OLAC Record
oai:paradisec.org.au:KK1-1654

Metadata
Title:Jahkyi num hte si hkrung tsi a lam (The deer and the elixir of life)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), S. Hkawn Shawng (speaker), 2017. Jahkyi num hte si hkrung tsi a lam (The deer and the elixir of life). MPEG/X-WAV/XML. KK1-1654 at catalog.paradisec.org.au. https://dx.doi.org/10.4225/72/598c8527177f3
Contributor (compiler):Keita Kurabe
Contributor (depositor):Keita Kurabe
Contributor (speaker):S. Hkawn Shawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-08
Date Created (W3CDTF):2017-03-08
Description:Moi da htinggaw 100 jan nga ai mare kaba langai mi nga ai da. Dai mare kaw na masha ni gaw hpa galaw timmung kasang galang re na e atsam mung grai nga re masha ni re da. Dai shaloi e ndai shanhte gaw bungli grai galaw shakut ai mare re da. Raitim dai mare kaw e grai gumshem ai ndai mare du langai mi nga ai da. Dai mare du wa gaw ndai mare masha ni kaw e kawn hta sha ai ngu ndai hku na hta sha ai, re yang shi gaw grai law hkra hta sha kau ya ai majaw ndai mare na mare masha ni gaw kade galaw shakut timmung e n dai lu sha ni mung n hkru sha hkraw ai da. Buhpun palawng mung atsawm re na nlu lang ai da. Bai na ndai grai gumshem ai mare du ndai wa gaw dai mare na numsha tsawm dik tsawm dik ai asak 17, 18 re numsha marai 6 hpe ma shi gaw, shi roi chyai pyaw chyai na matu shi nta kaw e shaga da mahkawng da ai da. Dai marai 6 kaw na kaji dik ai numsha wa gaw tsawm ma yawng hta tsawm ai re da. Dai wa gaw kaji ai re majaw she ndai mare du wa gaw dai wa hpe gaw nlu roi chyai ai hku nga, oh ra ngam ai mare 5 hpe gaw shi kam ai mi madu jan shatai, dai hku shi ra pyaw gasup rai hku na dai hku lu pyaw, lu roi na hku rai nga, dai kaji dik ai tsawm dik ai numsha hpe gaw shi nlu roi ai da. Nlu roi jang she dai numsha hpe gaw shi adup abyen di na zingri zingrat di na dai hku roi sha sha re da. Re yang she dai mare du wa a nta kaw gaw kaga mayam ni ma grai nga ai, re na she dai kaw e jahkrai la kasha langai mi ma kaji ai kaw na mare du wa na nga ni rem ya re na dai kaw nga rem mayam tai re na jahkrai kasha langai mi ma sa nga lawm ai da. Re yang gaw dai numsha hte e jahkrai ma dai gaw kaji ai kaw na dai mare du wa nta kaw nga re nga she shan 2 gaw kaji kaw na mung chye hkat hkau hkat re jang she shna 2 gaw loi mi mahkawn shabrang re wa shaloi gaw shan 2 gaw grai yu tsawra hkat na shan 2 gaw sumtsaw tsaw hkat sai da. Dai hpe she du wa gaw bai chye kau ai da. Chye kau na grai pawt sai da, pawt ai ngu mala la she hkyi kabye myiman she man hkra pawt ai da. Dai majaw ndai yen 2 sumtsaw tsaw hkat ai lam hpe e jahten sharun kau ya na ngu na shi gaw ladat amyu myu shaw na jahten yu timmung nlu jahten ai da. Shan 2 gaw grau na she e tsawra hkat dai hku na re shaloi gaw dai du wa gaw shi nlu jahka, gara hku di yu tim nlu jahka yang dai la kasha hpe gaw shi nta kaw na gau shapraw kau ai da. Shapraw kau jang she dai la kasha gaw hto bum lang bum shagawng hkan ne shi gaw shan ni gyam sha re na mawkhkyu hkyu sha re na nga mat ai da. Tsawm ra ning shi gaw nam de mawkhkyu hkyu sha na nga mat re yang she lana de mi gaw dai du wa nta na numsha gaw bum de e hpun hta na nga na lung mat wa ai da, dai lasha hte sumtsaw tsaw hkat ai numsha dai mung lawm re na shi gaw tsawra ning dai shi a sumtsaw lasha wa du wa e gau shapraw kau ai shani kaw na shi hte nhkrum mat re majaw shi gaw myit kaw e myit kaji kaji marit marit sha mi nga re na she du wa nta kaw na hto bum kawng de e hpun hta na matu lung wa re lam kaw e dai numsha wa gaw ndai n chyun yungwi ni shapraw re na she e nra nra sha nga na shi gaw ndai nchyun yungwi ngu ai nsen hpe shapraw re na lung wa ma ai da. Dai ten hta e ndai mawkhkyu la kasha wa mung shan gyam nga na e ndai nam kaw e hkawm re shaloi she oh ra numsha na n chyun yungwi hpe shi na dat ai da, na dat nna she dai nchyun yungwi ngoi ai maga de shi gaw sa wa yu re yang she dai numsha hte hkrum ai da. Numsha dai hte hkrum re shani kaw na gaw mi shi hte sumtsaw tsaw ai numsha dai gaw dai lasha hte hkrum jang gaw nwa sai da, ngai du wa nta de nkam wa sai, nang kaw she ngai hkan nang sa na, galoi mung na hpang sha hkan sa na ngu na dai hku tsun re na she dai shani kaw na gaw jahkrai lasha hte dai numsha gaw arau nga mat sai da. Shan 2 mung hto bumlang shagawng hkan e shan ni sha hkwi sha re na shaning tsawmra na hkra nga ai da. Nga yang gaw 1 ning mi gaw shan 2 gaw e yi hkyen sha ga ngu na she yi hkyen ai da, yi hkyen na yi ni nat re na yi galaw taw nga re yang she ndai shan 2 yi hkyen ai shara gaw lam kaba makau kaw re da, lam kaba makau kaw shan 2 gaw yi galaw na nga taw nga yang she ndai mare du wa gaw shi na hpyen ma ni hpe mung woi, madu jan kasha ni hpe mung woi re na e mayu ni hpe wa jahkrum na nga na dai hku lai wa ai da. Lai wa ai shaloi she dai mare du wa gaw dai shan hpe e wa mu na she shi a hpyen la ni hpe she ndai jahkrai ma hpe gyit mu ngu na gyit shangun ai da, gyit shangun na she lalam 9 galu ai numru hte e hpun pawt hpun du kaba kaw e gyit shakap tawn ai da, dai hpe she ohra numsha gaw mu dat ai hte zingri mung grai zingri da, dai la kasha hpe du wa a hpyen la ni gaw zingri mung grai zingri na she zingri nga ai hpe she ohra numsha gaw mu dat ai hte gaw shi gaw wat abraw si ntsang re na e kagat wa ai shaloi she dai mare du wa gaw shi a n gang na nhtu hkret di na shaw dat ai wa she dai numsha hpe hkap numret sat kau ai da. Hkap numret sat kau na she dai jahkrai ma hpe mung adup abyen nna ndum ndam re mat jang she numru hte e hpundu kaba kaw bai gyit hkang shakap kau da ai da. Dan re nga ai kaw she dai jahkyi gaw jahkyi gaw kagat hkawm wa ai da. Kagat hkawm wa, ndai jahkyi gaw du wa na ndai lagaw shinglang kaw e wa lahkat hkra kau da ya ai da. Re na she dai jahkyi kagat mat wa jang she du wa mung hkan yu dat yang she mi shi a lagaw lahkat kau da timmung machyi ai pyi ndum hkra re na she jahkyi kaw she hkan kagat nang mat wa masai da, hkan kagat nang mat wa yang jahkyi gaw hto kawng kaw du yang e shanhte hpe e shala ai zawn re na she gayin yu, shanhte kagat nang jang bai kagat, bai gayin yu, re na dai hku re taw nga re jang she, ndai du wa na hpyen la ni gaw dai jahkyi tsap ai de e shanhte yawng hkum gaw kung kung re na mayun lung wa ai kaw she du wa mung hto yawng a shawng kaw akung lung wa ai kaw she hpang kaw na hpyen la langai mi gaw sanat tau kau dat na she ndai du wa hpe e gap hkra kau ai da. Jahkyi dai gaw nang dai du wa mung si mat re jang gaw hpyen la ni gaw dai duwa hpe e naw sa jawm yu, sa jawm hpai re nga yang she jahkyi gaw nang mi la kasha hte numsha nga ai dai de bai gayin wa na she ndai numsha si taw ai kaw e shi gaw ndai tsi lap ni di la na she jahkyi gaw maya la na ahpruk bun ah hpruk bun re jang she dai numsha kaw na nhtu hkang ningma hkang ni mung mai mat re na shi mung bai bran wa re da. Re na numsha hpe sha bran ngut jang e ndai lasha wa hpe mung dai tsi lap maya la na bai ahpruk bun jang dai lasha wa mung atsawm sha bai dum wa re na dai shani kaw na gaw ndai shan mung grai pyaw na bai nga mat re da, ndai maumwi gaw ndai kaw ngut sai, re yang ndai gumshem ai du wa nhkrak ai majaw shi timmung hpang jahtum e si hkrum mat ai lam re nga ai.. Language as given: Jinghpaw
Format:Digitised: no Media: Audio
Identifier:KK1-1654
Identifier (URI):http://catalog.paradisec.org.au/repository/KK1/1654
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1654/KK1-1654-A.mp3
http://catalog.paradisec.org.au/repository/KK1/1654/KK1-1654-A.wav
http://catalog.paradisec.org.au/repository/KK1/1654/KK1-1654-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1654
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); S. Hkawn Shawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1654
Up-to-date as of: Sat Nov 14 14:26:46 EST 2020