OLAC Record
oai:paradisec.org.au:KK1-1095

Metadata
Title:Moi gaw ra ai ya gaw n ra i (The wife who waited for her husband and died)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Nang Mai (speaker), 2017; Moi gaw ra ai ya gaw n ra i (The wife who waited for her husband and died), X-WAV/MPEG, 2019-08-10. DOI: 10.4225/72/598b32af7d57f
Contributor (compiler):Keita Kurabe
Contributor (depositor):Keita Kurabe
Contributor (speaker):L. Nang Mai
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-15
Date Created (W3CDTF):2017-02-15
Description:Moi shawng de mare langai mi nga ai da. Grai dai num sha hte la sha gaw grai tsawra hkat ai da. Grai tsawra hkat na shan 2 hkungran ai da, hkungran re shaloi la wa gaw hpaga la re na hku nga, hpaga grai hkawm ai la rai re she, hkungran ngut ai hpang she madu jan hpe gaw nang i n dai kaw naw nga taw yaw. Ngai na hpaga lam dai ngut, moi prat gaw moi na ni gaw magwi kawng ni i nam na arung arai ni hte hpaga ga ai re da, moi na ni hpaga ga hkawm yang grai na ai da, hpaga ga sa mat wa ai n law htum 3 ning dai hku hpaga ga, nta she nwa hkra rai hpaga ga hkawm re shaloi she lani mi gaw shi gaw 3 ning ngu ai shaning hta shi gaw nta de wa sai da. Mare de wa re shaloi she moi yiwa kaw she shi wa yang mare re ndu shi re shara yi wa kaw she wanhkut she mawng gwi e wa e nyak e nyawk e she nga mamhtu she dun re nga ai she. Shi gaw dai mare kaw sa san ai da, moi gaw shi naw nga ai ten hta gaw yi ginwang re da. Shi gaw sa san re e hkri ni e hpa na nanhte gaw ndai de wa nga mat ai ma. Mare de hpa rai nnga ma ai ta? e mare de gaw grai hkrit ra ai gaw ngu tsun ai da. Retim shi gaw shi madu jan si ai ngu na n kam tsun dan ai le i, langai mi gaw tsun ai da law, na madu jan gaw na madu jan grai n kaja ai re lo ngu tsun dat ai da. Si ai ngu n tsun ai da law, dai hku ngu tsun rai she, e kaning ma rai ta e grai myitsu ai re le ngu tsun ai da. She wa yu u le ngu tsun ai da, dai she wa yu na re nga le ngu wa re she, nta kaw dai yi ginwang kaw na lai mat wa she shi gaw jan kachyi mi naw nga yang du wa yang she oh kaw yu yang she gwi e wa e moi na shi naw le yang na mare wa she grai alum akum re nga taw nga ai da. Dai hku nga taw nga she kei mi na ni ngai hpe masu su ai wa deng ning ngan re a lum a kum re she naw nga ai wa, mare masha grai jat wa na hku re nga ngu shi dai hku ningre na alum akum re nga ai hpe ngai hpe wa she mare de kadai nnga sai nga masu ai. Mi na ni gaw mana she re ngu na shi gaw dai hku myit da, dai hku myit da, du wa yang madu jan mung a hpum a sau sha hkap tau la, grai na mat sai hpa nyar nga na shi gaw hkap tau la re yang manya nang hpe wa she si mat sai lo nga n kau nu gaw tsun ai da le. Dai she oh ra ni gaw che majoi tsun nga ai nmu i, ngu tsun ai da, dai hku ngu tsun re she kaja wa she jan du wa sai da, jan du wa re yang she shi gaw jan du wa yang she ndai mi gaw grai nga ai masha ni le i shi na myi hpe le le kau ya ai le n dai nat num wa gaw. Nat num wa gaw myi le le kau ya ai re nga, masha grai law nga gwi e wa e moi na hku raw re dai hpe mu lu ai she jan du magang mare dai wa katsi magang, jan du magang mare katsi magang yu dat yang wa she mare ni wa yawng nta ni mung yawng hten ma sai le i. Shaning 3 ning nga yang gaw nloi sai gaw, ga deng mi ngai shang wa yang mung wanhkut she mawng re na gwi e wa e grai she pyaw na wa ya jan du magang katsi re wa gwi mung n nga, wa mung n nga, shanhte nta dai 1 sha shi shang ai nta mi gaw grai tsawm ai nta moi shi mu tawn da ai nta nre i, dai wa shi bai wa yu yang nta nyawp nyawp bai re mat da. Nyawp nyawp bai rai ga a kaja wa num ndai gaw nat re nga teng sai ngai gaw dai na gaw katut sha sai ngu she shi gaw shi na shi gup ai gachyawp hte she ning di di hkrat masu su ai da, dai she i nye dinggai jan e ngai gachyawp naw sa hta la na yaw, hpa hkum hta la ngai hta ya na, ngai hta ya na ngu tsun na she shi gaw ta gaw galu law re hte hta ya she maw ngu na bai jaw ai da, bai amyu myu galaw dan ai da law, shi gaw nyan marai grai htuk re she hpang jahtum shi gara hku htuk ai i nga yang she ngai gara hku tim dai na gaw ndai kaw na lu lawt na nre sai n dai num wa ngai hpe jan du ai hte gaw sha kau na re shi gaw nat she re ngu na shi gaw dai hku myit la ai da. Shi myit la she kaja wa she num ndai wa jan du magang she shi a n sam ni hten wa ai le i, shi gaw nat re nga yang gaw n sam ni hten wa n tsawm wa rai hkrit sai da. Hkrit na she rai chyoi taw ai da, dai num gaw a sumnum rai na rai chyoi taw re she e nye madu jan e ngai gaw ya shinggan grai pru mayu ai le, jit grai ji mayu ai ngu tsun ai da, dai she shinggan pru ai gaw shi n mai sa pru ya nga gaw i, dai nga she e e mai le ai maji ai n daw kaw sa ji u ngu tsun ai, retim maw ndai naw la mat u ngu num jan gaw ri hte jak rai chyoi taw she ri gaw shi jum da, ndai samyit gaw shi lang lang mat re na she shinggan pru na matu le mat wa ai da. Le mat wa re shaloi she num ndai hpe gaw hprawng nan hprawng kau da ra sai, n mai sai , hkrit nan re num she re nga ngu di shi gaw dai shi lang mat ai ndai samyit hpe she n dai htum kaw chyawp di kau da da, htum kaw chyawp di kau da na she num jan gaw i aw ya grai naw ra shi nga ai grai naw naw nga nga ai, jit ji gaw grai na ai le ngu na shi gaw le wa yu na hku nga. Le wa yu yang she shi a ri wa mi shi na samyit wa mi hto htum kaw sa a chyaw da ya ai da. Nang i moi gaw ra i ya gaw nra i, moi gaw ra i ya gaw n ra i ngu na shi gaw hkan na hku nga, hkan re shaloi she shi gaw (arko) lu kun ngu i manang 2 hte hkrum ai da. Oh ra la wa gaw gat hprawng ai lu, hpa na dai ram lagat nga n dai ngu she oh ra manang 2 gaw, hka deng nye madu jan si mat ai re hka, ngai gaw nchye ai le deng, deng nang hpe masha ni ntsun dan ai i mi yet, tsun gaw tsun dan ai, retim ngai wa yu yang mare wa mi na raw re taw nga ai, nang hpe myi le le kau ya ai re nga ngu tsun ai da. Retim mung dai ni hpe mung n hkrit ai da yaw, i anhte gaw n lu hkye ai, nang hpe i grai hkrit ra ai dingre ni gaw ngu tsun na she. Kei la dai gaw kagat ai da lu, lagat lagat lagat, moi gaw ra i ya gaw nra i, moi gaw ra i, ya gaw nra i nga na shachyut ai da. Shachyut na dai nat wa shi madu jan ngu na dai wa madu jan ma nre kaja wa nga yang, (yaungsaung) ai le i, kaja wa sa rim sha kau ai da, dai la dai hpe rim sha kau ai da. . Language as given: Jinghpaw
Format:Digitised: no Media: Audio
Identifier:KK1-1095
Identifier (URI):http://catalog.paradisec.org.au/repository/KK1/1095
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1095/KK1-1095-A.wav
http://catalog.paradisec.org.au/repository/KK1/1095/KK1-1095-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1095
DateStamp:  2019-03-13
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Nang Mai (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1095
Up-to-date as of: Sat Aug 10 15:22:18 EDT 2019