OLAC Record
oai:paradisec.org.au:KK1-0958

Metadata
Title:Wunpawng ga ni gara hku na byin wa ai lam (The origin of the Kachin languages)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Lu Lu Awng (speaker), 2017. Wunpawng ga ni gara hku na byin wa ai lam (The origin of the Kachin languages). X-WAV/MPEG. KK1-0958 at catalog.paradisec.org.au. https://dx.doi.org/10.4225/72/5989e7632c63e
Contributor (compiler):Keita Kurabe
Contributor (depositor):Keita Kurabe
Contributor (speaker):L. Lu Lu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Ya ngai tsun na maumwi maubyin labau a labau gaw ndai jinghpaw ni zi ni lawan ni lisu ni gara hku na byin wa ai lam hpe ngai hku na tsun mayu ai hku re, Moi shawng de da mare langai mi hta da lauban jahte langai mi nga ai da, Lauban jahte langai mi nga ai da, Lauban dai gaw da asak hkun matsat ni sha rai shi ai da, Hkun matsat ning sha rai shi tim da shi gaw gara hku byin ai i nga jang grai lusu ai majaw pyaw hpa lam de shi gaw grai ra sharawn ai re, Shi na nta kaw gaw shi na nta kaw gaw da manang grai law hkra nga ai manang grai law hkra nga ai dai manang ni mung gara hku di ai i nga jang ndai manang ni gaw da tinang nta kaw na la sa ai ngu n nga ai dai nta kaw sha ai lam sha nga ai dai hku re na she shi gaw manang ni hte pyaw pyaw pyaw tawn da tawn da nna shi gaw shi na gumhpraw ni htum mat na hpe shi n hkrit ai manang ni hte sha ndai hku nga na hpe sha shi ra ai, Ra nna i shi na manang ni hpe ndai hku sha shi ndai ndai hpe shi gaw shi na manang ni hpe tsun ai i lama na nanhte ni hku na ngai ndai hpaga ni sum mat jang nanhte ni ngai hpe naw lu hku hkau na i ngu shi hpe san ai shi san yang gara hku nga ai i nga yang she lu hku hkau law nang gaw anhte na matu kaja ai jinghku kaja re ngu shi hpe tsun ai, Dai shaloi shi grai pyaw ai da, Grai pyaw mat na shi gaw gara hku di ai i nga yang shi gaw ndai hku tsun ai dai hku nga yang ma rai sai nanhte na myit hpe ngai chye sai dai majaw i nanhte gaw ngai na matu manang re ngu shi gaw tsun ai, Dai shaloi shi gaw tim mung shi gaw gara hku bai byin ai i nga yang ndai lani mi hta gaw i ndai manang ni gaw shi hpe tsun ai i manang ni e anhte nga sa hkwi ga ngu tsun ai shi gaw n hkraw ai n hkraw na she shi gara hku di ai i nga yang shi gaw ndai lama langai hpe galaw da ai dai shana lamang langai galaw da ai, Lamang langai hpe galaw da na i shi na manang ni nga hkwi na wa jang shi hte ga shaga na lamang kaba hpe shi ndai hku galaw taw ai, Galaw taw re ai shaloi shi gaw shi na manang ni gaw wa sai, Shi na manang ni gaw wa nna nga ni grai law hkra lu ai nga ni grai law hkra lu tim mung dai shi na manang ni gaw dai shanhte hpe grai law hkra jaw sha ai ndai um grai jaw sha ai manang hpe shanhte ni dum tim mung n kam jaw sha ai shi hpe jaw kau jang anhte n law mat na ngu anhte dai hku myit ai myit ai majaw shanhte gaw lagu makoi sha ai, Lagu makoi shadu sha ai hpe ndai lauban jahte wa gaw chye tim mung shi gaw hpa n nga ai, Hpa n nga ai hpang de bai du sai du na shi dai manang ni yawng hpe ngai tsawra ai manaw manang nanhte hpe ngai shaga ai lam gaw ngai gaw nanhte hte ngai na matu hpang jahtum hkrum ai ndai lamang re nanhte hte ngai gaw laga mungdan de hpaga hpaga ga ra ai majaw ndai mare kaw na ndai buga kaw na ngai gaw wa sa na hkawm sa na, Dai majaw nanhte hpe ndai gaw hpang jahtum na i mu la ai lam re ngu shi dai hku tsun ai shaloi manang ni gaw tsun sai ha grai myit n pyaw sai nang n nga yang anhte kadai ni hte nga na myit hte hkrap nna i shi hpe hpyi nem ai, Hkum pru mat nga tim shi gaw ndai masha a myit hpe chye ai majaw shi gaw pru mat sai. Pru pru mat na shaloi shi bai san ai i ngai lama na maw hpyi rai mat jang nang nanhte ni ngai hpe naw tsawra na i ngu shi bai tsun ai shaloi she lu tsawra law nang mau hpyi rai tim nang hpe anhte lu tsawra ai nga na shi hpe shanhte ni bai ga sadi jaw ai, Ga sadi jaw ai shaloi shi gaw pyaw mat sai dai shaloi dai kaw na ndai lauban wa gaw laga mungdan de hpaga ga hkawm mat sai da, Hpaga ga hkawm mat jang shi gaw gara hku byin ai i nga yang ndai lauban jahte wa gaw laning mi lahkawng ning masum ning daram na ai shaloi shi gaw dai mare de bai wa ai, Mare de wa ai shaloi shi gaw kani re ai i kani re ai prat hte wa ai i nga jang maw hpyi hte wa ai, Shi gaw maw hpyi hte wa ai shi gaw grai kawsi ai majaw nta langai kaw shi shat wa lagu sha ai shat sa lagu sha ai hpe ndai mare kaw na mare up hkan du ni gaw mu nna she shi hpe rim ai, Rim na rim da ai shaloi shi hpe san ai shi hpe san jep ai shaloi shi gaw hpa baw san jep ai i nga jang, Nang gaw nang kadai rai nang hpe anhte n mu ga nga ai le ngu ngai gaw maw hpyi langai re ngu atsawm di tsun dang ai, Dai shaloi kaja wa shi hpe yu dat yang gaw palawng ni gaw je je palawng gaw je achyang amang re ai dang re masha rai taw nga ai kadai n kam shaga ya anhte pi maw hpyi re na palawng achyang amang re je je kat kat re tsawm ai palawng hpun da tim anhte maw hpyi ni hte anhte ni shi hte shaga na n gwi sai, N gwi ngu ai gaw shi hpe anhte ni shaga taw yang masha ni gaw mu jang ah nang maw hpyi hte ga shaga taw ai tinang hpe tinang na ndai hpe hkra kau na hkrit ai majaw n shaga ai, N shaga shanhte gaw grai tsau sai i a je je lam lam chyang chyang muk muk re dut dut re dang re masha hte shaga jang shanhte yawng gaw grai hpa ngu na i shi hpe gaw grai nan yu kaji ai, Yu kaji na i ha nang hpe gaw ndai nang gaw lagu ma lagu ai anhte mare de ma ndai up hkan du ni hpe nsan ai sha nang shang wa ai majaw nang hpe anhte ni gaw ndai de nang hpe gaw sat na sat na ari jaw na ngu tsun ai shaloi dai shi hpe i shi hpe dai hku tsun ai shaloi dai up hkan kaba gaw shi hpe tsun ai i. Shi hpe gaw sat na ari hkum jaw shi u shi gaw ya ndai kalang rai ai majaw anhte na ndai mare a ndai mare a jahkrat da ai lam ni hpe shi nchye ai majaw shi ndai hku byin ai she re, Dai majaw shi hpe pahkam hkam ya na masha nga jang gaw shi hpe bai shalawt kau dat na ngu dai hku tsun ai, Nang hpe pahkam hkam ya na matu masha nga ai i ngu tsun ai, Dai hku tsun ai shaloi shi gara hku byin ai i nga yang shi gaw nga ai moi i ndai ngai na manang ni grai law hkra nga ai dai manang ni gaw ngai ngai hpe pahkam hkam ya na ra ai ngu tsun dat ai shaloi i gai nang hpe pahkam hkam ya na masha ni na mying hpe ndai jahpan kaw ka dat u ngu tsun ai, Dai shaloi shi ka ai ka ka ka manang hkun sum shi grai law ai ka ya re na she shi ndai pahkam hkam ya na masha hpe i shanhte sa shaga ai sa shaga langai hpe tsun tim nchye ai nang masha shut taw nga ai i nang hpe ngai nchye ai lu nang gara kaw na maw hpyi ta ngai na manang kaw maw hpyi n nga ai ngu i shi hpe dai hku tsun ai chye tim mung shi hpe gaw n chye ai ngu dai hku sha tawn da kau ai. Mare langai bai mare langai bai sa tim yi ndai ngai gaw maw hpyi ni hte kalang mung n chye ai ngu bai tsun kau, Langai bai tsun yang mung maw hpyi ni hpe nchye ai, Langai hpe tsun yang mung mau hpyi ni hpe nchye ai maw hpyi ni hpe nchye ai hku sha re hpang ye shi gaw pawt sai i, Moi ngai nanhte hpe grai jaw sha da ai ya nanhte ngai hpe dai hku nga i pawt ai tim shanhte manang ni wa mat ai shaloi shi gaw ndai up hkan du ni hpe tsun ai, Ngai gaw maw hpyi n re ai masha myit hpe chye ai majaw maw hpyi hku nga taw ai maw hpyi hku nga taw ai sutdu wa she re ngai gaw moi gaw ngai sutdu wa she re ngu shi hpe dai hku tsun dang ai shaloi shi gaw shanhte ni ma kaya mat ai, Ha i nanhte gaw i ngai moi grai lusu teng hta gaw nanhte ni ngai hpe e sut du wa e ngai hpe dai hku ni tsun na ya maw hpyi hku nga mat jang gaw nanhte ni ngai hku n hku hkau ai, Nanhte ngai hpe ga sadi jaw da ai le maw hpyi rai tim gawde rai tim nanhte ngai naw lu hku hkau tsawra na nga nanhte na ga sadi gaw nanhte mahtang ndung ai ni she rai nga ai ngai gaw ga sadi ndung ai masha hpe ngai gaw nju ai dai majaw ndai nanhte hte anhte gaw a madi maka bung tim mung nanhte hte gaw amyu n mai bung sai dai ni dai na kaw na ngai lu ai ngai shapra dat ai ma ni hpe gaw ndai nanhte hte amyu n bung hkra ngai hku na laga hku shamying la na ngu shi dai hku tsun ai, Dai shaloi shi gaw laga ndai lamu madai num hpe la na she lanu madai num hpe la na she lamu madai num ngu ai gaw myu mung hpa nchye ai lamu madai nai dai kaw na num hpe la nna shi ma gam gaw azi ma naw gaw lawang ma la nga yang gaw lisu dai hku shangai ai shi na i myu gaw dai masha ni hta langai sha re rai tim mung dai masha ni hpe nju ndaw ai majaw shi hpe shi na kasha shi shaprut shapra dat ai ma ni hpe gaw azi ni lawan ni dai hku na dai hku tsun kau ai majaw ya dai ni du hkra rai tim mung azi ni lawan ni lisu ni i dai hku hpun nau ni garan ai re ai ngu na ndai kaw jahtum dat ai. . Language as given: Jinghpaw
Format:Digitised: no Media: Audio
Identifier:KK1-0958
Identifier (URI):http://catalog.paradisec.org.au/repository/KK1/0958
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0958/KK1-0958-A.wav
http://catalog.paradisec.org.au/repository/KK1/0958/KK1-0958-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0958
DateStamp:  2018-02-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Lu Lu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0958
Up-to-date as of: Sat Nov 14 14:24:59 EST 2020