OLAC Record
oai:paradisec.org.au:KK1-0952

Metadata
Title:Lapu hte masha hpa na n hkau hkat ai lam (Why snakes and men are on bad terms with each other)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Lu Lu Awng (speaker), 2017. Lapu hte masha hpa na n hkau hkat ai lam (Why snakes and men are on bad terms with each other). MPEG/X-WAV. KK1-0952 at catalog.paradisec.org.au. https://dx.doi.org/10.4225/72/5989e7491f238
Contributor (compiler):Keita Kurabe
Contributor (depositor):Keita Kurabe
Contributor (speaker):L. Lu Lu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Ya ngai tsun na lam gaw lapu hte masha hpa na hpa na nhkau hkat ai lam rai nga ai, Moi shawng da mare langai mi hta grai tawm htap nna sari sadan hte hpring zup ai num kasha langai mi nga ai da, Dai num kasha na mying gaw ah ja nga rai nga ai, Dai num kasha gaw da mare masha ma dinggai dingla yawng hpe mung grai garum ai num kasha rai nga ai, Dai kaw na la shabrang ni mung dai num kasha hpe grai ra ai rai tim mung da shi gaw da ngai la na la gaw ntsawm tim mung hpaji n chye tim mung e myit gaw kaja ra ai kani re masha hpe tim mung hku hku hkau hkau chye kanawn ra ai ngu dai dai hku myit da ai da, Lani mi na aten hta shi wa gaw da si mat ai da, Si mat ai shaloi shi nu hte shi sha nga sai da, Shi gaw grai myit n pyaw rai tim mung shi gaw da hpa nra ai nye wa n nga mat ai ngu ai gaw shi na asak hte asak re hpa n ra ai ngu hku na myit hpe myit hpe n kaji ai sha n-gun amyu myu hku na awai la ai da, Kanu hpe mung i ah nu e hpa n ra ai law ngu na dai hku na atsawm tsun ai da, Shi gaw da grai asak n kaba tim mung da Kanu hpe tam jaw ai da, Kanu mung da kawa si mat ai a majaw da machyi kaba hkrum taw nga ai da, Lani mi hta da kasha gaw da nta kaw shadu sha na n-gu ni n nga mat ai majaw shi gaw nam sa ai da, Nam sa ai shaloi da nam kaw da baren daw mi masha daw mi re ai dang re shadang sha langai hpe mu ai da, Dai shaloi da dai la dai mung ah ja nga num kasha hpe grai ra mat ai da, Grai ra mat ai majaw da shi na hpang de hkan u ngu tsun ai da, Nang hte ngai gaw n mai byin ai nang mi ngai hpe kade ra tim ngai mung nang hpe kade ra tim nang gaw lapu i baren daw mi masha daw mi re ai majaw nang hte n mai ai ngu na wa mat ai da, Shani shagu i bat shagu bat shagu hkan tim shi gaw da hpa ntsun ai sha wa mat mat re ai da, Dai shaloi da dai baren dawmi masha dawmi re ai shadang sha dai gaw da masha gale nna shi na mare de hkan sa gawn hkawm ai da, Ah Ja nga num kasha na lam chye ma ai i ngu yang dai shaloi dai mare masha ni gaw tsun ai da, Aw jinghpaw ahkau nang gaw dai ah ja hpe hpa baw seng a ta ah ja hpa baw mara galaw shut da ai ta lama na ah ja hku na mara galaw shut da yang anhte hku na hpyi nem ai ngu tsun ai da, Shi mau ai da ha ngai pi hpa n tsun shi yang shanhte ngai hpe daram ti hpyi nem taw ai ta ah hkau jinghku ni e hpa na nanhte ni gaw ah ja na ah ja maga de dai ram pi lawm taw ta ngu san dat ai shaloi da oh hkau jinghku nang gaw nchye shi ai she rai nga Ah Ja gaw matsan shayen re ai num re sari sadan hte hpring zup ai num re ngut na she Ah Ja gaw myit ma su ai ma re dai majaw shi gaw hpa mara mi shut shut anhte ni hku na galoi mung shi hpe makawp maga la na ngu anhte mare masha ni hku na dai hku myit daw dan da ai re ngu tsun ai da, Dai shaloi gaw da shi gaw myit pyaw mat ai hpa n rai sai law ngai gaw shi hpe mu mayu ai san mayu ai lam nga nna she re rai sai shi hku na ndai ram ting hkring zup taw ai num kasha re rai taw yang gaw ngai hku na shi hpe hpa tsun ra ai lam n nga sai wa sa na ngu jang aw ah hkau na mying naw tsun dan ya rit nga hku nga aw ngai gaw ndai hku ngai na mying gaw masha ni hpe tsun dang na ahkaw ahkan n nga ai lama na Ah Ja hpe dai hku hkum tsun yaw nang hpe la kasha langai mi ndai hku san ai ngu ma hkum tsun ya shi bai tsun da ai da, Dai shaloi mare masha ni ma mai sa ngu na ngu sai dai kaw na la dai gaw wa mat sai da, Lana mi hta ah ja gaw shi mung grai machyi wa na nam kaw na tsi sa tam ai shaloi da dai tsi gaw da mungkan ntsa hta dai langai sha tu ai tsi re da, E dai hpun kaw she da dai baren shadang gaw yup ai hpun rai taw nga ai da, Dai shaloi da dai baren shadang dai gaw shi hpe tsun ai da, Ah Ja e nang ngai kaw wa na nga jang ndai hpun n re ai sha ngai na asak pi nang hpe gwi jaw ai ndai hpun nang nre i ndai hpun hpe ngai kyan ya na ngai nang na nu na matu ngai tsi shadu ya na nang ngai kaw wa rit nang i hpa myit ma n kaji ra ai ngai gaw baren daw mi masha daw mi nga tim masha mai galai ai ngu shi hpe atik shanan tsun ai da, Dai shaloi shi ma e nye nu a asak a majaw nang hpe ngai i nang hpe ngai nye nu na majaw nang hpe ngai hpa ngu na i nang tsun ai hku ngai myit hkrum kau sai. E mai ai ngu tsun kau sai da, Dai majaw dai tsi dai hpun hpe daw nna tsi ni galaw ya sai da, Dai majaw shi nu ma mai mat sai rai tim mung da shi nu gaw da mai tim mung da e shi nu gaw da si mat sai da masum mali ya kaw si mat ai rai tim mung shan lahkawng gaw hkungran kau da majaw i shi nu nye nu ma n nga mat sai, Nye nu ma n nga mat sai nye nu ma n nga mat sai dai majaw nang hte hka ga ngu ma nmai tsun ai shanhte na dai shanhte na mare shanhte na prat kaw gaw da kalang mi hkungran ngut sai num hpe gaw da hpa a lam mi rai tim n mai hka ai da, Sha nsi mat jang gaw da hpa ma nmai galaw ai da, Lama na da madu wa mi n nga mat mat laga num la la na ngu gaw nmai ai da, Lama na nchye na num la la shut kau jang gaw da la dai hpe da sha kyin da na sat kau ai dai hku htung hkring nga ai da, Dai shaloi da i Ah Ja ngu ma shari shadan hte hpring zup ai re ai majaw hpa mi nga nga ngai shi hpe kalang mi hkungran ngut sai re ai majaw ngai gaw laga la ni hte n mai chyai hkawm sai ngu ai hku na shi na shari shadan hpe shi gaw i e moi pi reng reng nga ai wa la ndai hte rai yang n mai hkrat sum ai ngu na shi gaw i atsawm di shi na pan dung hte pan dung atsawm di i shi na myit hpe jahkrat da nna shi gaw dai hku sa ai da, Shaloi la dai gaw da ah ja hte lana mi yup sai da lana mi yup na shi na ndai baren hpyi gaw ja rai na hku nga ndai ja hpe jahkrat kau da na shi gaw wa mat mat re ai da, Dai hpe hta dut sha hta dut sha hpang shana bai yup jahkrat da hpang shana bai yup jahkrat da re gaw lauban mat sai da, Lauban mat i la dai ma dai hku sha shani shana dai hku sha rai taw nta makau kaw na shi hte ah ja hte grai hkau ai num kasha dai gaw da shi hpe tsun ai da, Nang manya taw nga ai i nang dai ram tim lauban taw nga sai nang dai ram tim lauban sai wa shi shana yup ai shaloi um dai nang na dai madu wa na baren atsawp hpe nang wan nat kau ya u le ngu tsun ai dai shaloi shi mung e mai ai i nye madu wa hte ngai nye madu wa hte ngai hpa ngu na i kaja hkra nye madu wa ma ngai hpe e n kabai da ai laga num ni hte n nga hkawm hkra laga baren shayi ni hte n nga hkawm hkra ngai ndai hku di ra sai ngu ai hku na shana yup taw ai shaloi shi madu wa na dai baren kawp hpe wan nat kau ya ai da, Dai shaloi da shanhte gaw da atsawm re na nga taw sai da, Rai tim mung da dai mare kaw nhkru nsawp ai shan nu wa ni nga ai da, Shan nu gaw da tsun ai da, Aw ah ja nang shani shana mi sha ndai ram tim lauban mat ai rai ngu tsun ai gaw ah ja gaw myit kaja rawng ai majaw hpa hpe mung n masu n magap da ai sha atsawm di yawng tsun dat ai da, Yawng tsun dat ai shaloi aw ndai hku i ngu tsun ai da, E e wa mat sai wa mat na shi kasha hpe bai tsun dang ai shi kasha hpe bai tsun dang ai shaloi shi kasha gaw tsun ai da, Ah nu dai hku nga yang anhte mung lauban hkra di ra sai anhte mung lauban hkra di ra sai dai majaw ah nu nang hte ngai nam sa ga nam sa nna baren langai hpe i baren shadang hpe mu jang anhte hte rau nga ga ngu tsun ai da, Mai ai dai hku nga yang ma nang na myit hku sha re ngu na shanhte gaw nam de sa sai, Nam de sa ai shaloi baren shadang n re ai sha labu kaba law ai langai nga taw ai da, Dai hpe shanhte gaw baren shadang shadu na shanhte gaw hpai wa na shi kasha hte gawt langai kaw rau shayup da ai da, Rau sha yup da re ai she i ma ya gara hku rai sa hpa mung n rai shi ai law ngu jahkring mi bai san ma ya gaw taw hpa ma n rai shi ai nga lapu dai gaw da shi na kasha na ndai lahting de lahting de hkra mayu wa sai da, Mayu wa ai shaloi ma ya gaw taw ngu yang ah nu ndai baren shadang n rai sam ai majaw ngai hpe mayu wa sai ha ma nang mung manya manya nga dai nang hpe shala ai she rai nga taw nga kaji mi bai lung re lahpu bai du re ah nu ya grau sawng wa sai lagaw kaw du wa sai nga yang nre ai dai nang hpe tsawra na shala ai she rai nga ai, Hpang ye n-chyan du yang ah nu ya gaw n chyan du sai ngai hpe sa hkye la rit nang n lauban mayu ai i lauban mayu yang gaw nang hpe shi tsawra ai she re ai gaw ah nu ya gaw matsin du sai matsin hku du sai e hpa n re hpa n re ngu na hpang ye lahpa n pu du sai nga kanu gaw nkam ai da, Hpang ye ngup du ai shaloi da Ah nu ya gaw ngai hpe mayu kau ai ngu tsun ai shaloi kanu gaw n kam na hpaw yu dat ai shaloi da dai lapu dai mung kan tik tik re na nga taw ai da, Shi na kasha mung n nga taw sai da, Dai shaloi da ngai shut sai masha a rai hpe ra marin ai ra marin ai majaw ya nye kasha mung nye kasha mung dai de asak e nye kasha mung dai lapu a majaw nye kasha na asak n hkrun sai, Rai tim mung i ndai lapu na kan kaw na nye kasha hpe lu shaw la yang gaw i nye kasha asak naw hkrung na kun ngu na lapu dai hpe adup ai da, Adup dup re lapu gaw grai kaba taw ai majaw shi hpe mahtang nhtang achyek wa ai da, Dai kaw na hprawng hprawng re na dai na dai dai dai dinggai dai gaw mare masha ni hpe hpa ni tsun dang nna dai kaw na mare hpe up hkang ai salang dai mung tsun ai da, Um anhte ya kawn na lapu hpe mung yang adup sat mung kaning re lapu rai tim mung adup sat mung ngu tsun ai da, Ngut na dai lapu kaba dai mung da shi na lapu kasha ni yawng hpe masha hpe mu jang gaw achyek mung ngu tsun ai Dai kaw na dai shani kaw na da lapu hte masha gaw e nhkaw ai re ai da, Ya ngai na prat hta rai tim mung anhte ni gaw lapu hpe mu jang ngai rai tim mung kadai rai tim mung lapu hpe mu jang gaw adup na sha re lapu ni mung anhte hpe mu jang gaw achyek na sha re ngu ndai kaw jahtum dat n ngai law. . Language as given: Jinghpaw
Format:Digitised: no Media: Audio
Identifier:KK1-0952
Identifier (URI):http://catalog.paradisec.org.au/repository/KK1/0952
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0952/KK1-0952-A.mp3
http://catalog.paradisec.org.au/repository/KK1/0952/KK1-0952-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0952
DateStamp:  2018-02-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Lu Lu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0952
Up-to-date as of: Thu Sep 3 17:39:30 EDT 2020