OLAC Record
oai:paradisec.org.au:KK1-1616

Metadata
Title:Lagut ma hpe sharin shaga ai lam (The thief child)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), H. Naw Bawk (speaker), 2017. Lagut ma hpe sharin shaga ai lam (The thief child). MPEG/X-WAV/XML. KK1-1616 at catalog.paradisec.org.au. https://dx.doi.org/10.4225/72/598c847aa4d00
Contributor (compiler):Keita Kurabe
Contributor (depositor):Keita Kurabe
Contributor (speaker):H. Naw Bawk
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-03-07
Date Created (W3CDTF):2017-03-07
Description:Langai mi hta e ndai asak 10 ning daram 12 ning daram re ma ni tsawm ra mi nga ai. Dai mare kaw e ma ni gaw n nan e gaw kanu kawa sharin shaga nau ndang ai majaw shanhte gaw gau ngwi gau ngwi tinang nta hkan e kanu kawa makoi tawn da ai gumhpraw zawn re shing nrai u di zawn re ni yawng lagu bang wa ai. Retim mung ma dai ni gaw kanu kawa ni e atsawm n sharin ai re nga gaw hpang e gaw kaga htingbu nta na rai ni hpe gumhpraw zawn re ni kaga a rung arai zawn re ni lagu wa ai hku re nga. Re jang lagu wa re jang gaw dai mare na ni gaw tinang a nta na rai mat wa ai majaw yawng hpe tsun dan wa. Dai ni gaw anhte nta na dai baw mat ai, oh ra baw mat ai, gumhpraw mat ai u lagu la kau ya ai. Shing re oh ran re tsun garu wa retim mung kadai mung kadai lagu ai re ngu ai hpe hkrak sak se nlu madun ai. Kade a kasha kadai manu mabawk lagu ai re ngu ai hpe e shanhte gaw atsawm hkrak nchye ai majaw kadai hpe e madi madun lu ai lam nnga ai. Retim mung dai mare kaw na salang wa gaw lahpawt mi hta dai asak 10 ning 12 re ma ni yawng hpe shaga dat ai da. Shaga dat jang ma dai ni gaw n lagu ai ni mung lawm ai, lagu ai ni mung lawm re na dai salang wa shaga ai shaloi shanhte yawng sa madat la ai da. Re jang dai mare salang wa gaw ndai duk langai mi hpe maren sha di na jaw nna dai ma ni hpe grup hkra jaw dat ai da. Re jang dai salang wa gaw ya nanhte ndai duk nanhte hpe maren sha re duk jaw dat ai re yaw. Retim mung ndai manang a htingbu nta na rai lagu ai wa a duk ndai gaw (letma) mi shi hkrai kadun mat na ra ai. Dai re majaw nanhte duk ndai hpe la wa mu. La wa na hpawt de ngai shaga dat ai shaloi yawng a hkum a ra ndai duk bai la sa wa marit ngu na tsun dat ai da. Kaja wa dai duk hpe ma ni hpe gu hkra di na jaw dat jang gaw n la gu ai ni gaw n kadun na re ngu hku na dai duk hpe shanhte n kajam ai, dai she dai lagu ai ma wa gaw e ya ndai duk ndai (letma) mi kadun mat na re. Nga re majaw gaw ngai gaw gara hku na ladat shaw na i ngu na shanhte mung myit, aw re nga dai lagu ai ma, ma ni yawng mahkra hpe shaga ai shaloi gaw ndai duk ndai gaw lagu ai wa na duk gaw (letma) mi shawn rai galu na re. N lagu ai ni na gaw letma mi n galu ai nan nan sha rai na re ngu na tsun dat ai shaloi gaw ma ni yawng hpe jaw dat ai. Re jang dai lagu ai ma gaw ndai lagu ai ni na duk gaw (letma) mi shawn re galu na re majaw gaw ngai gaw gara hku retim ngai hpe chye kau na hkrit ai. Dai majaw manang ni hte bung hkra rai lu na matu gaw (letma) mi daw kau na re ngu na shi dai hku myit dum lu ai da. Kaja wa shi dai shi lagu dum ai re majaw dai duk hpe e shi (letma) mi daw kau ai da. Re jang she hpang jahpawt dai mare salang wa gaw kaja wa dai shawng jahpawt e shaga dat ai ma ni yang mahkra hpe shaga dat. Shaga dat na shanhte lang sa ai duk hpe langai hpang langai kadai na re ngu hpe matsing da na dai hku langai hpang langai shadawn yu yang gaw dai lagu ai ma wa na duk gaw (letma) mi grit mat ai da. N lagu ai ni na duk gaw shanhte n kajam ai, ndaw kajam ai re majaw nan nan sha byin taw nga ai. Dai re majaw gaw dai lagu ai ma wa a duk letma mi kadun mat ai majaw dai wa lagu ai re ngu ai hpe mare salang wa chye mat ai da. Dai re majaw ndai mare buga kahtawng langai mi ngu ai hta gaw dai mare hpe woi awn ai ningbaw ningla ni mare salang ni gaw ladat amyu myu chye ra nga ai. Dai re majaw tinang a mare buga hta woi awn ai kadai retim mung ding re ladat hku na tinang a mare buga na masha ni lagu lagut grai n hkru n kaja ai masha nga jang ladat amyu myu shaw nna tinang a mare buga hpe kaja hkra woi awn ra ai ngu ai maumwi hku re, maumwi gaw ndai kaw htum sai. . Language as given: Jinghpaw
Format:Digitised: no Media: Audio
Identifier:KK1-1616
Identifier (URI):http://catalog.paradisec.org.au/repository/KK1/1616
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1616/KK1-1616-A.mp3
http://catalog.paradisec.org.au/repository/KK1/1616/KK1-1616-A.wav
http://catalog.paradisec.org.au/repository/KK1/1616/KK1-1616-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1616
DateStamp:  2018-12-22
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); H. Naw Bawk (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1616
Up-to-date as of: Sat Nov 14 14:26:42 EST 2020