OLAC Record
oai:paradisec.org.au:KK1-1618

Metadata
Title:Grai rai dum ai shu hkan nu a lam (The haughty frog mother)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu (speaker), 2017; Grai rai dum ai shu hkan nu a lam (The haughty frog mother), X-WAV/MPEG, 2020-02-11. DOI: 10.4225/72/598c8483253c5
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-07
Date Created (W3CDTF):2017-03-07
Description:Moi shawng de ndai hka hkinyang hka nawng kaji langai mi nga ai da. Dai hka nawng hkinyang hta gaw ndai shu kanu hkan nu ni 7 nga ma ai da, kasha ni 6 kanu hte re yang 7 re na nga, grai pyaw na shaning na na nga ma ai da. Nga nga re she lani mi gaw ndai shu kanu gaw loi tsan ai de lu sha tam hkawm wa ai. Lu sha tam hkawm mat wa re she dai hka hkinyang de wa nga wuloi kaba langai mi u shat nau tsawm ai majaw sa sha na matu sa wa ai da. Sa wa ai shaloi she shu hkan nau ni gaw dai tsing loi mi htat ai sum up de hprawng makoi ma ai da. Shan nau ni 6 hprawng makoi nga re yang she dai nga wuloi u la wa mung dai tsing tsawm ai de she gau ngwi gau ngwi re na sha sa wa ai da. Sha sa wa re yang she dai shu hkan nau ni makoi nga ai sum up kaw wa sa kabye hkrup dat. Kabye hkrup dat yang she dai shu kasha langai mi kabye baw kau ya na hku re nga. kabye baw kau ya ai da, kabye baw kau ya she shan nau ni gaw dai kanau na shu mang sha hta tawn re na hkrit ai majaw makoi rawng nga yang kanu du wa ai da. Kanu du wa re yang she ma hkannau ni e pru wa yu rit hpa baw na hprawng hkawm ma nga ta ngu da. Shaloi she nu e dai ni gaw grai kaba ai lagaw lahpan mung pa ai, lagaw 4 tu ai dusat langai mi an nau ni rawng ai shara de sa wa nna, Ndai kanau kaji hpe e pu she ayai hkra di na kabye baw kau ai da. Kabye baw kau na dai majaw an nau ni ndai kaw yawn nna nang hpe la nga ga ai ngu na kanu hpe hkap tsun dan ma ai da. Shaloi she ndai shu kanu gaw grai pawt mayu ai hte nan nau ni hpe kabye ai dusat kade ram kaba ai ta? Ngu na kanu gaw dai makau na hpun du kaw tsaw tsaw re kaw kahtan dung na she shi kan shabawng ai da, ndai ram kaba a ni? ngu da kaha ni e san ai da. Kasha ni gaw nu e dai ram sha nre ai ngu na, Kalang bai shu kanu shi kan hpe bai sha bawng ai da, sha bawng yang she kasha ni ndai ram kaba ai i ngu. Dai ram n dang law law, dai hta grau kaba ai law ngu kasha ni bai tsun. Bai Hpang jahtum 3 lang ngu na hta kanu gaw ndai ram i ngu na shabawng dat ai shabawng dat ai hte gaw kanu gaw shi na shabawng ai kan htum mat ai majaw shi kan kapaw ga mat ai da. Kan ga mat na shu kasha ni mung kanu a kan baw ai mung mau, kanau kaji wa kan pu a yai mat ai mung mau. Rai na shannau ni 5 sha re na dai hku dung nga. Dung nga re she shu langai mi bai sa wa. Nan nau ni hpa baw re na nga nga mata? hpa baw na majaw nga ma ta? Dai ni an nau ni nga shara de dusat langai mi sa na nye kanau hpe kabye baw kau. Nu mung dusat kade ram kaba ta nga shi kan shabawng ai. Shabawng ai a majaw nu mung dusat daram n lu shabawng ai majaw shi kan kapaw ga mat ai. Kapaw ga mat ai re da, nga na hkap tsun ai. Ga nan nau ni a kanu gaw a te sha law na me dusat hte sa shabung ai gaw, nan nau ni a kanu gaw moi na tim grai gumrawng ai grai rai dum ai kanu rai ndai. Dai nau gumrawng ai nau raidum ai majaw dai ni ning re re nga ai. Nan nau ni hpang de e ning re lam byin jang e hkum rai dum mu, hkum gumrawng dum mu yaw. Ning re na byin jang e byin sai hpe gaw hkam la ra ai. Shada da e mara dat hkat ra ai yaw ngu na tsun ai da, shaloi jang shu hkan nau ni mung re law hpang de gaw nu zawn re na anhte gumrawng ai lam n galaw na ga ai. Nu zawn re na raidum ai lam n ga law na ga ai. Ngu na shu hkan nau ni gaw grai re na hkam la ai, yin la ai lam hpe na lu ai hku re. Ndai maumwi ni gaw dai ni anhte shinggyin masha ni hta byin ai, nang ngai hpe e kalang mi htawng, ngai 2 lang htawng ngu ai myit masa hte bung ai maumwi re. Dai majaw anhte mung ning re byin ai lam nga jang e shingjawng ai lam n nga ai sha tinang a lam hpe e tinang galaw ai lam hpe e sumru yu nna, Ndai shu kanu zawn re rai dum ai kung dum ai ni zawn a n kapaw si u ga. Dai ni anhte mung n dai maumwi hta e la kap nna shu kanu a maumwi hpe e hkam la nna galaw sa wa yang e shagrit shanem yang e kaja ai lam de du wa na re ngu na ndai maumwi hpe mung ngai lu matsing ai made hkai dan lu ai hku re. . Language as given: Jinghpaw
Format:Digitised: no Media: Audio
Identifier:KK1-1618
Identifier (URI):http://catalog.paradisec.org.au/repository/KK1/1618
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1618/KK1-1618-A.wav
http://catalog.paradisec.org.au/repository/KK1/1618/KK1-1618-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1618
DateStamp:  2018-12-22
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1618
Up-to-date as of: Tue Feb 11 15:38:37 EST 2020