OLAC Record
oai:paradisec.org.au:KK1-1161

Metadata
Title:Lalaw ma ni a lam (The bullies)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), D. Hkawn Htoi (speaker), 2017; Lalaw ma ni a lam (The bullies), X-WAV/MPEG, 2019-08-10. DOI: 10.4225/72/598b33c3cc19e
Contributor (compiler):Keita Kurabe
Contributor (depositor):Keita Kurabe
Contributor (speaker):D. Hkawn Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-17
Date Created (W3CDTF):2017-02-17
Description:Moi shawng de htinggaw langai gaw la sanit nga da. La ni gaw law num sha gaw langai sha nga ai da. Dai num sha gaw hpumdim rai re nga. Rai jang she lani mi gaw num sha wa gaw an nau ni an nu wa ni gaw kade gam hte wa sha nga ga ai kun i ngu da. Dai shaloi she num kasha wa gaw nye gam hte sha ga ai ngu nye gam hte she sha law ngu tsun ai da. Kahpu langai mi bai rai yang mung n re law nan gam hte wa n re ngai na gam hte she sha ai ngu, bai langai wa mung n re ai law nye gam hte she sha ai ngu na shan nau ni shada da shan nau ni marai sanit matsat hte gaw yawng dai hku chyu tsun taw ai da. Dai hku tsun re jang she lani mi gaw ga law hkrai galaw hkat wa sai da shanhte dan rang chyu dan rang hkat na galaw hkat re jang she, kawa , Kanu yan kawa gaw um ma ndai ni ndai hku rai yang gaw n mai na re num kasha kaji wa gaw shi gam hte sha ai nga yang gaw um shi gam hte shi rai lu ga ngu na she kahpu ni hte rau sha a nga nga yang gaw n dai hku sha bai dan rang hkat na ma ai ngu na shi a la gyin ai sutgan atsawm sha pawn re na she gumra langai mi kaw sha jawn dat da. Gumra langai mi kaw jawn na she ndai ma nan ndai gumra jawn na hkawm mat wa su dai jang ndai gumra hkring ai shara kaw gaw kaning re mi re re na nta na madu wa nang nga na nta re na re yaw ngu na htek dat ai da. Shaloi gaw num kasha dai gaw gumra jawng na hkawm mat re she shana de maga du wa ai shaloi she htaw mare shingnawm kaw e A la buhpung palawng mung n hpung re hpaw goi lakum lap sha di chywi na nga ai la langai mi sha nga ai kaw she gumra dai kaw wa sap mat sai da yaw. Wa sap mat rai jang she, Um kade gawt tim n hkawm hkraw re gaw Ah Wa tsun ai ndai rai na re ngu na she hkring na shaga ai da. Shaga yang she n sa hkraw sai, E ngai kaya ai law nanhte ni hte e ngai raw n mai hkrum ai ngai gaw matsang shayen re she rai nngai buhpung palawng pi ngai n lu ngai ngu na tsun she hpa n ra ai law she sa wa yu rit law ngu na shaga hkrai shaga re shaloi gaw shi sa wa sai da. Gai nan bu lahpaw ndai ni ma sa sa nang nga ai nta de wa yu ga ngu na wa re she shana wa sai da. Dai lahpaw dai ni mung yawng dai hku gun mat wa na la wa re she shan lahkawng gaw shanhte dai la na nta kaw wa nga sai hku nga. Wa nga shaloi gaw shi gaw ndai lahpaw ndai ni hpe e atsawm sha mi na shi htak taw da ai lahpaw jahkrawt re ni da ma hkra magawn na she shara mi sha ru sumpum tawn yawng jatsan jatseng (Tansinye) wa galaw kau ai hku nga. Jatsan jatseng wa galaw na maza mala ni yawng magawn na ru sumpum tawn re na she sha na gaw shanhte apyaw sha yup sai da. Yup re she hpang jahpawt jau jau rawt yu yang wa shan maza ye ai shara hkan ni bai hka ye gahkrin na ngu na bai sa yu yang she dai shan ru tawn da ai maza ni ma hkra gaw ja hkrai rai mat ai da. Ja bum bum taw nga dai rai jang she shi gaw dai la wa hpe mung shaga la re na she an a gam maka rai sai ya um Nu yan Wa mung ngai hpe e ndai gumra hkring ai shara kaw gaw na nta re nga na tsun ai dai majaw ya ndai ja ni hpe magawn la na an dinghku de na rau sha pyaw pyaw nga ga ngu na dai ja hpe magawn la re kaw na shan lahkawng grai pyaw ai dinghku de ma ai da. . Language as given: Jinghpaw
Format:Digitised: no Media: Audio
Identifier:KK1-1161
Identifier (URI):http://catalog.paradisec.org.au/repository/KK1/1161
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1161/KK1-1161-A.wav
http://catalog.paradisec.org.au/repository/KK1/1161/KK1-1161-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1161
DateStamp:  2017-08-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); D. Hkawn Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1161
Up-to-date as of: Sat Aug 10 15:22:31 EDT 2019