OLAC Record
oai:paradisec.org.au:KK1-1628

Metadata
Title:Jau gawng la hte Hpu lum htu a lam (The hunter and the Hpu Lum Htu spirit)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. King Nang (speaker), 2017. Jau gawng la hte Hpu lum htu a lam (The hunter and the Hpu Lum Htu spirit). X-WAV/MPEG/XML. KK1-1628 at catalog.paradisec.org.au. https://dx.doi.org/10.4225/72/598c84b01409f
Contributor (compiler):Keita Kurabe
Contributor (depositor):Keita Kurabe
Contributor (speaker):M. King Nang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-07
Date Created (W3CDTF):2017-03-07
Description:Hpulum htu hte jaugawng la a maumwi re. Moi shawng de e kahtawng ndai langai mi kaw e jaugawng la langai mi nga ai da. Shi gaw kaga bungli hpa mung nglaw sai sha, ndai jaugawng sha gawng na nga ai re da. Ndai ni nawn ai hkan e shan lu gap jang e gaw shi nta de la wa re na nta kaw e mare masha ni hte e nta masha ni hte re na dai hku jawm sha re na nga ai re da. Shi gaw shan n lu jang e gaw dai hku hkawm mat wa hkawm mat wa re na she oh loi mi tsan ai hkan e nga jang e gaw shi gaw loi mi tsan ai kaw lu gap jang dai hkan e shan ni hpe dai kaw sha wan wut nna i dai kaw sha jahkraw la re na nta de bai gun wa rai dai hku galaw law re da. Retim mung ndai la jaugawng la ndai wa gaw lani mi hta gaw shi wa she dai hku na shan nlu hkraw ai da e, shan wa nmu gap hkraw re na she hkawm hkrai hkawm, hkawm hkrai hkawm re mat yang she oh ra maling langai mi kaw e du mat wa ai da. Nta hte tsan mat wa ai da, nsin sin mat re jang e shi gaw shana dai maling kaw yup mat na hku shi myit kau sai da. Dai myit nna she shi gaw hpun kaba langai mi a ntsa de lung nna she dai kaw e shi yup na matu i pinra kasha galaw re na she dai kaw yup sai da. Dai kaw yup re nga she shana dai kaw yup re nga yang she jahpawt maga de re jang e gaw shi yup nga dum ndum yang she shi makau wa she su su su nga na masha sa wa ai zawn zawn nga dai hku na na ai da. Dai hku na na re yang she shi gaw kaja wa nan myi hpaw dat yu yang wa koi ndai hpulum htu ngu ai dai she rai taw nga da. Amun mung tu, lamyin mung galu, achyu mung galu re dan re masha zawn re na gaw hkawm re dai wa she rai taw ai da. Dai wa wa she shi lata ni sa magra da ya ai da. Shing re na shi gaw nlu hprawng mat sai, dai hpulum htu re jang gaw shi na magyi pawt hkan e mahkyit dan re na hku re nga, shaloi jang she ndai la wa bai myit ai gaw e ndai hpulum htu ndai gaw ngai dai kaw mahkyit ra rit nga sam ai ngu na dai hku sha myit taw ai wa nre taw ai da. Ndai hpulum htu ndai gaw num rai na hku re nga. A yi i dai rai na hku re nga, dai majaw shi hte e rau nga na matu shi hpe e tsun ai ga rai nga, dai majaw ndai la wa nlu hprawng mat re majaw gaw ndai hpulum htu ndai wa na madu wa tai re na nga taw nga ai da. Dai wa nga taw nga re shaloi she ndai hpulum htu dai hte wa she kasha lu sai da e. Kasha lu ai wa mung masha gaw bai nrai da, hpulum htu sha bai re taw nga ai da. Hpulum htu hte bung ai kasha bai rai taw ai da. Dai wa sha re taw she shi gaw dai ni hpe gaw masha ga mung shaga re na hku re nga, shi ga mung shaga re da. Ndai hpulum htu gaw ndai shani re jang gaw kasha woi da shangun na she shi gaw lu sha tam hkawm ai da. Namsi namsaw ni tam hkawm na she dai la dai wa hpe bau da ai da. Bau da re na she shi gaw dai hku hkawm, shani shagu dai hku hkawm ai da e. Shani shagu dai hku hkawm re she, hpang na mat wa yang gaw i shaning na mat wa jang gaw kasha 3pyi lu sai da. Kasha 3 pyi lu re shaloi re jang gaw dingyang dai 2 sha lu ai shaloi mung dingyang madu wa hpe gaw ndai la wa jaugawng la wa hpe gaw kasha woi shangun, rem shangun na shi gaw shat tam sa sa re da. Shana de she bai wa wa re da, dai hku byin yang she kalang mi na gaw kasha 3 mung lu sai da. Kasha 3 lu sai re na she ndai hpulum htu gaw kam mai sai ngu hku na she shi gaw ndai la wa hpe dai hku na tawn kau da ai da. Tawn kau da re na she ndai la wa gaw kasha ni hpe mung tawn da re na she shi gaw hprawng na matu hkyen na she le hka kau de e du taw nga sai da. Hka kau de e hprawng rap na matu du taw nga sai da. Tim hpulum htu wa bai du dep mat na she shi grai chyang na bai hkan shachyut nang ai majaw ndai la wa hpe bai sa hkan dep la kau ai da, sa hkan dep la kau re na she bai woi wa na she shan nu wa ni hku na dai hku na bai wa nga nga sai da. Nga na she dai hku na bai nga taw nga retim mung kasha gaw dai 3 i kasha gaw bai nlu jat ai, dai hku nga taw nga ai da. i, Re yang she lani mi gaw ndai la wa mung ngai hkrai hprawng yang gaw nmai ai ngu na she ndai wa mung nyan sai da, ndai hpulum htu hte e prat tup nga na gaw shi n gwi sai, n gwi ai re majaw shi gaw hprawng na matu shi myit hta rawng sai re majaw gaw shi dai hka shi sha nre hka nu ngu na hku re nga, dai hka nu langai mi nga ai da, shanhte hpulum htu hte shan nu wa ni nga ai maling makau kaw gaw rena. Lani mi na gaw hpulum htu na lata kaw gra di na dun na she shi hpulum htu hpe she dai hka de woi sa wa sai da. Sa wa re na she shi gaw dai hka kau dai kaw sa woi tsap na she le hka de e nga ni hkawm ai i dai hpe hpulum htu e dai madun ai da, dai madun ai dai shaw ya rit ngu na dia madun ai da. Dai nga sha na ngu na dai madun ai shaloi gaw hkrak nga yang gaw hpulum htu gaw hka n gwi shang ai le i, nlu shang ai amyu re majaw shi dasang dai hku galaw ai, hpulum htu gaw dai kaw ngai n lu shang ai ngu na i, dai hku na n shang ai sha hpyi hpyi re na tsap taw ai da, shaloi jang she shaloi gaw ngai shang na ngu na shi dai hku na hka de shang mat wa ai da. Hka de shang mat wa na shi gaw nga rim ai nre sha, hka de shang mat na she dai hka hkan le hka tsim tsim na she i dai hku na hka hku na hprawn mat wa kau da ai da. Kade na timmung n pru wa re i re shaloi jang gaw hpulum htu mung ndai hprawng ai re ngu na shi myit hta myit dum sai re majaw gaw, hpulum htu gaw grai pawt mayu na she hkre hkre nta de shanhte nga ai hpun de wa na she shi dai jaugawng la wa hte lu da ai kasha ni hpe mung wa adup sat kau re na she, bai sa wa na she ka kau hku sha lung lung yu yu re na she gumhtawn hkrai gumhtawn hkawm re na nga mat ai da. Re na ndai jaugawng la wa mung shi na nta de bai lu pru wa re na dai kaw nna gaw galoi mung jaugawng n gawng mat ai sha nta kaw sha nga na kaga bungli galaw na sha nga mat ai da. . Language as given: Jinghpaw
Format:Digitised: no Media: Audio
Identifier:KK1-1628
Identifier (URI):http://catalog.paradisec.org.au/repository/KK1/1628
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1628/KK1-1628-A.wav
http://catalog.paradisec.org.au/repository/KK1/1628/KK1-1628-A.mp3
http://catalog.paradisec.org.au/repository/KK1/1628/KK1-1628-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1628
DateStamp:  2017-12-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. King Nang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1628
Up-to-date as of: Sat Nov 14 14:26:43 EST 2020