OLAC Record
oai:paradisec.org.au:KK1-1403

Metadata
Title:Jahkrai hkan dwi (The orphan and his grandmother)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Sau Wawn (speaker), 2017; Jahkrai hkan dwi (The orphan and his grandmother), X-WAV/MPEG, 2020-02-11. DOI: 10.4225/72/598b37c9b717e
Contributor (compiler):Keita Kurabe
Contributor (depositor):Keita Kurabe
Contributor (speaker):L. Sau Wawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-21
Date Created (W3CDTF):2017-02-21
Description:Moi shawng de da jahkrai jahkrai hkan woi dwi nga taw ai da. Jahkrai ma hte ka dwi hte mare langai kaw nga re ai shaloi she dai jahkrai ma hkan woi dwi gaw grai matsang ai da. Grai matsang re gumhpraw gaw rai tim mung ka woi dwi kaw gumhpraw masum tsa nga ai da. Masum tsa nga re hpe she ndai jahkrai ma gaw mare wam hkawm re ai shaloi she masha ni wa gwi hpe agri kayet taw ai da. Gwi hpe agri kayet taw rai jang she shi gaw matsang dum ai da yaw matsang dum re na she um dai dai grai matsang dum na she nanhte ndai gwi hpe e hkum kayet sa nu ngu tsun ai ngai mari la kau na ngu yang kade jaw na ngu tsun yang latsa jaw na ngu da. Latsa jaw na e jaw u dai nga yang n kayet sai ngu na she jahkrai ma mung shi ka woi dwi kaw wa tsun na she adwi ye ndai gwi gwi hpe ngai hkye wa ai re masha ni nau kayet ai majaw ngu na tsun yang gumhpraw latsa jaw u ngu tsun yang ka woi dwi gaw gwi mi hpa di na ngu tsun ai da. Kawoi dwi gaw gumhpraw pi masum tsa sha lu ai mi ngu tsun rai tim jaw u law adwi ye latsa sha re ngu na tsun kawoi dwi mung kashu hpe nau tsawra na she gumhpraw latsa dai jaw gwi hpa ndi ngu tsun yang gwi nta sin na ngu na tsun ai da. Dang ngu na she kawoi dwi ma gumhpraw latsa shaw ya dat jang bai gwi hpe mari la tawn da sai da. Dai hpang she hpang ye bai hkawm hkawm hkawm re she la-nyau hpe bai agri sat sha na maw taw ai da. La-nyau hpe bai kayet sat sha maw taw bai sa mu she dai ma gaw e dai la-nyau hpe hkum sat law ngu na tsun ai da. Nang mari la na i mari la na ngu tsun ai da. Dang gumhpraw latsa jaw na ngu tsun na she dai nyau hpe ma bai hkye wa ka dwi kaw na gumhpraw latsa wa la bai sa ya rai na she hpang ye bai hkawm hkawm hkawm re she shara mi kaw gaw ndai pat hka lawng kaw le i pat hka lawng kaw wa she bareng kasha langai sha rawng taw ai da. Sharawng taw ai hpe bai sa mu re she i bareng ndai matsang shayen hka kaba de she nga ai baw wa ya ndai kaji san ai hka law kata kaw wa bareng ndi rawng taw nga ai gaw ngu na she re ndai matsang shayen ngu na she nta madu ni hpe she ndai bareng ngai hpe dut jaw u le ngu na tsun yang she kade hte mari la na ngu latsa rau mari la na ngu tsun ai da. E dang jang la mat u ngu tsun na tsun jang she ga dwi kaw na gumhpraw wa la na shi gaw dai latsa masum tsa re kaw na latsa shama kau sai le i masum tsa tim shama kau sai dai bareng kasha la wa ti na nta kaw wa tawng na re ai shaloi she bareng kasha dai gaw um masha ma lu tai wa ai da. Masha ma tai wa rai jang she rai masha dai gaw dai hka lawn kaw na she masha tai na shi hte shaga ai da. Shaga re ai shaloi she i ngai hpe nang hkye la da ai majaw grai kabu ai yaw ngu na nang gaw nye chyeju madu re ngu na a dai hku ngu tsun ngai lani mi gaw dai bareng kasha gaw shi hte manang tai hkawm sai le masha ma mai tai ai re majaw shi gaw dai hku nga hkawm nga hkawm rai jang she lani mi gaw bareng kasha gaw e ngai nye nu wa n ta kaw um nang hpe woi wa mayu ai ngu na tsun ai da. Na nu wa n ta kade ram tsang ai de ngu nye nu wa nta oh hka nawng de re ngu tsun ai da. Nang hkan wa u yaw ngu tsun ai she e nga na jahkrai ma ma hkan wa sai da. Shi nu wa nta hkan wa ya sai da. Hkan wa re ai shaloi she ya hka nawng kaw du re she ya nang mi di u yaw ngu tsun ai da. Myi di na ngai na ngai hpe nye lagaw kaw jum na hkan nan ra ai jahkring sha myi di ra ai dai shaloi nye nu wa nta du sa na re ngu na tsun hka nawng e woi shang mat wa ai da. Woi shang mat wa re na she oh de shi nu wa nta du makau kaw du yang she shi hpe gaw shi nta makau kaw naw wa makoi da na she kanu kawa ni kaw wa tsun ai da. Ah nu yan ah wa e ngu ngai shinggyin masha langai woi wa ai ndai ndai hpe hkum zin ri ya yaw ngu na tsun ai da. Shi gaw nye asak hpe hkye la ai re ngai hpe masha ni rim la na hka lawng kaji sha law ai kaw wa bang tawn ai kaw na shi ngai hpe mari la na nye asak hkye wai ai she re ai chyeju madu she re ai ngu na kanu yan kawa hpe wa tsun kanu yan kawa gaw hpa n nga aw aw aw kabu sai kabu sai dai rai yang gaw e ya chyeju dum ra nga ai ngu na tsun na shi she e dai hku dai bareng nta lahkawng ya ram nga nna she hpang ye gaw shang lahkawng shi hpe bai wa sa ra sai le dai jahkrai ma hpe bai wa sa re dai rai yang ya nan lahkawng shi nang hpe bai wa sa ra nga jang gaw ya dai ni gaw e shani shat makai shangu dat na re ngu tsun dai da shi nu yan wa gaw sha ni shat nga na makai na shang lahkawng hpe ndai lam kaw hkum sha um nanhte jahkrai ma nta du yang she wa hpyan sha yaw ngu na tsun na shat makai jaw dat ai da. Jaw dat re na she shang lahkawng gaw bai wa sai da. Hka nawng de na kalang ta shi kanu kawa tsun rai jang shat makai dai ma lang re na pru wa re na she shi shanhte nta du yang she shat sha na ngu na she jahkrai ma nta ka dwi ma nga re shaloi she shat makai dai wa hpyan dat ai shaloi she ja tawng rai taw ai da. Shat makai gaw ja tawng byin na shanhte gaw ja grai lu sai da lu ja wa manu mana rai da lu dai dai ja tawng dai lu na she shang woi dwi gaw grai kabu sai bareng kasha ma dai kaw naw nga lawm ai nga lawm na she mare wawm hkawm wawm hkawm re ai shaloi she um jahte kasha mahkawng hpe sa mu sai da. Dai jahkrai ma gaw mu di na she e e ngai bareng kasha hpe tsun ai ngai oh ra num hpe ra ai oh ra jahte kasha hpe ra ai ngu tsun yang she sa hpyi u le ngu na tsun ai da. Ndai bareng kasha gaw sa hpyi u lu na ra ai ngu tsun jang she sa hpyi sai da. Shi kadwi hpe wa tsun sai da. Shi kadwi hpe ndai jahte ni nta sa shangu dat sai da. E nye kashu gaw nanhte kasha hpe ra ai da loi ngu na sa tsun yang she jahte wa gaw kalang ta pawt na she e shi kawoi dwi hpe na woi dwi zawn san ai matsang mi nye kasha hte n grin ndan mi a sa wam hpyi ai gaw ngu na she shi kadwi na na dum hpyet dat ya ai da. Dum hpyet di dat ya ai shaloi kadwi gaw na ma n kap mat sai le na sha ma ni re aw na ma hta shi na dum hpyawt kau ai na ma magap lang na she wa sai da. Wa na she ya jahte wa a gara hku nga dat ai ngu tsun yang nan yu yu ngai na, na dum hpyawt dat ya sai dai hku dai hku nga dat ai ngu tsun yang she na dai bareng kasha dai gaw dai dinggai na na hpe ning di na la na she maye sha mahtaw la di na bai shakap dat ya na ma hpa n byin mat sai da. Dai hku re na ya bai sa hpyi su yaw dwi ngu tsun na bai sa hpyi shangu re ai shaloi bai sa hpyi sai da. E nye kashu gaw she naw sha hpyi u ngu tsun ai ngu na bai sa wa yang she jahte wa gaw ma ni na kahtam di dat ya ai wa ya bai du taw na bai mau sai da. Mau re she kaning re na nan woi dwi ni gaw nye kasha mi sa hpyi ai gaw ngu na tsun yang she nan woi dwi ni kade ram jahte dum na a dai hku byin ai rai ndai ni mau hpa lama ma gaw byin ai re ngu na jahte wa ma myit taw ai le na bai kaja mat ai dang yang gaw nan woi dwi ni a nta hte nye nta ndai laprang kaw na lam kaw e ja panyep lu nyep ai i ja lam lu nyep ai i n dai makau kaw ma ja langu hpun ni hkai ra ai dai hku lu galaw ai i dai hku lu galaw yang gaw jaw sha na ngu tsun dai hku ngu wa tsun bai wa sai da. Gumgai gaw bai wa ti na kashu hpe bai wa tsun sai da i ja panyep ndai lam laprang kaw an woi dwi hte shanhte nta laprang kaw ja ja lam ma galaw ya ai da. Ja langu hpun ni ma hkai ra ai dai hku lu galaw yang she jaw sha na nga tsun dat ai. Rai jang lu galaw ai lu galaw ai ngu na she e bareng kasha gaw hpa n ra ai ah dwi dai gaw lu galaw ya ai ngu na she kaja wa nan dai ja panyep woi nyep sai da. Ja hkrai gamang di na panyep nyep jahta nta du hkra nyep da re na dai kaw ya kalang bai sa hpyi sa nu ngu ja langu hpun ni ma hkai da na kawoi dwi hpe bai sa hpyi dai shaloi gaw jahte wa jaw sha dat sai da. Jaw sha dat re ai shaloi she wa sai da wa re na she e ja ni ma grai law naw lu ai da. Dai pi gaw naw n ma shi ai da ja ma jaw da na she ya ngai nye nu wa n ta bai wa sa na re nang gaw nang hpe mung ngai num ma la da ya sai ngu na dai bareng kasha gaw i dai hku ngu na tsun na wa mat wa ai da. . Language as given: Jinghpaw
Format:Digitised: no Media: Audio
Identifier:KK1-1403
Identifier (URI):http://catalog.paradisec.org.au/repository/KK1/1403
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1403/KK1-1403-A.wav
http://catalog.paradisec.org.au/repository/KK1/1403/KK1-1403-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1403
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Sau Wawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1403
Up-to-date as of: Tue Feb 11 15:37:57 EST 2020