OLAC Record
oai:paradisec.org.au:KK1-1644

Metadata
Title:Chyabu num majen zen ai lam (The beautiful girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Awng (speaker), 2017. Chyabu num majen zen ai lam (The beautiful girl). X-WAV/MPEG/XML. KK1-1644 at catalog.paradisec.org.au. https://dx.doi.org/10.4225/72/598c84fb81076
Contributor (compiler):Keita Kurabe
Contributor (depositor):Keita Kurabe
Contributor (speaker):M. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-08
Date Created (W3CDTF):2017-03-08
Description:Moi da kahtawng langai mi kaw e num grai tsawm ai mahkawn langai mi nga ai da. Hpraw ntsin she kahte ai tsawm dik htum ai num mahkawn langai mi nga ai da. Shi gaw kaji kaw na tim shan hpraw tsawm ai re majaw dum nta masha ni gaw lata ndung kaw na lungseng zawn re na manu jahpu shadan nna bua kaba dat ma ai da. Ma shingtai re majaw shi hpe e sharin shaga ai lam nau nnga, ri da maka sharin ya ai lam mung nnga, re majaw shi gaw ri da maka ma nchye ai da. Tsawm gaw kaja tsawm da. Grai tsawm ai re majaw ya shi mahkawn mung rai re majaw shabrang tsawm ni mu ai ni yawng shi hpe ra mayu ai hkrai re da. Yawng e jawm ra ai re da. Lani mi hta na gaw oh ra kaga kahtawng kaga kahtawng hkan na shabrang la marai 7 gaw hpaga ga ga nga na jawm bawng la ma ai da. Shingrai na shanhte hpaga ga na matu shanhte rawt mat wa sai. Rawt mat wa ai shaloi gaw shani kaang du, shat kaw si ai aten du na sa ra langai mi kaw kawsi wa sai gaw shat naw sha la na matut hkawm ga nga na shanhte gaw kadai mung kadai gun ai shat makai hpe hpyan dat ma ai da. Dai shaloi marai 7 ting a shat sihtu simai wa yawng bung taw nga ai da. Dai majaw shanhte gaw kadai mung kade shat makai hpyan nna shada da mau nna yu hkat nga ma ai da. Dan nna shanhte shada da bai san ai. Anhte gun ai shat sihtu simai gaw yawng bung ai gaw nang na gaw kadai shagun ai rai ngu na tsun ai. Ngai na gaw chyanun majan shagun dat ai re nga, yawng gaw marai 7ting gaw dai numsha shagun ai re hkrai hkrai nga. Rejang shanhe bai mau, nkau gaw pawt mayu re ma ai da. Nkau mi pawt mayu wa ai, aga ngai hpe she ra nga ai ngu yang marai 7ting, ngai she lu la hkra la na re ngu kagu myit ai ni mung nga ai. Raitim law malawng gaw gara hku sawn ai i nga yang shanhte gaw pawt mayu ai. Anhte la marai 7 ting hpe kalang ta ra gwi ai num ndai gaw sadi ndung ai num, shari nnga ai num, lawhpa ai num she re nga ai. Ndai wa anhte marai 7 ting hpe ndai hku gaya jahkrum ai gaw shi hpe mung anhte gaw matai gaw htang ra ai, lama mi gaw di ra ai law ngu tsun. Shanhte jawm bawng da ai gaw ndai daram lawhpa ai num hpe gaw ya anhte wa woi la nna hto lauban ni masha ni a bungli galaw ai ginra de e sa dut sha kau na re, lauban ni e dut ya kau ga nga na dai hku tsun ai da. Bawng da ma ai da, dai majaw shanhte gaw shanhte marai 7 myit hkrum let dai num kasha hpe e wa asawng woi la na gat langai mi kaw woi sa na she lauban wa hpe sa dut ya ai da. Lauban wa e numsha ndai grai ket ai re, nang hte mung grai bung na zawn re, tsawm mung grai tsawm ai nang la u, nang hpe sa dut ya ai re nga na manu gaw kade nga jang, manu ni shanhte yawng jahkrup sai, manu tsaw tsaw hpyi, kade tsaw tim jaw na nga na lauban wa dai hku tsun ai. Dan re manu jahkrup bang wa ai shaloi ndai numsha rai jang gaw ndai lauban wa kaw e ni kahtep nna she sa tsun ai da, nhku de jahkring mi shang wa yu ga ngu na tsun ai da. Dai shaloi lauban wa hte ndai numsha gaw nhku de shan shang wa sai da. Shang wa ai shaloi gaw lauban wa hpe e ndai numsha gaw gara hku tsun ai i nga yang, ngai hpe sa dut sha ai nre ai, ngai mahtang shanhte marai 7 hpe e sa dut sha ai she re ai, shanhte gaw anhte nta kaw nga ai bungli galaw ai mayam ni re, anhte kaw e mayam nau law ai majaw, ndai marai 7 hpe ning di na dut kau dat ai she re, nang mari u ndai ni gaw bungli galaw yang grai lawan ai, akyang ma grai kaja ai, myit hpraw san ai ni hkrai re nang ndai marai 7mari tawn da sa i nga jang gaw kaga mayam pyi nda ra sai ngu na sa amyawk shanyeng shingkawng ngu let dai hku sa tsun ai da. Lauban wa bai rai sa i nga jang gaw ndai oh ra mayam shatai na marai 7 a ntsa e myit gaw nau n shang sha ai, myit shang sha ai gaw dai chyabu num majan ai ntsa kaw sha law malawng shi myit grai shang sha ai da. E mahkawn jan e ngai nang hpe grai ra ai, ngai hte nga yang nmai na ni? nang ngai hpe nra na ni? ngu na tsun ai da. E nang ngai hpe ra ai nga jang gaw ngai mung ra ai, dai majaw an arau nga ga ndai mayam 7 shabrang 7 ndai hpe ma mayam hku na mari da u ngu tsun ai da. Ndai ni a jahpu manu kade ram ang na kun ngu shi ra ai hte hpyi la ai da. Bai na shi a gumhpraw mung shi hpyi ai da, lauban wa e nang ngai hpe ra ai nga jang gaw hpu loi mi shawng bang magang ra na re, nu ni wa ni hpe gumhpraw loi mi sha gaw wa jaw ra na re ngu na shi hkum hpe shi dut ai gumhpraw manu mung hpu dik ai hku na hpyi la ai da. Dai shani gaw ndai numsha gaw gumhpraw tsawm ra lu sai. Dai shaloi numsha shi tsun ai gaw e lauban wa e ya ndai dai ni kaw na ndai kaw nga yang gaw nta na ni mau mat na ma ai, ya ndai mayam dut ai gumhpraw ndai hte e ndai ngai na hpu gumhpraw ndai oh nta de wa nna ah wa e ndai naw wa ya da na. Nang ya na bat hpang na bat hta e la 7 ndai hpe woi nna ngai hpe sa woi la rit, dai shaloi she ngai nang kaw hkan nang wa na ngu na tsun ai da. Lauban wa mung hkraw ai majaw gumhpraw ni yawng shi kaw hpe sha hte ya kau dat, re shaloi ndai shayi sha gaw shi shang wa ai gaw ndaw hku shang wa ai, bai pru ai re jang gaw nbang hku pru mat wa ai, le ra shabrang la ni marai 7 nmu lu hkra nga shi gaw dai nta kaw na pru ai kaw na kagat hkrai kagat shi kagat hprawng hkrai hprawng mat wa sai da. Shingrai hprawng mat wa ai shaloi gaw ndaw kaw la nga ai shabrang la marai 7 gaw ndai numsha wa hte lauban wa nhku de shang mat wa ai nau na nga ai law gara hku byin ai i, nau na nga ai law ngu na shanhte tsun chyai nga yang lauban wa gaw pru wa ra ai da. Pru wa nna she hpa tsun ai i nga yang nanhte marai 7 hpe ngai mari sai, oh ra mayam nga ai dabang de sa wa sa ga ngu na sa tsun ai da. Dai shaloi ohra ni gaw pawt wa ai da. Taw anhte mahtang she numsha hpe e nang hpe sa dut sha ai she ngu yang me hka gumhpraw jaw myit le nga dai hku tsun ai da. Dai shaloi lauban wa tsun ai gaw re ai ndai shayi sha a jahpu hpu ja mung ndai numsha hpe jaw dat sai, nanhte e sa dut ya ai re nga majaw nanhte marai 7 a jahpu mung dai numsha hpe jaw sai. Ya gaw dai ni kaw nna gaw oh ra numsha hte an a mayam ni rai sai re majaw nanhte gaw mayam dabang de sa wa saka nga jang ndai shabrang la ni gaw yawng pawt nna yawng hprawng mat wa ai da. Yawng hprawng mat wa ai, num kasha mung shi hkrai sha hprawng ai re nga ba mung grai ba rai, sa ra langai mi kaw du ai shaloi gaw hpun nta kaw shi gaw masha ni hkan shachyut na mung hkrit re shi gaw hto hpun ntsa kaw wa dung taw nga ai da. Dai shabrang marai 7 mung gat kaw na hprawng wa ai ni mung dai shana dai kaw sha bai wa yup ang ai da. shana de nsin sin wa jang shabrang la ni gaw ya hpun palawng hpun nba mung n gun re gaw dai na kashung na re, anhte marai 6 gaw hpun naw hta mat wa na nang marai langai mi ndai kaw wan wut na sindung nga u e ngu na dan ngu na shadung kau tawn da ai da. Shabrang la langai mi chyu sha wanmang kaw dung nga ai shaloi dai mahkawn jan gaw shi hto hpun ndung kaw na dai shabrang wa hpe lata dingsin na shaga shalung la ai da. Shaga shalun la ai, moi na na prat hta gaw mahkawn shabrang ni yawng malut maum ai, yawng jahkum sha ai hkrai re. Dai hpe nang hpe grai tsawra ai ndai malut jawm maum maya chyai ga ngu na malut ni woi maum, malut ngu ai gaw jahkoi bang dat ai hte nang sai. Jahkoi bang dat jahkoi gaw nsa grai ja ai, dan re na malut n maum yu ai ni gaw grai nang lawan ai. Dai shabrang wa mung majoi dai shi dai mahkawn jan hpe ra ai majaw maum ya ai chyu sha re nga. Shi gaw malut maum nten ni ahkyeng ngan re hkra maum rai, rai nna gaw shan 2 shada ahpum hkat, re na ndai mahkawn jan a n gup kaw e ndai la wa a shinglet bang nna shada da chyup hkat dan re jang ndai numjan gaw ohra shabrang wa a shinglet daw mi kawa di kau ya ai da. Dai hku kawa di kau ya jang ndai shabrang wa gaw shinglet n tu sai re gaw machyi ai hte nga kadau na hpun kata de hkrat mat wa ai da. Kata kaw e manang ni gaw la ndai gaw kade sa mat ai i, shi e hkrai tawn da ai mat nga ai law, manang wa mat ai law, mat ai law nga tsun yang shi gaw hpun ndung kaw na bung nga di hkrat, ohra manang ni gaw yawng rawt hprawng, hkrit kajawng nna yawng rawt hprawng mat wa ai da. Dai hpang e bai tsan tsan kaw na yu yang gaw shanhte manang wa re bai mu, mu nna gaw e anhte manang wa she rai nga, grai wa hkrit ai baw mung nrai nga ai ngu na shanhte bai nhtang sa, bai nhtang sa nna sa san ai shaloi gaw ndai ga shaga yang na shinglet matu nrang jang gaw hpa tsun ai n chye madat mat ai, dai majaw sai hkrai hkrai gaw pru ohra wa shaga yang sai ahprut ai zawn gaw rai nchye madat jang dai la wa hpe tawn kau tawn da na shanhte gaw yawng hprawng mat wa ma ai da. Dai hpang e hpun ndung kaw nga ai numsha gaw bai yu wa, yu wa na e shan gaw nta de dinghku wa de sha nga yang mung masha ni shawa sha na rai, shan gaw le hka kau de lung pu nga ai de shan sa nga mat ma ai da. Kasha mung shaprat nna sa nga re gaw dai marai 7 hpe dut ai hte e shi a hpu gumhpraw sha re gaw sha ning na na jai sha sa i nga jang gaw dai ni mung yawng ma mat wa re na bu hpun palawng pyi hpa n lu ai, langa hpaw ni, lagoi hpaw ni sha dan na chyoi kayep na dai re sha hpun na nga matsan ma ai da. Kasha ni mung ndai kawa n chye shaga mat ai kasha laba ai re majaw kasha ni mung yawng masha ni shaga ai hku nre, laba laba nga na shaga mat shajang ma ai da. Lawhpa ai ni gaw hpang jahtum e gaw sum ai de du mat ai da. . Language as given: Jinghpaw
Format:Digitised: no Media: Audio
Identifier:KK1-1644
Identifier (URI):http://catalog.paradisec.org.au/repository/KK1/1644
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1644/KK1-1644-A.wav
http://catalog.paradisec.org.au/repository/KK1/1644/KK1-1644-A.mp3
http://catalog.paradisec.org.au/repository/KK1/1644/KK1-1644-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1644
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1644
Up-to-date as of: Sat Nov 14 14:26:45 EST 2020