OLAC Record
oai:paradisec.org.au:KK1-1319

Metadata
Title:Madum sumpyi ni hpe chye dum hpang wa ai lam (The origin of the flute)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. King Nang (speaker), 2017; Madum sumpyi ni hpe chye dum hpang wa ai lam (The origin of the flute), X-WAV/MPEG, 2020-02-11. DOI: 10.4225/72/598b365fb6f6d
Contributor (compiler):Keita Kurabe
Contributor (depositor):Keita Kurabe
Contributor (speaker):M. King Nang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-18
Date Created (W3CDTF):2017-02-18
Description:Ya ngai bai tsun na maumwi gaw ndai madum sumpyi ni hpe e chye dum hpang wa ai maumwi re. Moi shawng de e ndai shinggyin masha ni gaw madum sumpyi ngu ai hpa hpe mung re nchye dum ai da. Hpa hpe mung rai nchye dum, re yang e she dai aten hta she ndai kahtawng langai mi nga ai da. Dai kahtawng kaw na shabrang langai hte mahkawn langai mi gaw shan tsawra hkat nna she shana rai jang e shan le wa hpang shalawng kata de e sa hkrum hkrum re da. Dai kaw sa hkrum jahta hta re da, dai kaw sa hkrum jahta ai she shan wa nna daw de gaw jahta ai, jahta ai, kei jahta ai da, u goi ai ten du hkra mung jahta. U goi ai hpang mung jahta, jahta hkrai jahta nhtoi hkren hkren re na jahta ai da. Dai hku na jahta re yang she hpang daw de nga yang gaw shan gaw dai hku na bai hkrum re dai shaloi she bai jahta wa re yang wa she u goi ai, u karai n goi ai ndai hpang jahta hkrai jahta rai, shawng daw de gaw oh ra de mung jahta ai i, retim mung ndai hpang daw de nga yang gaw u goi ai oh ra maga de wa she n htoi maga de wa she jahta na hpa nnga mat re da e. Hpa nnga mat jang gaw la wa mung zim ngu, num wa mung zim ngu re jang e gaw oh n bung bung re na hpun lap ni shara ai hpe sha jawm madat da. Re na she shan gaw kawa shalawng kaw e sa dung jahta ai re majaw gaw kawa ni gaw n bung bung jang gaw nyet nyet nga na i la ngoi ai, kawa ni nsen amyu myu nga ngoi ai, dai ni hpe madat re na sha dai hku na n htoi jahtoi ai da, nhtoi htoi jang she nta wa wa re na hku re nga. Dan re wa she lana mi na ten hta gaw dai hku shan bai hkrum sai da. Shan bai hkrum jahta re yang she kaja wa nna u rai n goi ai ndai maga de gaw shan gaw oh shan tsawra hkat ai lam ni jahta i, shaloi she jahta ma kau, hpa n chye jahta na she, u goi ai hpang oh ra maga de gaw shawoi shana na zawn re na bai zim mat sai da, ah zim sha bai nga yu yang wa she kei dai shana na gaw da dai shana gaw kawa ni ngoi ai e madat yu, shada i oh ra shada kasut arut nna n bung hte dan re na ngoi ai mung, grai pyaw ai nsen hpe na ai da. Nbung bung nna hpun lap ni sha shamu ai hpe hpun lap ni sha shara ai hpe mung madat yu yang grai pyaw ai hku na na la ai da. Grai pyaw ai da loh, dan re na she la dai gaw moi na ni nga yang i dan re na hkrum ai shara hkan retim n gang n htu hpye ai da loh dai she shi na nhtu n gang ret re na she kawa sa kran la ai da, kawa sa kran la na she ndai daram ngoi pyaw ai gaw kran la na ga la na dum yang kade daram ngoi pyaw na kun ngu na she shi gaw kran la na she ga la sai da, ga la na bai dum dat yang e gaw dai shaloi jang gaw bai n ngoi mat ai da. N ngoi mat re na she nta de bai la wa sai da, la wa na bai wa bum hkum yup nga sai da, bai wa bumhkum yup nga yang she kaja wa nan bai wa bumghkum yup na shana yuptung re jang gaw grai pyaw ai bai na sai da e. Grai pyaw bai na sai da, grai ngoi pyaw ai bai na na she dai byin ai lam ni hpe re jang gaw ndai la wa gaw i dinggai langai mi hpe tsun dan ai da. Dai hku byin ai, bai ga la jang gaw dai hku bai n ngoi pyaw mat re, hpa baw re kun ngu na dai hku tsun ai da, nan sa jahta ai gaw gara shara kaw ngu jang she, dai kaw kawa wa hpang shalawng kata kaw re ngu na dai hku tsun ai da. Dai shaloi she ndai dingla bai tsun dan ai gaw dai hku gaw moi madai nat ni, madum sumpyi hte dum hpa sum hkum sum hpa rai dum na lai lai re shara she re gaw ngu na tsun dan ai da. Shing re na she kei dai hku dai kaw e ndai ma hkum hte re dai ni pyi naw gaw dai kaw majoi joi i nmai sa ai. Dai kaw e sa hkawm sa i nga jang shanhte lai wa ang ai shaloi nga jang e kadai hpe retim shanhte woi mat ai ngu na tsun dan ai da. Retim mung la ndai wa gaw dai ngoi ai nsen hpe wa she grai myit shang sha na she ndai gara hku galaw yang e ngoi yaw na kun, dai n bung hte e ngoi dai madai nat ni lai hkawm ai shaloi ngoi ai dai kaw na anhte nsen hpe e la na nsen zawn nga lu dum shapyaw hkra galaw mai na re ngu na myit nna la dai gaw shi kaw nna kawa amyu myu hte e kawa hte e dai dum ai baw amyu myu re na galaw nna woi dum hpang wa ai da. . Language as given: Jinghpaw
Format:Digitised: no Media: Audio
Identifier:KK1-1319
Identifier (URI):http://catalog.paradisec.org.au/repository/KK1/1319
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1319/KK1-1319-A.wav
http://catalog.paradisec.org.au/repository/KK1/1319/KK1-1319-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1319
DateStamp:  2017-11-23
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. King Nang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1319
Up-to-date as of: Tue Feb 11 15:37:42 EST 2020