OLAC Record
oai:paradisec.org.au:KK1-1649

Metadata
Title:jahkyi masha asak hkye la ai lam (The deer that saved a man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Awng (speaker), 2017. jahkyi masha asak hkye la ai lam (The deer that saved a man). X-WAV/MPEG/XML. KK1-1649 at catalog.paradisec.org.au. https://dx.doi.org/10.4225/72/598c85119cf89
Contributor (compiler):Keita Kurabe
Contributor (depositor):Keita Kurabe
Contributor (speaker):M. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-08
Date Created (W3CDTF):2017-03-08
Description:Moi da mungdu langai mi nga ai da. Grai lu su ai da, shi gaw shi a nta kaw mayam num ni, mayam la ni mung law law nga ai da. Bai nna asak 15, 16, 17, 18 re ai numsha marai 6 hpe mung shi shaga tawn da ai da. Dai gaw shi kam ai hku roi lu roi sha na matu dai hku na shaga tawn da ai re da. Raitim mung asak grau kaji nna grau tsawm ai numsha hpe gaw shi n lu roi sha ai da. Nlu roi sha ai re majaw dai num hpe gaw adup abyen jahkrit shama re ai bungli shi dai hku galaw ai da. Retim mung dai numsha gaw dai nta madu wa kaw shi myit nkap ai da. Dai nta kaw e grai matsan nna nga sha sa rem ningchyang ya nga ai ma kasha langai mi ma jahkrai kasha langai mi ma nga ai da. Dai numsha dai gaw dai jahkrai ma nga rem ma hte shada mu hkau ai na shaning hku nna nga wa jang shada da myit kap ra hkat ma ai da. Shaning na wa jang dai nta madu wa gaw shan a lam hpe chye ai majaw grai pawt nga ai da. Grai pawt ai da, dai majaw kade pawt, kade nyan yu tim dai ma yen a bawnu hpe shi n dep ai, nchye kau dat, nmu kau dat re hkrai hkrai galaw pru wa wa re ma ai da. Dai majaw dai sahte wa gaw ya ndai ma la kasha ndai she nga nga yagng gaw nbyin na re ndai wa hpe gaw wa kau shangun na re ngu na kayet adup na wa kau shangun ai da. Shi gaw jahkrai ma re majaw gara kaw nchye wa nga sai. Dai majaw shi gaw aw nam de shi hkrai wamhkawm na gap lu gap sha tam lu tam sha nga hkwi shan gap sha re na shi hkrai sha lungpu hkan ne hpun pawt hkan ne yup machyu hkawm nna nga mat sai da. Shi dan re na nga hkawm nga ai ten hta lani mi hta na gaw sharaw kaba rawng kaba langai mi jahkyi hpe hkan shachyut ai da. Oh jahkyi mung grai ba, jahkyi mung grai hprawng ai, retim sharaw gaw dep na zawn zawn kawa kau na zawn zawn re wa ai da, dai hpe mu na ndai shabrang ma jahkrai ma ndai gaw kalang ta shi lang ai sanat hte hkan kagat, jahkyi mung kagat, sharaw mung kagat, masha mung gat re na e ndai shabrang wa gaw sharaw kaba hpe sa gap sat kau dat sai da. Dai sharaw hpe gap sat kau dat ai kaw na gaw jahkyi gaw ani amai rai na hto kawng de lung wa na gaw ndai shabrang wa hpe ya sha gayin yu, ya sha gayin yu re na gayin gayin yu re na lung mat wa ai hpe mu dat ai da. Re na e ndai shabrang wa gaw shi gap lu gap sha ai hkwi lu hkwi sha na shi hkrai sha nga nga yang lani mi na aten hta gaw ndai lauban sahte wa a nta kaw na shayi numsha ni gaw ahpun hta na nga na she dai jahkrai ma nga ai kawng de hpun lung hta na matu lung wa ma ai da. Dai shaloi shi hte grai ra hkat ai shayi sha ndai gaw shi gaw yu ngwi mahku shaw moi na hku nga jang gaw n chyun chyun ai, shangawn ai nga ma ai. Ning re na nchyun chyun na nsen mahkawn grai pyaw ai nsen grai sam na nchyun chyun na sa wa ai hpe na ai da. Ndai shabrang wa gaw ga a oh ra ram ram nsen pyaw ai mahku pyaw ai nchyun chye chyun ai num gaw kadai wa re kun, she mu mayu sai, she chye mayu ai ngu na sa wa yu yang wa dai lauban sahte wa nta kaw e shi hte ra hkat ai shayi sha wa re taw nga la ai da. Dai majaw shan gaw dai kaw bai sa hkrum hkat re jang dai shayi sha gaw ngai lauban sahte wa nta de n kam wa sai, ngai nang hte she nga na, ngai nang kaw she hkan nang na nga na jahkrai ma kaw e shing nga tsun ai majaw ngai mung nang hpe grai dum ai nga na shan gaw dai shani kaw nna gaw mayaw htinggaw de nna shan gaw hto grau tsaw ai bum kawng de shan lung wa ma ai da. Lung wa ai shaloi gaw asak 900 ning ram re sai hpun grai kaba ai langai kaw hpung krawng nta zawn ngan re hpungkrawng kata kaw shan gaw dai kaw nga ma ai da. Dai kaw wa nga nga rai tam lu tam sha na nga. Shan gaw a manang ni pyi naw yi galaw sha nna hkai lu hkai sha ai gaw an mung yi chyawm me galaw yu na re sam ai nga na dai hku myit nna le masha ni lai wa lai sa re lam kaba makau kaw e karang yi sa galaw nna nga ma ai da. Ning re karang yi sa galaw nna nga ai aten hta ndai lauban sahte wa gaw kani katsa ni a nta de ndu yu ai mayu ga de nwa yu ai nau na sai re majaw mayu ga sa ga nga na shat ka lit hte re na dai hku lai wa ai shaloi dai shi nta kaw nga yu sai shabrang wa hte mahkawn jan rau nga nga la ai hpe sa mu sai da. Dai majaw shi gaw grai pawt mayu sai, ndai shabrang ndai wa hpe gyit mu, ndai wa hpe rim na re, rim da nre ngu dai hku tsun ai da. Dai kaw na gaw dai jahkrai ma mung nhtu kret yawng yawng gaw kahtam hkrai kahtam hkat bang wa ai gaw, jahkrai ma gaw shi hkrai rai, oh ra ni gaw ali ama law law hte rai re majaw jahkrai ma hpe gaw shanhte rim la nna lalam 10 galu ai numru hte e hpun du kaw gyit hkang shakap nna majoi adup abyen di, hkang shakap da nga ma ai da. Dan re madu jan bai re jang shingrai madu wa oh ra masha ni hte galaw ai mu jang si ntsang rai kagat bang wa na ndai lauban sahte wa hpe sa tawngban nga na kagat shang wa ai wa ndai jan hpe mu jang mung shi nta kaw nga yang mung shi hpa n lu roi sha ai re nga yang shi myit hta npyaw na ndai numsha hpe gaw kahtam sat kau sai da. Kahtam sat kau rai, dan re na shanhte bai hkawm wa ai shaloi gaw jahkyi gaw nam kaw makoi nga na she kagat pru wa na she ndai lauban sahte wa a magyi hpe shi a lagaw hte hkindit ya ai da. Sa hkyin dit tawn da ya ai da. Dan re kagat lai mat wa, kagat lai ai nga tim ani amai rai na kagat lai mat wa, lu rim na zawn zawn, lu kahtam na zawn zawn re na e hto kadawng de lung wa ai da. Dai shaloi gaw lauban sahte wa gaw jahkyi ndai si mayu ai re nga law anhte ndai chyawm me kahtam sat nna ndai mung sihtu simai shatai na re law, she lu hkra she gyam yu ga, lu hkra she gyam yu ga ngu nna shanhte gaw dai jahkyi hpe e shachyut lung wa ai shaloi le hpang jahtum kaw hkan nang nga ai shabrang ma langai mi gaw sanat tat dat nna dai lauban sahte wa hpe gap sat kau sai da. Lu gap sat kau re jang gaw shanhte a ningbaw re nga ai sahte wa hpe gap sat kau jang shahte gaw mayu ga de ma ndu sai, lam kaang kaw na oh shanhte nta de bai nhtang, lauban sahte wa a mang hpe hpai nna nta de bai nhtang wa mat ma ai da. Ningrai wa mat ai hpang e gaw jahkrai ma yen gaw madu jan si mat, madu wa gaw hpun du kaw dai zawn re taw nga ai da, dai hpe jahkyi gaw mu ai da. jahkyi mu na jahkyi gaw hto bum de lung nna tsi hkrung tsi nan lap ngu ai wa di la na shi gaw n gup kaw maya ai hpa ni, n maya ai sha ndai si mat ai num kasha ntsa kaw sa mara ya ai hpan ni di, ndai du hku grup hkra hpun lap ni mara re jang du kaw na ning ma gaw yawng matut mat sai da. Yawng matut mat sai, shi maya tawn da ai tsi hpe e n gup kaw sa ahprup bang ya jang gaw nsa bai sa wa sai da. Ndai numsha gaw bai hkrung wa sai da. Ya lasha mung mala la si wa na zawn ndum ndam n grin ngrang re mat wa, dai jang ndai bai kalang mi bai tsi hkrung tsi nan lap bai wa la na hkum hkan ne hkan shakap ya, shi maya tawn da ai tsi hkrung tsi nan lap hpe n gup kaw bai bang ya di na mayen shatai na lu dat ai shaloi gaw ndai shabrang wa ma kaja mat sai da. Dai majaw hkang tawn da ai sumri hpe gaw madu jan bai raw la re na ndai yen mung shan hkrai retim mung hkwi lu hkwi sha tam lu tam sha re na mayet maya re na nga wa ma ai da. Ndai jahkyi oh sharaw shi hpe sharaw kawa na kaw e ndai muhkyu wa hkye la ai majaw ndai jahkyi gaw chyeju bai htang ai hku re. . Language as given: Jinghpaw
Format:Digitised: no Media: Audio
Identifier:KK1-1649
Identifier (URI):http://catalog.paradisec.org.au/repository/KK1/1649
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1649/KK1-1649-A.eaf
http://catalog.paradisec.org.au/repository/KK1/1649/KK1-1649-A.wav
http://catalog.paradisec.org.au/repository/KK1/1649/KK1-1649-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1649
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1649
Up-to-date as of: Sat Nov 14 14:26:45 EST 2020