OLAC Record
oai:paradisec.org.au:KK1-1645

Metadata
Title:Dusat jinghku hku ai lam (The animal relatives)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Awng (speaker), 2017. Dusat jinghku hku ai lam (The animal relatives). MPEG/X-WAV/XML. KK1-1645 at catalog.paradisec.org.au. https://dx.doi.org/10.4225/72/598c84ffc46a1
Contributor (compiler):Keita Kurabe
Contributor (depositor):Keita Kurabe
Contributor (speaker):M. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-08
Date Created (W3CDTF):2017-03-08
Description:Moi da dusat ni gaw shanhte myit hkrum ra ai, anhte jinghku hku hkat ga nga na shan nga rai, kahka rai, kagyin rai, taukawk rai, chyahkyawn rai shanhte 5 gaw dai hku zuphpawng hpawng da ma ai da. Dai she langai wa mi jamjau hkrum jang, langai wa mi sa garum na si hkrung si htan re kaw mung shada da hkye la hkat ga ngu na zuphpawng hpawng da ma ai da. Zuphpawng hpawng da ai tsawm ra na ai shaloi gaw chyahkyawn gaw shi myit magaw loi mi rawng wa ai da. Dai majaw shi a manang ni hpe tsun ai, e nanhte gaw namlaw namlap sha ai hpan she re majaw ngai gaw nanhte hte zuphpawng ndai hpawng ai gaw grai shut sai, ngai gaw shan she sha ai gaw, nanhte gaw namlaw namlap sha ai rai re majaw gara hku retim ndai nanhte myit hkrum tawn da ai zuphpawng mung ndai gaw ngai gaw nlu lawm na re, nanhte hte gaw ngai n lu kanawn na re, ngai gaw ngai kaga tam sha na hku re ngu dai hku tsun ai da. Shi a myit kata hta myit magaw ai grai rawng mat ai da, dai majaw chyahkyawn gaw shan nga hpe she tsun ai da. Shan nga e kaw mung grai kawsi re gaw hto ra kaw hkarang yi nga ai, hkarang yi kaw na mam ni, hkai nmai ni chyawm me sa lagu di sha ga law, nkam i dai de sa ga, re jang jahkring sha hkru na bai wa lu sai ngu na tsun ai da. Re jang shan nga mung chyahkyawn tsun ai ga madat nna shi gaw oh hkarang yi galaw tawn da ai dai hkarang yi de sa nna shi chyahkyawn hte e dai mam ni, hkai nmai ni sa di sha nna hkru hkru kat kat wa ai da. Dan rai shana hkan ne sa lagu sha hkawm ai re hpe e hkarang yi madu jan nta madu jan gaw sa mu ai, hkang ni hkang ai, mam ni di sha hkang hkang ai hpe mu ai majaw nta de wa nna madu wa hpe wa tsun ai da. E mana gaw le yi de e shan nga ni shang dusat dumyeng ni shang re na e mam mung grai sha kau sai law. Dai majaw mahkam chyawm me sa hkam tawn da su, ngu na tsun ai da. Dai shaloi nta madu wa gaw dai shan nga ni chyahkyawn ni sa ai lam kaw mahkam langai mi sa hkam tawn da sai da . Chyahkyawn gaw shi a myit hta galoi mung myit magaw rawng ai re majaw shan nga hpe bai saw sai, sa law shan nga e hto ra yi kaw chyawm me hkai nmai ni sa di sha, mam ni sa di sha re yang gaw ba mung nba ai, jahkring sha shat hkru lu ai law, hto de bai sa ga ngu na bai woi sa ai da, bai woi sa ai lang na gaw shan nga gaw yi madu wa hkam da ai mahkam kaw lu mat sai da. Dai shaloi shan nga gaw tsun ai, e chyahkyawn e anhte kalang mi zuphpawng hpawng da sai hte maren, nye asak hpe naw shalawt ya rit law, ngai mung nang jam jau ai shaloi gaw ngai mung garum na nngai, ngai hpe naw shalawt ka rit, ngu na tsun ai shaloi, chyahkyawn re jang gaw e jinghku shan nga e dai ni ngai a shangai nhtoi ang ai, ngai gaw nam langai mi mung n mai kawa di ai, hpa mung n mai jahten ai, hpawt ni hpawt din nga yang chyawm gaw mai ai, dai ni gaw ngai hpa mung n mai galaw ai, nye a shangai nhtoi re majaw nlu garum sai, nang shakut nna naw nga u ngu nna shi gaw oh nam sumup langai mi kaw sa lagyim mat ai da. Shi a myit kata gaw ndai shan nga ndai si sa i nga jang ngai shawng lu sha na re, ngai hkru hkra hkra sha na ngu ai dai hku myit ai da. Ya chyahkyawn hte shan nga pru mat wa ai grai na ai retim mung manang ni nga ai de mung n du wa re majaw kugyin rai, taukawk rai, kahka rai gaw myit npyaw na hkan tam yu ga kaning re kun ngu na hkan tam wa yu yang gaw yi kaw e mahkam kaw lu taw nga ai da. Naw hkye la marit lo nga, shan nga gaw naw hkye la marit lo nga jang gaw shanhte bungli garan sai da. Kugyin gaw ndai shan nga hpe lu nga ai sumri ndai kawa di, taukawk gaw ndai makau hkan e na lahpra ni asan sha seng kau, asan sha seng kau, kahka gaw hto yi madu ni a nta makau de wa nga nna yi madu ni yi de sa wa nsa wa dai wa yu, sa wa sa i nga jang mung lawan pyen hkrat wa na anhte e sa shana ngu na bungli garan hkat ma ai da. Yawng kade bungli galaw ai, chyahkyawn chyu she myit magaw re nga le sumup kaw sa yup taw nga ai. Dai yi madu ni nta kaw kahka nta makau kaw wa dung nga yang yi madu wa gaw yup mang langai mi tsun ai da, e madu jang hpe tsun ai da, ning nu e mana gaw le shingnawm kaw la langai mi tsa nang nna sa galeng taw nga ai yup mang mu ai law ngu na tsun ai da. Madu jan rai jang gaw e nang mahkam hkam da sai re majaw dai mahkam kaw shan nga lu na sai, dai hku nga jang gaw lu na re lawan she sa wa yu su ngu na tsun ai da. Dai yi madu wa mung n hpye n-ga sha hta hpye na yi de tin tin re na sa wa na ngu oh ra hkran rap sha naw di yang wa kahka wa pyen yu na she nang baw kaw kara lazin she malawk hkra sai pru hkra sa ah chye ya ai da, sa htim amya achye ai da, rejang dingla wa gaw yi de gaw nsa wa, nhku de bai nhtang shang mat na she e ning nu e nna n gau ohra hkran naw du nga yang wa me kahka langai mi sa na ndai kaw sai pru hkra achye ya ai le, kara mung sa gang baw tawn da ya re le hpa baw byin ai ga kun i ngu na tsun yang. E kaga hpa nre law, le nang yi kaw hkam tawn da ai shan nga e na ai ga rai nga nmu, hpa ntsang ra ai she sa wa yu su ngu na bai tsun ai da. Dan nga jang dai la wa gaw kaja wa madu jan e sa wa su chyu ngu tsun, kahka mung nta madu wa e kade shingdang yu tim nlu shingdang nna yi de sa wa ai hpe mu nna she kalang ta pyen yu wa na she oh kaw na taukawk, kugyin, ndai ni hpe wa tsun ai da. E ya nta madu wa grai jahkring yu sai re, nhkring hkraw ai sa wa sai, ya sa wa sai, anhte kaning di na, dai hku tsun ai shaloi gaw kahka gaw tsun ai da. Gai kugyin nang gaw ndai sumri kawa di, taukawk gaw lahpra hta ngu anhte yawng bungli garan galaw sai, rejang e ya shan nga nang gaw yi madu wa sa sa i nga jang ah kan kaba law na pung pung di tawn da oi, ngai gaw hto hpun ntsa kaw dung nna yu nga na, ndai yi madu wa hkam sumri raw dat ai hte maren ngai gaw ak ak ngu na jahtau dat na, dai shaloi nang kalang ta rawt hprawng mat wa yaw ngu tawn da ai da. Yi madu wa bai sa du, oh shan nga ndai gaw yet hkyen sai re nga, kan pyi grai kaba mat sai gaw, pyi manam hkyen sai rai nga ai ngu na shi gaw dai sa tsun let sumri raw ai da. Sumri raw, sumri raw ngut ai hte maren kahka gaw ntsa kaw yu nga re majaw gaw shan nga hpe ak ak ak ngu dat jang shan nga gaw kalang ta a kajawng sha rawt hprawng mat wa sai da. Dai shaloi yi madu wa mung shi lang ai ri bat n ri, moi gaw nri she lang ai re nga ri bat hte shan nga hpe hkra hka ngu na kabai dinghkyen dat ai wa shan nga kaw gaw n hkra, dai sumup kaw yup taw nga ai shanhte a manang chyahkyawn hpe wa mi mahtang wa nri hte dinghkyen sat tawn da da. Dai shi shan nga kaw hkra sai zawn re na sa yu yang shan nga kaw gaw bai nhkra, dai shalawng kaw yup taw nga ai chyahkyawn hpe gaw lu re jang e rai sai ndai shan nga hpe n hkra tim, shan nga n lu la tim chyahkyawn retim wa tawk sha na re ngu na shi gaw chyahkyawn dai e ma hta hpai, taukawk ma hta la nhpye kaw bang re hto nta de wa tawk sha na re, masha shaga na wa tawk sha na re nga na wa ai. Wa yang she shan nga gaw nta madu wa wa ai shawng de bai pru, gau ngoi gau yang sha re na grai ni ai zawn re na wa gawng taw nga, dan re wa hkawm sa i nga jang dai yi madu wa gaw dai ni hprawng mat wa ai shan nga re sam ai law, grai ni ai zawn zawn kaga wa re kun ngu oh ra chyawm me ndai ning ri hte hkan jinghkyen sat lu na zawn zawn re nga ai, ngai chyawm hkan shachyut nna nri hte hkan dinghkyen sat na re nga she dai shi a nhpye kaw taukawk e hta bang tawn ai dai mung sat sha na matu gun wa ai, dai e hpun kaw noi tawn da. Chyahkyawn e mung dai kaw tawn da, re na she shi gaw shan nga hkan dinghkyen na nga na she shan nga kaw hkan kagat nang mat wa ai da. Shan nga dai gaw oh hprawng mat wa na she grai tsan hkra hprawng mat wa, bai nhtang wa nna she dai n ta madu wa noi tawn da ai nhpye kaw taukawk rawng ai, dai kaw shi a nrung hte bai wa mahkai la rai na taukawk hpe e bai shalawt dat ai da. Dai hku shalawt dat hkat ai da, shingrai shaloi gaw yi madu wa myit kata hta grau pawt mayu ai gaw kahka hpe rai nga, shi hpe mung achye ai, mahkam kaw na sumri raw dat ai hte maren shi a shan nga hprawng mat wa ai ndai kahka a majaw re ngu na shi gaw grai myit npyaw ai da. Shi bai lai wa grai myit n pyaw let wa ai shaloi kahka dai gaw oh yi madu wa lai wa shawng kaw dung nga la ai da. Dai majaw ndai kahka ndai e sat nan sat kau lu hkra di na re ngu na she nlung hta nna she kabai sat na hkyen ai hte kugyin wa she yi madu wa dukrung kawa ya ai da. Yi madu wa a dukrung kawa yang aka lo ngu na jahtau dat ai hte maren kahka hpe grai n kabai lu yang kahka gaw hprawng mat wa sai da. Ning re na e shanhte gaw langai wa a sak hpe langai wa hkye ya ma ai da. Myit hkrum ai hte arau nga ai, myit magaw ai chyahkyawn chyawm me gaw jau jau si mat sa da. . Language as given: Jinghpaw
Format:Digitised: no Media: Audio
Identifier:KK1-1645
Identifier (URI):http://catalog.paradisec.org.au/repository/KK1/1645
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1645/KK1-1645-A.mp3
http://catalog.paradisec.org.au/repository/KK1/1645/KK1-1645-A.wav
http://catalog.paradisec.org.au/repository/KK1/1645/KK1-1645-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1645
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1645
Up-to-date as of: Sat Nov 14 14:26:45 EST 2020