OLAC Record
oai:paradisec.org.au:KK1-1244

Metadata
Title:N-gun ja wa (The strong man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), H. Htu Sam (speaker), 2017; N-gun ja wa (The strong man), MPEG/X-WAV, 2019-08-10. DOI: 10.4225/72/598b351c0863b
Contributor (compiler):Keita Kurabe
Contributor (depositor):Keita Kurabe
Contributor (speaker):H. Htu Sam
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-17
Date Created (W3CDTF):2017-02-17
Description:Ren she dai moi shawng de mare langai mi kaw she shan htinggaw re nga ai dai kaw sha dai num wa gaw da shaning mi tup shi na hkum le i ma hkum shata jahku hpring tim mung n shangai ai shata shi hpring tim n shangai ai laning mi tup ngu na shata shi lahkawng tup gun ai da. Re yang she dai ngun ja wa re nga law dai shi num dai shata shi lahkawng tup laning mi tup ngu na hte she kasha shangai sai da. Shaloi she madu wa ngu na la wa gaw le hka de hkaraw de hka ja na matu hka nhtum daw sa mat wa da. Dai she madu jan gaw nta kaw ma shangai ma dai wa she shangai na pru wa ai hte she shinggan let re ai hte she Ah Nu shat grai kawsi ai ngai hpe shat jaw sha manit ngai shat grai kawsi mat nit ai ngu da. Shangai dat ai hte nan shat hpyi ai da. Rai na she Kanu ni gaw shat, shat bang bum bum nga re shap ra na she jaw sha ma ai da. Maw ngu na jaw sha yang kaja wa sha ma dai wa she shat bang dai agyin nga re atsai awoi sha kau ai da oi. Shaloi she Ah wa gaw taw ngu bai san sai da. Nye wa gaw gara de sa wa sa ta gu san sai shi shat sha ngut ai hte na wa gaw le hka hka nhtum daw sa wa sai ngu na hka hkan lam de hkan sa su ngu na re she kaja wa sha kawa sa ai lam de tung tung hkan nan sa ai da. Ka nu tung hkan nan sa mat wa re she kawa hte lam kaw hkrum ai da, kawa hka nhtun hpai na pru wa ai hte aw ah wa i ngu na she shi hku she kawa hpe hkap sa shachye shaga re she hka nhtun mung la hpai kau ya re she kawa hte rau nta de wa re. Dai kaw na gaw ma dai hpe ngun ja wa ngu sha mying ma ai da. Mare na ni mung hpa hta hpa lam hta rai tim mung ma dai gaw dai ngun ja wa gaw grai garum shingtau na hku rai nga hpa ta mung ntuk ntang re na galaw rai jang she dai kaw dai mare kaw up sha ai mare du ngu na wa she manawn sai da. Ndai ma nga dan ding sa gaw ngai, ngai na aya gaw prup na ra ai ndai ma hpe lu hkra sat kau ya ai ngu myit na she shi gaw aw hpyi hpai mung nga ai de Ja tang mi hka la ra ai de dai de shangu dat ai da. Hkrat nga jang dai hpyi hpai mung kaw na ni gaw masha sat ai shara, masha mu jang sat kau masha shinggan masha nga mu jang sat ai mare re na hku rai nga Dai she shanhte mare du wa dai ngun ja wa ma hpe sha ngun dat dai she ngun ja ma mung shi tsun ai hte maren mare du wa tsun ai hte maren hkap la na manang masum saw la re she dai hpyi hpai mung de rawt mat wa ma ai da. Rawt sa wa re she lam nchye shara mi kaw lam kaw du yang she tsawm ra mi hkawm kaw du yang she ndai shinglang hte wa she lam ning re nam hkyen san taw nga ai la hpe mu ma ai da. Nhtu mung nlawm ai hpa shanhkawp mung n lawm ai she shi na shinglang hte she nam hkyen taw nga ai hpe mu na she, E e hkau ndai hpyi hpai mung de hkrang ai lam tsun dan rit ngu yang she ngai n chye ngai ngu tsun ai da. Re she aw nang n chye i ngu na she shi na lata lakap hte ning re lata hte sha shinglang ning di matep ya ai da. Dai na she shinglang hte nam hkyen ai wa gaw machyi gyet na she ngai tsun dan sa na lo tsun dan sa na ngu na re na she kaja wa bai tak dat na she hpyi hpai mung sa ai lam bai tsun dan ren she bai hkawm sai da. Shara mi bai du yang she Magwi, Magwi hte wa she Nga myek myek taw ai la hpe bai mu ma ai da. Nga myek kaw she dai magwi gyit kap na Nga, Nga myek Nga tawn taw ai hpe mung re she, E hkau magwi Nga myek wa e ndai ndai de hpyi hpai mung de hkrang ai lam she tsun dan yu rit ngu dai magwi hte Nga myek ai wa mung nkaw kaw re sha ngai n chye ngu na dai hku nkaw ai sait hte sha dai hku sha nga ya aw nang n kam tsun dan ai i ngu na she shi na shinglang agrin bai matep ya sai da shi na lata ning re ai hte sha matep ya jang she, Dai Magwi Nga myek ai la wa mung gyet hkrai gyet kadau tsun dan sa na lo ngu na shi na shinglang di wa maw sai gaw den reng she ngai tsun dan sa na ngu na re she kaja wa sha lam bai matsun dat dai hku dai hku re ngu na matsun dat re she bai hkawm sai da. Lam bai madung dat ai hte maren shanhte mung bai matut hkawm re she panglai hka kaw she hka hkringau ndai hkran oh ra hkran re na she ning nga lagaw jagram gra jagram gra taw nga ai la hpe bai sa mu masai da. Ren she ga! ya anhte gara hku bai lai sa a kun ngu na she dai panglai gram gra taw nga ai la hpe bai, E hkau e ndai hku hpyi hpai mung de hkran ai lam she tsun dan mi ya anhte lam n chye mat sa ga ai ngu yang she dai wa mung ngai n chye ngu na shanhte hpe ngawn ngawn di na bai nga, Ren she aw nang n kam tsun dan i ngu na shi na lata lakap hte kalang bai matep dai wa shinglang mung kalang bai matep ya rai jang she, e dai wa mung e ngai tsun dan sa na lo nanhte hpe ngai tsun dan sa na ngu na reng she bai tsun dan dat. Rai na she dai ni gaw ngun ja wa shanhte ni gaw bai sa mat wa re she tsawm ri mi dai hpyi hpai mung mare de du shang wa masai da. Dai de du shang wa she shi gaw kalang ta dai mare kaw n shang ai da. Dai mare shinggan kaw nga na shi woi sa ai manang masum hpe dinggai langai mi na nta kaw sa shangu ma ai da. Dai hpyi hpai mare na hpyi hpai dinggai ngu ai dai wa kaw sa shang re she hpyi hpai dinggai dai wa gaw dai shi dat dat ai manang masum hpe she oh ra Wa tai wa ai baw dusat tai wa hpang tsi she hkap jaw sha lu sha kaw hkap bang jaw re nga. Shaloi she dai shi dat dat ai manang masum gaw Wa jan tai mat na le n pu kaw rawng mat da. E nhkan pru re jang she shi bai sa wa shi bai sa wa re yang she dinggai dai ye dinggai dai gaw shi ye shat si mai ni shadu jaw na hku she bai hkyen na she Wan wut shangu ai da. Wan wut dai ngun ja wa gaw wan wut, wan wut re she e e ngai shu e ndai wan kaw gaw chyi ma hpun lawm ai majaw kahpyek ai yaw nang wan wut na re yang myiti kawn na wut u nrai yang chyi ma hpun kahpyek bwi wa ai ngu na re she, Ngun ja wa dai dinggai dai na ga n madat ai sha myi hpaw da na wut ai da. Shaloi she shi na shingdun hte she sumdu kaba law ai hpai na she shi hpe abyen sat hkyen ai shi mu ai da. Dang re she rawt na she shi na lata lakap hte agyi bai matep da ai da dai dinggai dai ye ta kaw agyi bai matep da yang she dinggai dai mung nhkam si wa na daram nhkam re jang she e ndi sa na ni ai lo ngu na re. Ya ngai dat dat ai masha masum hpe nang gara kaw tawn da kau ai dai ni hpe lawan shapraw ya ngu na re, le npu de rawng nga ma ai ngu she Wa hkra hkra da. Reng she e dai ni hpe mi na masha raw shinggyin masha byin hkra shatai ya hta sha n nga na Ja tang mi ma shen ya dat ngu na re jang she dinggai dai mung kaja wa sha shi na tsi shaw la re she bai jaw jang masha bai tai wa hpan tsi bai jaw jang re na dai wa tai ai masum hpe mung shinggyin masha bai galaw shatai ya re she, Gai ya ja tang mi ma hteng ya ngu na re na ja tang mi mung hteng ya shangu re jang she dinggai dai hpe mung ntak ai matep da re na she e nang ndai nang lang ai tsi anhte hpe lu hkra jaw lu hkra jaw dat u ngu dan ngu na bai tsun re she, Dinggai dai mung hkrit na shi lu ai tsi dai nlu nta shaw ya na she shanhte nlang hte gaw dinggai dai ye ngup chyawm mahka da ya na dai shi wa tai wa ai tsi dai ngup kaw agyin anyi matsup da ya ma ai da. Shaloi dinggai dai ma'ut hkra di kau dat hkra re jang she dinggai dai wa jan tai mat ai da. Shaloi kaw na shanhte marai mali gaw shanhte na mung de dai jan tangmi ma gun re na apyaw sha bai wa mat ma ai da. . Language as given: Jinghpaw
Format:Digitised: no Media: Audio
Identifier:KK1-1244
Identifier (URI):http://catalog.paradisec.org.au/repository/KK1/1244
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1244/KK1-1244-A.mp3
http://catalog.paradisec.org.au/repository/KK1/1244/KK1-1244-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1244
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); H. Htu Sam (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1244
Up-to-date as of: Sat Aug 10 15:22:51 EDT 2019