OLAC Record
oai:paradisec.org.au:KK1-1441

Metadata
Title:Wa kasha masum (The pig children)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), D. Htu Bu (speaker), 2017. Wa kasha masum (The pig children). X-WAV/MPEG/XML. KK1-1441 at catalog.paradisec.org.au. https://dx.doi.org/10.4225/72/598b386e058cc
Contributor (compiler):Keita Kurabe
Contributor (depositor):Keita Kurabe
Contributor (speaker):D. Htu Bu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-22
Date Created (W3CDTF):2017-02-22
Description:Moi kalang mi hta da wa yen nu ni nga ai da. Dai wa kanu gaw kasha 3 lu ai da. Dai shaloi she dai wa kanu gaw da shi kasha ni 3 hpe tsun ai da. Gai nye kasha ni e a nu gaw dinggai sai re majaw nan nu ni hpe nlu tam jaw sai. Dai majaw nan nau ni 3 chye ai de tam sha mat wa mu. Nu gaw nu hkrai sha tam sha sa na. Nan nau ni 3 nan nu ni chye ai de tam sha mu ngu na tsun dat ai da. Dai shaloi wa kasha dai ni gaw shan nau ni 3 chye ai de hkawm mat wa ai da. Dai shaloi shawng na wa kasha wa gaw hkawm hkawm re yang she ndai wa du langai hpe wa du wa she ndai yi hku hpai na wa ai yi hku hpai di na wa ai wa du hpe mu ai da. E wa e nang na dai yi hku ngai hpe kachyi mi garan jaw le. Ya ngai nta ma nlu ai, sha na shara ma nlu ai, nye nu ma an nau ni hpe yawng hpe gau kau sai. An nau nga na ngai nga na shara ma nlu mat sai, ngai hpe dai na na yi hku garan jaw u, nta galaw rawng na ngu tsun ai da. Nang gaw wa she re gaw, wa ni gaw n kashung ai gaw, gara kaw retim hpum na yup u le ngu na tsun ai da dai wa du gaw dai hku ngu tsun ai da. Dai yang she e ngai mung she kashung le dingla wa jang gaw mun ni run wa re jang gaw hpyi hpa wa jang dai hku kashung wa gaw ngu tsun ai da. Shi hpe she jaw la rit law hkau e ngai hpe matsan dum la rit ngu ai da. Ngai pyi gaw ndai yi hku lu na matu oh hkau dumsu kaw mahkaw si htingga mi sa jaw na she lu hpyi la re ngu na tsun ai da. Dai shaloi dai wa kasha gaw jaw la rit law ngai nang hte e prat tup nga na ngu tsun ai da. Dai shaloi she mai ai ngu na shi hpe dai yi hku mung jaw na shan 2 gaw nta galaw sai da. Nta galaw na rawng ai shaloi she grai n hkru ai ga gwi gaw sa sai da. Dai shana sa na she chyinghka sa akawk ai da, chyinghka hpaw mu e wa kasha ngu sa shaga ai da, kadai rai dai kaw dai hku sa shaga ai, n hpaw ya ai ngu na tsun ai da. Hpaw ya rit, hpaw ya rit ngu na tsun ai da, dai shaloi she n hpaw ai ngu tsun ai shaloi dai ga gwi gaw e kalang ta htu ganawng di na shang wa na shi hpe wa sha kau ai da. Wa sha kau re na she hpang shani gaw no 2 ngu na wa kasha dai wa bai hkawm wa sai da. Hkawm wa re shaloi she oh ra hkindu gun ai brantai hpe bai mu ai da. Brangtai hpe she e hkau brangtai e nang na hkindu dai ngai hpe kachyi jaw rit ngai nta galaw rawng na ngu tsun ai da. Dai brangtai gaw nmai ai ngai ma ra na la wa ai re ngu tsun ai da. Dai shaloi ngai hpe garan jaw rit law ya nkau mi gaw hkai da na hkai da ga nkau mi gaw nta galaw rawng ga dai hkai da ai gaw prut wa jang nang ma lu sha ai ngu tsun ai da. Dai shaloi brangtai gaw um ngai na matu mung akyu rawng na she re yang gaw mai ai ngu na dai hku hkraw kau ya na shan 2 nta galaw da sai da, nta galaw da yang shana bai du jang dai ga gwi gaw sa wa sai da. E wa chyinghka hpaw u ngu tsun ai da, n hpaw ai kadai rai, dai kaw ngai hpe chyinghka sa hpaw shangun ai ngu n hpaw ya ai ngu tsun ai da. Nang n hpaw tim ngai lu shang wa ai ngu na agying hkin dit di na she dai shan 2 na nta she kanawng kadawng kau ya na she dai wa dai hpe bai sha ai da. Sha kau re jang mi yet sha ai shawng e sha ai wa hta na grau she mu ai she re nga ndai wa grau ngu na dai ga gwi gaw dai hku ngu ai da, ndai no3 ngu na wa kasha wa gaw ndai nlung htaw wa ai magwi 1 hpe mu ai da. Dai magwi hpe she e hkau e nang na nlung dai ngai hpe loi jaw rit ngai gaw matsan shayen re. Nye nu ma nlu bau mat ai majaw ngai hpe gau kau ai dai majaw ngai nta ma nlu mat sai, dai majaw ngai hpe nta galaw rawng na jaw la rit ngu tsun ai shaloi dai magwi gaw mai ai ngu na shi nan galaw ya ai da, magwi gaw dai n lung hte grai ngang hkra shi na nta dai galaw ya ai da. Dai shana e gaw dai ga gwi gaw bai sa dai da, bai sa na she chyinghka hpaw u ngu tsun ai shaloi she e hkau e nang shana nsin wa me hpa baw galaw na ngu na sa wa rai ngu tsun ai da, dai yang hpaw la mu ngu ngu da, e e manam kaja re yang gaw hpaw ya na ngu dai wa dai no3 na dai wa gaw dai hku ngu tsun na she chyinghka hpaw ya sai da. Hpaw ya re shaloi ndai ga gwi gaw um ndai wa kasha ndai wa gaw grai zen ai she re nga, shi hpe ngai bawnu shakri ya sai ngu na she e nang hpe ngai lama mi jaw sha na, nang ngai na hpang kaw hkan na i jinghku wa ngu tsun ai shaloi e hkan na ngu tsun ai, re yang gaw nang hpe ngai oh kaw nai sam yi langai mu da ai, dai de woi sa na nang ngai kaw hkan nang rit ngu tsun ai da. Dai shaloi dai wa kasha 3 ngu na gaw ndai ga gwi ndai ngai hpe lama mi nyan ai rai sai ngu shi mung bawnu rawng ai da, dai na she hkan nang sai da, hkan nang she dai shani gaw dai kaw nai sam sun kaw nai sam grai hkru hkra nai sam lap ni sha ai da, sha re jang she shi gaw ndai shi na naisam i pawt hpe gaw shadu na she shadu da ai da. Dai ga gwi hpe she nang namsam nsha na i nang oh kaw shadu da ai, sha na ngu, e nang sha na rai yang gaw nang mi di da u ya nang hpe nyen na bang jaw, bang jaw di na ngu da, ga gwi gaw myi di na n gup agying mahka da ai da, mahka da ai shaloi she ohra wa kasha dai gaw dai grai kahtet ai hpe ru la na she a gying kabai bang dat ya dai kaw na ga gwi grai kahtet na si mat wa ai da. Dai wa kasha 3 ngu na wa kasha wa gaw dai ga gwi n kaja ai wa hpe lu sat kau ai da. . Language as given: Jinghpaw
Format:Digitised: no Media: Audio
Identifier:KK1-1441
Identifier (URI):http://catalog.paradisec.org.au/repository/KK1/1441
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1441/KK1-1441-A.wav
http://catalog.paradisec.org.au/repository/KK1/1441/KK1-1441-A.mp3
http://catalog.paradisec.org.au/repository/KK1/1441/KK1-1441-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1441
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); D. Htu Bu (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1441
Up-to-date as of: Sat Nov 14 14:26:08 EST 2020