OLAC Record
oai:paradisec.org.au:KK1-1295

Metadata
Title:Dingla wa a kasha masum a lam (The three children of an old man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), H. Htu Nan (speaker), 2017; Dingla wa a kasha masum a lam (The three children of an old man), MPEG/X-WAV, 2019-08-10. DOI: 10.4225/72/598b35f8a3251
Contributor (compiler):Keita Kurabe
Contributor (depositor):Keita Kurabe
Contributor (speaker):H. Htu Nan
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-18
Date Created (W3CDTF):2017-02-18
Description:Dingla wa a kasha 3 moi shawng de dingla wa gaw da magam, manaw, mala nga ai da. Magam yen manaw wa mi she grai magrau grang ai da. Pala ni ndai hku ndan ni tim grai chye gap ai, lata ni grai (te) ai da. Shan nau ni gaw shan nau na atsam gaw grai byin ai da. Dai she shan nau yen gaw n gun grai ja ai, ndai mala re yang gaw hpa mung n chye, hpa mi galaw law shan nau ni gaw shi gaw myit sawn sumru yu na she daw dan ai da. Shi gaw myit ma grai galu galang re grai chye myit ai da. Dai she lani mi na nhtoi hta, kawa gaw da nan nau ni hte gam maka hkrum ai num sa tam wa mu, mare langai mi langai ngai ganam sa tam wa mu ngu tsun. Dai shaloi sa mat wa ai da, shan nau ni 3 sa mat wa da, lam hkawm shat ni ma majaw gun da, hkawm mat wa she ndai hka kaw wa mi she hkugyin sumpum mi nga taw ai da. Kugyin sumpum mi hpunghkraw kaw dai hku nga taw nga dai she mu ai da. Dai she ndai magam yen manaw she punghkaw dai kaw na kugyin ni hpe gaw hka kaba taw ai de shayawng kau ya maw ai da. Shayawng kau maw ai shaloi she tsun ai da. E dai hku hkum shingdit law shanhte ni hpunghkaw kaw nga taw ai wa ra mi nga taw u ga. Shanhte ni pyaw chyai ai she re, hkum nanhte hkum a ba yen a bawk nan 2 shanhte hpe hkum sat ngu tsun ai da. Hkum sat ngu tsun ai shaloi she kaja sha, shan nau ni 3 dai kugyin hpe nsat ai rai mat wa she, kugyin hpe nsat ai rai mat wa na, hkawm hkawm hkawm, shanhte gaw shat sha hkring hka kaw wa mi she hkau pyek kasha ni wa she kanu mada kasha mada shan nu ni wa grai pyaw di hka kaw nga taw ai da. Dai she magam wa mi gap maw ai da. Sat maw ai she ndai wa hpe sat yang gaw anhte ni ju sha yang grai hkru sai, an nau ni ju sha yang grai hkru sai nga na gap maw ai shaloi mala tsun ai da. E a ba e hkum gap law, ndai hkau pyek shan nsha tim an nau ni gaw malu masha gaw dai ram gaw alaw alam mi she re wa ndai hkai pyek nsat ga law ngu tsun ai da. Dai she kaja sha bai lawt mat ai da, dai hkai pyek ni hpe bai n sat kau she bai hkawm dan na bai matut na bai hkawm ai shaloi she lagat wa mi she oh lagat papa kap taw nga ai da. Pa pa re hpun kaw, lagat ntsin mung lwi yun she yun da. Kei ndai lagat ndai di sha yang chyawm gaw grai hkru na sai ngu magam yen manaw gaw wan wut ai da. Wan hte nat kau dat ga ngu na wan wut maw ai shaloi ndai mala wa tsun ai, i wan nat yang gaw ndai sharaw ni hkru mat wa yang gaw nmai ai. Hkum nat lagat ma hkum di sha, ndai lagat n tsin n sha tim an nau ni gaw malu masha a law alam re gun ai me, n la sha ga ngu tsun ai da. Dai she kaja sha mala mung grai pawt mayu mat ai, ndai hpa mi galaw tim dai ni tup nang hkrai hkan pat ai majaw hpa mung n lu galaw ai ngu na grai pawt di re mat wa she kaja sha shanhte ni shan nau ni 3 bai hkawm mat wa re hto nam maling kaw mi she nta langai nga taw ai da. Dai kaw sa wa ai da, dingla langai hte mahkawn kasha langai nga ai da, dingla dai wa mi she nan nau ni gara sa wa rai nga she, an nau ni gaw an nau ni hte gam bung ai num sha hpe tam hkawm ga ai ngu tsun ai. Dai hku re yang nang kaw naw yup la mu, ndai kaw lana mi yup la mu ngu tsun ai da. N dai num sha wa gaw grai tsawm taw ai da e, magam mung ra, manaw mung ra, mala mung yu ra she kaning mung n chye di ndai dingla wa gaw dai hku re yang gaw magam hpe shawng tsun ai da. Hpawt ni ndai (pale) dai hpan 1000 hta wa rit. Ndai nang 1000 jan n du yang 1000 lu hta wa rit, jan du yang 1000 nlu hta yang gaw nang gaw dai kaw nan shadaw nan tai mat na ra ai ngu tsun, dai shaloi magam wa gaw dai sha wa me ngai lu hta ai ngu na she rai mat wa she dai shaloi she dai ( pale) sa tam ai da, shaning ting hta yang 10 sha lu hta ai da. Jan pyi du mat ai maja shi gaw jan du tim 10 sha lu hta ai majaw shi gaw dai kaw nan shadaw tai di nga mat ai da. Hpang e manaw, hpang shani manaw bai sa mat ai da. Manaw mung dai (pale) bai sa tam mat ai shaloi she jan du hkra re yang she 20 sha lu hta ai da. 20 sha lu hta ai she shi mung 1000 n du ai majaw shi mung dai kaw shadaw tai di nga mat ai da. Dai shaloi mala wa bai hpang e shi gaw grai myit ru sai da, kahpu yen pyi naw dai kaw shadaw tai mat ai, ngai gara hku di na i nga na, retim shi gaw ndai numsha wa ga htet dat ai da, myit hkum ru, atsawm sha hta wa u nang na magam bungli ndai hpe awng dang hkra nang shakut di galaw wa yaw ngu di tsun ai da. Dai she shi kaja sha num sha wa htet ai majaw shi rai mat wa she ndai (pae long) sa hta na re ngu sa mat she kugyin hte hkrum ai da. Kugyin ni wa shi hpe na kaw she lung wa na nang gara sa rai ngu she ngai (pale ) sa tam ai ngu tsun ai da, um dai sa tam ai re yang ngai ma tam garum na. Ngai gaw kugyin ni na hkawhkam re nang mung anhte na asak hpe hkye la ai re. Na hpu yen anhte ni e hka de shayawng maw ai shaloi nang hkye da ai re, dai majaw anhte kugyin hku na nang hpe chyeju bai n htang na ngu tsun ai da. Dai shaloi shi kaja sha ndai kugyin ni hta nang ai da lu, jan pyi n du ai 1000 mi lu hta kau ai da. 1000 mi lu hta na shi la wa da, dingla wa mau mat sai da. Aten jahkring sha 1000 mi lu hta ai mau mat na nang dai re yang hkawhkam kasha ngu ga le ndai num sha na ta chyawp ndai hka kaw hkrat mat ai nang ndai naw hta ya rit hpawt ni nang dai lu hta ya u, nlu hta yang gaw jan du hkra galaw u, n lu galaw yang gaw shadaw tai mat na ra ai ngu tsun ai. Kaja sha shi hpang shani bai laing de bai sa mat ai, ta chyawp hta na matu sa mat wa she hkai pyek kanu wa bai sa wa ai da. Gara sa ai rai ngu she ngai ndai kaw numsha oh ra na ta chyawp hkrat mat ai majaw ngai ndai ta chyawp sa hta ai re ngu tsun ai da. E ngai an nu ni nang hpe chyeju htang na yaw. An nu ni hpe na hpu ni gap sat maw ai shaloi nang hkye da ai majaw an nu ni garum na. An nu ni nang hpe chyeju htang ai re u ga, hkan nu ni kaja sha tam nang ai da. Tam nang re she jan pyi ndu shi yang ta chyawp bai mu ya ai da. Shi dai ta chyawp dai hpai na dingla wa hpe wa jaw ai da. Dingla wa mau mat sai da. Dai ram magrau grang ai kaning re i ngu la dai ngu na gai hpawt ni re yang gaw nang hpe langai sha nang hpe anhte ni galaw shangun sa na. Ngu na ndai numsha hpe langai hpe sha wa marai 3 hku galaw kau ai da. Nang ndai kaw na numsha hpe nang lata lu ai re yang gaw nang la sa nu. Nlu lata ai re yang gaw nang gaw shadaw bai tai mat na ra ai ngu, dai shaloi she myit ru sai da lu, hpang shani gaw gara hku wa di na i ngu shi grai myit ru di nga da. Shi lata maw ai da lu, shi sa yu she lagat wa she e nang hpe ngai chyeju htang na ngu tsun, nang ndai numsha ndai hpe lata maw ai nre i. Kaja wa gara gaw kaja ai gara gaw n kaja ai ngai lata ya na yaw. Ngai gaw ndai lagat ni na hkawhkam re. Moi ngai nan nau ni hkawm ai shaloi anhte ni hpe na hpu yen anhte ni ju shamawng kau ai shaloi nang hkye da ai majaw nang hpe anhte chyeju htang na yaw ngu na lagat dai wa mi she ngai sa kap ai wa hpe nang dun la u yaw ngu tsun, kaja sha lagat dai wa kei mare 3 yup nga ai hpe ngoi hkrai ngoi na tam hkrai tam she ka-ang na numsha hpe wa mi she wa ndai wa jung ai da. Ndai re sai ngu tsun dat dai shaloi ndai la kasha wa gaw ndai ka-ang na numsha hpe dum pru wa ai. Kaja sha re taw dingla wa gaw nang hpe ngai shangun ai yawng hkra nang awng dang ai re majaw ndai numsha gaw nang hte gying dan ai, nang la sanu yaw ngu na dai kaw na ndai la kasha hpe jaw kau dat ai da, shan 2 grai pyaw na wa mat ai da. . Language as given: Jinghpaw
Format:Digitised: no Media: Audio
Identifier:KK1-1295
Identifier (URI):http://catalog.paradisec.org.au/repository/KK1/1295
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1295/KK1-1295-A.wav
http://catalog.paradisec.org.au/repository/KK1/1295/KK1-1295-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1295
DateStamp:  2018-12-22
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); H. Htu Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1295
Up-to-date as of: Sat Aug 10 15:23:01 EDT 2019