OLAC Record
oai:paradisec.org.au:KK1-1648

Metadata
Title:Jahkrai ma yen nu a lam (The widow and her son)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Awng (speaker), 2017. Jahkrai ma yen nu a lam (The widow and her son). X-WAV/MPEG/XML. KK1-1648 at catalog.paradisec.org.au. https://dx.doi.org/10.4225/72/598c850d2292e
Contributor (compiler):Keita Kurabe
Contributor (depositor):Keita Kurabe
Contributor (speaker):M. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-08
Date Created (W3CDTF):2017-03-08
Description:Moi da kahtawng langai mi kaw grai matsan ai gaida jan shan nu nga ma ai da, ndai shan nu gaw ya lu ya sha na pyi naw grai yak ai, masha ni kaw e ningchyang chyang nna sha tam sha ma ai da. Lani mi hta na gaw shawng shani shan nu sa chyang tawn da ai mam hpe e lam na kanu gaw yi de sa mat, kasha hpe re jang gaw nang ndai a mam sin u yaw, u wa ni hpe hkum sha kau shangun ndai gaw an nu a asak matut ai re yaw, dai na de mung ndai sha na re, hpawt de mung ndai sa na re ngu na kasha hpe htet kau tawn da ai da. Ya ndai mam kang jang nang mam ndai htu nna shat shadu tawn da ngu na mung nhtang tsun kau tawn da ai da, re jang dai numsha gaw shani ting mam sin jan ja ai kaw dung, jan gaw ja ai hte lagawn gaw lagawn wa ai hte re she shingnip kaw jahkring mi wa galeng chyai ngu wa she shi gaw yup malap mat wa. Yup malap mat wa, shi bai hprang mat wa yang gaw hka langai mi shi sin nga ai a mam yawng sa sha kau ai da. Yawng sa sha kau re na ka hka dung nga la ai, ya nang ah nu a mam hpe ndai hku sha kau ya ai ngu tsun yang nu a asak matut ai gaw mam re ai da. Ya an nu gaw shat hpa n sha sai, n kau mi sha sha, nkau mi ngam da na nnga mi, yawng yawng nan nan sha kau ya ai, kaning di na nu wa daru na ra ai ngu jang kahka gaw e ngai sha kau sai re majaw ngai bai wa na re, hpa nra ai, dai na de e hto ra mashang kawng na lagat hpun kaw lung wa rit ngu na tsun da ai da. Ma kasha dai mung mam mung hpa nnga sai rai, kanu wa daru na mung hkrit re majaw kahka tsun ai hte maren dai numshang kawng de lung nna lagat hpun pawt kaw e wa du ai shaloi gaw kahka gaw ntsa kaw na tsun ai da. Nang ngai nga ai de lung wa rit ngu ai da, numkasha gaw e ngai nlung lu ai law, ngai hkrit ai, di hkrat na mung tsang ai, nlung lu nngai ngu na tsun ai da. Dai shaloi kahka gaw nang nlung lu jang gaw ngai lakang 2 shayu dat na 1 mi gaw ja lakang re, 1 mi gaw kawa galaw ai lakang re, ndai kaw nang ra ai lakang kaw lung wa rit ngu na lakang 2 shayu ya ai da. Dai shaloi numsha dai gaw e an nu gaw matsan mayen re kasha she re ja lakang kaw gaw nlung na nngai, n kabye goi ai, ndai kawa hte galaw ai lakang kaw mahtang she ngai lung na nngai nga na bai lung wa ai da. Hto kahka du ai kaw bai du sa i nga jang kahka gaw shat mung shadu tawn da nga la ai da. Ban mung 2 langai mi gaw ja shat ban, langai mi gaw ( yoyo) shat ban dai hku di tawn da na si mai mung hpan 2, 3 galaw tawn da ai da. Sha u nang ja shat ban kaw sha na i? (yoyo) shat ban kaw sha na i? ndai si htu si mai mung grau mu ai shan, nga, ndai sha na i, namlaw namlap hte shadu ai sha na i, nang ra ai sha u ngu na tsun ai shaloi gaw n dai numsha gaw e an nu ni gaw matsan mayen re re majaw gaw ja shat ban kaw gaw nsha gwi ai, ndai an nu galoi mung bang sha sha re ban ndai kaw she sha na nngai nga na dai hku sha ai, nang si mai mung nang ra ai sha u ngu tsun ai shaloi gaw e ngai nta kaw tim mu mu mai mai re, yu, nga, shan nsha yu ai, an nu gaw namlap hkrai she sha ai re nga na shi gaw namlap sha sha ai da. Jan mung du wa re sai dai shaloi gaw kahka gaw tsun ai da, ja gawm langai mi jaw dat ai da. Ja gawm langai mi jaw dat ai, ya nan nu ndai ya ja gawm kaw e hpa galaw mayu yang galaw mu, hpa hpyi mayu yang mung hpyi mu, shi galaw ya na ra ai, ngu nna ja gawm langai jaw dat ai da. Dai numsha gaw jan du wa sai, kanu wa na rai sai re majaw nta de wa nna shi hkrai wa tsun chyam yu ai da. E nu grai kaw si na wa na ra ai law, shat ra ai law, ngu jang dan ngu na tsun dat ai hte, kade nna yang gaw dai shat di kaw si mai ni mu mu mai mai re shat ni yawng hpring hkra rawng nga la sai da, kanu bai du wa ai shaloi gaw kanu e dai shani na lam mahkra hkap tsun dan ai da. Ndai kahka jaw dat ai ja gawm re nu e hpa ra yang shi kaw hpyi mu nga na tsun ai ngu dai hku tsun dan ai da. Shi na kanu mung grai kabu mat sai, dai kawn gaw shan nu gaw bungli gaw nau n galaw tim mu mu mai mai mai sha, bu hpun palawng tsawm tsawm htap htap rai bu hpun, dum nta mung hkrak re kaw re shan nu nga, grai pyaw sai da. Mare kahtawng hkan na ni bai re jang gaw kaning re lu wa ai, hpa rai lu wa ai, grai sa san ma ai da. Lani mi na gaw numsha shan nu na zawn re matsan ai numsha sha gaw re da, raitim ndai ma gaw loi mi raidum ai ma re da. Dai numsha shan nu gara hku lu wa ai lam hpe tsun dan jang shi mung bai rai sai da. Ndaw gaw mam lam tawn, lam tawn na shani ting dai kaw sin, dai kaw yup mahka nga jang, kahka gaw a mam yawng bai sa sha kau ya sai da. Dai shaloi numsha hpe tsun ai gaw ndai mung anhte nta ting a nsa matut ai re wa mi ya nta masha ni kaning re na hkrung nga sa na rai nang sha kau ya ai gaw, a chyen mi sha na daw mi gaw ngam tawn da yang mai ai wa yawng nan sha kau ya ai ngu na jang, e ngai sha kau sai re majaw gaw kaning n chye di nngai, ngai bai wa na re, ya nang dai na da hto ra mashang kawng de na lagat hpun kaba kaw lung wa rit, ngu na tsun ai shaloi gaw kaja wa numsha dai mung dai nshang kawng de e lagat hpun kaba dai kaw lung wa. Lung wa ai shaloi gaw kahka gaw nang ngai nga ai de lung wa rit ngu na tsun ai da. Dai shaloi numsha gaw e ngai n lung lu ai law ngai numsha re ngai di hkrat na hkrit ai nlung lu ai ngu da. Nlung lu jang gaw hpa nra ai, ngai lakang 2 shayu dat na, langai mi gaw ja lakang re yaw, langai mi gaw kawa hte galaw ai lakang re yaw nang ra ai lakang kaw lung wa u ngu tsun ai da. Dai shaloi ndai numsha gaw loi mi gumrawng gumra re myit rawng ai, rai dum ai myit rawng ai majaw ngai gaw matsan tim ja lakang kaw kabye yu sai ngu na sha pyi tsun chyai na matu ngai gaw ja lakang kaw she lung wa na nga na ja lakang hku lung wa ai da. Hto kahka kaw bai du ai shaloi mung ja shat ban kaw e shat bang ya ai, kaga shat ban langai kaw ma bang ai, sihtu simai mu mu mai mai ni shadu tawn dai, namlap sihtu simai ni galaw tawn da ai, nang ra ai sha u ngu na tsun ai shaloi ndai numsha ndai gaw e ngai gaw nta kaw matsan ai re majaw ning re ja shat ban kaw galoi mung n mu sha yu, ngai gaw ja shat ban kaw she sha yu na re, sihtu simai mung nta kaw mu mu mai mai n lu sha ai, ning kaw mu mu mai mai re sha na re nga na shi gaw ja shat ban kaw sha ai. Mu mu mai mai re sihtu sha lahta sha ai laga namlaw namlap shi nsha ai da. Dan re jang kahkau re jang gaw mi na hte maren shi hpe tsun ai, ja gawn nrai sai da, magri gawm jaw dat ai da. Ya nanhte hpa ra yang mung ndai gawm kaw hpyi mu yaw, hpa ra yang hpa lu wa na re ngu na magri gawm jaw dat ai da. Magri gawm jaw dat na nta kaw e dai shat sha mayu ai law, bu hpun palawng ra ai law, ja gumhpraw ra ai law nga tim dai magri gawm gaw ja gawm na zawn re na hpa nshaman ya ai da. Hpa mung n shaman ya ai da, ndai gaw masha a myit, gumrawng gumtawng ai myit, masha hpe masha hku nmu ai myit, ndan re gumrawng gumtawng ai myit gaw nmai rawng ai da. . Language as given: Jinghpaw
Format:Digitised: no Media: Audio
Identifier:KK1-1648
Identifier (URI):http://catalog.paradisec.org.au/repository/KK1/1648
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1648/KK1-1648-A.wav
http://catalog.paradisec.org.au/repository/KK1/1648/KK1-1648-A.mp3
http://catalog.paradisec.org.au/repository/KK1/1648/KK1-1648-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1648
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1648
Up-to-date as of: Sat Nov 14 14:26:45 EST 2020