OLAC Record
oai:paradisec.org.au:KK1-1631

Metadata
Title:Masha hkrang bung ai tsi a lam (The brother who went to look for medicine for his grandmother)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. King Nang (speaker), 2017; Masha hkrang bung ai tsi a lam (The brother who went to look for medicine for his grandmother), MPEG/X-WAV, 2020-02-11. DOI: 10.4225/72/598c84bd22984
Contributor (compiler):Keita Kurabe
Contributor (depositor):Keita Kurabe
Contributor (speaker):M. King Nang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-07
Date Created (W3CDTF):2017-03-07
Description:Moi shawng de e da ndai kahtawng langai mi kaw e ndai hting gaw langai mi nga ai da. Dai hting gaw kaw gaw ndai shan nu wa ni sha dwi ni rai na nga ai da, ndai kaw na masha ni rai jang gaw da dai aten hta e dai kahtawng kaw gaw ndai bum tsi shara langai mi mung nga ai da. Dai aten hta wa she ndai htinggaw kaw e shan ji sha woi ni shan nu wa ni rai na nga ai htinggaw kaw na ndai kawoi dwi ngu na wa she machyi wa ai da. Grai rai na machyi wa ai shaloi gaw ndai shanhte a mare kaw na bumtsi sara kaw e sa yu yang e gaw ndai e nanhte na ndai dwi na ana gaw da ndai ngai lu ai tsi hte sha gaw nmai ai. Nanhte gaw oh ra baren bum ngu ai kaw tu ai ndai masha hkrang hte bung ai tsi dai hte she mai na re ngu na tsun ai da. Dai sa la mu ngu na tsun ai da, shaloi jang gaw shanhte nta masha ni gaw myit sai da. Ndai myit sai, ndai myit ai shaloi she dai de sa na matu kadai wa sa ang na kun ngu na myit ai da. Ndai htinggaw kaw gaw shan kasha 3 lu ai da, magam, manaw, mala, nga na lu ai da, dai re majaw gaw ndai magam wa gaw wa ngai sa na re, adwi na ana mai hkra tsi la ga ngai sa na ngu na shi tsun ai da. Dai yang gaw ndai magam wa sa na re majaw gaw ndai bumtsi sara kaw bai san la sai da. Dai de sa na lam hte seng nna bai san la sai da, san la ai shaloi gaw dai wa mung atsawm sha tsun dat ai da. Nang ndai kaw na sa wa yang e 7 ya ngu na shaloi nang du na re sa wa de 7 ya, wa de 7 ya dai hku na hkawm ra na re ngu da. Lam lapran e nang sadi ra na lam gaw law law nga ai da. Lam lapran e tsa hte seng ai ndai ginsup gumhpraw bang na ginsup ai lam ni, hpa mung n mai galaw ai yaw ngu na tsun ai da. Dai hku na sa mat, tsun dat ai hte maren shi gaw sa mat wa sai da. Sa mat wa re yang she oh ra du wa na maw sai da, du wa na maw, 6 ya hkawm sai, dai shaloi mare langai mi kaw e shang wa yu yang she dai kaw shi hpe grai hkap tau ai da. Dai moi na anhte jinghpaw ni nga yang gaw manam hpe re jang e tsa pyi sa hpa nga na dai hte e hkap tau re, dai re majaw shi hpe mung dai hte hkap hkalum hkap tau ai da. Shi gaw manam re majaw dai hte hkap tau hkalum jang gaw nlu gaw nmai re na she shi gaw e nang hkra sha gaw nlu jang rai sai nga na she kachyi kachyi re na lu ai da. Kachyi chyi re na dai hku na lu kau dat hku rai re nga ai, dai hku na rai jang she, kei shi gaw ndai mare kaw bai du, ya ngai dai kaw sa ai shaloi ndai mare kaw na matsun dat ai i mi kaw na nang gaw myitsu ai ni hpe sha san yaw, ramma ni ma kaji ni hpe kadai hpe mung dai masha hte hkrang bung ai tsi na lam hkum san, shanhte hpa n chye ai ngu tsun ai da. Shi gaw ndai masha kaba ni hpe she sa san ai da, dai mare kaw e masha kaba salang langai mi dai na lam grai chye na kun ngu na kaja wa san dat ai shaloi gaw shi gaw kaja wa nna grai chye ai da. Dingla dai gaw grai chye ai re majaw e ya nang ndai kaw na lung wa u da, ndai kaw na lung wa ai shaloi gaw ndai kaw na lung wa ai shaloi nang dai bum pungting de du na re, dai punting de du yang e nang hpe e hkap hkalum la na re ngu da. Mahkawn langai mi hkap hkalum la na ra ai, dai wa nang hpe e tsun na ra ai ngu da, dai hpe shi ga shaga yang e shi hpe sha yu taw nga yaw, shi hpe sha yu na shi jahkring mi shamu shamawt re hte e shi hkum mat mat na ra ai, dai shaloi shi tsi hpun tai mat na re ngu da. Dai a lawan wan baw la u. Dai n baw la yang e gaw dai shaloi jang nlu baw jang e dai tsi hpun hpe e n baw lu sai da, masha hkum langai mi gaw prat mi hte she dai tsi hpun hpe baw na ah hkang kalang mi lu ai re ngu na tsun dat ai da. Dai shaloi she dai lana mi dai mare kaw langai mi kaw bai htawt yup ai da. Dai shaloi she shi gaw ndai dai kaw she ndai tsa hte bai hkap hkalum ai da, tsa hte bai hkap hkalum na she shi gaw dai loi mi lu dat re wa she shi gaw kei dai kaw wa yup malap taw nga na hku rai re nga ai, rai na she jan law mat sai da, jan law mat re retim mung shi gaw manu mana tin nna lung mat wa ai da. Lung mat wa re na she bum pungting de gaw du sai da, pungting de du re na she shi gaw hto ra kaw bai wa du nga ai shaloi gaw kaja wa nan num mahkawn langai mi grai tsawm ai num mahkawan langai mi nga taw nga la ai da. Dai wa tsap taw nga la ai da, nang ndai masha hte hkrang bung ai tsi wa tam ai nre i ngu da, re ngu jang she, ya dai kaw baw la dat du ngu da, dai kaw baw la da dut ngu na tsun ai da. Shing ngu jang she shi kaja wa sha dai kaw baw la dat du dai kaw tu nga ai ngu tsun dat ai wa, mi ohra kaw na matsun dat ai kachyi mi hpe malap kau na wa she shi dai de kachyi mi myi kachyi mi gayin re hte wa she num dai hpe n mu mat ai da. Num dai hpe nmu mat re na she shi gaw tsi hpun gara re nchye sai da, gara re mung n chye mat, gara re mung n chye mat re na she shi mung dai hku bai tsi mung nlu baw la ai bai nhtang mat wa ai da. Shi bai nhtang mat wa re na she, kaja wa nna nta de bai du wa ai shaloi gaw kawa ni hpe byin ai lam ni bai wa tsun dan re shaloi gaw aw nang tsun dat ai lam ni hpe atsawm n madat mara ai majaw rai nga ai ngu da, ya kalang gaw manaw bai sa u ga ngu na manaw hpe bai sa dat shangun ai da. Kaja wa manaw mung ngai gra hkrak sha matsun dat ai hte maren galaw na ngu da, mi kahpu hpe matsun dat ai hte maren shi hpe mung bai matsun dat ai, dai shaloi shi gaw sa mat wa sai da. Shi bai sa mat wa re shaloi she kaja wa 6 ya ngu na shaloi dai bum lagaw kaw du sai da. Bum lagaw kaw du re shaloi nta langai mi kaw shang wa yang she salang langai mi nga taw nga ai da. Dai kaw e shang wa shi hpe e dai shaloi hkan e mung kei grai hkap hkalum ma ai da lu shi hpe tsa hte hkap hkalum ai retim shi hpa n lu ai da. Gumhpraw hte gasup ai baw ni grai nga, dan re pyaw hpa lam ni grai nga ai retim mung shi gaw hpa hpe mung (aya) ahkyak nla ai dai hku re na sha shi hkawm ai da. Dai dingla langai mi kaw bai hpaji hpyi re yang she dingla dai wa gaw tsun ai da, e nang dai de lung na re jang lungsu, baren bum ngu ai dai kaw e tu ai ndai masha hte hkrang bung ai tsi dai kaw tu ai. Nang lung wa ai shaloi dai bum kaw e num mahkawn langai mi nang hpe e hkap shaga na ra ai, retim mung nang gaw dai wa hkap shaga ai hte maren le yu, oh yu nre sha shi hpe e myi ngrip hkra myi ndawm hkra re na yu taw nga u yaw, shi shamu shamawt re na shi tsi hpun tai mat na ra ai ngu da, dai shaloi tsi hpun dai hpe alawan baw u ngu da. Dai ngu na tsun dat ai da, dai kaw nmai yup ai, dai kaw yup yang shana re jang ndai kapu kaba ni grai sawng ai dai shanhte na grai matse labye ni grai nga ai re majaw ndai baren bum ngu na shamying da ai re dai kaw nmai yup ai, n dai mare kaw na lawan nhtang yup bu ngu na tsun dat ai da. Kaja wa nan dai wa gaw grai magrau grang ai hte lung wa sana hku rai nga, lung mat wa rai shani kaang e dai bum pungting de du ai da. Bum pungting de u re she kaja wa nan num mahkawn grai tsawm ai langai mi she hpun pawt langai mi kaw dung taw ai da. Dung taw na she aw nang ndai masha hte hkrang bung ai tsi hpe e wa tam ai nre i ngu da, re ngu jang she ngai mung dai tsi dai wa tam ai re nngai, nang kaw jahkring mi naw dung u ndai ba shamai ndai naw lu la ga ngu na tsun ai da. Ndai naw lu la ga ngu na tsun ai shaloi jang oh ndai anhte jinghpaw ni tsun ai dinghkru ngu ai kawa hte galaw da ai dinghkru ngu dai la re na she kawa n dum langai mi kaw na ru bang re na she ndai n-gu hte galaw ai tsa re ndai grai mu ai ndai naw lu la na she tam ga ngu na tsun ai da. Dai shaloi she shi mung hkum lu nga hpe wa gan, e nang hkra sha nre jang gaw hpa nra na re ngu na wa she dai wa she gan lu dat, dai la nna kachyi mi lu dat ai hte wa she dai kaw wa she yup kachyi mi myet nga mat wa ai da. Myet nga na dai kaw gan yup nga galeng mat na hku re nga, jahkring mi sha re yang shi bai hprang wa ai hte gaw koi num dai hpe mung nmu mat da, tsi hpun mung gara re mung n chye mat na she dai hkan na hpun kaji ni sha langai mi gan baw yu, langai mi gang baw yu re yang, gara mung tsi hpun nre rai da, mi matsun dat ai gaw ndai tsi hpun baw dat ai shaloi tsi pawt tsi ru de e ndai masha na ta lahpan zawn re dai hkan nang na re, ndai noi nang na re, dai nan re sai ngu na masha hte hkrang bung ai tsi dai nan re sai ngu na matsun dat ai da. Gara kaw mung dai n noi ai da, gara kaw mung dai n noi nang, gara kaw mung dai nnoi nang re na shani tup langai mi htawt baw retim dai tsi dai nmu re na she shi gaw myit htum mat nna bai wa mat sai da. Kaja wa nan dai shi hpe e tsun dat ai dingla wa kaw wa shang nna she ngai dai hku dai hku byin ai ngu jang she nang hpa rai na tsun dan ai hku nhkan ai rai ngu tsun ai da. Shaloi jang aw dwi la nang gaw ngai hpe e dai kaw e tsa hkap jaw na re dai hkum lu yaw nga na ntsun ai gaw ngu da. Dan na she dai dingla wa gaw e nang hpe ntsun ai gaw galoi mung sadi ra ai, maja ra ai, ngu na tsun sai le, dai kaw lawm sai ngu da, dai gaw langai hte langai me nbung ai gaw, dwi la lung ai shaloi gaw tsa n hkap jaw ai gaw, kaga hku she hka shaga ai majaw dwi la ntsun shalawm ai re ngu na tsun ai da, e dai hku ngu na tsun re jang she dingla dai hpe shi loi mi mara shangun mayu ai retim shi nta de bai wa mat sai da. Nta de bai wa mat re na she kaja wa nan kanu kawa ni kawoi dwi ni kaw bai du wa ai da, byin ai lam ni mahkra bai wa tsun dan jang oh ra ni mung myit gaw grai n pyaw ai, retim mung ya mala bai sa u ga ngu da. Mala wa bai sa, mala wa bai sa nbyin jang gaw ngai kawa nan rawt sa na re ngu na myit da ai da. Kaja wa nan dai shaloi gaw ndai mala wa hpe mung dai kaw na ndai bumtsi shara wa bai matsun dat sai da. Mi yet na kahpu yen hpe tsun dat ai hte maren bai tsun dat ai hte maren mala wa bai sa mat wa sai da. Kaja wa sadi ai da, myit dum ai da, matsun ai hpe galoi mung shi a bawnu hta dum taw nga da, dai majaw sa mat wa, kadai hkap hkalum la hpa jaw tim nsha, tsa hte seng ai hpa mung n sha ai da. Sa mat wa sai da, 6 ya ngu na shaloi dai bum lagaw na mare kaw bai du sai da. Dai shaloi mung dai oh ra mi shawng de e kahpu yen hpe hkap matsun tsun re la dai dingla kaw bai shang hkrup sai da. Dai wa mung bai hkap matsun dat sai, kaja wa nan matsun dat ai hte maren shi gaw bai lung sai da. Bum pungting dai bum kaw nmai yup ai yaw, nang ndai kaw bai wa yup ra ai ngu, nang galoi mung matsun dat ai hpe nmai malap ai, sadi ra ai maja ra ai, ngu na dai hku tsun dat ai da. Dai shaloi mala gaw kaja wa nan ngai gaw sadi nan sadi sa na, ndai lang gaw tsi nlu la wa yang nan nmai ai ngu na she shi gaw dai hku myit da ting na lung wa sai da. Shi lung wa yang kaja wa nan hpun pawt e num mahkawn langai mi bai tsap taw nga ai da. Num mahkawn langai mi bai tsap taw nga, aw nang masha hkrang bung, masha hte hkrang bung ai tsi wa tam ai nre i ngu san ai da, shaloi ndai la sha wa mala wa mung re, ngu na tsun ai da. Re jang she shi e yu dat yang wa mung num mahkawn gaw re nga, retim mung shi e atsawm sha yu dat yang gaw masha gaw bai nre taw ai da. Myi re ni mung ahkyeng re i, loi mi ladi ni mung masha hte nbung, lahtan ni mung loi masen sen re na dai hku byin ai da. Dai hku na loi mi gaw ndai mala mung hkrit hkrit gaw nga wa da, retim mung nhkrit ai hku na shi hpe e myi n dawm hkra yu taw nga sai da. Myi ndawm hkra yu ai da, dai she aw nang hpe, nang hpe e nang gaw grai shakut ai, grai i matsun hpe grai hkan shatup ai wa she rai nga ai, nang hpe grai shakawn sai, dai re majaw gaw nang gaw dai dai nye lagaw makau kaw na dai tsi hpun dai hpe baw dat u, dai tsi ru dai kaw e ja si ni noi pru wa na ra ai, nang hpe dai hte shagrau na ngu na tsun ai da. Dai hku ngu timmung ndai mala wa gaw re sanu ga ndai jasi gaw ya hpang e she la sa na, ngai ra ai gaw tsi she ahkyak ai ngu na tsun ai da. Myi ndawm hkra yu taw nga sai da, dai re majaw gaw ndai ni num mahkawn ndai gaw kaning n chye di na, kaning nchye ngu mat na shi myi man magap dat ai hte wa she magap dat na loi mi gayin dat ai hte wa she tsi hpun tai mat wa ai da. Tsi hpun tai mat wa ai mu dat ai hte dai tsi hpun kasha dai hpe e ndai mala wa gaw baw dat ai hte kaja wa nan mi yet na ndai bumtsi sara wa matsun dat ai hte maren dai tsi hpun le ru htum pa de wa she masha ta lahpan hte bung ai tsi pawt wa noi pru wa ai da. Aw dai re sai ngu na shi kabu gara dai gun rai na, mi yet sha ndai dai kaw e shi hpe hkap tau la ai num mahkawn wa tsun ai i, dai kaw e tsi hpun dai baw dat u, dai kaw e ja si ni noi wa na ra ai, noi pru wa na ra ai ngu na tsun ai, dai hpe mung bai baw dat jang wa she dai kaw mung kaja wa nan ja si ni bai noi pru wa re da, dai majaw ndai mala wa gaw dai mung la gun re na wa ai da. Bai wa re na she kaja wa nan shi gaw 7 ya hte e dai bum pungting de du na, 7 ya nga hte nta bai du wa sai da. Nta bai du wa re ai da, shing rai na dai tsi ni mung lu la wa re na, dai tsi dai hte she bum kahtawng kaw na bum tsi sara wa lu ai tsi hte bai gayau na she ndai kawoi dwi hpe bai jaw re jang she ndai kawoi dwi mung mai mat re da, shing rai na she kawoi dwi e mung shamai la lu, ndai ja si mung bai lu la re na grai re na kawa ni hte shi na kanu ni kawoi ni gaw shi hpe grai re na hkap shagrau la ma ai da. . Language as given: Jinghpaw
Format:Digitised: no Media: Audio
Identifier:KK1-1631
Identifier (URI):http://catalog.paradisec.org.au/repository/KK1/1631
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1631/KK1-1631-A.mp3
http://catalog.paradisec.org.au/repository/KK1/1631/KK1-1631-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1631
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. King Nang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1631
Up-to-date as of: Tue Feb 11 15:38:39 EST 2020