungli ni hpe e shachyen na gap hkyen ai hte she ndai ma woi ai dinggai wa gaw tsun ai da, e e hkawhkam kasha e nang dai u hpe nmai sat kau ai, dai u gaw moi nang hte hkungran poi shang yu ai na madu jan lu mai nan re ai ngu tsun jang she dai baren la wa gaw a dwi nang gaw hpa baw mana wa ai i nye madu jan mi oh n hku kaw naw yup taw nga ai me ngu na she dai hku ngu re yang gaw, e e hkawhkam kasha e nang nkam yang gaw dai u hpe atsawm sha san yu u ngu jang she kaja wa san yang she dai lu mai gaw u tai nna hpun kaw dung nga ai dai wa gaw madu wa hpe e n pawt n dung yawng atsawm sha tsun dan ai da. Tsun dan jang she dai baren la wa gaw na pawt na yawn na she e ndai shi a baren tsi hte she ndai u tai mat ai madu jan lu mai hpe gaw baren tsi hte e masha bai shatai la, ohra kana jan hpe gaw dai hpe mung baren tsi hte ndai kana hpe mahtang u shatai kau re na shan 2 gaw pyaw pyaw re na bai nga mat ma ai da. Law hpa ai myit a majaw dai hku na byin mat ai re nga ai. . Language as given: Jinghpaw
Format:Digitised: no Media: Audio
Identifier:KK1-1655
Identifier (URI):http://catalog.paradisec.org.au/repository/KK1/1655
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1655/KK1-1655-A.mp3
http://catalog.paradisec.org.au/repository/KK1/1655/KK1-1655-A.wav
http://catalog.paradisec.org.au/repository/KK1/1655/KK1-1655-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1655
DateStamp:  2017-12-12
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); S. Hkawn Shawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1655
Up-to-date as of: Sat Nov 14 14:26:46 EST 2020