OLAC Record
oai:paradisec.org.au:KK1-1394

Metadata
Title:Masha sa zai hte hkali gawt ai ni (The greedy man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), H. Hkawn Raw (speaker), 2017. Masha sa zai hte hkali gawt ai ni (The greedy man). MPEG/X-WAV/XML. KK1-1394 at catalog.paradisec.org.au. https://dx.doi.org/10.4225/72/598b37a2cbce7
Contributor (compiler):Keita Kurabe
Contributor (depositor):Keita Kurabe
Contributor (speaker):H. Hkawn Raw
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-21
Date Created (W3CDTF):2017-02-21
Description:Ndai mali hka hkahku maga de gaw moi gaw nam mali kaba nat jasam sha lawa kaba ni nga ai da. Nga re yang she lani mi hta gaw ndai mare kaba ni kaba jat wa na matu lamu ga yaw ai ni gaw hka hku ndai hkali kaba gawt na shanhte gaw lu sha ni ma jahtim gun re na hkawm wa sai da. Hkawm wa re yang she shani shanhte gaw ba nna she hka kau de hkali hpe hka kau de shani tawn na shanhte gaw shani shat sha nga ai da. Shani shat sha she dai zaibru jang kaw she lagaw hkang grai kaba ai sa shadawn yu yang pyi dawng mi dawng mi kaba ai lagaw hkang hkang ai da. Lagaw hkang hkang re jang she shanhte gaw myit yu sai da law, myit yu she ndai gaw sha lawa kaba masha sa zai hpan re sai ngu she shanhte gaw nhtang wa sai da. Nhtang wa na she ndai nang hpan malu masha beer law, whisky law ram law hpa law nga dai ni law law ni jahtim gun malu masha muk ni hpa ni wa jahtim gun re she kalang bai lung wa sai da. Bai lung wa re yang she kaja sha wa mi shanhte nga ai shanhte bum du ai shara kaw na loi mi lai re na she hka kau de shanhte wa hkring sai da. Hkring yang gaw dai kaw gaw n lung lung pu kaba mana maka kaba ai lung rawk lung pu ni re da. Dai she shanhte gaw dai na gaw ndai lungpu hkan ne hkring sa yup saka anhte ya nta de bai nhtang wa na mung jan du sai gaw ngu she dai lungpu kaw yup sai da. Yup, shang yup na hku shang sai da law, shang yang she dai kaw na masha sa zai sha lawa dai gaw ndai bainam rem sha na hku rai re nga. Bainam rem sha, re she hto lahta kaw ma nlung lungpu grai tsaw ai nga ai da. Dai kaw mung masha sa zai bainam rem sha ai ni nga ai da. Retim dai shanhte gaw hka kau hte ni ai lungpu dai kaw shang yang she shana she shanhte nhku de shang, shi na bainam ni e mung gawt bang re she nlung chyinghka la kau sai da e. La kau jang she shanhte gaw grai pru na grai yak sai da. Grai yak re she shanhte gaw hpaji daw sai da. Hpaji daw na she ga ya dai na anhte ndai kaw yup yang gaw ndai shalawa masha sazai ndai e sha nsat kau yang gaw anhte gaw gara hku kaning re na lawt na lam nnga sai ngu na myit ai da. Re na she shanhte gaw shana dai dingla masha sazai jasam nat dai e she dingla dai e she ndai whisky ni ram, beer ni wat nang ai hpang lu sha ni law law jaw sha, muk ni jaw sha re na she shi e yup nga shangun sai da. Yup nga shangun yang wa she shana she shi gaw shanhte mung yup nga re jang she shanhte a manang 1 mi e she baw kaw gra di she n lung kaw bat di na hkyawp hkyawp rawt sha kau sai da loh. Rawt sha kau re jang um ndai gaw nrai sai ngu na she shanhte gaw sanat kadun ma lawm ai da, sanat kadun lang ai la wa gaw dai masha sazai a myi kaw she gap baw ya sai da. Gap baw ya re she shanhte gaw hprawng pru wa na ngu na hprawng pru yang mung shi mung myi nmu tim dai hku hkan masawp ai da, jut shara shagu hkan masawp re she shi gaw shi hkrai sha gaw n byin sai ngu dai hku myit sam ai da. Dai n lung chyinghka shanhte masha law law ganawng hpaw tim nlu ai hpaw ai shi gaw shi langai sha lu hpaw ai da. Dai nlung chyinghka dai kanawng hpaw na she shi a manang e shaga na matu shi pru wa sai da. Pru wa she shi pru wa jang gaw dai shi a bainam ni mung pru wa da. Pru wa, masha dai kaw rawng ai masha ni pru wa kun ngu na shi gaw grai masawp ai da, masawp tim dai kaw shang yup ai la dai ni gaw dai shi a bainam kan kata kaw ning ngu na kap bainam kan kata kaw noi na she bainam ni a kan kata kaw noi na mayun pru mat wa ai da. Mayun pru mat wa lu, shi chyinghka hpaw dat ai hte dai bainam ni pru wa de she bainam ni a kan kaw nrawng yang shi gaw dai hku masawp myi n mu tim dai hku masawp na nga, shanhte e masawp sha kau na tai she shanhte gaw bainam ni a kan kata kaw magra noi nna shi a bainam ni hte rau pru mat wa, shinggan kaw du ai hte hto shi na manang ni e shaga ai da. Shaga yang she hto ra ni gaw nnan shang wa ai shaloi nanhte ni gaw gara kaw na kaning re ni nga san ai da, shaloi she shanhte gaw anhte gaw hpa nre ni sha rai ga ai ngu na tsun ai da. Jahpawt shi dai chyinghka hpaw nna manang ni e shaga ai shaloi hto ra shi a manang ni masha sazai ni gaw lahta de lungpu kaba de nga ai ni gaw grai law ai da. Dai ni gaw hpyen loh hpyen loh ngu na dai dingla kaba dai wa marawn jang hto ra ni gaw kaning re masha ni re ta e ngu na marawn wa ai da. Dai shaloi she shi gaw hpa nre loh ngu da, hpa nre ni loh ngu yang she hto ra ni gaw lawan n yu wa na hku ngu re nga. Lawan nyu wa re jang she hpyen loh ngu na bai marawn, shi marawn nga yang she shanhe gaw shanhte gawt ai hkali yawng kagat shang na she hkali lawan wan shap na re mat wa da. Re mat wa she hto ra ni bai hpyen loh ngu na bai marawn yang kaning re ni loi nga she hpa nre ni loh ngu sai da. Hpa nre loh nga jang hto ra ni gaw lawan nsa ai da, 3 lang ngu na bai marawn jang hto ra ni gaw yu wa na hkan shachyut jang gaw shanhte gaw hkali hte kalang ta rai mat wa ai majaw gaw n dep kau ai da, ndep sha kau ai da. . Language as given: Jinghpaw
Format:Digitised: no Media: Audio
Identifier:KK1-1394
Identifier (URI):http://catalog.paradisec.org.au/repository/KK1/1394
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1394/KK1-1394-A.mp3
http://catalog.paradisec.org.au/repository/KK1/1394/KK1-1394-A.wav
http://catalog.paradisec.org.au/repository/KK1/1394/KK1-1394-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1394
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); H. Hkawn Raw (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1394
Up-to-date as of: Sat Nov 14 14:26:02 EST 2020