OLAC Record
oai:paradisec.org.au:KK1-1249

Metadata
Title:Grai mu ai shat mai ntsin a lam (The delicious soup)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Ja Tawp (speaker), 2017; Grai mu ai shat mai ntsin a lam (The delicious soup), MPEG/X-WAV, 2019-11-30. DOI: 10.4225/72/598b35316d04c
Contributor (compiler):Keita Kurabe
Contributor (depositor):Keita Kurabe
Contributor (speaker):L. Ja Tawp
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-17
Date Created (W3CDTF):2017-02-17
Description:Grai mu ai shat mai ntsin ai lam hpe bai tsun na re, Moi kalang mi hta da mare langai mi kaw grai maji dinggai langai mi nga ai da. Dai dinggai gaw gara nta akyu hpyi ai ngu ai kaw sha kan sha ai da. Akyu hpyi nta sha hkan sha nna she shi gaw sha mayu sha ai hta sha n ga na she dai nta kaw na sha shat mai ni hpe bai la mat wa ai da. La mat wa re she dai mare na ni gaw dinggai ndai ram ram maji ai gaw nta kaw hpa sha mare ngu na chye mayu na she la langai mi gaw sa manam ai da. Dai nta kaw sa manang re she e adwi ngai dai na dai na sha pi gaw nan kaw yup na yaw ngu tsun ai da. Dai shaloi she dai dinggai gaw yup chyawm mai ai lu gaw n lu jaw sha ai ngu tsun ai da. Dai shaloi she dai la wa e dai shaloi she kaji mi na yang she ah dwi ye ngai hka grai lu mayu wa ai ngu tsun ai da. Rai jang hka gaw shi lu jaw lu ai da shi hka gaw n mari la ra nga hka gawm mi jaw lu ai da. Dai shaloi ah dwi ngai shat grai kawsi wa ai ngu tsun she shat n nga ai ngu tsun ai da. Ah Dwi oh gaw wan htoi ntsa kaw shat nga ai dai jaw sha rit le ngu tsun ai da. Dai shaloi she shi gaw grai n jaw sha yang mung ngai hpe grai maji ai nga na ra ai ngu na she dai shat chyaw bang kaji kaw na she wa jaw sha ai da. Dai gaw grai ja mat loi mi ja mat sai da shat dai she ja ja re she shi gaw i ndai ga mam sha yang gaw n mai ai shat mai shat mai ntsing naw san yu na re ngu ah dwi shat mai ntsin n nga ai i ngu yi shat mai ntsin ngai n shadu sha ai n lu ai ngu tsun ai da. Dai shaloi she ah dwi nang hpe ngai langai mi tsun na yaw shat mai ntsin ladat sharin ya na yaw ngu tsun ai da. Dai dinggai kaning re gara hku shadu na rai ngu she nlung tawng shat mai ntsin shadu sha ga ngu tsun ai dinggai dai gaw myit yu ai da. Yi e nlung tawng nga yang gaw ngai na gumhpraw n ma ra sha shat mai lu shadu na hku nga ngu na mai ai ngu tsun ai da. Shaloi she dinggai wa she ah dwi nang nlung tawng langai mi sha gashing nna pyut u yaw ngu tsun ai da. Dai dinggai wa mung nlung tawng sa hta la na she shadu ai da. Shadu re ai shaloi she e dai la wa yi ah dwi grai mu sai ngu tsun ai da. Grai mu sai ngu she dinggai chyim yu yang gaw asan nga ai da. Yi nmu la ai wa hpa mung nmu wa ngu she yi dwi deng nga yang ah dwi nang jum kaji mi lu ai n re i jum kaji mi bang u ngu ai da. Dai hku ngu she dinggai dai jum kaji mi bang ai da. Dai she jahkring loi mi na yan she dai la wa yi dwi grai mu sai ngu tsun ai da. Dinggai jan bai chyim yu she jum sha asan nga ai da. Dai she yi n mu ai wa ngu tsun ai da. Nmu ai law ngu tsun she dwi nang shakaung hkyen shakaung hpraw lu ai n re i ngu tsun ai da. Dai shaloi she dinggai jan gaw grai maji ai sha langai lahkawng sha shaw ya ai da. Dai bai bang ai da. Yi dwi grai mu sai bai chyim yu ngu tsun she e bai chyim yu da dinggai jan chye nmu ai law ngu tsun she grau mu hkra ah dwi nang kaw shapye nga ai n re i ngu tsun ai da. Shapye bai shapye bai hpyi ai da. Dinggai jan shapye kaji mi bai bang nna bai pyut ai shaloi she yi ah dwi grai mu sai ya gaw grai mu sai ngu tsun she dinggai jan dai lu yu she mu ai da. Loi mi mu ai da. E ya chyawm mu sai. Rai tim ndai htang grai mu hkra lama mi naw bang ra ai ah dwi ngu tsun ai da. Hpa baw bang ra ai rai ndai htang grau mu hkra gaw grai mu jang gaw dai na sha pi ngai shat agyin sha yu ga ngu dinggai dai hku myit la ai da. Dai hku myit na hpa baw naw bang mi ah dwi nang chyan Ein hpaw i dai hku hpaw ai shaloi ngai e oh npu kaw shan mu ai dai bang ga ngu da. Dinggai dai kaji mi mahti bang ai da. Kaji mi mahti bang nna she e shan lahkawng dai hku shat mai ntsin shadu sha ai shaloi grai mu ai da. Grai mu re na she dai manam wa mung agyin sha ai da. E dai dinggai mung agyin sha tim mung shi na myit hta shi na gaw dai grai maji ai rai ni ma mat ai re nga loi mi pawt mayu ai da. Rai tim manam wa gaw agyin sha la na bai hkawm mat wa ta ai da. . Language as given: Jinghpaw
Format:Digitised: no Media: Audio
Identifier:KK1-1249
Identifier (URI):http://catalog.paradisec.org.au/repository/KK1/1249
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1249/KK1-1249-A.mp3
http://catalog.paradisec.org.au/repository/KK1/1249/KK1-1249-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1249
DateStamp:  2018-02-03
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Ja Tawp (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1249
Up-to-date as of: Sat Nov 30 15:06:11 EST 2019