OLAC Record
oai:paradisec.org.au:KK1-1315

Metadata
Title:Baw sha nga ai la sha a lam (The man without his body)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. King Nang (speaker), 2017. Baw sha nga ai la sha a lam (The man without his body). X-WAV/MPEG/XML. KK1-1315 at catalog.paradisec.org.au. https://dx.doi.org/10.4225/72/598b364ebcfae
Contributor (compiler):Keita Kurabe
Contributor (depositor):Keita Kurabe
Contributor (speaker):M. King Nang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-18
Date Created (W3CDTF):2017-02-18
Description:Ya ngai bai hkai na maumwi gaw baw sha nga ai la kasha langai mi a maumwi re. Moi shawng de da ndai kahtawng langai mi kaw gaw dinggai yen dingla nga ai da. Shan gaw grai dinggai dingla wa timmung kashu kasha mung n lu re ma ai da. Kashu kasha mung n lu re na nga, an a prat gaw ndai hku re sai, kashu kasha mung n lu, dinggai dingla hkra an galaw sha ra ai, si ten duhkra an hkrai ning re na ntai nmai re na galaw sha ra ai baw re sai nga na dai hku na shan 2 gaw dai hku na myit let nga taw nga ai shaloi da, she ndai nu dinggai jan gaw ma hkum re wa na she shan mung grai kabu nna grai kabu mat ai da. Ndai ma hpe bai shangai wa shaloi gaw shanhte grai kabu hkra re nga she bai shangai wa shaloi bai yu dat yang gaw ma dai wa lagaw lata hpa mung n lawm ai sha baw hkrai sha re na baw hkrai re na shangai wa ai da. Dai shangai wa ai shaloi wa she ma dai wa shangai ai hte shangai ai hte ga shaga ai da. Ga shaga ai gaw shi gaw nu yen wa e ngai hpe gaw hkum kabai kau, hkum sat kau yaw. Ngai mungkan ga e grai sa nga mayu ai, ngai lagaw lata hpa mung n lawm ai retim mung ngai nu yen wa hpe bau na nngai ngu na grai re na tawng ban ai da. Shingrai she kanu yen kawa mung e law e law, n kabai kau ai, nsat kau ai ngu na dai hku na yau la re na she, kaja wa nan dai hku na bau nga sai da. Bau nga re yang she ma ndai gaw lani hte lani i shi asak gaw grai kaba wa sai hku nga. Asak gaw 10 ning daram du mat wa re ten hta gaw ndai bau ai ten hta re timmung htingbu htingpyen manaw manang ni hpe pyi n gwi tsun dan ai da. Shinggan de mung n woi hkawm ai da. Gaya nna nwoi hkawm ai da. Nwoi hkawm re she lani mi gaw ndai ah baw hkrai re ma gaw kanu yen kawa hpe tsun ai da. Nu yen wa e ma hpe e shinggan de e pru na a hkang jaw marit ngu da. Ya nu yen wa dinggai dingla sai re di nga chyu chyu rem ra ai. Nga rem na gaw ngai lit la sana ngu na dai hku na tsun ai da. Nang lagaw lata hpa mung n lawm ai wa mi gara hku rem na wa ngu jang, hpa ntsang ra ai nu yen wa nan 2 hkum tsang, ngai hpe e ndai nhpye kaw e shat makai ma bang, ngai e mung dai kaw bang di na nga n rung kaw sha noi dat marit ngu na dai hku tsun ai da. Re na kanu yen kawa gaw jahpawt shaju dai hku dai hku noi da da re dai hku galaw ai da. Shi nga rem ai 3, 4 ning re yang she nga mung grai lu, grai law wa sai da loh. Dai dinghku yen dai dinghku kaw gaw grai lu su wa ai da. Grai lu su sai da, dinggai yen dingla mung grai myit pyaw mat sa da. Grai pyaw na nga mat sai da. Dan re she lani mi re jang gaw ndai la kasha ndai wa she kanu yen kawa hpe tsun wa ai da. Dai shanhte na mare hte nau ntsan ai de gaw manau kaba nga na re da,dai kaw manau kaba nga re she, nu yen wa e dai manau de ngai mung sa mayu ai, ngai hpe labu palawng ma hkyen ya rit ngu na tsun ai da. E ma e nang gaw gara hku manau na law e, gara hku manau na ngu tsun ai shaloi jang she e nu yen wa e ngai na hkum hkrang gaw dai manau kaw e nan mu mada na ra ai ngu tsun ai da. Nu yen wa e ndai manau mung manau mayu ai ngu da. Shing rai na dai manau re nsa shaloi ngu da, num ma hpi ya marit ngu na tsun wa ai da. Dai shaloi jang gaw shi na matu num hpyi na matu mung kanu yen kawa gaw grai nan n gwi ai, grai nan n gwi ai wa she num langai mi hpe sa hpyi dat yang wa she hkrawn sha nga na bai hkraw ai da. Bai hkraw na she shanhte mung kabu mat re nga taw nga na hku re nga. Kaja wa nan dai manau mung du wa re shaloi gaw manau de sa mat wa, sa sai da, labu palawng ni mung hkyen ya sai da, dai shaloi gaw ndai manau kaw wa she, yahkring manau manau bang wa re yang wa shan a kasha wa she grai tsawm ai shabrang wa re taw ai da e. Hkum hkrang mung grai tsawm ai da, galu kaba re na hpraw tsawm ai hte e la kasha shabrang wa re taw ai da. Dan re na kanu yen kawa mung kabu dai shi hpyi da ai num mung kabu re na she shanhte gaw grai kabu taw nga ai da, manau dai kaw na bai wa ai mung grai kabu grai myit pyaw ma ai da. Nga taw nga re yang she hpang e she ndai jan mung de e she manau bai nga sai da. Jan mung de manau bai nga re shaloi gaw ndai la wa gaw dai de bai manau bai wa manau ai da. Manau bai wa manau re shaloi gaw kei tsawm ai da loh, shi daram tsawm ai kadai n lawm ia da, manau bai wa manau ai da. Dai shaloi mung manau bai wa manau ai sha nre, dai kaw gaw oh ra dai jan hkawhkam wa gaw dai kaw e gumra jawn shingjawng ai poi ma galaw ai da. Dai kaw dang ai wa hpe shi shayi sha hpe jaw sha na ngu na she dai hku na tsun na galaw ai da, dai kaw ma wa shang lawm ai da. Wa shang lawm re yang she, ndai la kasha gaw dang mat na hku re nga. Dai kaw e gumra jawn shingjawng kaw mung dang e na she nta de bai wa sai da. Aw shi dai kaw nta nwa shi ai, dai kaw naw jawn shingjawng re na ngut re na nta de ndu lu shi re yang she rai ndu lu shi re yang she ndai shi yup yup re makau kaw she shu hpyi zawn san re she shi na labu palawng nga taw nga ai da. Dai nta masha ni re jang gaw dai bai wa bu hpun la jang gaw oh ra lagaw lata hkum ni bai n hkum mat na tsang na she, dai nat kau ya ai da. Nat kau ya re jang gaw kei shi gaw hkumhkrang ah hkum sha re na hto ra de shang lawm taw nga na dai shaloi sha e, wa na ten pyi ni wa sai re wa she dai hku na nat kau dat ya yang shi gaw machyi she machyi kadau re na she baw hkum hkrang ni mung bai nnga mat re da. Hkum hkrang ni mung bai nnga mat re na she ya ngai ndai hku nga nan hkum hkum re na nga ten du wa sai she re wa nu yen wa gaw hpa majaw ndai hku na di ya ai kun ngu na, rai sai ngai gaw ndai ning re na hkrung nga na nre sai, ngai gaw si mat wa na re sai ngu na shi mung si mat wa da. Si mat ai da, kanu yen kawa kaw du wa ai hte dai shaloi si mat wa. Si mat re na she kanu yen kawa ni shanhte naw yawn, dai shi hpe hpyi da ai ni da, dai mung re na shanhte naw yawn taw nga shaloi she, ndai jan mung na shangun ma ni gaw hkawhkam wa shangun dat ai masha ni gaw bai du sai da. Ya jan mung kaw e gumra jawn wa shingjawng ai manu mana tsawm ai la kasha langai mi hpe sa tam ga ai. Dai shi gaw ohra kaw jawn shingjawng yang e dang ai majaw hkawhkam wa shi na shayi sha jaw sha na nga na sa shaga shangun ai ngu na sa tsun ai da. Shaloi jang she ndai ni gaw i dai kaw e wa jawn shingjawng ai wa gaw oh ra kaw e si mat sai gaw, oh kaw si taw nga ai ngu na dai hku na tsun ai da. Shi bai yu yu jang gaw dai jan mung na masha yu jang gaw baw sha bai rai taw da. hkum ni hpa mung n lawm taw jang nre ai ndai wa nre ai, grai tsawm dik ai galu kaba re la kasha la shabrang she re ndai wa nre ngu na dai hku tsun ai da. Ndai nre ngu na tsun jang she oh ra ni ndai hku ngu jang she ndai kawa ni gaw byin ai lam mahkra hpe bai hkai dan re jang she aw dai hku re jang gaw dai hku ngu na wa tsun dan re ngu na shanhte mung jan hkawhkam kaw bai wa mat rai. Ndai shi na madu jan ngu na wa mung dai shi na labu palawng wan kaw nat kau ya ai dai n hkru ma ai dai kachyi mi naw ngam ai dai hpe la hpai, ah hpum hpai re na she shi gaw hkrap let she ndai hka shi langai mi nga ai dai de sana hkum htawn si mat re da. Shing re na ya dai shara kaw gaw da galoi mung shaning shagu ngu na masha 1, 2 gaw galoi mung hka lim si mat mat re nga na hkai ma ai. . Language as given: Jinghpaw
Format:Digitised: no Media: Audio
Identifier:KK1-1315
Identifier (URI):http://catalog.paradisec.org.au/repository/KK1/1315
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1315/KK1-1315-A.eaf
http://catalog.paradisec.org.au/repository/KK1/1315/KK1-1315-A.wav
http://catalog.paradisec.org.au/repository/KK1/1315/KK1-1315-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1315
DateStamp:  2017-11-23
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. King Nang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1315
Up-to-date as of: Sat Nov 14 14:25:47 EST 2020