OLAC Record
oai:paradisec.org.au:KK1-1342

Metadata
Title:Poi sa na num hpe n lu shaga ai shabrang (The man who could not call a girl to go to a festival)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Lu Htoi (speaker), 2017. Poi sa na num hpe n lu shaga ai shabrang (The man who could not call a girl to go to a festival). MPEG/X-WAV/XML. KK1-1342 at catalog.paradisec.org.au. https://dx.doi.org/10.4225/72/598b36c19be1c
Contributor (compiler):Keita Kurabe
Contributor (depositor):Keita Kurabe
Contributor (speaker):M. Lu Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-18
Date Created (W3CDTF):2017-02-18
Description:Moi da la shabrang mi she poi langai mi nga ai de masha ni mung grai sa ai majaw shi ma sa ai da. Dai she dai shanhte dai poi sa ai kahtawng hte e shanhte nga ai kahtawng gaw nam maling dai kaw gaw nat grai ja ai nga ai. Masha law law hte nre yang nmai lai ai da. Langai sha lai yang sha kau kau re dai majaw manang ni law law sa na shi ma sa ai da. Le nang sa yang she poi re shara du yang she shi wa she bungli ni grai sa galaw garum ai da. Grai sa galaw garum ai kaw wa she num kasha langai mi grai tsawm ai, bungli mung garum she garum shi mung mu ai hte numsha dai grai ra mat sai da. Retim mung bungli kin nna gara lapran nshaga lu she poi ni ngut mat rai masha ni wa mat nna bai wa mat ai da. Wa mat tim hto nta ga nga yang gaw aw tim dai numsha dai e chyu chyu shingran mu nna grai ra mat nna bai sa tam na myit ai da. Shaloi she shi numsha grai tsawm ai mu da ai, sa tam na yang mare kahtawng masha ni hkum sa law, hkum sa law, le kaw anat matse labye nga ai nang e sha kau na ra ai hkum sa ngu yang she shing nga grai tsun tim shi sa mat wa sai da, sa mat wa yang kaja wa nam maling kaw she dai nat wa she shi e sha kau na nga maw ai da. Ning ngu tsun ai da, hkum sha law aw, ngai hpe hkum sha, ngai grai ra ai numsha langai mi mu da ai. Ngai dai wa e sa tam mu la jang gaw, sa tam mu la nna ngai bai wa jang gaw ai shara kaw e nye baw nan wa daw jaw kau na ngu ga sadi jaw kau da na, e dai ram ram wa re yang gaw ngu na shalai kau dat ai da dai nat gaw. Shaloi kau dat yang kaja wa sa sai da. Dai kahtawng de sa re yang she moi shi poi kaw mu tawn da ai numsha grai tsawm ai langai mi mu tam nna she sa hpyi sai da. Kahpu ma kanu kawa ni ma nga re dai kaw she ngai ndai shayi sha hpe ra ai ngu sa hpyi yang kaja wa sha shi kayung wa mung grai htap htuk ai, ket mung grai ket nna asum num sha re gaw ya dat na re ngu na myit hkrum na jaw dat ai she ngai kayung wa nan wa sa na ngu da, nye kanau gajan e ngai mung grai nja ai re majaw ngai hkau nang nga ai de e nye kajan e du hkra ngai kahpu wa sa ya na ngu jang e mai sa ngu na shanhte 3 rap mat wa sai da. Rawt mat wa na she dai nat grai ja ai shi (gadi) da ai nam maling dai kaw e du wa yang she e hkau yen nau e nan yen ning kaw naw nga yu yaw, ngai shinggan jahkring mi pru na ngu da, shinggan jahkring mi pra na ngu na she sa mat wa yang gaw me re mat da yaw, shi gaw aw dai num jan e kade ra ai nga timmung shi kalang mi (gadi) kau da sai re majaw shi a ga sadi shatup ai ngu na shi na aw daw mi daw na dai nat wa hpe jaw kau sai da. Jaw kau na she nga nga yang she nau ala jin na she e kanau e nang ningkaw naw nga yu, nye hkau kaning re kun naw sa tam yu ga ngu sa tam yu yang wa she baw daw nga ai da, baw gaw kaga hkum gaw kaja re na hku nga, dai she ga a ya nye mana maka e nye kajan e ya sha naw myit su la ai nye hkau wa ndai hku si mat yang gaw ngai mung si ra sai ngu hi mung baw daw mi daw kau na sa nga mat sai da. Shaloi she shi kajam hkrai sha ala jin kahpu mung n pru wa kadu wa ngu na mung n pru wa re na she nau myit ru nna shi bai sa wa yang she kahpu mung baw daw na si mat, shi wa na la mung baw daw na si mat re na she ngai tsawra dik ai nye kahpu mung si, ngai la na la wa mung si mat re jang ngai mung rau sha si sa na re ngu shi mung shi baw e daw na ngu yang dai nat wa gaw ndai hku myit ai da, ga a ngai gaw mara grai kaba sai, 3 ting ting sat kau yang gaw 3 ting ting e numla la yang gaw ngai gaw nmai sai, mara gria kaba sai ngu myit nna she ngai si na sai ngu, e num kasha ohra e nang hpa galaw maw nga ta e ngu yang, nang gaw aw nye wa e grai tsawra ai nye kahpu mung si mat, ngai wa na wa mung si mat re majaw ngai mung jang si sa na re ngu nna myit ai ngu yang she dai re yang gaw nang nhpa rai tsun rit le ngu yang she, ngai gaw aw ndai nye kahpu mung hkrung, nye ngai wa na la mung hkrung wa re na sha ra ai ngu. Shaloi gaw mana maka lawan nna dai baw hte hkum htap htuk kra shachaw dat u ngu yang shi gaw nau kabu ai hte re na she grai lawan u nga re majaw oh kahpu a hkum hte madu wa na baw wa shachyaw kau madu wa na baw hte kahpu wa na baw shachyaw kau di yang nat wa gaw jahkrung dat ya sai da. Jahkrung dat ya gaw jahkrung dat sa retim mung ndai wa e la ngu yang gaw shi a hkum daw mi bai rai, ndai la ngu yang gaw daw mi hkum gaw shi wa na la wa rai, baw gaw shi kahpu bai rai mat re gara mung nchye la re na kadai hpe mung nchye la la re na dai hku mau na shanhte rau dai mare de wa mat ai da. Hkrung gaw hkrung sai gara mahtang la sai kun naw myit yu na re nga na wa mat sai da, e dai yu le oh ra kahpu ngu yang gaw le baw de kahpu ngu yang npu de gaw madu wa na hkum bai rai re mat. Dai madu wa na hkum la u ngu yang gaw daw mi kahpu bai rai mat re na grai yak ai da. Shing re dai majaw ndai maumwi gaw htum sa, dan re langai hte langai tsawra hkat a marang e shanhte 3 asak hkrung lawt lu ai ngu ai maumwi re nga ai. . Language as given: Jinghpaw
Format:Digitised: no Media: Audio
Identifier:KK1-1342
Identifier (URI):http://catalog.paradisec.org.au/repository/KK1/1342
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1342/KK1-1342-A.mp3
http://catalog.paradisec.org.au/repository/KK1/1342/KK1-1342-A.wav
http://catalog.paradisec.org.au/repository/KK1/1342/KK1-1342-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1342
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1342
Up-to-date as of: Sat Nov 14 14:25:50 EST 2020