OLAC Record
oai:paradisec.org.au:KK1-1630

Metadata
Title:Lawze hte la a lam (The mule and the man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. King Nang (speaker), 2017; Lawze hte la a lam (The mule and the man), MPEG/X-WAV, 2020-02-11. DOI: 10.4225/72/598c84b8d1e8f
Contributor (compiler):Keita Kurabe
Contributor (depositor):Keita Kurabe
Contributor (speaker):M. King Nang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-07
Date Created (W3CDTF):2017-03-07
Description:Lawze langai mi hte la langai mi a lam. Ndai mung moi moi shawng de e mare langai mi kaw e la langai mi gaw grai matsan ai la langai mi nga ai da. Grai matsan ai, grai matsan ai, retim shi gaw masha ni rai ni hpe retim mung majoi mi hta la na, hta lang na hpyi la na ngu n nga ai da. Grai myit ding man ai hku na nga ai la langai mi nga ai da. Ndai wa gaw dai hku na shi matsan tim matsan ai hku na nga rai nga she, lani mi na ten, lana mi ten hta gaw shi yup mang mu ai da. Ndai yup mang hta gaw shi hte e maren sha shi hte e ram ai asak bung ai la langai mi la ramma langai mi gaw shi hpe sa tsun ai da. E manang wa e ngai nang kaw e sa manam na yaw, ngai hpe e a tsawm sha re na hkalum la ra ai re lu ngu na tsun ai da. Dai shi gaw e ngai gaw grai matsan ai wa she re gaw, ngai kaw sa manam mayu ai masha gaw kadai pyi nnga ai, hpa rai na nang dai hku sa tsun ai re ta? ngai gaw nang hpe mung grai re na hkap hkalum la lu na nre wa mi ngu na dai hku tsun ai da. Shaloi jang yup mang de e sa tsun ai la shabrang hpe bai nmu mat sai da. Shaloi jang she hpang shana bai dai hku sha bai la shabrang dai sha bai sa tsun ai da, yup mang de dai hku sha bai sa tsun ai majaw ndai la ndai mung dai hku ngai gaw grai matsan ai re ngu na shawng shana na hku sha bai tsun dat ai da. Dai hku tsun dat re yang she shi gaw hpang shana 3 na ngu na hta e dai hku sha bai sa tsun ai da. Ngai hpe e atsawm sha hkalum la ra ai yaw ngu na dai hku bai tsun ai da. Dai hku na bai hprang mat re shaloi gaw hpang shani re jang e she shi gaw le shi bungli sa na wa ai lam kaw wa she lawze ahpraw langai re lawze kasha langai mi she marang mung htu re kaw grai kashung gari nna dai hku na hpum taw nga ai hpe mu ai da. Shaloi she shi gaw ndai lawze hpe grai matsan dum ai majaw dai lawze hpe nta de woi wa na nta nhku e wan wut shakra di na alum ala re na shi gaw wa woi nga da ai da. Re na shi gaw ndai lawze wa akaja sha re jang shi na hkainu ni bai, hkai na ngu hkainu li bai dai ni bai sharun jaw re na shi gaw lawze ndai hpe bau da ai da. Re jang she mare masha ni hpe mung tsun da ai da, ngai lawze ahpraw langai mi hpe mu hta da ai yaw, bau da ai yaw, ndai na madu na madu pru jang shanhte san hkrup jang tsun dan marit ngai bai jaw na re ngu na tsun ai da. mare hku gaw hpaga la ni ma lai lai re da, lawze hte e rai htaw ai ni ma lai lai re da, shi gaw dai ni na lawze ngam kau da ai re sam ai ngu na dai hku na shadu ai da. Shingrai na tsun dan re yang she madu mung n pru kraw re da, shi gaw 2ning 3 ning daram na wa sai da, ndai lawze hpe bau ai gaw 2, 3ning na wa sai, namdan na jaw, na dai hku na oh shinggan kaw e sumri galu law na dai hku na shi hpe gyit dun na u shat ni shayaw di na dai hku na sha bau taw ai da. Dai shaloi gaw madu mung npru re jang e gaw shi na rai mat sai hku re nga dai majaw, lana mi gaw shi yup mang bai mu ai da, mi dai lawze hpe nmu la shi ai shaloi na la shabrang wa bai sa ai da. Sa rai na she e manang wa e ya mung nang ngai hpe nchye shi ai i ngu da. Ngai hpe n nchye ai di, moi an rau ganawn ai manang re le, ngai grai matsan ai ten hta e nang ngai hpe e grai garum la ai wa re nga ndai, dai majaw ya ngai nang kaw sa na nang hpe garum na matu nang kaw sa ai re, ya gaw ngai kaba sai gaw ngai lit gun dang sai, ngai hpe lit shagun rit, lit shagun na gumhpraw tam nu ngu tsun ai da. Re jang she ndai la shabrang wa gaw aw ngai nang hpe lit shagun na matu ngai dai kaw mari htaw na gumhrpaw nlu ai gaw, rai mari htaw na gumhpraw nlu ai ngu na yup mang de dai hku tsun ai shaloi gaw, ndai shabrang wa gaw bai tsun ai da. Nang ngai hpe e ndai hku lai lai re hpaga la ni kaw e shap sha u ngu da, 1ning mi shap sha u, shaloi jang e nang gumhpraw lu sa na re, dai hte e nang gun rai ni hpe lu htaw sa na re nga ai ngu tsun ai da. Shing ngu na shabrang dai gaw bai wa mat sai da. Bai nmu mat sai da, kaja wa nan shabrang dai tsun da ai hku na she shi mung dai hku na gun rai htaw lai lai re hpaga la ni kaw shi na lawze hpe shap ya ai da. 1ning mi shap ya jang gaw shi gumhpraw grai lu mat ai da. Gumhpraw grai lu mat re jang gaw ndai shabrang wa hpe ndai gumhpraw grai lu mat sai re majaw gaw lawze hpe mung bai lu, dai gumhpraw mung lu re dai hpe she shi gaw gun rai ni mari nna she shi gaw ndai lawze hta htaw nna dut kahkrang re taw sai da, lawze kaga mung bai lu mari jat, shagun ma hte hpa hte dusat yamnga kaga ni mung grai lu sai da, shi gaw grai lu su mat ai da. Grai lu su mat ai, ndai gumra ndai lawze ndai hte e bungli galaw ai gaw 2, 3 ning bai lu galaw ai hpang e ndai la ndai wa grai re na lu su mat wa ai. Shaloi gaw da ndai la shabrang mi sha yup mang kaw sa sa re la shabrang ndai wa gaw shi kaw bai sa ai da. E manang wa e ya gaw nang grai re na lu nit dai. Hpa mung ra nrawng hka rai nit dai, dai majaw ngai nang hpe e sa garum ai ndai hte rai sai, ngai wa na ni ai ngu na tsun ai da. Shing re jang gaw ndai la wa mung e nang gara de mung hkum sa, nang bungli mung hpa n galaw tim nra ai, nang hpa n htaw tim nra sai, nang gara de mung nsa sai sha ningkaw sha nga taw u ngu na tsun ai da. Shaloi jang nmai ai ngai gara de nsa yang mung nmai ai ngu na ngai wa sana ngu na tsun da ai da. Shing rai na la dai bai yup mang kaw na bai mye re na bai mat mat ai shaloi gaw hpang jahpawt yu yang wa she ndai shi na lawze ahpraw gaw si taw mat ai da. Ndai gaw nye na manang rai sai ngu na shi mung grai chyeju dum ai hte hkrap ai hte myit n pyaw ai hte yawn ai hte re na i, lawze ndai hpe mung shinggyin masha zawn zawn di na lup makoi rai na galaw ya ai da. Dai kaw na la ndai wa gaw mi grai yak hkak ai retim mung ndai lawze wa garum ai majaw grai lu su mat ai da. . Language as given: Jinghpaw
Format:Digitised: no Media: Audio
Identifier:KK1-1630
Identifier (URI):http://catalog.paradisec.org.au/repository/KK1/1630
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1630/KK1-1630-A.mp3
http://catalog.paradisec.org.au/repository/KK1/1630/KK1-1630-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1630
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. King Nang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1630
Up-to-date as of: Tue Feb 11 15:38:39 EST 2020