OLAC Record
oai:paradisec.org.au:KK1-1255

Metadata
Title:Magrau grang ai num (The brave woman)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Seng Hpa (speaker), 2017; Magrau grang ai num (The brave woman), X-WAV/MPEG, 2019-08-10. DOI: 10.4225/72/598b354b9a98b
Contributor (compiler):Keita Kurabe
Contributor (depositor):Keita Kurabe
Contributor (speaker):L. Seng Hpa
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-17
Date Created (W3CDTF):2017-02-17
Description:Moi shawng de dinghku langai mi nga ai da. Dai dinghku kaw gaw kashu kasha marai manga lu ma ai da. Re na nta madu jan gaw grai zet grai kun ai da. Dai majaw da shanhte ni gaw da, moi de gaw yi hkau na galaw sha ai nga tim mung da dai ram grai lu grai su hkra na n chye galaw sha ai da. Yi hkren sha ai mung laning mi laning sha na pi nhkap ai sha dai hku galaw sha sha re majaw Yin nam ta kaw e da shanhte gaw shat a matu makru tam daw hkawm ma ai da. Re na e nta madu jan hte nta madu wa gaw ma ni hpe tawn kau da re she, ma ni hpe tawn kau da re na she, ma ni hpe tawn kau da re na shan madu jan hte madu wa gaw makru daw sa ai da. Makru daw sa re ai shaloi gaw dai makru daw sa ai shara hta Wa hpang kaw gaw Tsap langai hte shan la lahkawng hkrum ai da. Madu wa gaw grai hkrit ja da, hpa atsam naw n rawng shi htauli htaula mung n nga re, Tsap dai htim wa ai shaloi gaw Madu jan gaw shan gun ai htingga hte tsap hpe dagraw nna she madu jan gaw shan gun ai nhtu ndaw katun sha law ai hte she dai tsap hpe kamai grai kamai, Madu wa gaw dai tsap lu dagraw tsap htim ai hte gaw shi gaw htaw kalang ta nta de hpraw mat wa ai da. Madu jan gaw tsap hpe dagraw tawn da na she shan a nhtu ndaw katun sha law ai hte gaw Tsap dai hpe kamai hkrai kamai, kamai hkrai kamai, kamai hkrai kamai na lu kamai sat kau ai da. Lu kamai sat kau re na she atsawm sha shan ni hpya la re na she shan a dai htingga kaw gun wa sai da. Gun wa re na gaw nsin rim rim masha re n chye yu mat wa ai ahking aten ningrim kaba mat ai aten hta e dai nta madu jan gaw nta de wa sai da. Wa ai shaloi gaw, ke kasha hkan wa ni gaw chyinghka atsawm sha din din kau re na she rawng mat sai da. Rawng mat re na gaw ma hkan wa ni e ngu na kanu gaw wa shaga ai da, shan ka sha gun re na wa shaga ai shaloi she kasha, i ma ni gaw kabu gara let e Ah Nu na nsen re Ah Nu wa sai ngu na kabu gara e Nu ngu shaga dat yang hkum shaga na nu gaw dai na gaw masha n re e numla she wa shaga ai she re hkum shaga hkum shaga ngu na kasha ni hpe manap hkrai manap gyinhtim manap re tim kaji htum ai wa gaw ndang sharang na she, E nu ngu na kabu gara let she chyinghka lam de hkrindin da ai chyinhka hpaw ya re na grai grai maw maw Ah Nu dai ni na Tsap hpra wa ai ngu na she kasha ni hpe shan ni wa ju jaw re na kabu gara re na shan nu ni gaw dai hku jawm sha ai da. Jawm sha re na dai hku nga sai, Madu wa mung kaja wa madu jan shan wa ai shaloi shan ka gun na shang wa ai shaloi gaw madu jan gun wa ai shan ka hpe kabu gara re na chyawm ju sha re na she dai hku jawm sha sai da. Dai shaloi gaw grai kabu na jawm sha sai da. Ndai nta madu jan ngu na gaw loi mi lusut lusu ngamu ngamai dinghku kaw na re da. Dai majaw shi gaw gahpri gahpran myit ma grai rawng ai hku rai na hku rai nga. Rai jan she da dai kaw na gaw shan la ni dai hku nga sai da. Nga reng gaw lani mi gaw ndai shi a mayu ga de ndai madu jan na kanu kawa ni nga ai ga de da Sharaw langai mi grai nhkru ai da. Sharaw kaba rawn ba gaw grai nhkru, shana shana rai jang gaw mare masha hta sha hta sha re na she, Gar grai myit ru sai da dai mare kaw na ni grai myit ru ndai, ndai Sharaw lu sat ai ni gaw kadai wa rai na rai na ngu na she tsun ai shaloi da, dai num kasha ndai num madu wa e tsap woi hpra sha ai num gaw i, yi wa e na n hkri mung gaw tsap pi lu hpra ai re lu, ndai tsap lu hpra ai tsap gyi kaba gyi kaba ngu na shamying ai mare law law kaw gumhkawng wa sai da. E rai jang ndai tsap tsap lu hpra ai tsap agyi kaba ndai hpe she tam ga ngu yang she kanan na wa e dai mi gaw na nhkri wa she re gaw ngu da. Reng gaw e reng gaw Sharaw mung lu sat na re law naw she woi sa wa yu u ngu da. Rai jang she shan nu wa ni gaw sa wa sai da. Ndai mayu ga de sa wa ai shaloi gaw shana shagu gaw Sharaw dai gaw nsin rim rim re ai hte gaw Sharaw gaw mare grup grup, grup ning wang sai da. Grup grup grup nga Sharaw ni gaw grup ai hte ga ahpre ai hte hpre she nga, Hey!st madu wa gaw hkri ai da lo Sharaw nsen na hkri na gari she gari jit she tak hkra hkra gari hkrit rai jang she, ya ndai hkri wa gaw hpa baw byin wa wa re ta ngu na bai tsun ai da. Shaloi jan gaw ndai kasha ngu na jan gaw ndai la wa na madu jan gaw, Yi wa e na nhkri wa mi gaw dai Sharaw grup ten na ai hte wa gaw shi Sharaw ndai hpe sat mayu na myit rawt wa na ndai hku byin byin re re ngu na bai tsun ai da. Shaloi gaw dai jang gaw rai sai ngu hpawt na na ahkring aten hta gaw dai sharaw ndai hpe lu sat hkra sat na matu di ga nga shaloi gaw shani tup gaw ndai num jan gaw madu wa hpe Kawa kyan shangu ai da. Kawa hkalung langai kyan ngu pali shit shangu sai da. Pali shit shangu pali shit shangu pali mung nau hkri na gaw langai shit langai daw mat langai mi shit langai mi daw mat rai tim mung madu jang mung shit nan sai da. Shit chyu shit shit shit pali shaban kaba mi lu shit la sai da. Dai shaloi gaw shana ning rim rim nga wa ten Sharaw rai n grut ai ten hta she ndai shan la lahkawng gaw htaw mare baw de sa na Kawa wa hpang langai mi kaw sa sai da. Madu jan hpe gaw madu jan gaw ndai pali shabawn hpai madu wa hpe gaw ndai mare na ni jaw dat ai ning ri langai mi hpai re na sa wa sai da. Sa wa shaloi gaw ndai madu jan gaw madu wa hpe ning rim rim Sharaw grai ndu ten e pali shabawn dai hte ning ri jaw kau da na wa mat sai da. Nan Sharaw sa wa ai shaloi gaw Sharaw ningmai shawn dat ai hte ndai pali hte Kawa hpawt shagun kaw gyit na hku madu jan gaw dai hku matsun kau da ai da. Madu jan ze ai majaw re wa mat sai da wa mat re yang gaw, Kaw ! ning rim kaba rim wa ai hte gaw Sharaw grut n nan sai da. Shaloi jan gaw Sharaw dai gaw Wa hpang dai kaw she masha summa manam ai re majaw Wa hpang grup grup shi gaw grup ningwan sai da. Grup ningwan na she shi Sharaw ningmai hte wa hpang kata de shawn ai da. Shawn shalau shalau, Oh ra la wa mung nau hkrit hkrit hkrit Kawa ndung de lung na gaw kawa ndung dai gaw kawa wa hpang ka-an de zut shi lung ai majaw gaw ngoi shang wa ai da. Ngoi shang wa jang gaw shi gaw Wa hpang kata de rai mat jang Sharaw dai grut ai hte dai wa hpang grut grut, grut ningwan na shi mi na madu jan tsun ai hte maren i sharaw ningmai gaw dai Wa hpang kata de shawng ai da. Shawng ai shaloi she dai la wa mung madu jan tsun da ai hte maren dai shi shit ya dat ai madu jan shit ya dat ai pali dai hte e Wa hpang tup Kawa pawt shagun kawa pawt langai hpang langai gyit hkrai gyit um sharaw ningmai kade shawng yang kade gyit gyit gyit Sharaw ningmai htum hkra kawa pawt shagun kaw dai pali hte sharaw ningmai gyit shakrip jan gaw Sharaw gaw n lu shamu mat ai da. Nlu shamu mat na grut hkrai grut, grut hkrai grut taleng nga ai shaloi she Madu wa mung hkrit let she, Wat prut hkrai aprut, aprut hkrai aprut Sharaw nlu shamu mat ai shaloi dai sharaw ning mai gyit tawng da ai majaw nmai shamu mat jang kadau jan madu wa mung hkrit let aprut ai nga gaw Sharaw hpe lu aprut sat kau ai da. Sharaw hpe aprut sat kau na hpang jahpawt mi mu wa yang gaw Sharaw dai gaw si taleng nga sai da. Sharaw dai gaw rawn ba re majaw masha lama kaba hku na kaba ai Sharaw kaba rawn ba ngu ai re da. Grai jahpawt mare masha ni gaw Oh mana gaw myi mu n mu re kawn na gaw ndai madu jan Sharaw sat ai wa na madu jan gaw Sharaw bu garu magan shi gaw n mai yup da. Nye madu wa hkrit nga na re , nye madu wa hkrit nga na re, nye madu wa hkrit nga na re ngu gaw dum taw sai da. Myi hpram hpram re mu ai hte gaw shi gaw wa mayu sai da. Sa wa yu ai shaloi gaw Sharaw wa gaw si taleng taw sai da. Si taleng taw ai shaloi gaw madu wa hpe mung sa shawng la nna she kanu kawa ni hpe kabu gara let Wa e nan nhkri wa gaw Sharaw rawn ba ndai hpe lu sat kau sai lo kabu gara wa tsun dan ai shaloi mare masha yawng mung sa na gaw sa yu ai shaloi gaw dai shaloi gaw da Sharaw gaw si taw ai da. Si taw jang she Sharaw si taw ai majaw mare masha ni yawng gaw ndai Sharaw sat ai la wa hpe gaw Ke dai ni gaw sharaw dan ai wa Sharaw du wa ngu na bai shamying sai da. Mi gaw madu jan sat ai tsap hpe gaw madu wa sat ai ngu hku na arawn la ya da. Ya kaja ja gaw Sharaw ndai hpe gaw madu wa bai lu sat re na Sharaw du, Tsap du ngu na mying lahkawng lu sai. E dai kaw na gaw shawa masha gaw grai awn sharawn sai da. Dai hku na mying gumhkawng nga ai shaloi she mungdan langai mi kaw gaw majan langai grai bai gasat wa sai da. Majan gasat gasat gasat hkawhkam dai ni gaw majan dai ndan hkraw re na gaw majan ndai lu sazim ai wa hpe gaw mungdan mung chyen mi jaw na lo, hkawhkam hkaumi chyen mi jaw na ngu na bai shiga shapoi sai da. Shigga shapoi shaloi gaw ndai madu jan gaw e nye madu wa ram ai nye madu wa hpe bai ndai um mungdan shagu mare shagu gaw mare langai hte langai gaw ndai Tsap du wa Sharaw du wa Sharaw hpe lu sat dan ai wa, Tsap hpe lu sat dan ai wa ngu na amying gumhkawng ai ndai gaw na hkrai na mat wa jang gaw ndai hkawhkam hkaw de mung dai mying dai gaw du mat wa ai da. Ndai Sharaw dan ai wa Tsap dan ai wa hpe e tam shaga la ga ngu re ai shaloi gaw kaja wa dai wa hpe tam mat ai shaloi gaw madu jan gaw hey nye madu wa byin ai bai ngu sai da. Nye madu wa dan ai ngu re ai shaloi gaw kaja wa shan la ni hpe sa shaga sai da. Sa shaga ai shaloi gaw madu jan gaw ndai hku bai bawnu shachyai sai da. Gumra shajaw na ndai hpyen gasat sa na hpyen bu ndai ni hpe gaw gumra shajaw na re nga jang madu jan gaw grai rai sai. Gumra Ulaw gumra ulaw kaw na gumra gau shapraw ai da. Gumra grau shapraw, grau shapraw, grau shapraw gumra n kau mi gaw ndai ulawn htingkyan kata hku hkra gale ai da. Gale gale gale gumra lasi grawm grawm san ai langai mi gaw ulawn htingkyan ntsa hku na kahtan lai mat wa ai da. Dai shaloi she gumra rem ai ni gaw e ndai gumra ndai hpe e jaw marit ngu na tsun ai da. Jaw marit ngu tsun ai shaloi kaja wa gumra lasi grawm grawm re laga hpyen du ni gaw yawng gumra hpum tsawm ai kagat chyan ai ndai zawn hpe she ra ai wa ya ndai wa gaw lak lai ai ngu bai myit shapraw la na she rai sai ngu na she gumra grawm grawm re mi wa a jaw mayu hpyen bu kaba wa gaw ngu na she, Rai jang she ndai gumra grawm grawm re hpe she madu jan gaw madu wa grai hkrit ja ai atsam n rawng ai myit ladat n rawng ai re chye majaw gaw madu jan gaw baw nu bai sha chyai sai da. Madu wa hpe gumra hpe shajaw na she gumra kan de lagaw grit shakap kau ya ai da. Grit shakap kau ya na she gumra runghtun hpe mung e nau n ren ai hku sha shi gaw dai hku ndai gumra runghtun kaw mung shi gaw grit shakap ya ai da. Gumra runghtun kaw mung shi lata ndai hkrit jan gari jang gaw gumra runghtun tak mat na tsan ai majaw gumra runghtun sumri kaw mung madu wa lata gaw grit shakap kau ya na she dak dat sai da. Dat dat ai shaloi gaw gar.. gumra dai kaw kagat koitsat koitsat re jang gaw ndai la ndai gaw gumra kan de she shang mat re sai gaw rai tim madu jan grit dai ya ai re majaw gaw ndi hkrat mat ai le i gumra runghtun kaw mung shi lata gyit shakap ya le kan de mung lagaw kaw grit shakap kau ya re majaw gaw e la ndai gaw gumra gumtsat koitsat jang gaw shi gaw kan maga de hprau re shi baw gaw kan maga de hprau re nna rai mat jang she gumra gaw tsat tsat tsat. Ndai shingdu na hpyen ma ni mung mau da, Gar ndai hpyen bu kaba wa gaw kaning na mi majan sa ai she nga mi kan de wa mi a shang nat ngu na baw yu sai da. Shanhte gaw htaw kawn kaw na dai hku koitsat sa wa hpyen ni gaw oh layang pa de da. Re yang ndai gumra lasi jawn na kan de hkrit na hprau re noi mat ai hpyen bu kaba wa gaw shawng de bai rai jang she, oh ra hpyen ni yu yang gaw grai laklai ai hku mu ai da. Rai jang ke dai ni na hpyen bu kaba ndai hpe gaw anhte gaw gara hku mung n gasat dan na re ngu na yawng htunut mat wa ai da. Dai shaloi gaw ndai grai hkrit ja ai la wa woi awn ai hpyen hpung ni gaw aloi sha ndai hpyen shanhte hpe sha gasat ai hpyen ni hpe hkan shachyut gasat jahtaw kau lu ai da. Majan dan ai tai mat ai da. Dai loi dai kaw na gaw shi gaw shan la ni gaw kabu gara, ndai hpyen ni hpraw mat wa ai hpang gaw ndai ndai la wa hpe gaw hpyen ma ni gaw i dai kan ni kaw grit tawn da ai sumri ni mung raw ya ndai lata kaw gumra runghtun kaw grit da ai sumri ni mung raw ya re na hkawhkam hkaw de woi wa na ndai hpyen du hpyen bu kaba wa a ladak she shagrau sha-a ai hku na e kaja wa moi na hkawhkam ni gaw ga sadi nga ai hte maren shi hpe shan nu wa ni hpe e hkawhkam hkaw chyen mi hkawhkam htingnu kaw na sutgan chyen mi hte mungdan chyen mi hpe Up hkan na ahkaw ahkan jaw kau ma ai da. Dai majaw dinghku num ni gaw madu jan ni kade sha atsam rawng na madu wa ni kade ntai rai tim mung madu wa ni a sharing hpe makap ya ai hte dai hku na sharawt dat ai shaloi gaw mungdan hpe up hkang ai mung tai ai marai rawng ai atsam rawng ai hpaji rawng ai ladak chye ai dinghku num ni gaw tinang dinghku hpe mung madu wa kade ntai tim ndai hku na woi den galu kaba sha sa wa ai nga mau mwi gaw dai hku re. . Language as given: Jinghpaw
Format:Digitised: no Media: Audio
Identifier:KK1-1255
Identifier (URI):http://catalog.paradisec.org.au/repository/KK1/1255
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1255/KK1-1255-A.wav
http://catalog.paradisec.org.au/repository/KK1/1255/KK1-1255-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1255
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Seng Hpa (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1255
Up-to-date as of: Sat Aug 10 15:22:53 EDT 2019