OLAC Record
oai:paradisec.org.au:KK1-1410

Metadata
Title:Wa kasha masum (The three pig brothers)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Ja Tawng (speaker), 2017. Wa kasha masum (The three pig brothers). X-WAV/MPEG. KK1-1410 at catalog.paradisec.org.au. https://dx.doi.org/10.4225/72/598b37e84087c
Contributor (compiler):Keita Kurabe
Contributor (depositor):Keita Kurabe
Contributor (speaker):M. Ja Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-21
Date Created (W3CDTF):2017-02-21
Description:Moi kalang mi hta da Wa kanu langai mi kaw wa kasha masum lu ai da. Wa kasha masum lu ai shaloi she kanu gaw grai dinggai wa sai majaw ma yan nau ni e ah nu gaw nan nau ni hpe n lu bau sai dai majaw nan nau ni masum kadai mung kade lagaw tsap na hku tam sha sa nu yaw ngu tsun ai she dai no (1) Wa wa shawng sa mat wa ai da. Sa mat wa re ai shaloi she dai hku hkawm mat wa re ai shaloi she Wuloi langai wa she yi-hku hpai wa ai mu ai da. Dai shaloi she dai Wuloi gaw e hkau wuloi e ngai hpe dai yi-hku kaji mi jaw rit le ngu tsun ai da. Dai shaloi she a wuloi gaw ngai pi naw shinggyin masha amyu kaw na grai yat ai sha she lagu la wa yang nang ye jaw kau yang ngai n law sa na nga le ngai nlaw sha shana nga le ngu tsun ai da. Dai hku ngu tsun ai shaloi she dai e wa wa gaw ngai ngai gaw matsang shayeng re ai re ngai gaw nye nu n lu bau na ngai hkrai dam hkawm ai nta ma n lu ai dai majaw nan na yi-hku dai ngai hpe kaji mi jaw rit ngai nta sha pi gap rawng na ngu tsun dai da. Dai hku ngu tsun shaloi she dai wuloi wa matsang dum na she e dang nga yang ngai kaji mi jaw na yaw ngu na kaji mi jaw dat ai da. Kaji mi jaw dat ai shaloi she dai wa wa mung dai yi-hku hte she nta wa galaw ai da. E dai hku grai nga hkra ni wa gawa dai hku di na nta galaw da ai da. Nta galaw da she lani mi na aten hta she e ga gwi wa she dai wa hpe she e hkau wa e ngai hpe chyinghka hpaw la rit ngai nang hte nta ngai na nta kaw jahkying mi manam na ngu tsun ai da. Shaloi she e nang ngai hpe sha na matu rai nga ai ngu tsun ai da. Nsha ai ngai hpe dai na sha manam shangu u ngu she um n mai ai ngu tsun ai da. E nang ngai hpe chyinghka n hpaw la jang gaw ngai shang wa yaw tsun ai nang na nta sha gaw ngai lu shang ai ngu she maja adawt dat yang she dai yi-hku rai nga she n-nga ai sha malawng mat re shaloi wa kasha wa she dai yi-hku ginsum kata kaw rawng taw nga dai hpe dai ga gwi wa sha kau ai da. Sha kau she hpang e wa no(2)ngu na wa kasha wa bai da. Wa kasha wa dai mung bai hkawm mat wa sai da. Hkawm mat wa re ai shaloi she e oh ra bai nam hte hkrum ai da. Bai nam hte hkrum ai shaloi she bai nam mung dai tsing tsing loi kaba ba tsing du dai shi sha na matu kawa wa hpai wa ai da. Hpai wa ai shaloi she wa dai mung e hkau bai nam ye nye hpe dai nang na nang na sha hpa tsing dai kaji mi jaw rit le ngu yang she hpa di na ngu da ngai pi manang ni na wang kaw na e masha ni na wang kaw na masha ni pi ngai hpe grai shachyut ai sha ngai tsam mari mara sha ndai hteng sha lu hpai wa re ngu tsun yang she ngai nta galaw rawng na kaji mi sha pi ra ai le ngu tsun ai hte ngai hpe matsang dum la rit ngu she ngai hpe matsang dum la rit ngu she bai nam wa mung matsang dum na shi hpe e dai nam dai kaji mi jaw ai da. Dai hpe wa hkai la na she kaba wa ai shaloi nta hku na kum na rawng ai da. Kum na rawng ai shaloi she dai shani dai ga gwi wa bai sa ai da. Ga gwi wa bai sa re she hkau wa e ngai hpe dai na sha pi manam na ahkang jaw rit ngu tsun yang she e nang ngai kaw manam nan nye sha kau na nga le ngu tsun ai da. N sha ai ngai hpe dai na sha manam shangu rit ngu tsun yang she e chyinghka hpaw la rit ngu she n hpaw la ai ngu tsun e nang nye n hpaw la yang gaw ngai shang wa sai yaw ngu na maja bai dai hku adawk shang ai shaloi gaw nam lap nam rai ai majaw gaw i daw mat ai nta daw mat na wa wa kata kaw rawng taw nga ai da. Dai wa hpe bai shi sha chyut rim na sha kau ai da. She hpang na kaji dik ai wa wa bai rai sai da. Dai wa gaw dai wa bai dam hkawm mat wa sai da. Dam hkawm mat she magwi langai mi nlung htaw ai mu ai da. E hkau magwi e ngai hpe nang na nlung kaji mi jaw rit le ngu tsun ai da. Dai shaloi she e hpa di na ngu ai da. Ngai pi naw ngai hka sa lu lu yang grai nyap ai majaw ngai ngai hka sa lu yang gabye bye re na ga grai nyap ai majaw dai kaw ngai ndai hpai wa ai nlung dai bang na dai kaw hka sa lu lu di na matu ngai hpai wa ai she re grai li hpai wa ai she re ngu ngai nta galaw na matu ngai hpe kaji mi jaw rit ngai nta ma n lu ai ngai hpe matsang dum let she jaw rit ngu tsun ai she dai magwi wa mung matsang dum she nlung jaw ai da. Nlung jaw re she dai wa wa nlung nta wa galaw da ai da. Nlung nta wa galaw da re ai shaloi she dai shaloi bai dai ga gwi wa bai wa sa sai da. E hkau wa e ngai hpe dai na manam na ahkan jaw rit dai na sha pi manam shangu rit ngu tsun ai da. Nkam ai ngu ai da ngai kadai manam hpe ma nhkap la ai ngu da. Wa dai gaw grai zen ai hku nga wa dai gaw dai hku ngu tsun she e ngai hpawt de grai jau bai wa mat na dai na she ngai ye manam shangu rit ngu tsun she n mai ai da. E nang ngai hpe n manam shangu jang ngai a ngai ndai nta kaw na lu adawk shang wa jang na a sha kau na yaw ngu tsun ai da. E nang ye ngai chyinghka hpaw la jang nang ngai hpe sha chyalu rai nga ai ngu tsun dat ai wa e gaw dai hku ngu tsun re she um n hpaw la ai da. Shi adawk dat yu yang wa she nlung re nga she shi mahtang she bai kahtang mat wa hkra rai jang she shi gaw wa mat ai da. Wa mat ndai wa ndai hpe gaw ngai gara hku lu sha hkra gram na i ngu dai hku gram ai da. Dai she hpang jahpawt grai jau bai sa wa sai da. E hkau wa e ngai oh hkanawng makau kaw e oh ra laubu grai tu ai mu ai dai sa krawt sha ga ngu tsun ai da. Re dai wa wa grai le ai hku nga wa wa grai zen na she hka gara kaw tu ai rai nye tsun dan yu u le gara yang kaw ta ngu nchye masu su na dai kaw tu ai re ngu dai ga gwi wa tsun dan ai da. Hpawt de galoi ten hta sa na rai ngu wa bai san hkring sanit ram kaw sa ga i ngu tsun ai da. Wa dai wa dai hku ngu tsun re she mai ai ngu tsun ai da. Wa dai gaw dai ga gwi wa tsun da ai hkring sanit nga ai kaw n re ai sha hkring kru sa na htaw sa htu na she la wa sai da. La wa na shi gaw shadu tawng da ai da. Wa dai wa shadu taw da ga gwi wa bai sa sai da. E hkau wa e saw an lahkawng mana tsun dan ai de bai sa bai sa gawt sha ga wa dai laubu sa la sha ga ngu tsun she hkau e ngai ning shadu da ai pi hkut wa sai ngu tsun ai da. Dai hku ngu tsun she e dai shaloi bai n lu masu sai da. Hpang jahpawt bai sa wa sai da. Hkau e ngai namsi grai si ai lamung si ai hpun langai mu da ai ngu tsun ai da. Dai lamung si wa di sha ga ngu tsun ai da. Dai shaloi she ga gwi wa gaw dai hku ngu tsun she hpawt de hkring kade kaw sa na rai ngu hkring kru kaw sa ga ngu ai da. Hkring kru kaw sa ga ngu tsun jang she wa wa dai ga gwi wa gaw zen sai da. Ndai wa mani hkring sanit ngu jang hkring kru kaw sa di sha ai dai hpawt ngai hkring kru ngu jang shi mangai kaw sa na re ngu tsun ai da. Hkring mangai kaw sa na re ngu tsun na she shi hkring mangai kaw na shi shawng sa la aw dai hku ngu tsun yang she rai tim dai wa gaw gai jau sa mat wa ai da. Grai jau sa mat wa oh sa di taw sai da. Sa di nga ai shaloi she hpun ntsa kaw dung nga ai shaloi she ga gwi wa sa wa ai da. Dai wa nye masu sai re ngu sa mat wa shaloi she aw ga gwi wa n pu kaw du ai hte she aw wa wa ye ntsa kaw nam si di taw nga sai da. Di taw nga shaloi she e hkau e nang ngai hpe masu sha ai i nang dai hpawt nang gwi yang yu wa yu wa yu u le ngu dai hku ngu tsun ai da. Dai she wa wa she i hkau e namsi mung grai dwi ai sa nang hpe ngai langai mi jahkrat jaw na yaw ngu na she oh nam sum wup loi wup ai de kabai dat ya ai da. Kabai dat ya she dai ga gwi wa gaw dai nam sum wup de kabai dat ya ai dai de shang ai shaloi she shi dai kaw na gawang tsap gumhtawng na she nta de ga gat mat wa ai da. Nta de ga gat na she shi na shara bai wa rawng mat ai da. Nta wa rawng mat jang she ga gwi wa dai kaw bai n lu sha sai da. Nlu sha she hpang jahpawt bai ga gwi wa bai nyan sai da. E hkau wa e mani sha nang wa kau da ai hpang ye ngai oh nawng langai kaw hka ni grai hkyet na Nga ni ngu majoi she si dai bai sa la sha ga ngu tsun ai da. Shaloi she gara yang hte a ta ngu tsun ai da. Dai ngu she e dai kaw re ngu tsun she e hkau e sa sa ga dang nga yang a an lahkawng hpawt de hkring kade kaw sa na rai ngu tsun she dai ga gwi wa gaw ndai wa ngai hkring hkum mi hkring kru ngu jang she hkring mangai kaw sa hkring mangai sa ga ngu tsun ai da. Hkring mangai kaw sa ga ngu tsun she dai shaloi she wa wa wa bai re gaw hkring mali kaw rawt sa mat wa ai da. Hkring mali kaw sa na Nga ni yawng sa rim sa rim na she e ngai dai hku ngu sa sa mat wa ai da. Sa mat wa re ai shaloi she ga gwi wa bai sa re she e hkau wa ngu na sa shaga tim mung akasi nga da dai wa ya dai pawt gaw pru wa ai hte ngai rim sha kau na ngu ai da. Pru wa ai hte ngai rim sha kau na ngu she grai na hkra sa la tim wa dai n pru wa she shi lagu yu ai hku nga wa wa n nga ai da. Yi ndai wa ngai hpe masu sha sai shi shawng sa sai re ngu she shi gat sa mat wa re ai shaloi she dai wa wa re gaw Nga rim bang na re ngu pung tam ai da. Pung tam she a rim bang na rai tam she htaw grai tsang ai kaw she a kawt i masha ni kabai da ai kawt oh ra hpang jagan le dai taw nga ai da. Kawt jagan taw nga ai shaloi she shi dai kaw Nga rim bang na matu sa she shi wa ga gwi wa ga gat sa wa mu na she yi shi ngai hpe mu yang gaw sha kau sa na re ngu dai kawt kaw shang rawng mat ai da. Dai kawt gaw oh kawn ntsa kaw rai na hku nga kawn ntsa kaw shi dai kaw shang rawng mat ai hte shi shang dat ai hte na dai kawt taleng mat wa ai da. Taleng mat wa rai jang she ga gwi wa gaw i hpa mi nga nga ndai gaw ga sharawt gyi ai nan rai sai ngu na she hpraw ai da. Hpraw ai shaloi she nam sip kalang mi kaw oh ra hpan ju le ju grai masen ai dai de ga gat shang mat wa shi gaw hpa mi nga nga ndai nye ga taleng bwi wa hkyeng sai re ngu hpraw ai atsawm yu n hpraw ai nga ga gwi dai gaw dai ju grai masen ai kaw achyaw si mat ai da. Wa dai gaw ga gwi dai nye sha na matu gara hku rai sai kun ngu na dai kawt taleng hkring kau na nin hku yu ga gwi dai wa si mat ai da. Si mat na shi gaw dai shi na kawt dai kaw Nga ni atsawm sha rim bang na bai wa mat ai da. Mu mu mai mai wa shadu sha mat ai da. Dai majaw manaw masham ai myit ngu ai gaw n kaja ai. . Language as given: Jinghpaw
Format:Digitised: no Media: Audio
Identifier:KK1-1410
Identifier (URI):http://catalog.paradisec.org.au/repository/KK1/1410
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1410/KK1-1410-A.wav
http://catalog.paradisec.org.au/repository/KK1/1410/KK1-1410-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1410
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1410
Up-to-date as of: Thu Sep 3 17:40:32 EDT 2020