OLAC Record
oai:paradisec.org.au:KK1-1402

Metadata
Title:N hkru ai hpang num (The bad step mother)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Sau Wawn (speaker), 2017; N hkru ai hpang num (The bad step mother), MPEG/X-WAV, 2020-02-11. DOI: 10.4225/72/598b37c56c1ae
Contributor (compiler):Keita Kurabe
Contributor (depositor):Keita Kurabe
Contributor (speaker):L. Sau Wawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-21
Date Created (W3CDTF):2017-02-21
Description:Moi shawng de da i ndai la langai mi gaw da ndai shawng num hte hpang num lu ai da. Dai shaloi e da ndai hpang num kanu gaw grai n kaja ai da. Shawng num kanu kaw ma kasha langai lu ai da. Dai hku shawng num kanu gaw kasha num kasha langai lu ai hpang num kanu kaw ma num kasha langai lu ai da. Dai yang she da lani mi na ahkying hta e da dai hpang num kanu gaw da e shawng num kanu hte rau hka nawng makau de hpun hta sa ga ngu na e shi gaw hpun sa hta woi ai da. Dai shaloi shi gaw ndai shawng kanu hpe shawng num jan hpe e hka nawng la-ing de kanawng bang kau ai da. Dai shaloi she da shawng num kanu gaw Tau kawt tai mat rai na tau kawt kanu tai mat nna dai hka nawng kaw rawng taw ai da. Dai hku rai rai shaloi e da dai hku re nna hka nawng kaw e sa kanawng bang kau re na shi kasha num kasha langai lu da dai hpe gaw agyi zi ring sha taw sai da. Dai hpang num kanu gaw grai n kaja re na she sha ni shagu kayet hkrai kayet, kayet hkrai kayet rai ti na shat mung n jaw sha rai jang she dai shi shawng num a kasha gaw hka nawng de shi kana hpe dai kaw kanawng sat kau ai re chye ai majaw shi kanu nga ai si ai shara kaw sa hkrap taw nga nga re da. Dai shaloi she le hka nawng la-ing kaw shi kanu gaw tau kawt tai mat ai re majaw dai tau kawt hte sa shaga hkat taw ai da. Ah nu e ngai hpe ndai hpang num kanu gaw e grai kayet ai shat ma n jaw sha ai dai majaw shat grai kaw-si ai ngu na grai jam jau ai ngu na sa hkrap taw taw re she a tau kawt kanu gaw ma e nang sha rang ti na naw nga u sharan ti na naw nga u ngu tsun ai da. Dai hku ngu tsun dat rai jang she ah nu na tau kawt tai mat sai majaw kara hku n chye di sai ngu na tsun dat ai shaloi she ma gaw dai hku bai wa na rai na she loi pawt ai shaloi she dai hku na bai kayet dat jang dai hka la-ing de sa mat nna sa hkrap taw taw re re ndai hpang num kanu gaw chye ti na she lani mi na gaw kadai rau sa kayet taw i kadai rau sa shaga hkat taw i ngai naw sa lagu yu na re ngu na dai ma kasha hkrap na sa wa ai de bai hkan nan yang she kanu hka nawng kaw shi htu kanawng bang kau ai hka nawng kaw kanu hte tau kawt kanu hte sa shaga hkat taw ai sa mu la sai da. Mu la di na she nta kaw bai wa ti na she shi madu wa hpe tsun sai da. Machyi masu su na she e ngai um le ra hka nawng kaw na tau kawt kanu shan sha yan gaw mai na zawn nga ai dai majaw nang ngai hpe sa rim wa ya rit ngu na tsun ai da. Dai shaloi shi la gaw nang she mai na nga yang gaw ngai tau kawt kanu dai sha ngai sa chye rim ai ngu na sa hka nawng dai de sa nna she tau kawt kanu dai hpe sa rim wa sai da. Sa rim wa di na she e bumhkrawng kaw bang di na kabaw da sai da. Kabaw da re ai shaloi she dai tau kawt kanu gaw shi kasha hpe wan nawn shangu ai le ndai hpang num kanu gaw shawng num kanu dai tau kawt kanu a kasha hpe wan nhtaw nawn shangu ai kanu gaw bumhkrawng kata kaw dai shaloi bumhkrawng kata kaw na shi nu gaw tsun taw ai da. Ma e ah nu hpe wan nau hkum bang grai kahtek wa sai grai kahtek wa sai ngu na tsun ai. Rai jang shi kasha gaw wan nhtaw hpe bai shaw dat kanu grai kahtek wa ai nga jang kasha wan nhtaw shaw dat jang she agyi sa kayet ai da hpang num kanu hpa ti na wan nhtaw shaw ai bang u bang u ngu na wan bang ngu na she bang shangu ahte lu ahte lu ahte lu ngu na kanu gaw grai kahte taw sai da lu tau kawt kanu gaw grai kahte ai na she kasha hpe htek taw ai da. Yi dai ram wan hkum bang ya lamang wa nu kahte ti si mat wa yang gaw nang ah nu na shan n mai sha ai yaw ah nu na shan hpe gaw um shanhte sha jang gaw nra ni hta la nna nang oh nta shawng kaw sa tsawm sha sa lup da u yaw ngu na kasha hpe htek da ai da. Kaja wa tau kawt kanu gaw kahte na si mat sai da. Si mat rai jang she dai shan hpe yawng sha chyawm sha masai da. Chyawm sha kabu gara hte sha taw shi kasha gaw kanu htek da ai hte maren she n sha ai da. N sha sha tim sha masu sha su kayet wa wa re ai majaw shi gaw sha masu sha su na she dai shi yawng sha ngut jang dai kanu na n-ra ni yawng hta la ti na nta shawng kaw kanu htek da ai hte maren shi gaw dai kaw sa lup da ai da. Sa lup da re ai shaloi she dai kanu kaw lup da ai shara kaw na grai e hpun grai tsawm ai hte asi grai tsawm ai si ai hpun dai kaw dai tu wa ai da. Tu wa re ai shaloi she asi ma grai tsawm ai da ndai pan-ti ayung ni ja ayung ni grai tsawm ai si taw ai da. Dai hku rai rai jang she lani mi na dai hku na she hkawhkam ni lai wa ai hku nga hkawhkam ni mung ga wang ai lai wa hkrup na yu dat ai shaloi asi grai tsawm ai sha grai mu na zawn re asi si taw ai majaw shi a ali ama ni hpe dai asi wa di shangu da. Dai namsi wa di shangu ai n lu di ai da. Ali ama ni kadai mung n lu di adai di tim namsi dai nhkrat ai da. Nhkrat ya rai na she hkawhkam wa gaw ndai namsi e lu di ai wa hpe gaw ngai kumhpa law law jaw na num rai yang gaw hkawhkam jan shatai la na ngu na tsun jang she dai e hkawhkam jan shatai la na ngu na tsun da ai tsun tim kadai n lu di ai da. Nlu di rai jang she dai ma kasha gaw shi lung ti na num kasha gaw shi lung ti na dai namsi hpe wa di ya ai da. Wa di ya ai shaloi she kaja wa shi hkawhkam kasha tai mat wa ai da. Hkawhkam kasha tai mat wa na she e hkawhkam wang de du mat sai le du mat wa na grai tsawm ai grai let tsawm ai le i buhpung palawng ni hte hkawhkam jan tai taw re loi mi na wa masum ning ram na wa ai shaloi she e mi na hpang num kanu gaw i dai hkawhkam jan hpe nta de wa jahkrum u ngu na htek dat ai da. Htek dat ai shaloi she kaja wa sha shi dai num kasha gaw masum ning hpring ai shaloi she e hkawhkam wa hpe tsun ai. Nye nu ngai hpe htek dat ai i wa jahkrum na da ngu na e wa ai shaloi da dai shaloi yi she um dai shaloi she dai hkawhkam jan na hpang nu kanu gaw aw hpang de shi na kasha wa chyai na nga na rai wa sai le i wa chyai na nga na rai wa re shaloi she bu hpung palawng hkring ni ja ni grai hpun na hkawhkam jan re nga jang gaw grai tsawm na wa sai da. Wa ai shaloi she hpang num kanu gaw dai shaloi pi naw akyan n kaja naw galaw na shi gaw dai hkawhkam jan hpe gaw i kabu gara hkap shaga nna shat sha ai shat shadu sai da. Shat ni shadu re nna shat ni shadu na rau sha ga ngu na she hpum lum di mung kaba law shadu taw ai da. Sha du taw rai na she shi shat woi sha sai da. Shat woi sha ai shaloi she e ma hpe mahti jahkrap na le i shi kanau kaji htum hpe mahti jahkrap dat mahti jahkrap ti na mahkrap ai na na kachyi naw raw ya shalang dat u ngu ma hpe shaleng dat u ngu tsun na she e e e nga na hkawhkam jan tai wa mung ma hpe kachyi raw shaleng ya rai grai na jang bai mahti jang e dai lahkawn ma bai hpyi nga ai ngu na she lahkawn ni ma ja rai ni yawng ma mahti jahkrap hkrap re na she ma hpe shaleng u shaleng u lang shangu u lang shangu u ngu jaw lang na she yawng n pu de shalut kau ai hku nga ja rai ni yawng n pu de jahkrat shalut kau na she e ya gaw shat ngut sai re gaw ma e na na kachyi n pu de yawng ma jahkrat kau sai nang sa hta la su ngu da. Sahta la u ngu na sahta shangu ai shaloi she shi gaw hpum lum di kaba chyuting shadu da sai le i dai hku re na she dai hpum lum di kaba shi n pu de hkawhkam jan npu de sa nga ai shaloi she hpum lum di kaba ru bung dat ai da. Ru bung dat na dai hkawhkam jan gaw si mat ai da. Si mat re ai shaloi she hkawhkam jan na buhpung palawng ni yawng raw la ja rai ni yawng hpun la nna she shi kasha num kasha nga ai n mu i um dai num kasha hpe ja hpun dat na she dai hpang num kanu le jahpun dat na hkawhkam wang de sa shangu dat ai shi kasha hpe sa shangu dat re hkawhkam jan gaw sa wa sai gaw hkawhkam jan re ai sha shadu ai le mi na buhpung palawng ni hpun nna sa wa ai re majaw dai hku re na shi nta kaw woi nga rai taw re she hkawhkam jan hte hkawhkam wa gaw shinggan de pru hkawm reng bai wa ai shaloi gaw shat hkyen taw da ai da. Shat hkyen tawn da hka ni yawng du da ai da. Yawng shani shagu um atsawm hkrat hkrat di na hkyen da masha gaw n nga dai hku byin taw taw re na she mau sai da. Mau re na she dai wa sha re na she hkawhkam wa gaw myit sum ru taw nga ai gara hku re i ya ndai hkawhkam jan mung ngai hpang ngai hte rau she hkawm ai ndai shat ni kadai hkyen da da re ai kun ngu na loi gaw mau taw ai hku nga rai tim mung hkawhkam jan dai dai um hkawhkam jan atu gaw i dai jan gaw shi hkyen da ai shadu na aw shi hkyen da ai zawn zawn woi sha masu dai hku re na shi gaw masu ti na nga taw ai le nga taw nga taw re she ndai hkawhkam jan hpe kaga shara de sa kau shangu na she e dai hkawhkam wa ma shinggan let mat sai hku na pru mat wa masu su sai da. Dai na hkawhkam wa gaw bai nhtang shang wa ndai shat lu sha kadai galaw law re kun ngai lagu yu na ngu na chyinghka lam kaw na wa lagu yu lani mi gaw le i hkawm mat dai ngu di masu bai nhtang wa na wa lagrim yu ai shaloi she yam bu kaw na hkawhkam jan langai bai le rai wa ai da. Le re na she kara ni masit kau atsan apan yawng sha kya kau na a shat ni shadu bang wa sai da. Shat si mai ni nji n-gu dai hku shadu shadu ngut na she hkawhkam jan sha hkawhkam wa chyan ye sha ai zawn di na yawng shadu shajing na saboi kaw yawng tawn da ya hkabu yam bu ni yawng hkrat hkrat di na tawn da ya ngut jang nga jang she um kalang ta buhpung palawng bai kalai la na she dai yam bu de lup bai shang mat wa ai da. Mau mat sai da hkawhkam wa gaw mau mat ya n dai gaw kaning re re i ngu na ndai hkawhkam jan gaw kaning re i ngu na hkawhkam wa gaw mau na myit let rai tim ma ndai mi htaw mayu nta kaw na gaw dai si mat sai hkawhkam jan na shan hpe tawk la na she i jahkri hkri la na hkawhkam wa hpang de kumhpa nga na ndai hpang num kanu gaw naw shagun dat shi naw shagun dat shi ai dai shaloi she shanhte sha sha sha sha re shan jahkri re nga sha sha sha re laming langai lahkawng lawm wa ai da. Dai hpe ba hkawhkam wa gaw matsing da ai da. Matsing da re na she gara hku i ya ndai hkawhkam jan ndai gaw hkawhkam wa ma mi na jan hte ndai jan gaw bung taw ai she n rai na i shan nau ni re nga jang gaw dang na n matsing ai da. Hkawhkam wa gaw n matsing rai tim ma ndai shat gaw ndai wa hkyen ai n re sha byin taw dai hku hkyen taw da da re ai majaw hkawhkam wa gaw mau ti hpang shani bai lagu yu sai da. Dai ni na gaw atsawm hkrat naw ndai hpe gaw rim nan rim taw da na re ngu na she hpang shani gaw makoi na bai yu nga yang she dai yam bu kaw na hprup nga na pru wa na she i dai hku buhpung palawng ni galai na she atsawm hkrat re na she hkeyn na hkawhkam jan zawn hkyen na shadu taw nga ai da. Shadu taw nga re she ngut sai nga jang yam bu de bai shang hkyen ai shaloi hkawhkam wa chyihka lam kaw na ga- gat pru wa chyihka kaw makoi nga gat pru wa na kalang ta shi hpe sa rim taw da. Sa manap taw da nang kadai rai ngu na san ai hku rai nga dai shaloi she um ngai na madu jan re ngu tsun ai da. Taw ya sa wa ai gaw kadai rai ndai nye kanau re ai ngu tsun ai da. Taw nang gaw ya gara hku ngu ngai gaw wenyi tai mat sai i wenyi she rai mat sai ngai ngai hpe shanhte ni dai hku dai hku rai na i hpum lum jaw sat na shanhte na dai ya sa wa jan hpe buhpung palawng ni yawng da graw la na sa wa ai she ngu tsun ai da. Ha! dai kaw hkawhkam wa gaw mau mat sai oh ra mung raw re ndai mung raw re na gara mahtang hkawhkam jan ajet re nan lahkawng hpe gaw ngai naw chyam yu na ngu tsun ai da. Chyam yu na chyam u ngu tsun ai da. Chyam u ngu na tsun ai shaloi she lani mi gaw poi galaw sai da. Dai wa hpe rim tawn da na le i dai wenyi jan hpe rim tawn da na poi galaw tawn na masha yawng hpe shaga shakyem tawn da na ya ndai hkawhkam jan lahkawng byin wa ai majaw ya chyam yu sa na dai ni gaw yawng chyawm yu ga nri ni yawng jung da ai da. Nri ding ren di jun da Gai hkawhkam wa gaw tsun dat sai da ndai nri kaw lu gum tawk ai wa gaw ngai ngai na madu jan ajet rai na re ngu da. Dai hku ngu na tsun ai shaloi she gumtawk sai da shanhte ni gaw ndai hkawhkam jan e atu wa mahtang shawng shi kanau jan mahtang shawng shing tawk ai hku nga shing tawk re kalang ta nri kaw ju si sai da. Bai hpang na jan gaw bai gumtawk ai kaw nri oh ra maga de lu gum tsat lai mat ai da. Dai majaw gaw oh ra wa ajet re ai chye mat ai da hkawhkam dai hku rai ti na. . Language as given: Jinghpaw
Format:Digitised: no Media: Audio
Identifier:KK1-1402
Identifier (URI):http://catalog.paradisec.org.au/repository/KK1/1402
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1402/KK1-1402-A.mp3
http://catalog.paradisec.org.au/repository/KK1/1402/KK1-1402-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1402
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Sau Wawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1402
Up-to-date as of: Tue Feb 11 15:37:57 EST 2020