OLAC Record
oai:paradisec.org.au:KK1-1121

Metadata
Title:Si hkrung si htan byin ai lam (The origin of death)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Lu Htoi (speaker), 2017; Si hkrung si htan byin ai lam (The origin of death), X-WAV/MPEG, 2019-08-10. DOI: 10.4225/72/598b331404902
Contributor (compiler):Keita Kurabe
Contributor (depositor):Keita Kurabe
Contributor (speaker):M. Lu Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-15
Date Created (W3CDTF):2017-02-15
Description:Moi gaw ndai shinggyin masha ngu ai ndai ni gaw si hkrung si htan ngu mung nnga ai da. Dai tsi hkrung tsi nan namlap ni sha di sha, namsi namsaw ni sha di sha re na nga ai da. Retim mung jan ga na jan kasha ni hte gaw num la ai da. Jan kasha ni hte mayu dama daw, num la na nga ma ai da. Num la na nga wa she, dai num kasha gaw jan kasha dai gaw machyi ai majaw shan hte kanu kawa ni nga ai jan mung de wa mat ai da. Wa mat yang gaw jan ga de na ni gaw wa mat na wa machyi na si mat ai da, wa si mat jang she dai jan ga de na ni gaw lasu su ai da. Shinggyim masha ni hpe lasu su, ndai tsu htat sa ai ngu gaw, dai shanhte la ai num dai hpe e si ai shani gaw hpu bang shakre ai le, hpu bang shakre kre re, shaloi re da, dai shaloi dai tsu htat sa nna, poi wa galaw nna bai yu wa, dai jan kasha la na dai hku sa chyu sa ra, tsu htat chyu chyu sa ra re jang she, lani mi gaw mahkawn kasha ni lahpaw htat sa ai da. Lahpaw htat sa ai wa she hto ra hpung krawng langai mi kaw e sanyen kanu gaw kasha hkai ai dai oh ra maga chyen mi de gaw galang yen nu nga re wa she, woi ma nga ai re ai da. Dai woi hte e sanyen yen nu ni gaw loi nau n tsan hkat ai kaw nga ai da, nga yang she lani mi gaw dai woi kanu wa she dai galang lai hkawm let wa she, dai galang kanu di di da ai kaw yawng manaw kabai ah pyek kau ya na she, galang shat tam ai kaw na bai wa yang shi di ni 1 mung nnga nga na she, masin pawt nna hkawm mat wa re yang she, sanyen 1 mi shat tam hkawm ai mu ai da, mu na she kaning nga tim nye di amya kabai kau ya ai gaw ndai re na sai nga na, ah chye hkrai ah chye na sanyen gaw si mat na ga de hkrat taw na ai da. Shat tam hkawm ai kaw na ga de si taw nga, dai lahpaw htat sa ai num mahkawn dai ni she dai sanyen mang nta de hta hpai wa na salang ni e wa madun yang e rai sa, anhte mung jan ga de e tsu htat sa ra ra re, ya gaw anhte mung n sa sana, ndai majaw gaw kabung dum poi galaw ngu na she jan ga de na ni e htet dat ai da. Shinggyin masha ni mung ya si ai nga sai, dai re majaw nanhte anhte hpang de tsu htat sa rit nga na kaja wa sha kam na she oh ra ni gaw sa wa sai da. Shanhte na jan num sha langai mi sa shangun yang she hpa masha si taw ai mung nmu ai da, shi gaw chyinghka jut mayun yu nna gara kaw wa mang tawn da ai kun ngu, mang mung n mu, kabung dum she dum, ka she ka taw nga na she le n pan de bai sa wa yu hkan tam yu she dai sanyen kanu jasi wa htum kaw magap tawn da ai mu ai da. Re jang gaw shi gaw ngut sai da. Wa na she shi a kanu kawa ni e wa tsun dan ai, e shinggyin masha ni hpa masha mung nsi ai wa she, masha si nga dum she dum hkrak gaw masha mang nmu ai, e n pan kaw sanyen ja si dai sha mu ai ngu wa tsun dan ai. Ah ga shinggyin masha ndai ni gaw si mayu sai rai nga ai, shanhte mung si mayu sai re nga, dai re majaw gaw ning ngu wa tsun u, nanhte gaw punghpraw hpung rawng re jang e si mu, ngu nna tsun u, ngu na sa dagam ga tsun dat ai da. Shaloi she bai sa wa na nanhte shinggyin masha ni grai si mayu yang gaw num da, la da, mahkra baw hpraw kahtan dawn nna wa rum jang e si si re mu ngu yang, sa tsun dat ai ngu yang she, wu ju wa gaw ga wu ju wa naw kaji kaw na hpraw ai hku re nga, baw hpraw nga dai jang ngai gaw dai hku nga yang gaw ngai gaw baw hpraw chyalu re gaw n dinggai n dingla kaw na kaji kaw na baw hpraw ai re n tara ai ga dai gaw n tara ai. Dai majaw kaji kaba yawng si na aten du jang gaw si ra ai ngu tsun, bai tsun dagam dat na she dai hku ngu tsun dagam dat jang she bai ya shinggyin masha ni mung kaji mung si, kaba mung si, dingla dinggai mung si re mat ai da. Dai jan num la yang gaw kashu kasha mung n shangai ai da loh, dai anhte nye nu ni mung jan jaw ai da, jan nat jaw ai. Jan nat jaw ai wa, nye nu naw kaji ai shaloi shi kahpu langai mi hto jawng lung sa shangun yang she maru hkran ga naw nga yang jawng lung sa shangun yang she dai jan hku wa gaw laika chye jang shi e n jaw na ra ai nga na wa makoi la na wa she dai kawa wa hpang nta maku kaw na kawa wa hpang pawt kaw wa matep bang da ai da. Tam hkrai tam yang gaw dai kaw mu na nang kaw lo nga, hpa rai nang jawng she lung shangun yang nta wa wa re ngu yang, maumwi chyawm htum sai le i, byin ai lam tsun dan ai, jan kasha la ai lam, jan nat jaw ai lam ni, dai she labu ahkyeng re jan wa woi la ai ngu yang ngai ning re mat mat re law nga na jawng mung nmai lung da, mam ka mam dum hkan e mung lapu tai nna dai jan nat wa lapu tai nna sin ya ai majaw magut ni ma hpa nsa lagu sha ai da. Num wa yang ma dai jan nat jaw ai ni gaw num wa yang ma shawoi na chyinghka kaba hku nmai lai ai da. (padin pauk) she pru ai da, dai nre jang dai jan shanhte jaw ai jan nat dai wa hkan yu dat na kasha kasha n shaprat wa ai da. Dai majaw jan hku jaw ai nta na num la yang gaw (padin pauk) hku pru mat wa ra ai, shi hkrai sha shawng pru na oh kaga de bai hkrum rai ra ai nga tsun ai maumwi gaw htum sai. . Language as given: Jinghpaw
Format:Digitised: no Media: Audio
Identifier:KK1-1121
Identifier (URI):http://catalog.paradisec.org.au/repository/KK1/1121
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1121/KK1-1121-A.wav
http://catalog.paradisec.org.au/repository/KK1/1121/KK1-1121-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1121
DateStamp:  2017-11-21
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1121
Up-to-date as of: Sat Aug 10 15:22:23 EDT 2019