OLAC Record
oai:paradisec.org.au:KK1-0938

Metadata
Title:Baren shayi a lam (The dragon girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Lu Lu Awng (speaker), 2017; Baren shayi a lam (The dragon girl), X-WAV/MPEG, 2020-02-11. DOI: 10.4225/72/5989e70c33e88
Contributor (compiler):Keita Kurabe
Contributor (depositor):Keita Kurabe
Contributor (speaker):L. Lu Lu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Ya ngai tsun na ndai maumwi kaja ndai labau a mying gaw ndai baren shayi langai hte jinghpaw la langai a lam hpe tsun mayu ai hku re, Moi shawng de da hka pang lai kaba law ai makau hta da mare langai nga ai da dai mare hta gaw da grai tsawm grai tsawm ai hte shi na ndai um gawn shingyan gaw gawn shingyan i tsawm ai shayi sha langai mi nga ai da, Dai shayi sha kade ram tsawm ai ngu lam hpe gaw da laga mai gan mung de du hkra chyam bra hkra tsawm ai da, E ndai lamu kaw na lamu madai ngu ai gaw grai tsawm ai le i ndai lamu madai num hta nga yang dai tsawm shayi Ja Seng In pi grau tsawm ai da, Ndai ram tsawm ai num hpe gaw da e dai mare kaw na i zi la ma hkan la ma jinghpaw la ma shanhte masum gaw shi hpe sumtsaw ga sa tsun ai, Sumtsaw ga sa tsun re ai shaloi i, Ndai tsawm shayi Ja Seng In gaw tsun ai shi hpe dai zi la ma hkan la ma jinghpaw la hpe ma tsun ai nanhte i ngai hpe kaja wa tsawra myit hte tsawra ai rai yang e shi gaw ndai Ja Seng Ing gaw na n na ai myi n mu ai shi na kawa hpe bau taw ai re dai i. Ngai na myi n mu ai kawa hpe e shi si ai teng du hkra bau ya rit ngu na ga sadi hpyi da ai, Ga sadi hpyi da nna i nanhte ngai hpe tsawra ai teng yang ngai tsun ai hpe nanhte hkap la ya rit ngu tsun ai da, She hkap la law nang daram tsawm ai nang daram myit kaja ai nang dai ram gawn shingyan kaba ai num hpe anhte grai tsawra ai grai tsawra ai hte maren ndai ya ndai ngai na kawa anhte a ndai shi na Ja Seng Ing gaw dai hku ga sadi hpyi ai da, Ndai hpe gaw i ga sadi hpyi nna jaw dat sai da, Ga sadi jaw dat re ai shaloi i shi hpe ma tsun ai i mai ai nang hpyi da ai ga sadi hte mare anhte ni gaw hkan sa na ngu shi hpe dai hku tsun ai da, Masum mali ya ngai ai shaloi e anhte na katsa she re ai gaw mai ai ngu i dai hku tsun na i masum mali ya nga ai shaloi dai Ja Seng Ing gaw agajawng machyi si mat ai, Machyi si mat re shanhte gaw grai mau i hpa pi n byin ai wa dai hku machyi si mat shahte mung grai yawn ai grai yawn ai majaw kawa hte maren ndai la masum gaw zi la hkan la ndai jinghpaw la shanhte masum gaw um ndai ndai shanhte masum gaw ndai Ja Seng Ing a ndai si ai poi lamang hta hkan ya ai, Hkan ya na she um ndai ngut sai ndai lup ma lup ngut sai shanhte grai hkrap sai ngut ai shaloi ndai zi la hpe shawng katsa gaw tsun ai i katsa gaw ngai hkri ngai sha ni e nanhte la na nanhte tsawra myit kaba hte tsawra ai ndai Ja Seng Ing mung agajawng sha machyi si mat ai majaw nanhte ni mai wa sai ngu tsun ai i dai ndai zi la shawng shi tsun ai i e dai dai zi la shawng tusn ai i atsa i nang hku na anhte hpe i ahkaw hkan jaw ai hte maren anhte mung anhte na mungdan de wa sa na ngu dai hku shi hpe atsawm kumhpaw kumhpa ni jaw nna shi wa mat sai da, Wa mat sai ndai zi la hte hkan la lahkawng gaw dai hku tsun ai i nang ahkawhkan jaw ai hte maren anhte wa sai yaw nang hpe grai n ja ai rai tim mung n mai byin ai majaw na kasha ma n nga mat sai dai majaw e anhte ma anhte de wa sa na ngu shi dai hku ahkan bai hpyi nna dingla dai mung ahkan jaw dat sai na she wa mat sai da, Jinghpaw la dai gaw hpe gaw i ahkri asha nang hku na mai wa sai ngu ai shaloi i dai jinghpaw la mung tsun sai da, Atsa na kasha Ja Seng Ing n nga mat sai rai tim mung shi anhte hpe ga sadi hpyi da ai anhte shi hpe tsawra myit kaba hte tsawra ai teng jan nang hpe i anhte bau na matu ga sadi hpyi da ai anhte i shi hpe tsara myit kaba rau tsawra ai kaja wa teng jan nang hpe i bau na matu anhte hpe ga sadi hpyi da ai laga ni ga sadi n dung tim ngai gaw ga sadi dung mayu ai dai majaw nang sha ahkaw ahkan jaw yang n nga mat ai Ja Seng Ing hpe i ngai hku na hkungran la na i n nga mat ai rai tim nang hpa myit kaji na lam n nga ai ngai gaw tsawra myit ngai gaw ndai asak hkrung ai tsawm ai hpe sha tsawra ai n re i shi a gawn shingyan ngai gaw moi kaw na ndai hku lajang dat ya ai re majaw i si mat ai rai tim ngai gaw hkungran la na ngu ahkaw ahkan hpyi ai shaloi shi gaw grai mau mat ai dingla dai gaw ha nye kasha n nga mat sai gaw nang gaw hkungran la nna hpa baw di na nang hte gaw shi gara hku na nga ngu shi hpe san ai shaloi shi gaw dingla dai san ai ga hpe shi gaw atsawm di htai dat ya i n nga mat tim hpa n ra ai ngai hku na nga ai ngu hku myit sum ru la nna shi hpe ngai i ndai hku galoi mung tsun na i dai hku shi n nga mat tim mung ya ndai ndai shi gaw i shara ra na nye mu jang mung shi myit dik na ra ai ngu i ngai shi hpe tsawra ai lam gaw kaja re ai ngu hpe shi chye na ra ai ngu shi dai hku tsun ai shaloi i dingla dai mung jaw sha kau dat sai da, Jaw sha kau dat re ai shaloi gaw grai pyaw hkra nga ai da, Grai pyaw hkra nga nna dingla dai gaw hku hku hkau hkau nga re she shi gaw nga tam sha ai la wa re ai da, Nga tam sha la wa re lani mi hta shi gaw dai shanhte na mare kaw pang lai makau kaw re ai majaw pang lai de nga sa tam let sa mat ai da, Sa mat re ai shaloi kaning re ai i nga yang dai pang lai makau kaw hkashi kaw she num grai tsawm ai Ja Seng Ing hte kanoi bung bung re num malap taw ai hpe shi mu ai mu ti shi gaw moi nan shi Ja Seng Ing hpe nan tsawra ai majaw shi na myi ndai shi na sai gaw ga shaga ai i ga shaga Ja Seng Ing rai nga ai le ngu shi mung Ja Seng Ing hte bung ai majaw moi shi na myit mung moi Ja Seng Ing si mat ai kaw na shi na tsawra myit gaw asak n hkrung ai asak nhkrung na dai shi num kasha dai hte mu nna shi na tsawra myit gaw asak bai hkrung wa nna i dai asak hkrung wa ai ngu ga i asak hkrung wa na dai num dai hpe shi nta de shaga nna ndai tsi ni atsawm di lajang jaw nna num dai gaw mai mat ai, Mai mat ai shaloi shi hpe atsawm di san ai i, Nang ngai hpe gara kaw na mu ai rai hpa na ngai dai hku tsi ni tsi ai rai ngu shi hpe san ai le i, Shi gaw atsawm bai tsun dang ai le i moi ngai Ja Seng Ing nga num kasha hpe ngai ra wa ai ya gaw shi n nga mat sai i moi kaw na shi si mat ai i shi n nga tim ngai shi hpe hkungran la ai re tsun ai i nang gaw Ja Seng Ing hte grai bung ai dai hku tsun ai shan lahkawng gaw la dai mung i lama nga yang gaw num dai gaw baren shayi baren shayi re shi baren shayi re tsun yang la dai hkrit gajawng mat na shi hpe n tsawra ai mat ai hkrit ai majaw i aw re i ngu dai hku sha hkan yau ya hkan yau ya lani mi na aten hta shi gaw dai num hpe shi gaw dai hka de shaga mat wa shaga mat nna she i ngai gaw um nang hpe ngai hkungran la na hkungran la na hku i nai shawa na mang hta nang hpe n lu hkungran la tim ndai pang lai shawng hta ndai pang lai i ndai pang lai a shawng hta nang hpe i hkungran la nna ga sadi dung na n ngai ngu ga sadi dung nna i dai i baren shayi mung grai myit pyaw mat ai da, Grai myit pyaw mat na shi hpe hkungran la kau ai hkungran la kau na she shi gaw dai hku nga mat sai, Nga ai shaloi i dai baren shayi nga kau na nga re tim mung i sha woi shani pi masum mali ya nga hkwi tim mung nga kasha langai lahkawng sha lu wa ai dai la dai wa dai baren shayi hte la hkat mat ai shaloi lani mi hkring min mi tim kwi nga kaba ba re shani shagu lu taw ai da, Shi gaw mau i ha nang ngai hpe hkungran ai kaw na ndai lu lu lusu ai lam hta kaja wa sai grai chyeju kaba sai ngu tsun ai i num dai mung shi hpe tsun ai da chyeju kaba sai ngu i madu wa hte madu jan lam gaw hpa n nga ai law shi gaw yawng chye na ya ai grai chye na ya ngu dai hku nga ai da. Lani mi na aten hta gaw da ndai shi na ndai hka npu kaw na kawa gaw shi hpe yup mang jaw ai da, Ma nang gaw ma nang nan de i mungkan ga de asak hkrung yang gaw ndai anhte kalang pi n sha ga ai masha shan hpe sha na matu nang hpe masha langai hpe ndai hka de woi wa u she ngu yang ma nang gaw dai kaw mi dinghku de mat ai gaw i shaloi gaw nang gaw wa ra sai ngu shaga ai, Shaga re ai shaloi kasha gaw i nang n wa jang nang na madu wa hpe anhte hku na sat na ra na re ngu shi hpe tsun ai shi gaw grai hkrit mat sai hkrit nna shi gaw nang hpe ma n kam masu da sai law e nang hpe ngai kaja wa tsun na nang atsawm di madat u yaw ngu tsun ai da, Dai la dai wa gaw shi hpe she madat le nye madu jan tsun ai hpe gaw nang ngai hpe dai hku hkum asan ndai la gaw nang hpe ngai tsun na nang hte ngai na an lahkawng na dinghku laprang kaw e an lahkawng na dinghku laprang kaw nga ai lam ndai sumri i an lahkawng na tsawra myit ndai sumri hte seng ai ngu shi hpe tsun dat yang shi gaw mau na she mau mat ai shaloi she shi gaw tsun ai da, Tsun u le tsun u le ngu shi tsun sai ngai gaw ndai kaw asak hkrung nga tim mung kaja wa nanhte gaw i ndai kaw shinggyim hkum hkrang hte asak hkrung nga tim ngai gaw nanhte na zawn i shinggyim masha n re ai ngai gaw baren shayi she re ai ngu tsun ai i, Baren shayi she re ai ngu tsun ai shaloi shi gaw mau mat sai mau mat na shi gaw n kam sai n kam let shi hpe tsun ai i shi gaw shi na shawng kaw she baren kaba re tai dang nna i ngai gaw ndai hku baren shayi she re ngai dai ni n wa jang nye na baren kanu kawa ni hku na nang hpe sha na ra ai dai majaw ngai gaw hka npu de bai shang sa na ngu shi hpe dai hku ahkan hpyi ai shaloi shi gaw tsun ai i, Nang ngai hpe ndai hku salum machyi i myit machyi da shangun nna hpa na ngai hpe bai nang ngai kaw hpa na sa wa ai ngu shi san ai i san ai shaloi i ngai anhte anhte ndai baren prat ngu ai gaw nsha ga ai hpa n nga ai i amyu myu hpe ngai sha ga ai i dai majaw ngai ndai nang hpe anhte n shaga ai ndai shinggyim masha hpe sha na matu ndai kaw i ngai hku na nga taw ai i machyi masu taw ai hpe nang hkyen la ai nang hpe ngai tsawra myit hte tsawra mat ai majaw nang hpe ngai hpa n di ai ngu tsun ai nang hpe i shi gaw ma langai lu da ya ai ma kaw langai lu da ya ai shi ma i ma kaw dai ma um sat kau ai ndai shanhte na ndai prat gaw ndai baren hte masha lu da jang ma dai gaw jam jau ai ma mung n rai masha mung n rai jang ndai shi na ndai baren re ai hpe chye mat ai shaloi mare masha ni gaw i baren masha baren kasha dai hku tsun ai hkrit ai majaw ma ni hte shanhte na prat gaw ma ni hpe dai hku nhkri hte dai hku galun sat ai dai hku nre dai shi na dai ma ni hpe hka de tsin bang kau ra ai hka de tsin bang kau nna sha ning na na re ai shaloi ndai ma dai gaw a ndai ma nsi ai n re si nna shaning na na re ai shaloi ndai hka gaw i dip tsin bang ai hka kaw nampan tu wa na nampan dai yat mat ai shani dai kaw na dai shanhte dip tsin bang kau ai ma dai gaw i pru wa na she baren nga yang baren tai mat an masha nga yang masha rai mat na dai hku i dai hku hting hkring nga ai re ai majaw ma dai hpe gaw hka de bang kau ai, Bang kau na i shi mung hka de shang sa na hka de shang sa na ngu shang ai shaloi shang ai shaloi she i dai marawn dat ai i dai pang lai kaw i nanhte baren ni hku na i anhte masha ni dai ni dai na kaw na gaw hpa kanawn ai lam ma hpa n nga sai dai majaw anhte hpe jam jau ma hkum jaw nu dai hku ga sadi hpyi ai shaloi dai baren shayi kaw na i ga sadi jaw ai shanhte ga sadi jaw kau ai majaw da dai ni dai na du hkra rai tim mung da anhte shinggyim masha hpe gaw da baren ni gaw n kawa sha ai hpa n di ai dai hku i hkyem sa jaw da ai gaw moi na ndai Ja Seng Ing hte ndai jinghpaw la a majaw re ngu tsun mayu ai.. Language as given: Jinghpaw
Format:Digitised: no Media: Audio
Identifier:KK1-0938
Identifier (URI):http://catalog.paradisec.org.au/repository/KK1/0938
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0938/KK1-0938-A.wav
http://catalog.paradisec.org.au/repository/KK1/0938/KK1-0938-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0938
DateStamp:  2018-02-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Lu Lu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0938
Up-to-date as of: Tue Feb 11 15:36:33 EST 2020