OLAC Record
oai:paradisec.org.au:KK1-1413

Metadata
Title:Lak lai ai masha ni (The unique man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017; Lak lai ai masha ni (The unique man), MPEG/X-WAV, 2020-02-11. DOI: 10.4225/72/598b37f54898a
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-21
Date Created (W3CDTF):2017-02-21
Description:Moi shawng de da mare langai kaw she shang la gaw ma lu ai da. Ndai lata lahpum ram re sha lu ai da. Lata lahpum ram re ma dai hpe lu ai loi ma dai gaw shangai ai hte she shat n sha ai da aw chyu n chyu ai da. Shat sha na ngu ai da kanu hpe she kanu grai mau na she e shat shadu jaw ai da. Paw paw lahkawng hkawng shadu jaw ai da. Dai she bat mi du wa yang ah nu paw lahkawng sha n law sha sai ngu tsun ai da ma dai gaw re bye mi bai shadu jaw ai da. Shat hku tim jan gaw bye hkawng dai hku shadu jaw ai da. Shata mali mangai du ai hte bye masum shadu jaw wa ra ai majaw kanu gaw e ma e hkan la hkrai bawng ban sai da. Yi an lahkawng a kasha gaw shat grai lu sha ai wa an lahkawng pi matsan si yang wa n lu bau na re dai majaw oh grai tsang ai nam maling de sa sa kau ga i ngu tsun ai shaloi mai ai ngu she shang la lahkawng grai tsang ai nam de sa sa kau ai da. Sa sa kau shaloi ma dai ye hpun hpun ntsa kaw sa shadung kau da ai da. Dai hku shadung kau da she bat mi ram na ai shaloi she myi grai zen ai la wa du wa ai da. La la la dai du wa ai shaloi she aw hkau ye nang hpa rai ndai nam maling de du wa ai rai ngu she ngai myi ngai myi nau zen na masha ni hpa galaw ai ni yawng ngai mu ai dai majaw anhte mare na ni nye nra na ndai nam de sa sa kau ai re ngu tsun ai da. Shaloi she bat mi nga shang lahkawng dai hku bai nga sai da. Nga ai shaloi she ta grai ding ai ndan kap yang grai ding ai la bai du wa ai da. La bai du wa ai shaloi she e hkau e hpa rai ndai nam maling de sa wa ai re ngu tsun she ngai gaw da ta grai ding ai majaw ngai nam rai ni gap e dai hku masha ni na U ni gap sha re dang re ai majaw anhte na mare na ni grai n ju ai majaw nye ndai nam maling kaw sa sa kau ai re ngu tsun ai da. E dai she shanhte masum bai pawng nga sai da. Pawng nga she lani mi na aten hta she grai ga gat chyang ai lagaw tai mi sha tu grai ga gat chyang ai la bai du wa ai da. E hkau e nang gaw lagaw mung n tu ai wa hpa na ndai anhte nga ai shara de sa wa ai rai ngu she ngai nau ga gat chyang ngai ga gat mat wa ai shaloi masha ni na U ni Wa ni yawng gabye sat kau ya re majaw anhte mare na ni n ra ai majaw nye ndai kaw sa sa kau ai re ngu tsun ai da. Dai she bat mi bai na ai shaloi she oh ra na rai pa ai la wa bai da na grai pa ai la wa bai du wa ai da. E hkau e nang gaw hpa rai anhte nga ai de du wa rai ngu tsun yang she ngai na grai pa na ngai lai wa yang masha ni na U ni hpa ni hpe gamyet sat kau ya dang re ai majaw nye n ra na gawt kau da ai re ngu tsun yang she hpang shani bai rai jang gaw aw bat mi nga bai re ai shaloi gaw ladi grai kaba ai la bai du wa ai da. Ladi grai kaba ai la bai du wa ai shaloi she e hkau e nang hpa na anhte nga ai de du wa ai rai ngu she ngai ladi nau kaba na nsa sa dat yang mung masha ni na arai ni masha ni grai manu shadang ai rai ni hpe gawu gawu shapoi kau ya dang re ai majaw ngai hpe n ra na sa sa ai re ngu tsun ai da. Shaloi she shanhte shanhte ni dai nam maling kaw sha nga sai da. Nga shaloi e anhte ni ndai kaw sha nga yang gaw anhte tam sha shara grai yak sai dai majaw kaga kaga de bai htawk ga i ngu tsun ai da. Kaga de bai htawk ga ngu na shanhte hkrum lam hkawm ai da. Hkrum lam hkawm she lana mi n sin sin mat ai da. Nsin sin mat ai shaloi she e dai myi grai zen ai wa hpe e hkau e nang myi grai zen ai wa gara kaw anhte sha na ni dusat nga ai kun yu dat yu u ngu tsun ai da. Dai hku she dai myi grai zen ai wa yu dat ai da. Yu dat ai shaloi e hkau e hkau ni e bum langai ding ai kaw shan nga langai mi nga nga ai ngu da. De she dai katung sha law ai la dai lata lahpum ram sha law wa hpaji jaw ai rai na hku nga dang nga yang dai ndan grai ding ai wa bai gap dat u ngu da. Gap dat u ngu tsun ai da dai shaloi she dai ndan grai gap yang grai ding ai wa ndan gap dat ai shaloi she hkra sai da. Hkra ai shaloi she grai ya gaw shan nga dai si kun n si kun grai ga gat chyang ai wa bai sa gat yu u ngu da. Dai shaloi ga gat chyang ai bai sa ga gat yu she si sai ngu tsun ai da. Aw n gun grai ja ai langai ma lawm ai da. Dai she si sai ngu da e dang nga jang gaw grai n gun grai ja ai wa sa hpai wa su ngu da. Dai she dai n gun grai ja ai wa hpai wa shaloi hpai wa nrung hte mawng re shanhte dai sha na shat sha na yup sai yup ai shaloi she grai na grai pa ai wa nyep dat yu u ngu da dai she na grai pa na langai nyep na she langai mi gaw shanhte bung na yup ai da. Yup na she e hpang jahpawt du ai shaloi bai hkawm sai da. Shanhte hkrum lam bai hkawm re ai shaloi she mare dai hku hkawhkam lahkawng she majan gasat ai shara sa hkrup sa mu ai da. Grai gasat hkat ai mu shaloi she dai shanhte hpe hkawhkam langai mi gaw garum hpyi ai da. E nanhte ngai hpe majan gasat lawm na ngai dan jan gaw da nye na mungdan kaw nanhte hpe e yawng hpe dai hku shara jaw na nanhte hpe hkawhkam aya ma jaw na nye kasha ma jaw na ngu dai hku ngu tsun ai da. Dang re nanhte hpe aya i ngai na lawu hprut aya i yawng jaw na hkawhkam aya ma jaw na nye kasha hpe la ai wa gaw hkawhkam aya byin na re ngu dai hku ngu tsun re she dai ni mung bawng ban sai da. Shanhte bawng ban she gasat lawm ga ngu tsun ai da. Dai shaloi she dai katung sha law ai la hpaji jaw ai shaloi gasat lawm ga ngu tsun ai da. Dai shaloi she e dang nga jang gaw hpawt de anhte rawt shaga ngu tsun ai she dai kaji sha law ai wa gaw dai hku dai hku gasat u ngu tsun ai da. Ndan grai gap byin ai wa gaw ndan gap gap gap re na dai hku gasat ai da. Myi grai zen ai wa gaw gara kaw hpyeng ni nga ai hpe yu ya ai da. Yu ya ai shaloi she grai ga gat chyang ai wa dai hku ga gat lai kau da gat lai kau da di she gabye sat kau da di ai da. Dai na grai pa ai wa gaw na hte awut sat ai da. Dai ladi grai kaba ai wa gaw nsa sa na she dai hku shapoi sat kau ya ya re da. Ngun grai ja ai wa gaw hpai kabai dai hku na sa na she shang lahkawng shanhte ni gaw dai hku yawng dan kau ai da. Dai kaga mungdan na hpyen ni hpe dan kau ai shaloi she dai hkawhkam wa shaga sai da. Nanhte garum ai majaw ngai dan la ai re dai majaw hka nanhte kaw na ra n rawng ai la langai hpe ngai nye kasha hte jaw sha na ngu tsun ai shaloi she yawng hte hpe yu sai da. Yu re she yi ndan grai gap jing ai wa hpe jaw sha yang gaw nye kasha shi jau gawn tai mat yang gaw nye kasha hkrai gareng nga na re ngu myit ai da. Dai na grai pa i na grai pa yang gaw nye kasha hkrit na re ngu da. Dai hku ngu na n jaw sha ai da. Dai shaloi she hpang ye she e nanhte kaw na ngai yu na n-gun grai ja ai la wa hpe jaw sha na yaw ngu tsun she n-gun grai ja ai la gaw gadung ma loi gadung ai da. Dai shaloi she dai majaw e dai nanhte kaw na gadung ma loi gadung n-gun ma grai ja re la hpe nye kasha hte jaw sha na yaw ngu na she hkungran poi galaw ya na shanhte hpe hkawhkam aya ni dai hku jaw kau ai da. Dai kaw grai pyaw hkra nga mat ai da. . Language as given: Jinghpaw
Format:Digitised: no Media: Audio
Identifier:KK1-1413
Identifier (URI):http://catalog.paradisec.org.au/repository/KK1/1413
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1413/KK1-1413-A.mp3
http://catalog.paradisec.org.au/repository/KK1/1413/KK1-1413-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1413
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1413
Up-to-date as of: Tue Feb 11 15:37:59 EST 2020