OLAC Record
oai:paradisec.org.au:KK1-1352

Metadata
Title:Dum nta nnan gap wa ai lam (The house entering ceremony)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Naw Bawk (speaker), 2017; Dum nta nnan gap wa ai lam (The house entering ceremony), MPEG/X-WAV, 2020-02-11. DOI: 10.4225/72/598b36ec7dd70
Contributor (compiler):Keita Kurabe
Contributor (depositor):Keita Kurabe
Contributor (speaker):L. Naw Bawk
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-20
Date Created (W3CDTF):2017-02-20
Description:Htung hkying hte labau maumwi mausa tinang a nga sat wa ai lam hpe sa san ai majaw agu nang hpe tsun dan na. Ndai shawng nna 1 mi shawng tsun dan mayu ai gaw ndai anhte wunpawng sha ni moi prat kaw na jiwoi jiwa prat kaw nna anhte dum nta ngu ai gaw gap wa yang dum nta ngu ai galaw wa yang ndai dum nta ngu ai garan wa yang htinggaw garan wa yang dum nta nnan gaw gap wa yang na lam ni hpe agu nang hpe hkai dan na i. Ya ndai wunpawng sha ni a lam agu dep lu ai daram agu na shangai prat kaw na mu mada mat wa ai ndai dai hpe yu ai shaloi anhte a dum nta gaw gap ai. Htinghpyu htingra nnan gap mat wa galaw mat wa ai nga shara hpe lajang mat wa ai ndai hpe yu yang ndai wunpawng sha ni gaw kun dinghku garan ai. Htinbyen pru ai ngu re nga. Htingbren pru ai shaloi gaw dum nta nnan gap ra sai le. Dum nta htingbren pru jang dum nta nna gap ra ai. Re jang gaw tinang a dum nta dingsa wa jang nnan bai gap ra ai. E ning re aten hta e ndai anhte a jiwoi jiwa ni prat kaw na lang hkrat wa ai anhte a labau maumwi hta agu ni tatut mu kau da ai hta nga jang ndai htingbren pru ai shaloi dum nta nna gap nna nta dingsa hpe bai run na ningnan gap na nga dai 2 hta mahta nna tsun mayu ai gaw ndai htingbren pru ai shaloi tinang htingbren pru mat wa na shaloi gaw ndai kaw gaw htinghput htingra nnan htu ra ai. Yu ra ai, lajang ra ai. Htingra nnan ndai hpe anhte gaw shawng yu tawn hto tinang a kanu kawa ni kaji kawoi ni hpe e ndai kaw ngai htingbren pru na ndai shara ndai htingput htingra nanhte kaji kawa ni nu wa ni ndai kaw yu ya mit htuk sai i, n htuk sai i, ndai jijaw nat jaw prat hta i e ndai kaw e shaba wawt, re na she dem nga jang she e ndai maga de gaw shara de ndai nchyun nmai shadaw ai ndai hku htu mu, oh ra hku htu mu nga na ndai dumsa jai wa ni i dumsa ni gaw shaba wawt ai, salang ni gaw dai kaw yu ya ai. Nga ma ai, shaloi e ndai htinghput hitngra hpe lu lata ai hpang gaw shi gaw hkyen lajang wa ra lam nga ai. Hkyen lajang wa ra na lam nga ai, shaloi gaw hpa baw shawng hkyen a ta? nga jang e ndai hkyen lajang wa ai hta nga jang gaw ndai gaw magye tsa hku i ndai tsa dun ai. Ru hkrat dun ai ndan re shawng galaw ma ai. Ru hkrat dun ai, tsa pyi dun ai, tsa pyi tsa pa dun da ai lam, dai gaw hto tinang nga ai nta dingsa kaw i kanu kawa kaji kawoi ni hte nga ai ten hta dai ni dun ya ma ai. Dai ni dun tawn ndai tsa pyi tsa hku ndai hpe madung grai dat ma ai, re ndai tsa pyi tsa hku ndai gauri ga de nga jang hpyi gang rut hkrat nga i, e ndai ni dun da re sa i nga jang gaw e ya ndai january hte februay laman hta gaw ndai dum nta gaw gap na ngau ngu re nga, ngau ngu ai jahkum wa ai ngau la bang wa sai. Shaloi gaw ndai gaw ndai kawa ni sat sai. Ndai share lap ndai share lapa ni sat sai. Kawa hte law malawng gaw i anhte gaw dai kaw gaw ning re na sa dawn re na she ndai kaw na kawa lapa e ndai nta chyinghkyen baw ai chyinghkyen galaw ai mahkra hpe shawng shajin da ai. Shawng shajin na ndai kaw ndai ni hpe hkyen wa magang sai, ndai kaw e anhte wunpawng sha ni gaw ndai ja gumhpraw n lang ai le i. Shada ji ga la ai, gatsun ga la ji ga la ai, gatsun ga la ngu ai grai nga ai. Ndai gatsun gala nga ai hta e ndai kaw ya langai re nga, gara kaw mung lang ai. E ndai ga tsun gala ndai lang ai shaloi jang she dai mu agu tsun mat wa ai hteng htingra nnan tam ai shaloi i e ndai hitngra nna tam ai dai htingra mu ai dai hpe gaw shana mahkawn shabrang ni, ndai ni grai dai dada ngu ai ndai hte moi gaw jan nga ai le i, hpun pyen hte galaw la na akut di shing rai na galaw ai re ma ai. E dai hku a hkut galaw na dai kaw htingra ni nta gawgap na htingra ram rai sai i, hkrak sai i, hkrak sai nga ai hte gaw mi dai mi gu nang hpe tsun dan ai hte maren ndai kawa ni hpe shaw da sai, shangu i anhte wunpawng ni gaw ya na zawn prat dep hpri hpraw n lang ai le shangu lang ai. Tinggaw lang ai ndai lap ni hpe gaw december january lapran ndai hpe htat da ai. Htat la nna tinggaw ni shangu ni hpe mung ndai kaw yawng lajang da ai. Re jang she tinang ndang jang gaw ji ga saw ai ngu ai e dai kaw saw nna she ndai ji ga saw nna she shangu dan ji ga la ai. Shangu dan ngut ai hpe shangu gun wa, shangu gun ga saw ai, e dai ni gaw dai sumlut wa na shangu gun ga loh nga sa nga jang gaw tinang nta mashan ni gaw shat shadu tawn, u sat tawn mi a gu tsun ai kahtam tawn da ai hpye gang ru hkrat ni i ndai ni hpe jahkrat tawn. Sa wa marit loh, ngu nna ndai kaw langai ngai hpe marip wa re na kun, marip la re kun hpe dai ni gaw sumlut ni a nta galaw na matu shangu gun ga saw ga nga jang shi sa saw ya, re jang gaw anhte gareng ni na madu ni gaw malu masha lajang tawn dai sha re nga. Lu sha lajang u sat tawn wa sat tawn, dai ru hkrat ni jahkrat hpye gang jahkrat lu nna yawng jawm gun ai. Dai hte maren ndai kawa ni bumga re le i, grai tsan ai kaw grai tsan ai kaw e tinang gaw shaw tawn da ai, ndai kawa ni hpe ndai shaw mara tawn da ai ndai ni hpe tinang gaw ndang ai, tinang hkrai gaw n dang ai re jang gaw tinang a mare masha ni hpe sa shaga nna dai ni gaw kawa hpai ga saw ai law. Dai hte maren dum nta ni gaw shadaw hprawng tawn ai i, shadaw grai hprang tawn da, shadaw kaba ni hpe shadaw hpai ga saw ai. E dai yawng shangu, kawa, ndai lapa mahkra hkum sai i nga jang gaw e dai ni gaw lazum naw bawk a nta dai ni gaw hkum sai loh, re majaw shi nta dai ni gaw galaw sa ka, nta nna galaw sa ka nga jang she kalang ta mare ting na kung kyang ai ni mahkra chye chyang ai ta sama chye ai ni ndai shatawn chye ai hpun chye ga ai shangu galup ai mahkra hpe dai shani jang shadaw jun, lamu ga dai ni hpe jun, re nhtawm me e dai shani n ngut yang mung dai shani i dai 2, 3 ya dai hku na galaw re nhtawm e ndai kaw shadaw ni sharawt htingbren hting ga ngu ai dai shani saw dat re jang shawa masha ni dung nna dum nta masha agu lazum ni a nta ni gaw dai kaw e dai hkum sai. Ngau ngu ai wunpawng sha ni gaw nta hpe galaw ai nta hpe mahkra tsawm htap ai hpe gaw mahkra hpe gaw ngau ngu ai. E dai kaw na she ngau dai ni hpe hkum ai hte ndai nta galaw sai rai sai nga jang she anhte gaw dai shadaw sharawt ai, chyinghkyen ni mahkra hte shadaw sharawt nna dai kaw gaw shajup ai kaw she kawa hte hkrai re goi, kawa hte hkrai shajup hkrai shajup ngut sai i nga jang gaw htinggrim htingga n grim grim sai, ngut sai i nga sa nga jang gaw kei dai ni gaw nta galup ga saw ai loh nga bai tsun re jang gaw u sat tawn, wa sat tawn, hpai gang jahkrat tawn u hkrat jahkrat tawn re na gaw hpaw mi hpaw mawng ni gaw dai kaw hto hpaw mi hpaw mawng ni gaw anhte a buga hkan na namlaw namlap ni di ndai oh ra anhte garawng si zawn re ni mung di, dai kaw htu, shanam hte htu bang u di hte htu hto shaban chyingjam ni di dai hte kaprawng, jum majap hte sha, re jang le ndai lawu ga na maru nga nga lu ai ndai hpe gaw nga jahkraw le jum hte jahkraw tawn ai nga maru dai ni hte shadu sha, dai kaw shalap shari shalap ni hte shadu re na wat shat mai ntsin gaw nai hte kahkum si yi yang shapre ni hte shadu re na gaw dai kaw na gaw dai shani gaw hpawt mi hpaw mang ni gaw dai hku ma ni ramma ni gaw dai kaw hto share ladawn ai gaw ladawn hto shangu shalun ai atsawm rawng ai ramma ni gaw shangu shalun hto n-gaw de shangu shalun dingla nkau mi hte ndai salang nkau mi gaw nta galup wa masai gaw. Tinggaw re yang tinggaw galup, shangu re yang shangu galup mat wa re jang gaw hto masan du sai loh ya gaw masan du sai nga na masan chyaru jaw mi loh nga dai bai lu bai shalun e dai kawa n htung ni hte shalun na dai kaw lu. Lu la gai gai shangu n law ai, share nlaw ai dai kaw e nta hpe yu reng ya ai wa a gyap ngu ai nga ai yaw, agyap wa dai wa gaw dai kaw dai dai dai wa shara hta shangu n ra tsawm nga ai, hprai ai ntsawm ai, dai kaw hpa nga ai dai kaw htat wa nga ai dai kaw ntsawm ai i a gyap wa ngu mung nga ai. Le n pu kata kaw na ndai shangu galup wa ni hpe grai tsawm hkra galaw ya ai a gyap wa ngu nga ai. E dai kaw na she masan kaw na bai lung mat wa hto chyaw gaw magum ngu ai ngut mat wa sai i, magum ngut re jang magum chyaru shalun ya mit, n shalun jang gaw nyu ai nga, hpaw mi ni dinggai ni gaw dai magum chyalu bai shalun dai kaw lu la, n gun rawng ai gaw ya gyi ni hte galaw ai, ngawng si hte galaw ai. Re jang she yagyi hte law malawng galaw ai, e dai hte lu re jang gaw matsi ni ma dai ni na prat dep matsi nre sai. Anhte kanu ni aten la ai masat na la da ai matsi hte shadu kachyawng tawn da ai ni re nga. Ndai matsi hte gaw ndai december january hta la ai matsi hte makawng jahkraw tawn da na dai hte re jang gaw n gun mi alu lu tim baw n machyi n gun atsam lu, dai majaw wunpawng sha ni gaw moi prat kaw na ndai hpyegang ru hkrat, ngu ai ndai ni lu hkrat wa na kade bungli galaw timmung hpa manghkang nnga ai. Dai lu magang bungli galaw magang, n-gun rawng magang, shing re na nta shangut, nkau mi dingla nkau mi gaw shakum kum kawa, mi gaw ngut da chyalu re le i, kawa chyinghkyen ni ngut da chyalu dai hpe atawk manai di nna she le dai kaw gaw ndai gaw daw dap, ndai gaw htingnawn dung, ndai gaw shat gawk, ndai gaw n la dap, ndai gaw kaji kawoi dap nga na bai dai ni hpe bai gran gran re na, ohra jahpung de ntsawm nga ai loh nga, dai shachyang gaw hkrak sai, hto n bang de na ni nngut shi i nga, le n pan de na ni n-ngut shi i nga dai hku na jawm, ngut sai loh npan de na ni mung ngut sai, ndai jahpung shajang de na ni mung grai hkrak hkra, taw madin gaw nga e madin ngut sai, daw dap ni gara hku, shaloi jang gai re jang kei dai wan dap gaw gara hku nga i, e wan dap galaw, ya ndai wandap galaw na matu le le dap nyep lap nga nga ai. Kaga n nyep ai, dap nyep lap ngu ai ndai wan dap hta dap nyep lap ngu ai dai shawng nyep kau, dai kaw mung salang ni chye galaw ni dai kaw yawng wandap hpe galaw, e dai kaw gaw daw dap kaw langai, shat gawk kaw langai, kanu kawa ni a gawk kaw langai, kaji kawa ni a gawk kaw langai 4 daram 5 daram dai dawdap hpe hpaw tawn ai, re jang she dai kaw na e rai sai lo nga i dai ni ngut sai nga jang she dai ngut ai hpang she dai nta ni yawng asan apan yawng ngut sai i nga jang she ndai wanhket ni hte nlang ai, wanhkret nlang ai. Hto nta ni yawng ngut sai, dai shakum shakap yawng lakang ni htan ngut da sai i nga jang she wan shawng shang ra ai dawdap de. Wan shawng shang ra jang she ndai wan hpe gaw kawa manu mana greng ai i, kawa greng ai dai hpe atsawm sha ndai kaw kawa ndai kaw 2 ndai kaw kawa hte ganyet dai kaw e ndai kawa laswi ni ndai hpe ndai kaw bang tawn ai. Ndai kaw kawa laswi hte nawt hkrai nawt la kaba n gun ja ai ni anut dat ai hte wan wuk nga tu mat wa ai, wan wuk tu ai hte dai hpe wan ning nan ngu la ai, dai wan ningnan dai hpe she kadai myitsu wa ndai wa gaw myit su ai, ndai gaw salang re, ndai wa gaw mayat maya ai, ndai gaw myit gawp ai, ndai wa nga jang wan dai hpe myit su dik ai kang ka ai, kam ram ai wan dai anhte wan gang kaw na i kawa kaw na grai kung ai dai kaw na gang la ai. Ngut jang she ndai kawa ndai hte she dai kaw kawa dai wan kaw na i kawa dai kaw na shachyi la ai wan nan nan dai hte she wan lang ai shawng e wan lang ai wa shawng re jang she dai kaw na ndai di, hkra, n-gu, hka, jum majap, mahkra ngum ndai kundinghku gun rai ni hpe yawng gashadawn mi agu tsun ai, nta ningnan kaw e hto ra htingbren pru ai nga jang dai htingbren pru ai kaw na rai ni magam re yang magam, dai hpe jaw dat ai dai ni hpe dai shani shawa masha ni wan gang gang la ai wan ningnan a hpang kaw dai myit su wa wan lang nga ai hpang kaw hto dap kaw nan she dai kaw wan hkra dai kaw wan wut. Dai kaw hkra hkra dai kaw di hkra hka bai rut shaloi gaw salang ni gaw hto wagyi wukam hkyeng sai ni gaw hto htingnawn dun de hkra ndai kaw naw garan ai. Nang mayu wa nga jang gaw hto htingnawn dun de, hpunau nga jang gaw nang gara de ngu yang garan da ai, e dai kaw naw dung re na e dai kaw na gaw ndai gaw shadu lu shadu sha, e mi tsing tawn ai hpegam ni lu jawm jahta shaloi jang gaw dai kaw dingshawn rai wa sai. E dingshawn re wa jang gaw dai kaw ndai majan jan ai ni ndai lachyik ngu nga jang( jagaw gaw) ai ni nta hpe shaman ga tsun ai ni ga re nga. Re jang gaw oh ra gauri ga de nga jang gaw majan lachyik hku nga lachyik zaiwa ni gaw nta nna hpe jagaw gaw ai ngu ai, lauvo mung dai hku langa ai, re jang gaw lisu ni gaw nta nna nga jang gaw (tagaw gaw) ai abak nga gaw ai, e agu ni hpang de gaw ndai kaw gaw jai wa wa ai. Dai hpe dai ndai nta hpe gara hku gawgap wa ai, mi mungkan nna lat kaw na jaiwa ni gaw yawng atsawm sha gara hku nta hpe gara hku shachyaw na kawa gara hku sat na, shangu hpa la na gara hku ndai pu sin jahkum mat wa ai ndai ni hpe gaw jaiwa ni gaw dai shana kaw ndai hpe maumwi hpe hkai ya ai. Hkai nna lu let hkai, lu let jaiwa ga wa ai, nkau mi gaw majan jan ai ngu shakawn ai, ndai shanu wa ni gaw nta nnan ndai hta e ning re na grai nga mu nga mai ga, mayet maya u nga, wunli lu u ga, wundan lu tu u ga, maw maw ndai mung lu u ngu na jawm lu, tek nga hkra dai nta madu wa hpe mung shadun, madu jan kasha nga yang kasha ni hpe shadun da, nanhte dai ni wunli lu mu ga law, wundan tu mu ga law, dum nta nna ndai kaw nna sut ring gan chying ai chyeju nga mu nga mai ai chyeju ndai kaw shim lum ai akyu ara mung lu mu ga ngu tsun ai ni tsun, hto jai wa wa ai ni gaw dum nta hpe gara hku gaw gap mat wa ai hpe hkai, re na gaw let dai de de mung htawng ka ka ai ni gaw ka, htawng ka ka ai mung nta dingshawng de sut shawn ai nga htawng ka manai ka, re jang gaw dai kaw hto nhku de sut shalun ya nga, nga ngwi nga pyaw nga shalun ya, dum nta ni gaw dai kaw tsa bai lu oh ra kaw hpulum ngu ai ni nga ai. Re jang gaw hpumlum num ni hpumlum la ni dai ni gaw oi jaw lu jaw sha shingre na anhte ndai amyu ni gaw ndai htinghput htingra ndai ningnan gap wa ai ngu ai ndai kaw gaw dai 2, 3 ya daram dai kaw shadu sha. Re grang re jang gaw hto makyin jinghku ni hpe mung shaga oh ra kahtawng le ra kahtawng hkan na ni hpe shaga re na dai de na ni mung kei tsa gun wa. Nbaw magun shat lit ngu re, magun lit, gauri ga gaw magun lit myitkyina ga gaw shat lit ndai maga de gaw shat lit, manmaw ga ni gaw magun lit ngu na magun gun, dai kaw dama wa re yang gaw nba yan hte hpawn kei mayu nta dingshawn hta e dingshawn shang lawm ai law nga na nga sa jaw ai ni mung nga ai. Sa garum ai ni nga ai, moi prat gaw gumhpraw hpe nau madung ndan ai, arung arai hte dusat dumyeng jaw ai, mayu ni re jang gaw kei nga mu pyaw mu ga nga na ndai ri nawng nhtu ndai anhte a nhtu ni sa shanat da ya. Dai kaw mung shaman ya re jang gaw hpu nau ni re jang gaw kei nanhte ndai nta nnan lu sai majaw kabu lawm ai loh maw n gun sa jat lawm, maw baw ndai gaw nan nu wa ni htingbren pru ai shaloi Re na gaw moi gaw ja gumhpraw nre maw nan nu wa ni ndai hte dun sha mu, shadu sha mat wa mu ngu, maw nan nu wa ni a matu nga na yawng mahkyin shagun, ja gumhpraw hte nre sha arung arai yawng hte ndai hku sa garum ai ndai ning re na a ngwi apyaw hte anhte wunpawng sha ni a gaw nta hpe mung ji ga ngu ai garum shingtau hkat ai hpe jiga ngu ai nang hpa yak yang hpa nta galaw yang ji ga saw nna mayu dama kahpu kanau ni hpe shaga dat nna garum la mi ngu ai dai ni ngai nta galaw sai, dingshawn shang sai ngu ai ndai hpe re nna gu ni a prat hta gaw ndai kaw gaw dai mahkawn ndai ni mung shabrang ni ni mung shi hte shi goi dai kaw yu la ai ni yu la, mu la ai ni mu la dai kaw na ya sha ai ni mung lawm nawng, ningre na agu ni a prat gaw ndai wunpawngsha ni a anhte wunpawng sha ni a dum nta gaw gap wa ai aten na ndai gaw shingran pra pra le i. Agu ni nan namlaw namlap nam maling hkan na namlaw namlap sha, mi sha tsun ai karawng si hte e dai kaw htu karawng si law malawng gaw ndai dingshawn htingga hte nta nnan galaw ai ngu gaw february law malawng re. Oh ra (may) de gaw marang htu mat sai, january februry ndai ten gaw grai galaw ma ai. Ning re na anhte wunpawng sha ni a nga pra ai sat lawat gaw galoi gara kaw retim mung ndai hku na dingshawn htingga re timmung dum nta nnan ndai hku na tinang gaw htingbren pru ai retim mung anhte gaw ja gumhpraw n hkrat ai sha anhte a amyu sha ni shada pawn ba n ja n hpra re na galaw mat wa ai ngu ai hpe a gu gaw nang hpe agu ya na shingran mu nna ndai hpe tsun dan da ai re chyeju kaba sai yaw kanam e. . Language as given: Jinghpaw
Format:Digitised: no Media: Audio
Identifier:KK1-1352
Identifier (URI):http://catalog.paradisec.org.au/repository/KK1/1352
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1352/KK1-1352-A.mp3
http://catalog.paradisec.org.au/repository/KK1/1352/KK1-1352-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1352
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Naw Bawk (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1352
Up-to-date as of: Tue Feb 11 15:37:48 EST 2020