OLAC Record
oai:paradisec.org.au:KK1-1060

Metadata
Title:Galang a lam (The eagle)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), Z. Brang Seng (speaker), 2017; Galang a lam (The eagle), X-WAV/MPEG, 2019-08-10. DOI: 10.4225/72/598b322018272
Contributor (compiler):Keita Kurabe
Contributor (depositor):Keita Kurabe
Contributor (speaker):Z. Brang Seng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-14
Date Created (W3CDTF):2017-02-14
Description:Ya ngai tsun na gaw shingkri ni hpa na galang hpe hkan shachyut ai lam tsun na re. Moi gaw shingkri hte galang gaw grai hkau hkat ai htingbu manang ni re ai da. Lani mi na aten hta shingkri ni gaw shat tam sa na matu galang ni hpe kasha sin da shangun ai da. Kasha sin da shangun ai hte dai shingkri ni gaw shat tam sa mat wa ai shaloi galang ni gaw kasha sin da ya ai da. Dai shaloi dai shingkri ni gaw nsin sin timmung shanhte na dai tsip de bai nwa ai majaw galang ni gaw shat grai kaw si wa ai majaw shi na kasha ni hpe sha kau ya ai da. Shakau ya na she dai shingkri ni gaw hpa na sha kau ya ai ngu san ai shaloi dai galang ni gaw nanhte hpa na lawan nwa ai, anhte mung i shat tam sha ra ai dai majaw grai kawsi na sha hkrup ai re law ngu dai hku mara raw ya rit ngu dai hku tsun ai hku nga, retim shingkri ni gaw dai hku grai gara hku ngu na i mara naw lu raw ya ai retim i shanhte ni gaw kasha re nga majaw shanhte ni grai pawt mayu ai majaw shanhte ni grai hkau timmung dai hku mara shagun hkat ai da. Lani mi na ten hta gaw i shingkri ni dai hku galang ni da dai hku shat rau tam sha pru ai shaloi shanhte ni gaw ga shaga hkat na hku nga. Dai galang ni gaw yahte ngai kasha sin da shangun ai shaloi dai hku kasha sha kau ya ai re. Dai hku tsun ai hku nga, dai galang ni mung ndai shingkri wa grai akyang n kaja ai, ngai hpe dai hku kasha sin da shangun na shanhte lawan n wa, ngai hpe shahte dai hku sha shat gaw ntam sha shangun dai hku sha sin da shangun ai majaw ngai sha kau ai she re ngu dai hku ningdang hkat ai da. Shanhte galaw hkat wa na hku nga dai she dai shingkri gaw galang ni hpe grai nju ai ding re hku tsun wa na dai galang ni mung shanhte grai nju sha dai re dai hku sha shaga hkat wa ai majaw shanhte lani hte lani grau na grau na sawng wa na manaw manang hku nnga ai sha, htingbu htingpyen hku nnga ai sha dai hku ga chyu ga-law hkat na hpang e gaw dai hku shingkri ni gaw galang ni gaw shingkri ni hpe hkrit na dai hku hprawng chyu hprawng wa ai madang du wa ai da. Dai lani hte lani dai hku hku hkau lam nlu ai sha, grau na grau majan dai hku byin wa ai dai she shingkri ni gaw ndai galang ni hpe anhte na dai nga ai shara ngu na langai pyi nnga hkra gawt shapraw kau yang grau kaja na re ngu, ndai ni gaw ndai hku sha dat da yang anhte na kasha ni grau na kasha shangai kaba la na matu grau na yak hkak wa na re ngu na dai hku tsun ai. Shingkri ni gaw dai hku hpa ngu na shanhte ni shingkri ni nga ai shara gaw shanhte ni zuphpawng hpawng ai dai hku na zuphpawng kaw shaga na she dai galang ni ndai ni hpa zuphpawng hpawng ai kun ngu na galang langai gaw na na hku nga, zuphpawng hpawng ai tsun ai na na shanhte ni gaw na shaloi she dai zup hpawng hpawng ai de sa lagu madat na hku nga, ndai shingkri ni gaw tsun ai, ndai galang ni gaw ndai an na shara kaw nga yang grau n htap htuk wa na re, grau ga-law hkat wa na majan byin wa na hkyen nga ai. Dai majaw anhte ni galang ni hpe gawt shapru ga ngu na dai hku zuphpawng hpawng ai galang langai na la, shanhte galang nga ai shara de bai wa ai shaloi shanhte ni gaw anhte ni ndai kaw na nmai sai. Shanhte ni gaw anhte ni ndai kaw na htawt yang kaja sai ngu na galang ni bai zup hpawng hpawng ai shaloi dai galang ni hprawng na ngu na zup hpawng hpawng ai ngut na shanhte ni hprawng hkyen ai shaloi shingkri ni gaw shanhte ni pru wa ai hte hkrak re na shanhte ni dai kaw na shachyut ai da. Shachyut ai galang ni hpe shachyut na dai shingkri ni gaw shani shana galang ni e shachyut ai wa she grai ba na wa yang kasha ni mung shat nlu sha na kasha ni grau na (myo tong) wa ai dai hku na shanhte ni galang ni hpe grau nju wa na ya dai ni ten du hkra i galang ni gaw shingkri ni hpe hkrit na hprawng hkawm ra ai madang de du mat wa ai da. Dai majaw tinang na amyu manang ni na kasha hpe dai htingbu htingpyen hpe nmai jahten, nmai saza ya ai ngu hpe ndai ram mi tsun mayu ai hku re. . Language as given: Jinghpaw
Format:Digitised: no Media: Audio
Identifier:KK1-1060
Identifier (URI):http://catalog.paradisec.org.au/repository/KK1/1060
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/1060/KK1-1060-A.wav
http://catalog.paradisec.org.au/repository/KK1/1060/KK1-1060-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-1060
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); Z. Brang Seng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-1060
Up-to-date as of: Sat Aug 10 15:22:12 EDT 2019